江仔記粉麵專家

Open Now

Now Closed

本身趕時間要買一份外賣返鋪頭 以為粉麵檔會係最快 因為自己係附近既Times Square 返工點知遲過我黎兩分鐘一個人叫4份外賣既人竟然會早過我拎咁我問姐姐點解啦佢問返我點解一分鐘都唔等得好 我忍 就等多一分鐘其實如果我當初知道要等咁耐我一定唔會選擇佢最後我叫左金錢肚雲吞麵返到公司先發現無比雲吞又要受氣又要收多我錢垃圾！生存20幾年 佢係第一間食檔令我要安裝個apps打負評既餐廳！勁嬲 唔會有下次總結係服務態度差！ 時間耐！外賣又執溜野！

今日落開CWB做野，就問下CWB朋友有乜平靚正推介啦，佢話江仔記。諗番我都成幾年冇食過江仔記喇，星期六日經過都見排晒長龍，香港人又有大陸人又有，總之就係勁多人。今日7:30落到去，岩岩好有兩個位唔洗等。我叫左個魚蛋墨丸河走青$33，另外二家姐就叫左碗牛筋牛肚河。落左order好快就送到黎，一黎已經聞到好香。魚蛋同墨丸都彈呀好味，河粉又幼又滑，唯一美中不足係碗麵彼油。而二家姐碗牛筋就又淋又入味，反而牛肚就麻麻地切得又幼。總括黎講江仔記真係平靚正，兩個人都係食左$78蚊。

今日同媽媽黎到銅鑼灣，媽媽話想食以前返工附近的江仔記。雖然澄子小姐唔系第一次食，但第一次寫江仔記食評。星期六江仔記門口排滿長龍，有港人，又有旅客。媽媽話原來已經傳到有旅客黎食，果然已經出晒名😂我地叫咗魚片河（多蔥）同腐乳通菜，河粉非常滑溜😍 魚蛋魚片彈牙，魚味充足。辣椒油都十分香口，可能自家製造，味道有d唔同。好耐無試過食過咁滑又薄的河粉，有少少回想起童年的味道。偶然路過食完簡單的魚蛋粉，有點兒幸福的感覺

記得好多年前在銅鑼灣上班，有一段時間愛上了江仔記嘅魚蛋粉，每天放工都心思思想回家前食番碗。之後轉咗吾係銅鑼灣返工，有時都會特登去食番碗。喜歡呢喥D河粉又幼又滑，湯底食完吾會口渴，而且魚蛋有魚味之餘又彈牙，雖然不及以前香港仔謝記嗰D魚蛋好食，但比其他店舖好味。但價錢已由以前二十幾蚊加到現在三十幾蚊一碗了。還有呢度啲炸魚皮都有好多捧場客，別的店子魚皮一浸落D湯度就好快淋，但呢度啲魚皮浸咗好耐都仲脆卜卜。

在銅鑼灣行街前 要先食飽飽反正食百零蚊 和 三十蚊 的食物 都係一樣咁飽為何不食平d 和食香港菜？早前睇電視 見到連外國飲食節目都介紹江仔記 提醒了我 咁耐無去 下次去銅鑼灣唔使再思考直接去食魚蛋河湯裡加了蔥和冬菜 感覺這樣先係魚蛋粉魚蛋 魚皮 有5-6粒 夜晚的河粉都好新鮮 食完熱辣辣的河粉 感覺醫好了當時不停留的鼻水 

四寶河 $36 唔算大碗，但內有魚蛋、墨丸、魚片、豬肉丸、魚皮餃同魚扎。先呷一口湯，有淡淡大地魚香，比平時既味精湯好得多😋丸類彈牙有口感，最鐘意魚蛋同豬肉丸，魚蛋好有魚味，唔係落大量麵粉溝果啲，而且豬肉丸滲出淡淡麻油香，令豬肉味更出😍比較特別既係魚扎，係魚肉包住蘿蔔、芹菜豬肉，不過我自己都係較鐘意丸類。河粉幼身爽滑，索晒大地魚湯，真係好正。加左腐乳通菜($17) 同 細炸魚皮($8) 。魚皮炸得脆口，不過略嫌有幾塊較碎。

五六年前朋友帶過我黎食，今日行過，就再食下啦！人多到呢～我係門外排第十個啦～臨入去前同呀姐落單寫單，埋位就交張單比伙亮，行動迅速～我地上左樓上，雖然滿座但好靜，可以放返慢步伐。五分鐘左有就有野食。沙嗲金錢肚河$35沙嗲金錢肚唔係好辣，沙嗲味一般，但係就很入味。河粉份量唔係好多，食完係會肚餓嘅。魚三味河$37 有魚旦、魚皮餃同魚扎～魚三味河，魚蛋爽口彈牙，魚皮餃好好食～而係出面好少食到嘅魚扎，外面係薄薄既魚片/魚膏，裏面包住少少菇絲同蘿白絲等等，幾好味。原過一樣河粉好少，食完係幾肚餓架，不過久不久on diet還好啦。 

The shop was closed for renovation but I didn't notice any difference in decor. Nice place to go for HK style quick noodles. Always a queue outside and a lady standing at the entrance asking your order before giving you a seat.I got 四寶河, 通菜 with beancurd and fried fish skin. 四寶 includes fish skin dumpling, cuttlefish ball, fish ball and pork ball. The cuttlefish ball taste different this time, it is hard. Others taste good as before. The noodles include spring onion and dried garlic, matches wel

每次喺銅鑼灣返工 諗唔到食咩嘅時候 想食得平平哋就會來呢度食 但係早排佢裝修 休左一個月 呢日終於可以再食番💖💖呢間粉麵真係好地道香港style 無論裝修 侍應 食物 都係 今日我就叫左鴛鴦麵 同腐乳通菜 出街食好少食到菜 同埋呢到個腐乳醬好正所以我通常都會叫一碟菜食鴛鴦麵 就會好彈牙嘅魚彈 同好好味嘅鮮蝦雲吞 麵依然好彈牙爽口 湯都係大地魚湯味再加埋呢到嘅辣椒油落去 一齊食 真係好滿足 係銅鑼灣黎講 50蚊左右一個晚餐 真係算唔錯👍🏻👍🏻

今天去了江仔記吃了一個牛腩撈粗。這家麵店頗適合肚餓的朋友來吃，原因除了因為份量足外，落單後很快便將食物送上也是另一個原因。此店客似雲來，雖然侍應密密做，無停手，但服務態度都不會像某些食店，大呼小叫，沒有禮貌。至於食物方面，份量、材料都很足，男孩子不用加底應該夠飽，幸好我沒有多叫一碟油菜，因我連麵也吃剩了一點。吃這個撈麵，第一口感到有蒜香味，是幻覺嗎？味道比想像的好味，牛腩忟得很入味，雖然偏瘦，但不會韌。湯方面，與其他麵店有點不同，一般吃到的都是雲吞麵的湯，但這家卻是魚旦麵的湯，大家可能會問，真的有分別的嗎？但我覺得是有分別的，感覺較為清。

江仔記又係另一間我同老公成日食既粉麵店（自從我介紹左比我老公，佢成日偷食......江仔記😆）基本上我介紹個既朋友，食完都係有讚冇彈👍🏻魚蛋魚片河粉加iced lemon tea係每次我必食，魚蛋非常彈牙又新鮮，河粉好滑，我係出面好多其他間不同的粉麵店食過，都暫時未有一間可以同江仔記相比我老公仔就點左牛筋腩河粉同埋腐乳通菜，佢話牛腩夠淋又入味，而牛筋爽口彈牙煙緊最後提提大家5月16日起會裝修一個月，so sad! 成個月冇得食最後如果大家鍾意食辣嘅人，一定要試下加埋秘製辣椒油

還記得高中的時候，逢星期五我都要到銅鑼灣的耀華街上英文課。下課時已是夜深，總覺飢餓轆轆。讀書時期，零錢不多，變相在銅鑼灣這個上流地區的食物選擇也不多。而我，每次都會到江仔記吃一碗魚蛋河，因為她是屬於平民的美味。直至現在，我仍對魚蛋河有一種難以形容的情結。介紹的是江仔記。高中的時候，前往補習的地方，必定經過這間麵店，常常看到人龍。一天便決定到店內一試，結果一試難忘。魚蛋河有趣的地方是魚蛋和魚片放在河粉下面，豫如在海中尋寶一樣。相比起德昌魚蛋河，光仔記的魚蛋更爽口彈牙和鮮。河粉滑得很，但不像德昌的散。魚湯吃得出由豬肉熬製。錦上添花的地方是店舖自家製的辣椒醬又香又辣，不像街外的沒有辣椒味。值得一提的是江仔記選用的醋是黑色的鎮江醋，有別於平日麵店選用紅色的浙江醋。初時覺得配搭有點奇怪，後來覺得鎮江醋與魚蛋河更為匹配，醋的酸味無瑕的襯托了魚蛋的魚鮮和鹹味。配菜方面，江仔記在兩家中做得最出色，青蔥、冬菜、乾蒜茸亦兼備。

是晚發老公脾氣，唔肯排隊食拉麵，所以走咗嚟依度食個麵，都係麵啫!呢間舖頭至少有十年歷史都係做粥粉麵店，但當中有冇轉名就唔知喇!我哋兩個分別叫咗四寶河，雲吞河同兩碟菜。我個四寶河有魚片、魚蛋、豬肉丸、墨丸、魚皮餃同埋一條捲捲嘅唔知咩餃。首先飲啖湯，個湯好鮮味，並唔係清水或者係鹹水嗰種，我估係有魚味嘅湯。個河粉好稔，因為太稔，所以用筷子夾嘅時候，啲粉好易斷。跟住食魚片同魚蛋，好正，食到鮮魚味，似手打果種，豬肉丸同墨魚丸好彈牙，最後食魚皮餃同嗰個捲捲餃，有口感，好好味!另外嗰兩碟菜就冇乜特別，同其他粉麵店嘅質素差唔多。如果喺銅鑼灣用依個價錢食到碗咁有質素嘅粉，就真係值得再返嚟食多次呀!

去親銅鑼灣多數食日本野食，但個日同朋友行完街身上只剩下40大元左右就試左呢間粉麵店啦😂呢間店有兩層，當晚已晚上8點左右但仍坐無虛席，證明應該係唔錯既Budget太少所以只可叫個四寶河，但內裡既魚蛋，墨丸同魚皮餃都幾好食，所以算值得，下次經過會再幫襯

After 6 hours of overtime work, i really want to get some food and boost up my energy. It is 11 30 pm in CWB, is hard to find a restaurant which is still open and serve comfort foodBehind the busy time square area i found out a small corner shop which still open and serve one of my all time flavor comfort food-Fish Ball. Kong Chai Kee, i heard form my friend say it establish in Central and is a must try fish ball noodles shop in the city. They open a franchisee shop in other CBD , yeah -cant wai