川味港私房菜

Open Now

Now Closed

難得下星期有成個星期假，今日星期五最後一日反工梗係玩下，所以就約左阿妹行下年宵。不過放左工都六七點，所以就決定去下屋企附近既觀塘年宵市場。去到觀塘站就想揾間正正地嘅餐廳食下先，咁我就記得之前有個無辣不歡嘅四川菜愛好者朋友四圍叫朋友一齊去一間叫”川味港”，就想去試下係咪真係咁正行左去食。 間餐廳離火車站都好近下，五分鐘內行到華成工商中心，搭升降機到十三樓然後行上一層就係。睇佢嘅餐牌，除咗招牌嘅水煮魚等四川菜色，仲有好多唔同款嘅客飯包括唔辣嘅客飯。不過因為我地平時都有食下辣，對自己嘅食辣能力都有啲信心嘅，所以就叫左兩個四川辣野試試佢，我地就叫左麻辣珍肝同毛白旺。 四川菜嘅辣果然係非同小可，好辣！麻辣珍肝香氣撲鼻，豬肝嘅辣椒味十分入味同埋好鮮香，香料味十足，鹹味合適。加上我好鐘意食洋蔥，佢炒得唔會太熟岩岩好，配搭辣椒嘅味道超正，並襯托出整道菜嘅辣味。 毛白旺嘅麻味同辣度十足，其中濃烈嘅麻味全靠盆中粒粒花椒，辣椒入味，麻辣湯底油而不膩。鍋中有豬紅、豬肚、鯇魚肉同豆卜等寶物，份量充足，混和四川辣味十分滋味！雖然對我地黎講好辣，但係慢慢係鍋中尋寶食都係好歡樂美味。 此外，餐廳環境幾好，有三張大圓枱

前兩日心思思想食辣野，就自己搵咗一間口碑幾唔錯嘅川菜私房菜過下癮，認真幾好☺☺。呢間私房菜都幾隱蔽，係觀塘一棟工廠大廈入面，搭到最頂仲要行多一層樓梯至搵到，但唔緊要，好野付出少少時間搵都值得嘅😁😁。餐廳入面真係細，完全係私房菜嘅feel，得三張大檯，裝修就好普通嘅一間中菜館咁。由於我就自己一個人黎，就聽老闆介紹，點咗個套餐，有三個餸，一個沙律，都幾好啦。第一個餸係老乾媽爆炒豬潤，老乾媽可以話係全中國最受歡迎嘅送飯神器，用佢黎炒豬潤，幾咁正就唔洗多講，辣味不算話好勁，但勝在香氣十足，炒到啲豬潤好入味好野味，好正。第二個餸就係經典嘅陳麻婆豆腐，聽老闆介紹呢個餸又係川菜嘅代表，唔少餐館都專門開店整麻婆豆腐。呢度嘅麻婆豆腐特別個位係汁水比較杰同埋豆腐比較碎，咁樣嘅好處係味道更濃郁而且每一啖飯都可以同豆腐一起食，餸飯簡直係一流，熱辣辣嘅麻婆豆腐連埋飯一齊擺落口，麻辣鮮香嘅味道，食到我留曬大汗，但唔知點解越食就越辣，越辣就越開胃，越想食，一口氣食咗成兩碗半飯，過足癮。最後一道餸就清淡喇，係一碟蒜末炒菜花，岩好解下味濃嘅感覺，又爽又脆，味道都幾唔錯。對於無辣不歡嘅我黎講，呢間川菜私房菜出品都幾唔錯，

早幾日跟咗個朋友去食私房菜 一間食川菜為主既餐廳 位置都方便～話明私房菜 枱既數量當然唔會多 只有三張大枱 最岩一圍圍食飯 全部都好整齊D侍應會好細心禁介紹餐牌比我地 都係以套餐為主 不過餐廳話如果套餐某d嘢食唔太岩食 佢地可以安排其他既嘢食 甚至可以比一個價錢佢地 佢地再安排食物俾我地 都幾貼心講返嘢食先～呢碟係熗炒藕片 唔好睇佢咁少辣椒 但都幾辣不過好香 蓮藕夠爽脆 食到停唔到口好大件嘅珍肝 火喉岩岩好 茶樹菇都幾好味第一次食呢種四川擔擔麵 同我哋平時食嗰啲有啲唔同 呢款係有啲似撈麵嘅形式而唔係湯麵 面底唔太淋 好香最驚喜係呢個綠豆糖水 出面真係未見過 再加上清心丸食完辣嘢食返粒清心丸清下熱成餐飯都好滿足 首先啲嘢食都好驚喜 有啲外面好少有 員工會主動同你傾下計 問下d嘢食味道 呢啲就係私房菜嘅好處下次屋企一圍圍食飯都會再試下呢間餐廳 佢話免開瓶費貼切餅費 不錯！

無食過私房菜，但係一直好想試下，於是四圍問朋友邊度值得試！有朋友係觀塘做嘢，問我食唔食得辣，話識有間好得四川私房菜… 其實我就唔係好食得辣，但係男朋友好鍾意於是就係朋友強烈推介下決定去試下呢間私房菜！佢嘅地點okay方便，地點站一出幾分鐘就去到，搭升降機到十三樓之後要行樓梯上一層先到。佢嘅地方唔係好大，但係放到三張十幾人嘅圓枱，幾啱一大班人聚會食飯。但係佢無禁煙嘅，所以唔鍾意食飯食埋煙嘅朋友仔要諗諗食物方面，有好多特色菜，都係啲出面餐廳唔食會食到嘅嘢！我同男朋友食咗廚珠珍肝同毛白旺！廚珠珍光係由豬肝、青辣椒、紅辣椒同洋蔥炒成嘅！因為有好多辣椒籽所以好香，同時對食開十小辣嘅我嚟講算太常火辣。雖然我唔食得辣，但係我都講得佢辣得嚟好好味。毛白旺係麻辣煱，有鯇魚腩、豬腸同豬紅！ 鯇魚腩好新鮮，煮得啱啱好，啲肉好滑配埋佢嗰個辣味，味道好夾，好好味。

最近嘅我好鍾意食麻辣野，咁個朋友就介紹左我去觀塘一間私房菜度食，地址就係係成業街餐廳嘅位置喺14樓，但係電梯只可以去到13樓，開頭我哋以為去錯咗地方，不過一出電梯就見到個餐廳牌，側邊就有樓梯口，行一層就到見到呢個門口入去就係門口仲有隻貓咪🐱師傅話大部分嘅嘢食都要預先預留，原先諗住試隻八寶鴨，但餐廳話都要早兩日前預訂，功夫太多！毛家紅燒肉，五花腩整到好入味，唔係全部都係肥膏，我哋同餐廳講咗唔係太食得辣，所以師傅整左小辣比我地茶樹菇炒珍肝，呢道菜都係辣既，用左兩款唔同既辣椒我一開始唔知咩係珍肝，一問之下原來係雞肝黎食落又幾好味邊食辣嘢邊飲冰凍可樂甜品係綠豆沙清心丸，好適合降下火師傅臨走前仲介紹中午既餐牌比我地，價錢都好合理有機會一定再食

朋友最近極度推薦一間私房四川菜—川味港，係咁約我去試下，咁啱呢排天氣又幾凍想食番啲辣野，咁就不妨試下啦！餐廳位置係華成中心，係觀塘比較出名嘅美食集中地，位置唔難搵，不過壞因為升降機壞左要行一層樓梯～餐廳入面好似係朋友屋企食緊野咁，氣氛好家庭有親切feel，同出面工廈環境完全唔同。老闆睇落幾COOL，但比想像中NICE。佢一人包辦侍應同廚師，睇得出佢比足心機去經營。我選擇困難症再度發作，老闆見狀推薦左幾道菜俾我地，落完單就入廚房動工，即叫即煮。第一味菜係野山椒仙爪。白雲仙爪去左骨同腳趾唔使lur，適合進食想保持儀態嘅女仔。成道菜帶有酸酸味同濃烈辣味。雖然辣到有少少攻鼻，但配合仙爪同蘿蔔爽脆口感，一路辣住咁食，非常過癮！下一道係巴蜀羊腩煲。食落比睇起上黎辣啲啲，但係都係接受程度內。羊腩炆到軟軟地，但又唔會淋到鬆散，口感相當好。辣味蓋過左羊騷味，但羊腩本身嘅肉味仍然Keep到，配埋特製腐乳醬咸香味，好好食！煲入面仲有枝竹、冬菇同筍，滲透哂嘅辣湯加成下相當惹味。酸辣花菜都落左少量辣椒同泡椒，微酸調味加上花菜鮮甜，味道好夾好出，配合爽脆口感，清爽又刺激。最後係辣子雞軟骨，見到成個碟都係辣椒嚇左一

四川菜係香港越來越盛行，好多係中國既名店都係香港開分店今次就有別傳統唔去大型餐廳食四川菜反而去香港人本土開既四川私房菜，餐廳位置雖然係工廈入面但位置絕對唔難揾得到。入到去當晚都已經坐滿晒入，態度同招乎都好好首先會介紹一下環境同今日既菜單今次選擇左由餐廳幫我安排是日特色小菜。辣椒干菜花辣椒看似好辣但食落其實唔太辣只係少少麻所以唔好比個名同賣相呃到。辣子泥鯭平時辣子雞就聽得多原來泥鯭都可以用黎用四川菜既材料經過炸好後既泥鯭外層好鬆脆而且外層吸晒辣椒味香得黎又唔辣內裏既肉仲有魚汁。口水雞浸滿晒紅油既雞肉特別嫩滑啖啖肉無雪味辣油浸滿係雞肉之間感覺好幸福。炸蟹拑整作好認真蟹肉炸得好大外層新鮮即炸十分脆口而內裏既蟹肉又彈牙夾雜住香濃既蝦滑味食到最底竟然發現有條新鮮既蟹拑肉仲好滑一啖食落肚好滿足。

樓上廣東私房菜宜家好常見但講到四川菜既話就少之又少今次係就係觀塘一個工業大廈到揾到呢間四川私房菜內裏多大枱似招待一枱圍菜多但都有1-2張細枱.涼拌秋葵作為前菜份量好多用左少少芥末醬做調味帶少少攻鼻但又唔會太搶所以唔太食得辣既人都可以接受.干鍋花菜睇落用左好多辣椒炒但其實唔辣反而係香淨係食落有少少麻香花菜好甜.口水雞睇上去好多紅油以為一食就好辣但第一啖食落其實唔係太辣但慢慢越食越辣後勁強,但都係麻多過辣,雞用幾香滑.辣子泥鯭平時好少會食泥鯭估唔到經過炸既泥鯭既肉質雖然好實但都幾滑而且唔會有泥味外層炸得好香脆雖然都係有辣椒但都唔辣.炸蟹拑炸好有驚喜因爲佢食到最後真係用真蟹拑肉而且仲好大隻本身炸蟹肉已經好大新鮮即炸又好彈牙好有誠意.

年尾同朋友食個收爐飯，去左一間由大角咀搬過來既私房菜館，唔講唔知都真係幾難先搵到上去，因為出lift之後仲要行多一層上去，入面地方四四正正，好似酒樓咁，但係坐得闊落。坐低左未有野食就咬下鳳爪先，正呀d鳳爪去晒骨，同平時食開既泰式鳳爪完全唔同，泰式係酸辣，而佢係鹹香辣，就係返大陸食包裝泡椒鳳爪個隻味！咁當然呢味新鮮d，而個鳳爪又彈牙好多啦～巴蜀羊腩天氣一凍就係羊腩煲嘅天下，最羊之士無理由唔鐘意呢個煲，超級正！羊腩唔單止又諗又入味，d肉仲要一層層連住少少肥同少少脆骨，真係冇得頂！個湯底用有大量花椒，令羊腩食落去更富麻香辣，好過癮🤤黑松露魚子煎蛋原本係煎蛋配豆角，但師傅會跟時令轉下唔同蔬菜。而我地食既就係秋葵魚子煎蛋，估唔到咁大份！加上d魚子同秋葵都多到爆出來，呢個配搭第一次食，又幾好食，好有家常菜既味道。花菜炒珍肝最後來一道鑊氣小炒，雞雜有好幾款，炒到乾身但又唔會太老，雞心好爽口，如果可以多d雞心就好，因為比例上食到好多雞肝，一次過食就略嫌太寡.非常滿足既一餐，特別推介羊腩，真係好出色。溫馨提示：唔好walk in呀記得book位先有好西食～

我食私房菜嘅次數少之又少，通常食川菜都係雞煲或者直接嗌小菜咁，不過近排就係觀塘發現一間好有心嘅私房菜！係難得同朋友慶生先專登搵上去，估唔到又幾有驚喜～水晶餚肉冷盤小菜，成塊整到好似豬肉咁，裡面係豬肉同豬骨湯雪凍咗整出黎嘅～似食緊啫哩又似食緊骨膠原，成個分子料理咁，味道同賣相都勁新奇！巴蜀羊腩打邊爐個陣我都麻麻地食羊，但羊腩煲我又唔抗拒。呢度嘅羊腩煲可以話係水準之作！首先個湯好香純，雖然見到咁多辣椒，但其實啖湯係辣面不嗆，隔開啲油就飲得個種。主角羊腩本身就已經炆煮到非常軟腍，等句湯再滾起就食得，啲香料仲好入味，都蓋過羊本身的膻味，連我唔好羊都食咗好多～仲有啲配菜我都好鐘意食，荀同腐竹都吸晒啲精華，不過腐竹中間有時夾住啲花椒，咬爆咗個個口感好差，所以我要挑開晒check過先食😂黑松露魚子煎蛋角一上枱我就心諗：使唔使咁大份？切開再驚訝都未遲，未免太多料了吧！入面包住全部都係魚春，應該食咗一個月的份量。仲有好多秋葵。。。煎得好實凈，都唔會散開晒，如果嗌埋飯就正🤩飲品櫃，有啤酒！上去之前記得記得要book位，始終私房菜就係中式「廚師發辦」咁，注重食之餘都好注重同食客嘅交流。咁我地預先訂咗兩位，廚

凍凍地就想食返啲辣野，星期五放工跟朋友入觀塘食私房菜，當然係食辣喇～位於工業區唔算難搵，我地到步身兼兩職嘅老闆係廚房落力煮緊菜，上菜嘅時候見到我地便主動上前問我地想食咩，於是點了巴蜀羊腩煲、野山椒鳳仙、辣子雞軟骨同酸辣菜花。雖然得老闆一個，但上菜速度都可以㗎，先黎涼盤先，野山椒鳳仙，同我地食開嘅白雲鳳爪一樣爽口彈牙，野山椒係辣得黎好清爽，酸辣酸辣的，好開胃。巴蜀羊腩煲以為會好辣，但佢係辣得黎好香，羊腩好稔好入味，當中仲有好多配菜，有笋乾、枝竹同鮮冬菇，仲有老闆特調嘅腐乳醬，令到羊腩更加惹味。辣子雞軟骨黎到我地都嚇親，成碟都係辣椒🌶️，以為會辣到噴火，食落係好香辣味唔重，送啤酒一流。菜花辣炒真係冇得輸，菜花本身口感係爽口清甜，同辣椒泡椒一齊炒，酸酸辣辣的好好食。老闆雖然一個人好忙，一有時間都黎關心一下客人夠唔夠食味道得唔得，熱情十足，喜歡食辣嘅朋友不防試下。

朋友無辣不歡，平時成日陪佢食麻辣火鍋，今次佢又有新攪作，話要食餐辣到噴火的正宗川菜連蔡瀾都推薦，質素應該有返咁上下既～重慶雞煲，雞肉入味又嫩滑，醬汁調教得剛好，辣得過癮，唔錯！比起出面食到的雞煲一啲都唔輸蝕呢～酸菜毛血旺，酸菜湯底酸酸辣辣好醒胃、配上大量牛柏葉、豬紅等食材，味道好夾。唔好睇佢個樣平平無奇，但呢碟野山椒鳳爪堅辣！辣得黎又好刺激口水分泌，食得辣既人一定鍾意食！最後叫返一樣唔辣既炒菜中和下先

今日同朋友經過觀塘，知道依家有好多樓上隱蔽餐廳，加上天氣凍又想食下辣野暖暖個胃，就OpenRice 一下。點知發現喺成業街個華成工商中心有四川私房菜，一於上泥試下。不過要留意反係無life 直到14樓架，係要上到13樓之後行樓梯再上一層先會見到個入口，不過唔洗擔心，中間都有指示既。七點半去到，唔算太多人,好彩walk in 有位，不過最好都要打去book定。由於私房菜，所以最多都係得二至三張大枱。個老闆娘都好好服務，係咁招呼我地，仲會問我地食唔食到好辣，就反我地個味道。先有前菜，川味拼盤，食完好開胃，唔會好辣。之後有個花生發菜湯，好足料,加埋可以每人三碗添。之後就有第一道菜百花釀蝦拑，剛剛炸起，同個蝦坩好大舊！真係成個拳頭咁大，食落好香口，好味之後再有胡椒蝦，上碟已經聞到好重胡椒味，啲蝦好入味，正！由於我朋友唔食得辣，老闆娘就建議我地試酸菜魚。泥到真係好有分量，好多魚同芽菜，味道好夠酸，湯仲好好飲！絕對推介！ 最後仲有碟蟹肉扒豆苗，又係份量好多，兩個人食到手軟，絕對好夠飽。豆苗新鮮嫩口，配搭蟹肉一流！下次一定會再泥

想食好西當然要識捐窿捐罅搵好野食啦，今次就到左一間私房菜食辣野，而家天氣凍凍地，食番啲辛辣食物就可以令成個身都暖笠笠啦~地方好易搵，觀塘地鐵站 B3 出口行一陣就到今次有兩位鍾意食辣嘅朋友同我一齊黎，咁樣我地就可以盡情嘗辣，雖然呢到係私房菜，但都有好多選擇可以揀，我地唔知食咩好，老闆都介紹左幾款菜式比我地，點左四款川菜，有啲係我地係出面都好少食到，唔講唔知，原來呢到有好多報導介紹過，仲係蔡瀾推薦嘅香港最好餐廳之一。食私房菜真係好有家的感覺，雖然無好華麗嘅裝潢，但成個感覺好樸實。我地仲可以一路睇電視一路食飯。我地叫左一道涼菜【野山椒仙爪】，見到用好多辣椒同泡椒，睇到都想流口水，入口就爆發香辣味鳳爪切到細細件，好易入口，而且肉質好爽口彈牙，又有好香辛辣味，非常惹味開胃，做前菜一流。辣子雞軟骨，係一道皇牌下酒小菜，有焦香嘅酥脆感入口散發陣陣辣香，口感外酥內脆，令人食唔停口，而且份量一啲都唔少，真材實料。出面食羊腩鍋就食得多，呢個巴蜀羊腩鍋都係第一次食，用左好多辣椒、花椒等調味羊腩炆得好林好入味，肉質好嫩又唔會有好大陣羊羶味除左羊肉之外，入面仲有好多配料，竹筍、腐竹等，配料入哂味，而且上枱仲會

係香港想搵一間食正宗的川菜都幾難，一黎選擇少，二黎多數都唔夠正宗，今晚我地就黎到觀塘食一間正宗的四川私房菜～！餐廳位於工商大廈內大廚上過唔同的報章雜誌做訪問，品質應該有返咁上下保證前菜係酸辣鳳爪，原來佢用既係野山椒，食落特別辣！辣得黎又好刺激，令人食唔停口！呢碟名為「小金花」其實係蘇炸香菇，個菇炸得非常香口，食落一啲都唔油膩呢碟係干鍋肥腸，豬腸口感適中，不會過軟或過硬，配上大量配料一起炒，十分香口！好少食到的豬腦，其實一啲都唔肥膩，醬汁亦香濃令豬腦十分入味，值得一試～