海都車仔麵茶餐廳

Open Now

Now Closed

昨日和Neil哥一起食午餐。我們去了公司對面的熟食中心。又平又方便。重點是近，食完回舖頭才一分鐘，哈哈。熟食中心有一間平時會食的店，就是海都車仔麵茶餐廳。有飯有車仔麵食。今次我們各叫了2碗車仔麵。叫了6個餸，再加凍飲，才62元。一大碗車仔麵。滿滿的餸，沙爹汁湯底惹味又滋味。咖喱魚蛋，咖喱魷魚，好好味。咖喱魷魚軟熟有彈性。通菜，亦新鮮翠嫩。蘿蔔，因為浸透了湯汁，已經吸收得很入味。墨魚丸，金菇，亦因為有車仔麵的沙爹湯汁，顯得份外好食，哈哈。我是真心覺得如果食車仔麵，一定是到這處。所以放食飯時間，好自然會走到這光顧。Neil一樣有叫咖喱魷魚，所以我就是說這裡的咖喱魷魚好好食。另外，他叫了豬紅，豬什，牛肚，牛柏葉等，大家都叫了六款餸菜，一大碗車仔麵食完好飽好滿足。嘻。

朗豪坊一樓行過條天橋便能到達綜合大樓， 大樓內有個室內嘅旺角熟食市場，內裏大概有十間食點， 提供自選餸飯/上海菜/泰國菜/中菜/粥品等等。旺角熟食市場全日冷氣開放，提供快捷/美味 /經濟嘅食物。好似food court形式，先選購食物，然後到共享空間自行用餐，好處就係想食乜，就買乜。芸芸店舖之中揀咗車仔麵，午飯時間人流超旺，店舖以小店形式經營，只有兩位店員，忙到冇停手，提供外賣或堂食。三餸麵加飲品$41，之後加餸每款$7。小小店舖居然有多多食材，平時食豬軟骨/雞扒/豬扒等食材，其他店舖收費一定會更貴，但這店竟然是劃一收費，確實優惠。食車仔麵一定要夠豐富，這樣才是大滿足。 湯底可以選擇麻辣/秘製辣汁/沙嗲汁/清湯/腩汁/咖哩汁…等。與朋友分別叫左秘製辣汁同沙嗲汁，吃過以後兩款都讚好！七蚊一個餸份量一啲都唔少，大大堆咖哩魷魚超巨型冬菇，炆得好入味，又夠淋！蘿蔔超入味，清甜好渣。總括嚟講個個做都好食，連我鍾意食嘅內臟豬潤/豬心/豬腸/都有提供面底款式夠多，有銀針粉/米線/意粉/公仔麵/烏冬/淮山麵…未能盡錄！！ 個人超喜歡淮山麵，健康得嚟口感非常爽彈，條條分明，有咬口。煎釀三寶20蚊六件，點

今晚係朗豪坊睇戲，時間緊迫，朋友建議對面綜合大樓有超多美食，仲有我愛吃車仔麵，正，經濟實惠。自助型式，自己搵位，地方大，點餸紙食物多種類。仲有自制冬菜，炸蒜，正大雜麵-時間關係又不用想太多呢款就岩晒我🤪，大部分餸都係心水之選，豬皮夠淋，好入味，咖喱魚蛋彈牙，咖哩味道香，不錯😗羅白甜，最重要係無渣及大大舊，冬菇好大粒，好入味，牛腩肉味鬆軟，咬口不錯，加入腩汁好香濃，配上米粉非常配合😋另一碗自選配粗麵😋酸齋，豬心，豬大腸，生菜及雞髀尖，好小地方有豬心，薄身但爽口，豬大腸乾淨，唔太多肥膏，酸齋再酸多啲啲就更正。配上秒制辣汁，果然不同，辣味夠，再加2杯凍檸樂同凍檸七、爽晒

今日經過旺角，突然很懷念以前在朗豪坊返工，中午常去的綜合大樓食肆中心。這個food court 有3，4,十張枱，有4人枱和大圓枱，座椅寬敞，燈光明亮。內有大約十多間食店，有很多不同的選擇。我最喜歡是車仔麵店，麵底有十多種，而餸料有70多款選擇。幾十元已有三餸麵連飲品，可再加配餸料，非常有彈性。我不太食辣，但店員提議加少許辣油，可以提升味道。我點了:-淮山麵+墨魚丸，豬軟骨，香芧豬扒，豬大腸，鹵水雞翼和白菜仔。飲品是凍奶茶 。幼身的淮山麵，質感爽滑，白菜仔很多。豬軟骨和鹵味都非常入味。-米線+魚皮餃，菜肉雲吞，咖哩魚蛋，香茅豬扒，肥牛，鹵水雞翼和唐生菜，飲品是凍檸檬茶魚皮餃和雲吞都大大粒，很多餡料。豬扒腍軟入味。

以前小時候我不太喜歡去熟食市場吃飯，因為那裡沒有冷氣，很熱。但現在很多熟食市場都裝修過，環境得到改善，座位也更加舒適。今天去了旺角綜合大樓吃車仔麵店，價格實惠，$41就可以享用到三餸麵和一款飲品，而每加一款餸只需$7，真的很物超所值。菜式種類也很豐富，我推薦蘿蔔和滷水雞翼，口感入味，非常美味！店家還貼心地提供自選的醬料、蔥和炸蒜，滿足不同客人的口味需求。如果喜歡辣味，一定不能錯過店家的秘製辣椒醬！店員的服務也很好，當我點了牛腩卻還沒有煮淋時，店員主動替我換成了牛肚，讓我感到非常貼心。除了車仔麵，店裡還有煲仔飯和其他小炒菜式，真的是一個讓人食得滿足又舒適的好地方。📍 海都車仔麵茶餐廳 (旺角)旺角上海街557號綜合大樓2樓4號舖

假期到旺角購物，順路到旺角到綜合大樓平民飯堂午餐，今日選擇在「海都車仔麵茶餐廳」，享用豐富車仔麵 。家人楝的三餸麵，可以加餸，每款$7， 因此他的三餸麵變成六餸麵，芝士丸、芝士腸、咖哩魚蛋、牛根、肥牛、牛腩，每款食材都是自己心儀的美食！牛筋肥牛我發覺八餸麵的選材都合意：紅腸、豬皮、咖哩魚蛋、牛腩、蘿蔔、冬菇、雞翼、豬紅。湯底的牛腩汁已經很夠味道，加入了咖哩魚蛋，添加了咖哩汁香味，令豬皮、蘿蔔和冬菇味道更入味。回顧小時候吃車仔麵的牛腩，是牛腩的［下欄］，眼前的牛腩肉味濃郁，鬆軟可口，感覺很愜意了！車仔麵包埋飲品：凍鴛鴦、凍朱古力奶，吃飽了！人均消費$65，蠻滿意的！

非常物有所值的車仔麵，好食之餘店家有禮又 Nice, 之前可以 app 提早叫定非常方便，但近月好似無左就少左食，不過真心抵食好食，如果時間許可上去買應該也不用等多久，推薦!

平靚正車仔麵🍜幾年前朗豪坊返工已經成日食佢，鬲左幾年今日再去食返，味道依舊，足料！又好多餸選擇，湯底我仍然鐘意秘制辣汁，最好就係醬料葱炸蒜可以自己任加！的確係下午茶唔錯選擇！

去旺角，想食得平啲啲，坐得耐啲啲，朗豪坊對面個熟食中心係其中一個唔錯嘅選擇。之前去多數食泰國嘢，今次就轉轉口味，食返傳統茶記食物啦。叫咗個咖哩薯仔牛腩煲，上枱時熱辣辣，仲發出吱吱聲，勁吸引🤤。先飲湯，睇個樣以為係行貨菜乾湯，呷一啖，竟然係鹹魚芥菜湯，絕對有驚喜😍。主角煲仔菜好大煲，飯都好大個，兩個人食都夠。味道方面，咖哩汁雖然唔太稠但味夠濃，牛腩都夠腍夠入味，反而薯仔因為切薄片，少咗口感。成餐飯飽到上腦，加埋罐可樂都只係 $53，勁抵食👍。

晏晝去開旺角拎野，天氣熱唔想食飯，於是搵麵食，咁岩路過朗豪坊，發現原來有熟食市場，就去睇下有咩食！去到都有好多鋪頭，見到有間車仔麵好多人排隊，於是乎去睇下，37$/3餸，超抵！唔怪得咁多人去到寫紙仔揀自己想食既野，由於第一次去唔識野，但老細麵好好人，好友善逐一解答叫左豬紅、雞翼、羅白腩汁米粉，加左20$要個小食，麻辣腎，同+6$要個手工茶佢屬於自助形式，買完拎轉野食，就自己搵位坐，都方便，佢可比你自己加蔥、辣椒油等等食既時候，發現個腩汁湯好濃好入味，忍唔住都係咁送米粉食😆 米粉係屬於鞋身啲個隻，但量都ok👍🏼👍🏼雞翼都好入味，雖然唔係好大隻個啲咁，但都好淋好好食！ 羅白係煮到入哂味，好甜仲要無渣，有4舊！！通常出面食係得3舊，豬紅有幾粒，唔散同都好好味！佢個麻辣雞腎都勁好食！！ 同都好大兜（20$有呢個份量，超抵！） 佢配左啲榨菜一齊整，都好惹味！如果下次再去，會想叫唔同餸試下，佢啲餸係勁多選擇😆😆 枝手工茶，我揀左茉莉花茶，無糖👍🏼我諗呢檔車仔麵，性價比超高！ 如去開真係會去encore!!!! 所以唔怪之得咁多人排隊買！一個字，正呀！

一日一黃店-旺角熟食中心良心店 朗豪坊去得多 原來朗豪坊過天橋酒店下面 就係熟食中心 價錢都幾平民 望到wolipay記錄入面有2間 良心店 呢日一次去試哂佢地2間啦（見到佢地 有個qr code for比朋友傾計）.⭐️沙嗲牛肉金菇粉絲煲$48 跟湯 +$5 油菜一出餐果下 個煲啫啫聲 望到都興奮👍🏻沙嗲牛肉煲 份量偏大👍🏻底下金菇同粉絲 仲多過碗飯 1.5人份量沙嗲汁 偏向小小杰身既沙嗲湯相比合發茶餐廳 沙嗲牛肉包既汁 冇咁濃😋但正因為咁 送飯都唔會過咸👍🏻而且落咗少少辣椒去炒 有小小bb辣香‼️最最最重要係 粉絲吸晒個汁 好味.⭐️三餸車仔麵$37香茅豬扒 牛筋 芝士腸 公仔麵 （我自己點得普通😅）👌🏻呢個就普通 偏向住家feel👎🏻豬扒整定 浸軟左 👌🏻芝士腸同公仔麵正常👌🏻牛筋煮得幾軟霖 起膠.⭐️凍阿華田😋夠凍 夠多粉 甜到啱啱好 粉溶哂 值得一讚其實只係好普通 但好多餐廳都沖到勁淡.湯係 南瓜雪耳陳皮湯？ 都ok 老火湯feel👌🏻.#hkfunfoodrecord窮遊香港#hkfunfoodrecord_旺角#hkfunfoodrecord黃店.#海都車仔麵茶餐廳 (旺角)地址

區內有團購幫襯小店，大家都知六點後無堂食D食肆好慘，咁就join個團購之餘又試下叫左兩個餐，一個芙蓉蛋飯一個干炒牛銀針粉，送兩個例湯，每個餐$43，再加多兩個小食麻辣牛肚同麻辣豬耳。味道okay，above 我區內D茶記，最癲係個份量，兩個餐3個人食係一定夠，benchmark返我食量係一碗兩送譚仔無叫少米線。小食夠入味又平，可摸耳叫係窮人教星？最後就搭單買左D小食可以當零食咁食，幫唔到手幫襯正餐嘅都可以買下D小食簡評就係，大食窮人味道又okay嘅救星

海都嘅廚房出品真係幾唔錯，各款飯類味道都係比較偏濃，夠哂惹味，而且櫃枱前仲有自助醬料區，可自行添加各類醬料，認真貼心！蝦醬通菜牛肉飯好惹味，因為蝦醬本身已經係好重味道，更加上一樣又係有用咗蒜頭及紅辣椒絲，非常香口，真係會令人不停大啖大啖咁食飯，通菜爽脆，雖然D菜係有少少已經變黑，但絕對可以接受，牛肉嫩滑(雖然我深知D牛肉一定係有用梳打粉醃過)，因為整個餐都只不過係$42元，所以算係咁啦例湯方面～雪耳木瓜煲豬骨，好清甜，而且D雪耳已經煲到起哂膠，證明D湯真係非常夠火喉，凍奶茶保持水準，甜度適中，完全唔使叫小甜，夠凍，奶嘅份量亦都唔會太多，合格！食品方面～涼瓜雞扒飯味道確實好正，有好重嘅豆豉味，又食到有蒜頭嘅香味，再加上又有少少嘅紅辣椒絲，成碟飯嘅味道真係既香又辣，白飯煲得好好，雞扒炸得非常香脆，而且塊雞扒係原件再切件，相當細心

味道正常，而且好抵食！$37大大碗份量超足！點左韮菜好似唔洗錢咁比一大札我，牛腩都炆得幾入味同夠淋～唔會攝牙縫！至於豆腐就正正常常。本身想食米粉但無晒就轉左米線，米線都係一包包開出嚟個種，唔多軟或太硬個種。湯底我就揀左腩汁，都幾濃味，但又唔係味精咁。一碗真係多到食唔晒！仲包一杯野飲。如果去到旺角諗唔到食咩，上去食碗車仔麵都係一個唔錯嘅選擇。除左車仔麵佢仲有小菜個啲可以叫。有機會都可以試下佢嘅煲仔小菜，叫餸食飯！

位於「上海街」「旺角綜合大樓」的二樓，有間「旺角熟食市場」，「旺角熟食市場」裡面有一間集港式茶餐廳粉麵飯，跟港式車仔麵食品於一身的港式食店，名稱叫做「海都車仔麵茶餐廳」。食客光顧「海都車仔麵茶餐廳」，就好像光顧其他「旺角熟食市場」食店一樣，都需要先付款購票，然後等候食店廚房裡面的人製作食品，直至完成為止。「海都車仔麵茶餐廳」沒有提供餐牌給食客參考，只是貼在餐廳門口旁邊，大大小小的價目表，價目表裡面好像已經列出餐廳所有食品，但是事實上還有很多食品項目，未有完整陳列出來。光顧「海都車仔麵茶餐廳」的食客，或多或少都需要花多點觀察力和應變能力，花多點勇氣去詢問「海都車仔麵茶餐廳」裡面的看店店主，才點到自己想食的食品，「咖喱牛腩飯」就是最佳的例子之一。除了「咖喱牛腩飯」之外，我另外點了一份小食食品，食品名稱叫做「口水雞卷」，「口水雞卷」所在的價目表相對於「咖喱牛腩飯」而言，就比較容易尋找了，就在食店門口的「消毒潔手液」旁邊。「海都車仔麵茶餐廳」小食食品「口水雞卷」的跟餐價錢本身不算昂貴，一小碟份量的「口水雞卷」食品實際售價，只需要港幣二十元而已。「口水雞卷」之所以被稱呼叫做「口水雞卷」，原因其實