村爺爺車仔麵 (Moved) New Location

最近掛住食好野 好耐無食過車仔麵 聽講話有間村爺爺既車仔麵係用龍蝦湯 即刻捉埋小胖女去試下 去到發現原來唔止係龍蝦湯底 仲係有貨真價實既真龍蝦食!! 真係意想唔到,邊有咁大隻龍蝦周街跳阿睇餐牌呢個龍蝦餐價錢都唔貴 88蚊有龍蝦你食, 仲有得揀多三樣餸 真係去邊度搵於是就叫左一個龍蝦撈麵同湯麵套餐試下最先黎既係龍蝦湯檬粉 龍蝦湯同個檬粉真係好配合 龍蝦湯無腥味之餘仲好鮮甜 跟黎既豚肉蘆筍都賣相一流 有大餐廳既水準之後到龍蝦撈麵上場 龍蝦濃湯同餸係分開上既 半隻龍蝦好巨型 成隻碟咁大 肉質比小弟預期既要好 係極之爽口，龍蝦下既伊麵落左袐制汁 味道濃郁 但可惜想試既特級花菇中午已經賣晒 只可以揀其他餸 唯有下次再戰啦 加幾蚊仲有響鈴呀,菜呀果d食 一次過滿足晒幾個願望

大大碗，又好味。今日來到油麻地，一支公去找食。食個車車麵，方便又快捷。下午時份，人唔算多，坐得舒服。我叫左四餸麵。個伊麵底好好味，伊麵好煙剝，配上龍蝦湯一口一啖湯一啖伊麵。四個餸各有特色，小雞翼配上鹵水汁可口美昧。墨魚丸爽口彈牙，有鮮墨魚昧魚蛋細細粒易入口，又彈牙牛胁條，蚊到好淋好入昧。

「高檔」二字似乎從不與車仔麵扯上關係。從來車仔麵都只用價格較低廉的食材，簡單又大眾化。村爺爺車仔麵的店舖外觀跟一般的無異，走進內裡，卻感覺到有點點都差別。原木的桌子跟原木板凳，風格跟日式的麵店有點點相通。牆上貼著一幀幀年輕老闆跟藝人們的合照和雜誌訪問，小店的人氣比想像中還要高。村爺爺提供的車仔麵湯底和配料走高檔路線，「牛肋條」、「黑毛豬蘆筍卷」、「龍蝦」、「和牛油鹵水」，這些食物在大眾的腦海中難以跟車仔麵此平民食物連得上。這些食物的配搭偏偏給村爺爺改造了，成就出高檔車仔麵。跟朋友各點了一款車仔麵。一款是$68 的龍蝦湯伊麵，配黑毛豬蘆筍卷和三款自選配料。另一款是$88 的和牛油鹵水撈麵，配半隻龍蝦和三款自選配料。龍蝦湯車仔麵配料: 黑毛豬蘆筍卷、牛肚、白蘿蔔、墨魚丸龍蝦湯很鮮甜，湯頭滿滿是龍蝦的香味，同時亦充滿豬骨湯的甜。爽滑的伊麵吸滿香濃的龍蝦湯，美味一百分!用切成薄片的黑毛豬卷著新鮮翠綠的蘆筍卷，配上日式的胡麻汁，實在難以令人想到在平民的食肆都能提供此等美味又精緻的高檔美食。三款配料看似平凡，但卻又在平凡中顯得不平凡。鮮味彈牙的墨魚丸、鮮甜無根無渣的白蘿蔔、軟稔入味的鹵水牛肚，相信

午餐就喺附近食車仔麵，這間車仔麵餐廳幾有趣，豬骨湯底是基本，又有龍蝦湯底選擇。價錢適中合理，一個餐大致上是＄40至＄60內。而且麵類款式都比較多， 連手打烏冬、檬粉都有。不喜歡自己選擇的我，還是喜歡一早已經編排好的套餐，選擇了C5，有腐皮墨魚手指、秘製滷水雞翼、魚蛋、蘿蔔、豬紅$58 選擇了檬粉腐皮墨魚手指幾得意的，出面是腐皮但是裏面是墨魚，整體比較乾身不過味道有咸香。滷水雞翼其實滷水味不重，比較清淡。反而魚蛋真的朋友咖喱味，非常香而且又夠彈牙。蘿蔔都係夠哂入味，而且炆得好稔，好好味。豬紅外皮好滑而且好彈牙，咸香適中令人驚喜！龍蝦湯底味道清清地，而又不失龍蝦湯味，檬粉雖然比較爽口不過都可以吸取龍蝦湯嘅鮮味，好甜。原來龍蝦湯底加＄3就可以選擇呢個特色飲品COMPAL，第一次見車仔麵餐廳可以有咁多飲品選擇，來到的時候不妨望一望雪櫃選擇飲品！

今日去咗油麻地食lunch，聽講呢間村爺爺車仔麵好出名，今次終於有機會試吓啦 村爺爺原來有兩間分店，轉個彎就到另一間分店喇，一間係主力賣車仔麵，另一間係燉飯，而兩間都係主打龍蝦湯底。村爺爺車仔麵舖面比較細，裝修好簡約，入到去見到好多張相同報章，全部都係啲明星食完同老闆影相，好似好出名咁呀。再加上鋪頭用左落地玻璃做門口，成間鋪頭都好光猛，好有食慾啊！要喺鋪頭出邊揀咗面同餸，跟住再入鋪頭俾錢，然後就可以坐低食啦！今日想食豪啲，一場嚟到梗係要試吓佢最出名嘅龍蝦湯底，叫咗個鋪頭「殿級」嘅黎試！叫咗「特濃龍蝦湯撈麵」套餐$88，入邊有半隻波士頓龍蝦，加自選三個配料，配和風油滷水汁伊麵。等左5分鐘到就有得食喇。雖然話就話係撈麵，不過佢都會被一碗龍蝦湯黎架，個龍蝦湯底果然好正呀，呢間店強調係無味精，飲落真係有好濃郁好鮮甜！個湯雖然好濃郁，捱咗好耐，但係竟然一啲都唔油膩。可以將龍蝦湯，連埋撈麵到食就會冇咁dry，都可以做到車仔麵嘅效果架。個撈麵咬落質感幾煙好煙韌，係用和牛滷水汁做醬料，好濃郁，加埋少少沙嗲醬，辣辣地幾開胃。果三個配料我分別揀咗，蠔油冬菇腐皮墨魚手指、蘿蔔。蠔油冬菇好林好入味，腐皮墨魚手

咩野咁浮誇?!講緊係油麻地村爺爺既車仔麵車仔麵大家都成日食 但有龍蝦做餸既車仔麵就真係第一次食話說之前食過龍蝦手卷後念念不忘 愛上左龍蝦 但如果專登走去酒樓叫碟龍蝦伊麵又貴又大碟 於是乎就上網search下邊度有得輕食龍蝦 結果就畀我搵到村爺爺店仔唔算好大 牆上貼滿好多應該係老闆同一d名人既合照專程黎食龍蝦 當然同小胖男友一人叫左一個特濃龍蝦湯麵同撈麵試下先黎既係特濃龍蝦湯麵 我地揀左配檬粉 同湯底非常夾龍蝦湯真係好香濃 但一d腥味都無 仲帶點海鮮既甜味自選餸入面 墨魚手指同牛肋骨條都好好味跟餐既黑毛豬蘆筍卷加左胡麻醬亦都好惹味 另外加6蚊仲可以配埋時菜/響鈴 幾抵食至於撈麵 就包左半隻龍蝦 上枱果下真係唔敢相信自己係食緊車仔麵龍蝦半隻已經好大隻好多肉肉質彈牙 完全滿足左我對龍蝦既思念餐廳標榜湯底無味精同用靚料製作飲埋支豆漿就滿意地繼續去行街

睇過雜誌一早bookmark左呢間，今日經過佐敦覓食時，即刻諗起呢間餐廳，岩岩好仲有兩個位比我地坐～地方唔大，大約可容納16人左右。店內有貼上正確村爺爺車仔麵食法～店內外仲貼左好多老闆都報導&同藝員既合照，人緣唔錯甘～朋友點左Set B《特濃龍蝦湯撈麵 $88》，呢款會有半隻龍蝦同自選3款配料，朋友要左蠔油燉冬菇、魷魚手指&蘿蔔～餸料好入味，魷魚手指好彈牙，食到有魷魚粒～龍蝦有半隻，肉厚而肉質幾鮮甜；撈麵都係賣點之一，係用和牛油鹵水撈成，麵質爽口彈牙，絕對唔係一般既行貨蠔油撈都！一碟麵有齊龍蝦同牛和味，味道好豐富！我自己就點左Set 1《特濃龍蝦湯湯麵 $68》，麵底我選左檬粉，而自選3款配料我點左豬皮、牛百葉、牛丸，跟餐仲有黑毛豬百蘆筍卷。每樣都好入味而唔會過咸；黑毛豬唔肥薄薄甘包住蘆筍，唔韌之餘再沾上麻醬，十分惹味～我餸係可以散叫架原來！

晚餐趕時間，又想食輕盈點，經過見到有車仔面就入去試下，坐底後，要了一個特濃龍蝦湯底，餸要了：腐皮墨魚手指，炸雞翼，魚蛋，羅白，豬紅。面就要了伊面底，面比較硬身，可以淋身少少。另外魚旦同羅白都好入味，炸雞翼好香脆，整體都不錯，快餐既好選擇。

跟朋友來到油麻地，唔知食咩好，咁岩見到轉角有一間叫村爺爺既店鋪，個名好大個，所以令我留意到。入到去，地方雖然不大，係木色既裝修。叫左個C3既套餐，要左跟米粉。 龍蝦湯底，不錯，啖啖龍蝦味，咸咸香香，帶點濃郁，米粉正常。 見到有新嘢飲，姐姐又推介，呢個熱情果汽水，就試下啦，仲意熱情果味既朋友應該不錯，不會太甜。 呢度特別之處就係，送同米是分開的，有魚蛋，蘿蔔，豬血，腐皮墨魚，轉左炸雞翼。 魚蛋好似出面既串串魚蛋一樣，辣辣魚蛋帶點彈牙， 蘿蔔好入味，多汁，腐皮幾特別，夠彈牙，轉了炸雞翼都不錯，外脆內嫩，好香口，不錯。

我覺得車仔麵在香港幾有代表性，對我來說每次可選不同配料，經濟抵食。今次到朋友屋企附近的村爺爺食車仔麵。先來熱情果味汽水，味道清甜不會假，第一次好有驚喜，不過出面好少見到。特濃龍蝦湯 湯麵 $68自選3個配料，魚蛋、豬皮、冬菇伊麵質感滑身，而湯底有清甜的龍味，至於這裡的豬皮及冬菇都幾出名，豬皮爽口沒有半條先，而冬菇是日本花菇，肉厚入味。魚蛋腍身入味。黑毛豬蘆筍卷鬆化的黑毛豬包著脆嫩的蘆筍，用上日式芝麻醬汁，相當開胃。朋友常常光顧村爺爺，所以普通的車仔麵已經未能滿足，就點了龍蝦撈麵 $88，好。豪。呀。而配料是蘿蔔、腐皮墨魚手指、雞翼。前2款也是出名，我覺得蘿蔔煮得入味夠腍，沒有根。而腐皮墨魚手指炸得香脆，又彈牙。原來撈麵汁是十分辣，而餐牌沒有寫明，加少少會是惹味，但後來要加龍蝦湯中和辣味。而波士頓龍蝦半隻肉質也彈牙。第一次豪食龍蝦車仔麵，只是加多幾十元就食到龍蝦，價錢幾大眾化，不過我覺得撈麵汁可以少辣。

霸氣龍蝦車仔麵香港貴為美食天堂， 食物種類應有盡有。連食個車仔麵種類都繁多，今日就帶大家嚟到村爺爺車仔麵，食返個大氣龍蝦車仔麵。車仔麵麵底用上伊面，咬落彈牙上等貨。伊面撈上村爺爺秘製咖喱汁，入口好鬼嘢味。主菜波士頓龍蝦，龍蝦先甜口感彈牙，差啲想來多隻啊。秘製滷水雞翼兩隻，滷得好入味，一大交落去嘅雞翼肉依然有老滷汁味，食落好醒胃。

星期日的晚上，落起雨來。遠處看見有間車仔麵店，便來個即興的簡單晚餐！原本想點一份龍蝦湯車仔麵，不過黑毛豬露筍卷售罄，興趣大減！所以轉叫豬骨湯車仔麵，3餸1麵$28在油尖旺區而言實屬經濟～冬菇、蘿蔔、紅腸油麵 - 油麵麵質不算彈牙，像意粉般～蘿蔔沒有味很淡～冬菇質感雖厚不過食落很鹹～紅腸薄薄一片，又是被鹹味掩蓋了味道！

一個人走在油麻地的街道上，向著回家的小巴總站進發，怎料突然傾盆大雨…實在是有夠倒楣及狼狽。隨便在附近找個簷篷暫避，看雨勢完全沒有要減弱的意思，想想反正快到晚飯時間，不如找間店先吃飯吧。抬頭望見面前這間「村爺爺車仔麵」，想起以前從雜誌上看過它開業的報導，龍蝦湯底立即引起我的興趣；不過當時網上食評分享很少，打算先觀望一下。既然有緣站在它前面避雨，不如就進去試試吧。進去裡面坐下之前，要先去門口外的食物櫃檯下單。先點想要的麵條與湯底，再選幾款配菜。選擇跟一般車仔麵檔沒大分別，但麵條有瀨粉、蕃薯粉，和我愛吃的銀針粉，還是有點驚喜。豬骨湯底連同麵條與 3 款配料，盛惠港幣 $34，在旺角區還要接近鬧市中心來說，價錢已不算貴。如果選龍蝦湯底就要加點錢，連同麵條及 3 款配料要港幣 $48，不過就贈送汽水，感覺仍算合理。進去後看著場面有趣，除了一檯三位客人以外，其餘全部包括我都是孤零零一個人來低頭吃個快飯的。龍蝦湯銀針粉先送上來，飄來陣陣龍蝦殼香氣，海鮮味道濃郁而不死鹹，銀針粉更是滑溜溜又彈牙很不錯。不過配菜送上來時卻很失望，份量太少了吧？牛肋條（怎看都是牛腩）和辣豆腐卜還要每款另加 $3 很不值。以

係油麻地行嚟行去搵嘢食，見到呢間村爺爺，諗住食車仔麵做晚餐平平地。一行入嚟呀姐話係門口叫咗麵先，ok！門口有個窗口仔可以叫麵同揀餸。窗口嘅另一位呀姐就問我要咩麵，我話要薯粉。跟住佢就問我要豬骨湯定龍蝦湯，聽到龍蝦湯咁特別我就話要龍蝦湯啦⋯⋯跟住佢就話，龍蝦湯底$48可以揀3餸，我呆一呆但係心諗都煮緊麵，是但啦⋯⋯餸我揀咗娃娃菜（又加3蚊）、牛肋條同雞翼尖。入返舖頭搵位坐，呀姐話送汽水/紙包飲品，再望下牆上面貼住凡惠顧車仔麵就+6蚊有飲品。（咁我就知道我果個有嘢飲送即是最貴嫁啦？）個麵到咗，佢個龍蝦湯的確無味精同龍蝦味好濃郁，配薯粉好食但係雞翼尖好乾身，無汁同唔入味牛肋條完全係似牛腩，而且味道麻麻。後來我係其他食客比錢時發現豬骨湯係平d，雖然龍蝦湯係好味，不過我覺得如果店家提一提客人每款湯底係幾錢幾個餸會更好。下次唔會再嚟

得兩丁友係旺角食個便飯都唔易，食飯時間周圍都係人，見到呢間唔起眼嘅車仔麵，但入面有唔同年齡嘅食客，個樣食得好滋味，決定入去試下啦。係店外叫完餸埋位等食，唔洗三分鐘就送到啦。果然有效率。車仔麵好特別，餸同麵係分開上，咁樣食都係第一次。咁樣先試到佢個秘制湯底無味精嘅豬骨濃湯好正，唔口渴，廿幾蚊相信係旺角都幾難搵，會再黎架!