幕多

Open Now

Now Closed

兩個人求其搵，又好耐無食拉麵，試一試！真係估佢唔到！蝦望落普通無特別！重諗，咬一啖吾得就算 ～ 點知，不但肉質彈牙，鮮甜，個蝦頭重要係非常入味，但個種鮮味又吾同個湯底喎，湯底濃郁鮮甜，真係超出預期！重有個隻糖心蛋就！由料、麵、湯全碗好味過好多嘜嘜過江龍多多聲，其實係咪穩世小店只係我哋兩個小去嗰區搵食？香港真係重有好多用心嘅美食，好感動！多謝仍然堅持制作美食嘅你哋！

⭕️短評：尖沙咀漆咸圍內街不起眼的位置，隱藏了這間小小的拉麵店，但仍持續有排隊的人龍，看來有一定的質素，一入店，濃郁蝦味已撲鼻而來。果然，蝦湯湯頭是吃過之中數一數二濃厚，加上蝦頭油，令蝦味很突出。蝦湯可媲美大坑拉X來，或附近的海三X麵，非常好。但，麵不夠掛湯，其他配料也普普通通，配不上這麼好的蝦湯。💵Budget: $150 pp📍 幕多 尖沙咀漆咸圍1-3號多福大廈地下A號舖=====================

一到12點,準時入座,一入店舖,被香濃既蝦湯味包圍住,好蝦者一定好幸福.order 咗一位蝦拉麵,聽到店住一碗碗blend,大約幾分鐘就到第一啖湯好濃,好香蝦膏味,重蝦既油脂味,海鮮咸香味,唔知係咪因為加咗啲蝦油.咸度對我嚟講適中.拉麵亦都好彈口.蝦有兩隻,蝦本身有調味,少少日式醬油辛辣調味,新鮮,彈牙肉質我基本清曬個湯底去.食完有六七成飽.總結來講,我自己就好滿足,好鍾意.一定會番來試其他口味！！

店舖款式不多，但做好一樣已經可以作為主打食物，令人回味無窮。見到店主嘅用心製作，每位客人都食得好滋味，連湯都飲埋😋蝦湯是純天然，沒有放味精。蝦湯裏都加了自家烹調過的特別醬油，能夠帶出蝦獨有鮮甜味。▪️醬油蝦濃湯麵($118)🍜湯底用大量鮮蝦殼熬製，食得出湯底熬左好耐🤩湯底會加入攪碎嘅蝦肉，再灑上櫻花蝦，所以好濃好creamy。上枱時仲會幫客人加蝦油提鮮！增加鹹香風味，鮮蝦湯底更加香濃😋重點係會剝埋蝦殼，等客人食得方便~蝦肉還很彈牙，味道鮮甜！▪️蝦(+$38)🦐醬油漬海鮮容易過度醃漬，變得有苦味。但呢到嘅海鮮醃得剛剛好。又帶有辣椒微微的辛辣味，味道很有層次！▪️聖子(是日精選)(+$38)店員介紹左聖子俾我，果然好新鮮十分彈牙。▪️溏心蛋(+$15)🥚蛋黃帶橙紅色，而且十分大隻，食上黎十分滿足。▪️波子汽水(+$20)🧊超耐冇玩過可以自己整粒波子落去嘅波子汽水！揀左桃味，而且包裝都好靚💖.✍🏻整體:中意食蝦同飲濃湯嘅一定要黎試！就算平日嘅晚餐時間都好多人黎食🤩係一間用心製作嘅拉麵店✨

星期日下晝兩點幾去食，都要排一陣隊。環境都算舒適，服務態度OK可能當日晏去到，已經冇晒其他選擇，只有佢最出名嘅蝦拉麵，不過本身就係衝着呢碗拉麵去，所以冇乜失望感覺我覺得係香港最好食嘅蝦拉麵😋價錢$13x 係有少少貴~但真係好好食湯底超級濃，有好多櫻花蝦而主菜蝦又非常大隻，而且剝咗殼😆😆上菜後，佢再幫我哋加咗蝦油，令湯底更濃郁如果唯一要挑剔，就係佢隻糖心蛋麻麻哋，有啲熟得滯🥹鍾意食蝦味拉麵嘅拉麵愛好者，絕對要去試!!

下午兩點飯市後，唔使排隊，一飲湯底已經知道係誠意之作，好好味濃郁豐厚蝦size夠大，口感彈牙，夠新鮮，仲要已經剝好殼蠔的size都唔小，而且是凍食，個汁好香可惜今日無鮑魚同海螺，試唔到，下次再試🤭之前見有人post話服務態度差，但我覺得無乜問題，我唔識開佢個門就有個女仔由𥚃面出嚟幫我開，好溫文咁問我想坐邊同比menus 我落order。疑似靚仔老闆收order，我見佢對其他客人都好好，仲會幫客人開門，又會同客人查詢好唔好食，我真心覺得服務態度ok喎！支持小店經營，老闆加油💪

醬油溏心蛋醬油漬馬刀貝溏心蛋非常好食，熟度近乎完美。醬油亦香，必食。馬刀貝的醬油加咗少少辣，亦很鮮甜，值得一試。當天只有蝦湯，我點了拉麵湯底：其實大家都大讚，異常濃郁，似醬多過湯，係好好味嘅，再配上蝦油，更加香。蝦：同馬刀貝嘅醬油相似，帶少辣，蝦爽，蝦頭亦很甜。麵：～拉麵，入口有少少碱水味，欠佳，口感唔夠爽。～刀削麵，入口極順滑，雖然偏淋，但掛湯亦和湯頭勁夾，強烈推薦！！願意等枱時間大約十五分鐘，當晚七點左右等位，七點二十分入坐，七點半就有得食。很好食嘅餐廳，但高枱唔太好坐。

好食還好食 一路食上面部冷氣冇停過滴水諗住快快脆食完就走 點知越滴越勁 成餐飯就俾佢係咁滴到彈哂落膊頭 小腿 買單提一提佢啦部冷氣滴水成餐飯都係到滴 坐嗰個位實俾到彈到 佢竟然話 哦嗰部冷氣有時係咁架啦🤯所以第一入坐唔洗提一提客人 第二又唔打算會整返 第三一句唔好意思都冇之後仲要 淨係收現金唔係問題 買單找錢 竟然同我講冇哂一蚊同兩蚊俾咗5個兩毫子我😂無野呀話 我買單同佢講冇哂一蚊佢係咪會收5個兩毫子先? 講返野食 除咗個湯底熬得唔錯啲蝦夠大隻 我覺得以依個價錢嚟講麵嘅份量好細 同埋上菜個陣個湯完全唔夠熱 第一啖已經覺得個湯涼咗 咁基本上嚟新鮮熱辣出煙都做唔到 經過唔洗排隊我都未必會想食多次😬

現在很少會願意排很久去吃東西～但是這家我願意排一小時去吃🍜這家店面小小的 位置不多～本來想點一碗蝦湯拉麵🍜一碗蠔湯拉麵🍜但最後只剩下蝦湯🦐蝦湯湯頭真的超濃!!!吃的出來熬了很久😋還加了點蝦油提鮮 更好吃😋而且裡面的蝦是剝好的😆很貼心😆而且蝦也很濃醬油味 好好吃😋一開始糾結很久點刀削麵還是拉麵😆但店員建議第一次點拉麵會比較好就點了拉麵～下次好想也試試看刀削麵😆

無端端係社交媒體網站碌到呢間鋪，個樣好吸引，晏晝走去試試佢。入到去位唔多，但好彩唔洗等。呢度主要係得三款麵：醬油蝦濃湯麵，蠔麵，醬油鮑魚麵今次揀左蝦拉麵，大約五分鐘左右就上枱啦碗麵送上枱之後再落蝦油，一見個樣就好吸引，先飲一啖湯，好濃郁好鮮甜，加上蒜蓉同櫻花蝦的香味，口感似忌廉薯仔湯咁濃稠，拉麵質感唔太硬，個人覺得幾好，如果要求拉麵好彈牙嘅人就可能唔滿意。兩隻大蝦都好鮮味好爽口。整體黎講非常高質，不容錯過。鋪面簡單又醒目。下次試埋其他。

高質有誠意拉麵去左尖咀好煩惱要食咩，老婆話上網搵到呢間，初頭睇google map以為執左，原來開左係對面，而家叫幕多！好好彩，無走漏眼，入到去得返蝦面食，咁就好啦，一個要拉麵，一個要刀削麵，上到台，好濃好香蝦味，林尾佢仲會係你面前加埋蝦油。其實佢地好有誠意，因為第一個湯係好濃味，第二佢俾緊3隻紅蝦，紅蝦其實係好貴，仲要自己整埋蝦油提鮮，收$118其實性價比算係高其中一碗加左流心蛋，入面仲係金色的蛋，出色唯一無碟擺骨，有點兒怪怪的但野食係好味

一間舖頭好細，但誠意十足既店舖。老闆原本係做時裝嘅銷售員，搖身一變成為呢間舖頭嘅老闆，原因係對食既執著🫶🏻主打有醬油蝦濃湯拉麵，每碗拉麵都有以醬油汁漬過嘅海蝦，有淡淡酒香味。最欣賞係仲要剝埋蝦殼俾你㖭，再用大量蝦殼熬製嘅湯頭，仲加入攪碎嘅蝦肉，啖啖鮮香味濃縮喺一碗湯度，再灑上櫻花蝦，增加鹹香風味。第一次食嘅時候已經係幾個月前， 而家已經搬咗去新舖位，仲改咗名！ 由"植幕宵"改名為"幕多"依家menu 再多咗選擇！ 有機會一定會再試下！

漆咸圍小巷裏的一間拉麵店在街頭已經聞到濃烈蝦香味前身為植幕宵開業半年多已經人氣滿滿 經常大排長龍·招牌醬油蝦濃湯麵的湯底十分濃稠店主每天都花數小時用鮮蝦熬製湯底細心品嘗還吃到有點蝦蓉混在湯底中配上店家自家炒的蝦油、櫻花蝦和蔥花瞬間令湯底的味道和香味昇華·麵底方面有拉麵和刀削麵選擇個人覺得拉麵的掛湯效果比較好·除了湯底有驚喜外醬油蝦的味道也不錯~微微的辣味帶岀蝦的鮮甜兩隻九節大蝦肉質爽口彈牙值得留意的是蝦已經預先剝好 非常細心♡

呢間前店係新店嘅斜對面，每日平日限定300碗👀，之前未搬對面新店就成日排長龍☺，；今午難得見暑假嘅中午未多人所以就行入去試下先😋。位置入面比之前寛敞環境舒適了，坐位上亦多咗，店員🙂有禮貌地介紹今日有咩湯底麵同推介嘅加單小食，我就點了用好多蝦頭煮出的濃郁蝦湯底拉麵🍲🥢（香鮮味十足）好味！另加配自家涼拌蠔🦪一客同波子汽水（呢個真係好耐冇飲了）。夏日炎炎特別透涼。湯底看得到店廚花了好多心機去研煮咁濃郁嘅湯底，同之前一樣連麵😋都一拼食晒了。所以推介支持下小店👍👍👍👍

第一次寫comment，1999請多多包涵🙏🏻本身諗住行去嘉寶食個tea，經過醒起有間蝦湯拉麵就試一試。拉麵湯底款式唔多，主打蝦湯/蠔湯/鮑魚湯。咁我就同朋友叫左兩碗蝦湯，冇特別加料，上菜擺盤正正常常，湯底一試有驚喜，濃濃蝦味，但濃得黎keep到清清甜甜，完全唔係個種死鹹/蝦醬味。兩隻配菜蝦有事先幫你剝殼，幾貼心，食落亦新鮮彈牙。麵黎講都幾特別同出色，麵質比較曲同硬身，吊湯效果好好，每啖麵都食到湯嘅清甜味店主都好好人，有機會會再試。