滷府 (Closed)

今晚屋企人有節目冇人煮飯, 晚飯食自己, 放工係附近兜下睇有咩外賣買返屋企食。經過見到呢間鹵味外賣店, 廚窗內掛上幾隻大大隻鹵水鵝, 而且門外貼住抗疫套餐有特價, 仲有飲品送。見咁抵就決定買呢間外賣!抗疫套餐中, 揀咗其中一款慢煮鹵水鵝肉飯鵝肉唔肥, 啖啖肉, 肉質嫩滑又林, 多肉汁, 鹵水入味唔會太鹹; 伴有淡淡豆香嘅千層腐皮同埋爽脆酸甜菜。份量足夠飽肚。套餐仲包野一杯飲品。另外要散叫咗兩款鹵味加料。鵝腸: 好透薄, 間中有鵝油膏連帶, 入口爽得黎唔會起渣, 又唔會韌到咬唔開。墨魚: 林中帶爽, 但味道唔突出。

上星期到同朋友喺鰂魚涌個邊食tea，經過一間主打食滷水野嘅小店，加上招牌都幾特別，印有大大個老虎圖案，就上前睇下有啲咩啱食😎小店主力做外賣，提供各式各樣嘅滷味單點及套餐，同時亦提供三款齊心抗疫超特價套餐，咁經濟實惠當然要一試，買返屋企今晚同老公一齊撐枱腳😊 外賣紙袋都印有大大個老虎圖案，拎住都覺得霸氣十足🙈A餐 - 特選滷味飯 $48一打開外賣盒就覺得色彩繽紛好吸睛😍 呢個套餐嘅主角有豬五花肉、紅腸同豬耳，仲附有滷水蛋半隻、滷千層腐皮同酸菜，成個飯既足料又份量十足👍 豬五花肉薄切、肥瘦比例啱啱好，入口啖啖肉；紅腸發揮正常、餸飯一流；豬耳爽脆有口感，成個飯撈埋爽脆嘅酸菜食就更開胃🤤C餐 - 慢煮滷水鵝肉飯 $60呢個套餐嘅主角只有鵝肉，同樣地附有滷水蛋半隻、滷千層腐皮同酸菜，但都好飽好滿足🤭 鵝皮香帶少少脂肪卻不油膩，鵝肉入味又唔會過咸，而且口感軟腍唔韌。咬落啖啖肉，點少少醋食就加倍滋味🙈 加埋口感厚實嘅滷千層腐皮、又香又入味嘅滷水蛋就更perfect😊跟餐仲有大大杯熱檸水，呢個價錢幾抵食😋

鰂魚涌海光街一帶有很多特色小店，之前試過這裏的泰國菜和日本菜都覺得不錯 。今天趁著表姨媽探訪，特意來買點外賣加料。 鹵府位於海光街龍景大廈地下，地點方便易搵。一拿到就被櫥窗各種各樣的滷味吸引，我們點了鹵水豬手和其他小吃，一共大約一百元。鹵水豬手 (⭐⭐⭐⭐⭐)之前吃過鹵水雞覺得不錯，今次就叫鹵水豬手試一試。分量頗多，三四個人分享也足夠。豬手吃起來肉質結實，有一點爽口，唔覺得肥膩，而且鹵水十分入味。鹵水汁不是死鹹的那一種，而是有十分香濃的香料味，吃起來味道有層次感。鹵水千層腐皮 (⭐⭐⭐⭐💢)千層豆皮份量也算，大約有七至八舊。有十分香的豆味，吃起來十分嫩滑，能夠吃得出一層層的腐皮，令人停不了口。 總括而言，這小店地點方便就腳，味道也在水平之上，價錢十分大眾化，值得Encor再來。~~~~~~~~~~~~~~~~~~~~~~~~鹵府 鰂魚涌海光街7-9號龍景大廈地下5C號舖推介菜式：鹵水豬手 ，鹵水千層腐皮👍🏻地點方便👍🏻價錢大眾

曾經食過滷府出品嘅滷味，質素唔錯，今晚一於外賣🥡。呢個齊心抗疫餐非常化算，有餸有飯$50都唔使！👍🏻特選滷味飯$48已經可以品嚐到幾款唔同嘅滷味，包括豬腩肉、紅腸、豬耳、腐皮和蛋，另加$2鵝油淋在飯面，撈飯食一流！豬腩肉肥美，肉質軟嫩，而且仲相當入味！豬耳口感爽脆，令人吃過不停。慢煮特調滷水雞飯滷水雞鮮嫩，多肉汁，雞皮充分展沾染滷水汁，好夠味！而且仲有腐皮、滷水蛋和酸菜，一盒飯已經非常飽肚！要兩款唔同嘅飯，可以同人share D餸，又包埋飲品，我覺得性價比真係好高！

夏天懶煮飯，下午行完街就買兩盒飯返屋企食😂😋行過鰂魚涌見到有間外賣店✨滷府 ，專賣滷水食品，價錢幾抵食👍見到有個餐牌既❤️齊心抗疫超特價套餐好優惠，決定揀兩個餐。💞A餐 特選滷味飯 $48有紅腸，豬五花肉，豬耳， 鹵水入味，豬耳爽口，五花肉肥瘦相間，味道甘香。😍仲有豆腐同酸菜，好開胃。💞B餐慢煮得條滷水雞飯 $50鹵水雞肉質嫩滑，店員仲介紹加兩蚊可以升級做🦆鵝油飯🍚，飯食落更加香。🥤兩個餐都包飲品，叫咗🍋熱檸水，健康👍

約左去大學同學屋企聚舊，無理由兩手空空，所以我預先做咗資料蒐集，發現佢屋企附近有間滷水外賣小店都幾多好評，就買黎試下！有多款套餐仲有特價滷水鵝飯好吸引，望到廚房好整齊乾淨，食客就放心我起門口思考左一陣，店員好好咁走黎問我有咩需要，可以推介番！因為諗住share 食，所以店員推介滷佛爺，套餐包杯熱飲滷佛爺有鵝脾、鵝腸、鵝肝、鵝腎和鵝蛋每款都有啲，份量都唔少，啱晒share 呢個滷佛爺指明係俾鵝脾，成隻脾，份量足，最緊要啖啖肉，鵝肉好嫩滑，好淋，而且好入味，有鵝的油香而不怕膩，有濃濃的滷水味鵝腸好爽口，無尿壓味，份量足，煮的時間啱啱好，沒有過龍，口感佳鵝肝一直都是我的最愛之一，這裏也沒有令我失望，鵝肝沒有煮過火，依然香嫩鴨腎就有吃過，鵝腎反而冇試過今次難得可以試吓，鵝腎的口感和鴨腎的有點相似，也是一樣的爽口，不會韌加左$5 轉鵝油撈麵唔係好多地方有鵝油撈麵，估唔到呢一間有，而且只是加5蚊，所以諗都唔諗就加錢轉因為鵝油的關係，所以撈麵聞落好香，而鵝油亦令撈麵添上了一陣光澤，食落口油而不膩。麵是粗身，所以不會怕加完油會太淋！估唔到外賣質素都咁好，最鍾意是這個套餐可以一次過品嚐不同的口味，方便s

一帶二學完琴，在附近見到這間慢煮鹵水店，看到是慢煮的都幾有創意，打算買回家加餸。 餐牌上的鹵水項目多不勝數，有鵝片、 鵝肝、五花腩、豬耳、紅腸等等。店員介紹最出名是鵝肉鵝片，全店的食物都是慢煮精心制作的。 在櫥窗外看見師傅手起刀落， 純熟地將食物分割，擺放得靚靚的遞給客人。回到家媽媽及小朋友已急不及待地品嚐了。鵝肉嫩滑皮脂分佈分明，不會太肥。肉質用低溫烹調法後，能配製出傳統烹調法不能達致的食物品質，減少在烹煮時水分和味道揮發物的蒸發流失，令食物保存原汁原味。 鹵水千層腐皮是小朋友的至愛，很入味是送飯的好幫手「送飯一流」。

呢排做完嘢都好想食下啲有心機嘅外賣，因為太忙自己都冇時間整。最近上網見到原來鰂魚涌都有啲高質嘅外賣店㗎，見我嗰日好想食啲滷水嘢，所以今次就想介紹下一間位於鰂魚涌嘅滷水外賣專門店，間餐廳叫做滷府。睇到個名就知道同滷水有好大嘅關係啦。我嗰日就叫咗兩款滷水食物返屋企試吓，首先就介紹吓佢嘅慢煮特調滷水雞，我嗰日就叫咗半隻。但係冇諗過半隻來講個份量都幾多㗎，同埋餐廳滷水雞嘅色澤真係好靚，大家睇到塊雞皮就知道啦。識落都好入味，滷水嘅味道完全係成為左雞嘅精華。另外想介紹第二樣嘢就係滷水鵝腸，鵝腸食落彈牙，一樣有好開胃嘅滷水味喺入邊。用嚟送飯簡直一流，如果大家鍾意食滷水嘢嘅就唔可以錯過啦。絕對唔會令你失望架。

難得放假，去咗住鰂魚涌嘅朋友屋企黐餐同見吓面，當然唔可以兩手空空上去啦，上去前去咗佢屋企附近嘅滷水舖叫咗少少滷味上去加餸。店外都見有幾個街坊排隊等緊，味道應該唔錯吧。好鍾意哩間舖嘅名，「滷府」好有氣勢，感覺好似食完佢哋嘅滷味就會生龍活虎，充滿活力咁。裡面嘅環境都好企理同四正，簡潔乾淨。職員服務態度十分親切有禮，100分！我叫咗豬手$88同鵝腸$20。拎到上去急不及待打開嚟試吓。豬手好入味，好香口，口感嫩滑，軟硬適中，好食！鵝腸彈牙爽口，好香口惹味，點埋醬汁更醒胃，我同朋友都食到停唔到口！我朋友話之後都會繼續幫襯試吓其他餸。

喺香港好少試到啲有質素嘅滷水食物今次就特登按住網上推介黎試一試呢間滷水專門店舖頭名好霸氣🤣門面亦都好有特色估唔到連個紙袋都係自家創作睇得出店主對店舖嘅設計係10分有心機🤩.💎$128 慢煮滷水鵝肉(例牌)今次叫咗一份例牌嘅滷水份量好多😍大大盒仲送咗兩盒醬料鵝肉好有滷水醬汁嘅香味配埋醬汁食更有口感😍肉質鮮嫩 唔會過硬喺鵝肉下面 仲有好多千葉豆腐一個價錢知到兩款食物好抵🤣.難得食到咁高質嘅滷水食物😍下次都想試吓其他款🤣

今日天氣不穩定，晚餐決定買外賣回家。想起鰂魚涌海光街的滷水專門店「滷府」，滷水食物種類繁多，有一定水準，這就決定要了一份外賣套餐。慢煮滷水鵝片飯慢煮的好處是烹調時溫度長處於低溫，令食物保持水份，肉質細膩不老韌，可口軟嫩。以滷水慢煮，醇香味濃；還配以開胃的酸菜、入味的滷水蛋和充滿豆香的千層腐皮，非常豐富。🥤 凍檸檬茶套餐只加上$2便可配凍飲一杯，要了凍檸檬茶，甜度適中是預先調校的，很合口味。除了套餐，我還加添滷水紅腸和滷水墨魚各一份。滷水紅腸由小到大都喜歡這款小食，味道略帶甜甜的，跟飯一起吃非常搭配。滷水墨魚 滷水墨魚🐙爽口彈牙，美味可口又容易咀嚼。店員還貼心地給了額外的醬料，有甜酸醋、辣椒醬和滷水汁各一小盒，跟據客人自己喜好加添。

今天約了朋友到其府上傾點事，先樓下有這家滷府滷水外賣店，就順道買兩個飯上去和朋友同吃。店家位置鰂魚涌海光街，只做外賣，在這區難得星期日亦有營業。店家主打潮州滷水，有各式各樣的滷水菜式可供選擇，有提供套餐及單點，各有三款齊心抗疫超特價套餐，價格實惠。慢煮特調滷水雞飯 $50先點一客少見的滷水雞飯，雞肉連皮帶肉，肉質柔嫩，雞鮮味濃郁，亦帶有濃香滷水香氣，亦有潮式鹹酸菜、半隻滷蛋及滷水千層腐皮伴碟，物有所值，千層腐皮滷煮入味、滷蛋蛋黃澄黃，軟滑甘香，潮式鹹酸菜則鹹酸爽辣，帶來口感及味道不同的變化。特選滷味飯 $48另一客點了特選滷味飯，有豬五花腩肉、紅腸及豬耳，肥瘦相間的腩肉，味香腴美芳縈齒頰，肉汁豐盈，甘腴可口，吃得出滷水膽味道醇香味美，豬耳一咬皮爽骨脆，配上酸甜醋汁，令人吃完一片又一片，同樣有鹹酸菜、滷蛋及千層腐皮伴碟，十分大堆頭。鵝肝/鵝腸 $38/$40另外加點了邪惡度爆燈的鵝肝和鵝腸，鵝肝口感粉嫩，味道甘腴醇美；鵝腸一咬爽滑脆口，同時保留有鵝油甘香。大杯檸水跟餐的檸水份量比一般的大杯，性價比高。

今日去鰂魚涌，經過見到這間滷水店，雖然店舖細少，但滷水食材品種都很多，滷水鵝片，掌翼，鵝肝，豬耳，墨魚，紅腸等等，所以買了外賣回家食。慢煮特調滷水雞，本身的滷水汁很香甜，用慢煮方法，外皮香甜香滑，雞肉肉質不錯，很好。滷水巨型鵝蛋，第一次食鵝蛋，大大隻，蛋黃超大，蛋白很爽口，滷水很入味，好特別的口感。滷水鵝腸，鵝腸非常爽口，有脆卜卜的感覺，肥膏不多，但很好味。滷水鵝腎，肉質比想像中嫩，爽口而不硬，好味。

今日到鰂魚涌工作完畢，見到在不遠處有一間名叫「滷府」的店舖。想起家人曾說很久沒吃滷水食品，便走去看看。套餐和單點也有不少選擇。「滷佛爺」 (鵝脾、鵝肝、鵝腸、鵝腎和鵝蛋) 看來很豐富，今次就點這個吧。滷佛爺配飯，轉鵝油撈麵只需多付$5；飲品點了凍檸檬茶。我另外要了一份滷水墨魚。拿回家跟家人分享。醇香味濃的滷水令鵝脾、鵝肝、鵝腸、鵝腎和鵝蛋滷得入味。原來還有滷水雞蛋和滷水千層腐皮滷水鵝髀皮薄，肉質細緻。鵝肝甘香軟滑。鵝腸去除了肥膏，非常爽口，不老韌。鵝腎爽口有嚼勁。首嚐鵝蛋，滷水鵝蛋體積比滷水雞蛋大，蛋味濃郁。滷水千層腐皮軟韌帶彈性。以鵝油來撈麵，麵條更爽口滑溜，透出陣陣油香。滷水墨魚口感爽脆。想不到凍檸檬茶也不錯，茶底清香。鮮香滷水食品越嚼越甘香，不錯呀！滷水食品本身已入味，另可蘸點醋/滷水來吃，味道更濃郁。

天陰陰似乎就落雨，所以同同事外買了兩個滷味飯返公司食。每個飯都包括了酸菜、滷水蛋及滷腐皮，酸菜送飯勁夾，滷水蛋又夠入味，而且所有滷味都不會過咸，味道適中。特選滷味飯：滷味飯都幾足料，有豬五花肉、紅腸及豬耳，豬五花肥一層油脂一層肉，入口帶點爽口，豬耳更是爽脆，軟骨位幾有口感。慢煮滷水鵝肉飯：鵝肉帶少許脂肪，入口滲出鵝油脂，鵝肉滷水味重，非常入味，用了慢煮方法煮至入味之餘，鵝肉又不會滷得過老，肉質保持嫩腍。