瀛燒居酒屋

Open Now

Now Closed

呢間日本居酒屋真係值得推薦，啲食物唔單止有質素，仲好有特色。舖頭裝修好有日本Feel。首先，我試咗佢哋嘅**青蘋果特飲**，好清新，好啱夏天飲，酸酸甜甜，唔會太膩。跟住老公就試佢嘅**提子燒酌**亦都唔錯，酒香濃郁，但又帶有提子嘅果味，飲落去好順口。食物方面，先黎**清湯菜鍋**係一個健康之選，湯底清清地，有好多菜，豆腐好滑，食完之後感覺好舒服。再黎**飛魚籽玉子燒**亦係不可錯過嘅一道菜，玉子燒係日式蛋卷，軟滑又唔會太甜，加上飛魚籽嘅香味口感，非常有層次。跟住**海膽甲羅燒**，就係當晚嘅亮點之一。海膽香濃，蟹膏豐富，味道真係一流，食完仲想再嚟多一份。跟住有**串炸**，我哋點咗幾款，其中**串炸雞髀肉**炸得啱啱好，外脆內嫩，唔會太油膩。**日本白板魚蛋**仲有**墨魚餅**都唔錯，口感彈牙，味道濃郁，唔會有雪藏嘅味道。差啲漏咗提**雜錦刺身**，刺身嘅款式都好豐富，有三文魚、吞拿魚、鯛魚等等，每一款魚生都好新鮮，肉質鮮甜。帶子好鮮甜，加埋佢個牡丹蝦刺身好滿足。雜錦刺身嘅擺盤都好靚，色彩繽紛，睇落去已經好吸引。每一片刺身都切得厚薄適中，食落去啱啱好。總括嚟講，呢間居酒屋嘅食物質素都

開到聲問要杯水，竟然話冇免費茶水。大佬，呢度香港黎，唔係外國，提供免費茶水好基本，唔係諗住行高檔路線下話，你間鋪頭既位置，係街邊唔係商場，唔近地鐵站，唔係蘇豪區高級餐廳，餐廳裝修又簡陋，同我講冇水提供….只可叫menu野飲…已經好唔合理。埋單比錢時冇visa master又話收手續費，之後話可以WeChat pay Alipay。但原來WeChat pay又要手續費…因為係個人戶口，唔係商戶…..少少錢都慳唔好做生意啦⋯⋯價錢又唔係平，但服務差到咁，冇服務環境差之餘，仲要收加一，都唔知憑咩。野食只係正常，呢間野試過一次都嫌多

🍽️ 瀛燒居酒屋 (荃灣)在荃灣工作後去附近覓食，順便食生日飯🎂打開Google 地圖見到這一間高評分的日式居酒屋🏮，同朋友就決定去試一試🎏清酒煮蜆味道鮮甜，肉質飽滿😋煮完蜆的湯都鮮味十足😍松葉蟹玉子燒🦀味道出色👍🏻蟹味突出，而且蛋質軟滑🐯食左一碟唔夠喉再叫😍😋海膽玉子燒🥚同樣蛋質軟滑，但是海膽味不太突出😢如果海膽味再突出一點會更好味極尚刺身盛🦐🐟🦐蝦軟糯鮮甜，帶子十分新鮮，🐟吞拿魚、鯛魚都是新鮮無異味但是略嫌刺身唔夠涷🧊壽喜燒鍋🥘湯底濃郁，味道甘甜😆附一碟牛肉和蔬菜盤🥬明太子雞翼雞翼裏包住濃郁的明太子十分惹味😋但是有少少辣🌶️ 不能吃辣的朋友要注意‼️店內播着香港懷舊流行曲的日文版，而且有很多可愛的日本食品裝飾畫，是昭和時代的風格。食客都吃得很開心，亦可以放鬆地談天😆好像真的到了日本居酒屋一樣🇯🇵🏮味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤎🤍🍽️ 瀛燒居酒屋 (荃灣)📍荃灣享和街5-7號香城大廈地下1號舖

今次嚟到日本居酒屋，牆身貼滿日本畫作、廣告同清酒貼，再配上日本音樂，充滿日本情懷，都幾舒適寫意。一般居酒屋嘅鍋物、刺身、油揚炸物、串燒，燒酎、清酒、啤酒，這裡都一應俱備。特別係呢到有啤酒，清酒放題，香港較少餐廳提供。必食推介三點特盛-材料新鮮之外，仲要厚切，滿足😋味噌廣島蠔🥘🦪鍋-大大隻嘅蠔之外，湯底濃郁，仲配埋粉絲，成鍋湯飲哂🤩原條燒🐟伊佐木魚-即叫即燒，新鮮好味串炸🍢-白板魚蛋，煙燻芝士竹輪🍸青蘋果特飲🍹高知柚子整體環境同食物都高質，值得一試～

坐樓上，室內比較嘈無serve 熱茶，叫左一round 刺身 新鮮 唔錯帶子 赤身 油甘魚 各兩件叫左300 ml 凍sake + 白桃特飲Sake 可以自選杯 ，白桃特飲算幾普通，你當有味梳打咁飲白鱔串燒 牛舌芯串燒好食有彈性，夠味，唔太咸，脆口其他都唔錯最後牛腸鍋 一般最好食係裏面嘅菜 同埋汁好野味個牛腸我係麻麻地。串燒都有叫牛腸，串燒牛腸好食但牛腸咼就一般，可能佢上個時已經煮熟左？唔係鮮牛腸放落去埋單$700 兩位性價比ok 荃灣近近地日常想食日式嘢，算唔算

嚟到荃灣呢間居酒屋，整個店舖的風格都有日本風，令到你好似置身於日本食肆當中☺️☺️➡️居酒屋當然要試一試刺身生蠔$45隻配活赤背$48隻食落口非常新鮮，依款生蠔食落去唔會太大海水味，但係好肥美，而蚌就好爽脆，兩款都好肥美，而且食得出鮮味☺️➡️味噌豬腸$48肥美的豬腸下配上超級入味的白蘿蔔，加上陣陣的味噌味道，令到豬腸每一啖咬落去肉質都滲透出嚟，真是一味很好的小食😆➡️輪到炸串方面🍤三文親子串 $38即是三文魚，配上三文魚子，由另一番風味😃🍤牛蛙髀 $32大大隻鏡牛蛙，每啖都是肉，好似食緊雞髀一樣，肉質爽滑🍤松葉蟹鉗 $58淡淡都是肉，而且雖然炸過，但有沒忘都未到🍤鵪鶉蛋 $22比我想像中好味，炸完之後，蛋汁油蛋白包住，令到咬落去好似脹爆一樣油滲透出來➡️飛魚子玉子燒 $98甜甜的玉子，配上爽脆的飛魚子，而且每一嚿入邊都包含咗大量的飛魚子，令到食落去有兩種口味➡️牛腸鍋 $168牛腸非常之多，而且每一啖食落去都唔會話好肥，只係脆口而且又滲透出來，摸材料非常多，二人食剛剛好，包括有菇類、粉條、菜等，最值得一讚係湯底真係煮得好惹味，微微的辣配上材料入味地食用，真係好好的主菜➡️飲品方面🫙鮮金桔冰鮮酌 $58

平日大幾6點幾去到有店員係到 但未準備好開門Openrice既時間未必最update1 三點盛合 $138油甘魚 x2赤身 x2凡立貝3款刺身都係勁厚切 鮮味活赤貝 x2肉質爽厚2 飛魚籽玉子燒 $98豐厚口感 小小甜味另外仲有6款口味 都好吸引3 照燒日本火箭魷魚筒 $138好大份調味適中 爽口彈牙4 蘿蔔豬腸蘿蔔清鮮 可以再煮林少少豬腸煮得林 冇怪味6 特色燒飯團 2件 $58真係燒到外脆內軟外層飯焦香 內層軟熟口感係日本食左串燒 返香港食串炸7 日本白板魚蛋 $188 沙錐魚 $36/29 雞肶肉 $243款串炸都好酥脆炸皮唔太厚保留到原有食物既口感肉質10 白桃特飲 $32桃味 偏甜11 自家手作梅酒 $58易入口 唔太酸去完日本2星期都未夠又掛住日本野食呢間荃灣西附近既日式餐廳 可以望梅止渴整體食物質素味道都唔錯

荃灣出名係美食天堂🤤今次黎到位於荃灣既日式居酒屋📍瀛燒居酒屋閒日6:30去到已經人頭湧湧🧐 好中意呢啲日式吊燈 ☺️上刺身盛盒🐟🐠 共5款刺身 每款2切（三文魚 油甘魚 赤身 赤蝦 帆立貝1隻） 刺身新鮮肥美 🥹 啖啖肉又夠大件！ 好中意佢既wasabi 夠濃味 唔會太攻鼻～ 赤蝦手掌咁大隻🤤味噌廣島蠔鍋shabushabu🦪蔬菜配料有娃娃菜，菠菜，冬菇，杏鮑菇，金菇同薯粉啲蔬菜索哂啲味噌湯 熱辣辣好味😇廣島蠔4隻 （大大隻） 極重蠔味🥹 唔會比味噌搶哂啲味💕肉質飽滿爽口😛 海膽甲羅燒🦀 我最愛甲羅燒☺️☺️☺️仲要配埋勁鮮甜既海膽🥹🥹啖啖食菇肚都唔捨得🥹 好貼心咁配左個飯團 簡直係米飯小偷😝蟹肉蟹膏份量都好多 配埋蟹籽口感100分☺️炸串🍢碟上有 日本白板魚蛋 沙錐魚 鵪鶉蛋 三文親子串 😍 新鮮炸起上枱 熱辣辣 炸皮唔算厚 配埋炸串汁 惹味！ 白板魚蛋極爽口陣牙 會想瘋狂食😂沙錐魚 外脆內軟 口感💎 三文親子串配埋沙律醬貼魚籽 ☺️ 呢個配搭永無出錯😝梅酒 ☺️ 夠冰凍入口 淡淡梅味 唔會太strong 🥰女士都ok🤤 以後食日本野又多個選擇🇯🇵😝☺️

上次聽朋友講荃灣有間非常唔錯嘅日式居酒屋，今次終於可以黎見識下啦。入到去已經滿滿居酒屋情懷啦。我地點左辛味噌牛筋肉鍋，呢個湯底香辣醇厚，牛筋肉煮得軟爛入味，每一口都充滿濃郁嘅牛肉香味同辛辣噴鼻嘅噌汁。鍋底入面仲有蔬菜同其他配料，令湯底更加豐富味美。刺身方面，佢地今轉有季節限定日本直送原條魴鮄刺身。魚肉鮮嫩，質感滑脆，鮮味十足。每一片刺身都保持住魚肉嘅原汁原味，令人回味無窮。加上擺盤好精美，令人好享受呢！串炸沙錐魚同串炸鵪鶉蛋都係炸得香脆美味。沙錐魚外脆內嫩，每一口都帶有淡淡嘅海鮮味道。鵪鶉蛋則炸得金黃酥脆，內裡蛋黃嫩滑，非常開胃。煙燻芝士竹輪係一個獨特嘅小食。竹輪煙燻得恰到好處，帶有淡淡的煙燻香氣，配上融化嘅芝士，味道濃郁香滑，絕對係一個令人驚艷嘅滋味。雞腳筋同串炸三文親子串都係居酒屋嘅經典小食。雞腳筋炸得酥脆，入口咬下去有嚼勁，味道鮮美。三文親子串嘅鮮味令人愉悅。飲品就點左青森蘋果sawa。味道清甜爽口，配搭日式食物好夾呢～呢度有多款精緻美味嘅小食同串燒，加上環境舒適，服務員態度亦好好，仲同我地傾計呀，好貫徹居酒屋嘅文化呢～

今日同班Friend去咗荃灣西站附近嘅瀛燒居酒屋食飯，呢間餐廳位置有啲隱世，但係裝修好有日本風味，牆上面貼滿晒海報，仲有好多日式燈籠，氣氛一流！一坐低就叫咗日本直送嘅金線鯛刺身。金線鯛肉質鮮甜爽口，魚油豐富，真係食得出係日本直送嘅新鮮貨，HK$348。另外，我哋仲叫咗飛魚籽玉子燒。玉子燒好鬆軟，味道香甜，配埋飛魚籽食落口感豐富，都係HK$88。清酒煮大蜆都好正，成鍋上枱，可以自己控制火候，大蜆好新鮮，肉質肥美，清酒湯底好清甜，呢個就HK$118，不過要小心個鍋好熱，唔好辣親手呀！上枱嗰陣仲會有火焰效果，好吸睛！串燒方面，我哋就叫咗蓮藕、秋葵同埋黑豚腩。蓮藕同秋葵燒得好爽脆，都係HK$22同HK$12；黑豚腩就肥瘦適中，唔會太油膩，HK$24串。飲品方面，我哋叫咗白桃特飲，味道香甜，好啱女仔飲，都係HK$29咋。最後梗係要試下呢度最特別嘅燒河豚酒！侍應會將河豚魚乾點火，再放入清酒入面，成個過程好有儀式感，而且味道都唔錯，帶有淡淡嘅魚鮮味，好特別，呢個都係HK$88咋！整體嚟講，瀛燒居酒屋嘅食物質素唔錯，環境同服務都好好，價錢方面就中規中矩，人均消費大約HK$200-300左右。如果想試吓

係荃灣搵間收得夜小小既餐廳食飯唔多選擇呢間居酒屋收2點, 可以同朋友坐耐D 同愎慢傾計都得我地打左電話book 位唔洗等位Book 位時講左係同朋友慶祝生日佢地安排樓上既坐位俾我地好有居酒屋既氣氛同佈置好靚 仲可以打機同擲鏢我地叫左串燒炸物同壽喜燒串燒:雞翼/ 豬腩肉/秋葵/一口和牛/黑豚腩/雞蔥串/雞腎串燒:雞翼/ 秋葵/雞蔥串炸物:海蝦/鵪鶉蛋雞肉棒 賣相幾好, 如果可以再濃味少少就更好壽喜燒 個湯底唔錯食完飯到最後上埋個蛋糕佢地會播日文版生日蛋糕同客人慶祝生日 場面都幾搞笑想讚讚幫我地上蛋糕既女職員, 佢真係好nice  好好人 下次會再黎幫襯

位於享和街嘅地鋪，裝修好有居酒屋風情👀無論係刺身、小食、熱鍋、炸物、酒類🍹都有好多選擇，店員好熱心👍🏻餐廳感覺好親民舒適✨三點盛合 $138三文魚3切油甘魚2切赤身2切刺身好新鮮👀厚切口感十足，三文魚有驚喜，好有鮮味同嫩滑，油甘魚嘅油份好高，入口充斥住魚油香氣，但好清爽唔會好膩👍🏻赤身都好甘香✨黑松露玉子燒 $98💯非常足料嘅玉子燒👀熱辣辣上，蛋非常嫩滑，黑松露味香濃🥹真心推薦，定價進取但質素有保證！✨味噌廣島蠔鍋 $178大大粒珍寶蠔🦪材料豐富，除咗有粉絲之外，亦有唔同蔬菜，滲滿味噌👀湯底偏濃郁，適合重口味人士✨自家手作雞肉棒 $45燒得非常香口，配上燒汁好惹味😋質感外脆內軟，雞肉口感好嫩滑，另有少少軟骨，淡淡唔同口感✨阿波尾雞胸軟骨 $38軟骨好有口感，非常脆軟，以鹽調味配上檸檬汁🍋👍🏻✨雞腳筋 $29平時比較少食雞腳筋，口感類似軟骨，值得一試！✨串炸沙錐魚*2 $36串炸鵪鶉蛋 $22串炸三文魚親子串 $38串炸拼盤皮薄料足，個人最鐘意三文魚親子串👀爆汁三文魚子同嫩滑嘅三文魚肉幾夾👍🏻沙錐魚炸完都好有鮮味✨白桃Chu-ha $58偏向果味重同甜，白桃味好香✨白桃Highball

首先，佢哋嘅三點盛合，包括三文魚、油甘魚同赤身，每一切都新鮮到不得了，食落去嘅感覺好清新。黑松露玉子燒呢，真係一個驚喜，黑松露嘅香氣同滑嫩嘅玉子燒完美結合，每一啖都係享受。照燒日本火簡就魚筒，呢個就更加唔使講，照燒醬嘅香甜同火簡就魚嘅鮮美，絕對係味蕾嘅盛宴。特色燒飯團，每一粒米飯都飽滿得嚟又香，真係好過癮。飲品方面，長野巨峰Sawa同白桃特飲，一杯清甜，一杯香濃，飲落去真係好Chill。串炸系列就更加唔得了，一口和牛、沙錐魚、鶴鶉蛋同三文親子串，每一串都炸得金黃酥脆，外皮脆卜卜，入口即溶，真係夠晒彈！煙燻豬肝香氣四溢，雞心喉管燒得剛剛好，味道濃郁。總括來講，呢間食店真係一個好適合打卡嘅地方，無論係食物質素定係潮流感覺，都係一流。下次你想食日本菜，記得要去，保證唔會失望！

今次嚟到荃灣呢一間昭和風式嘅居酒屋，星期日 六點嚟到，店員好好安排我坐四人位非常舒服。店入面嘅裝修好精緻，一個個嘅燈籠好似置身於日本一樣。三點盛合-三文魚/油甘魚/赤蝦第一未上嘅係刺身拼盤，呢度嘅刺身解凍剛剛好，入口非常肥美，特別鍾意油甘魚本身怕腥嘅我都覺得好鮮味海膽甲羅燒呢一味相當尊貴，蟹蓋入面除咗有膏之外，仲有海膽，每一啖嗰種鮮味好似係個口爆發咁黑白啤（杯）Suntory 嘅黑白山啤唔係咁易搵到，同一般啤酒相比，加入黑啤令到味道嘅層次更加豐富，又唔會苦澀（串炸）鵪菓蛋+ 廣島蠔第一下咬落鵪鶉蛋差啲焫親嘴，證明真係啱啱炸起新鮮滾熱辣。蠔大大粒，相當足料。炸物配埋秘製嘅醬油，惹味upup 。總結而言，呢間屬於荃灣區高質，而且有心嘅居酒屋小店，附近有停車場，揸車朋友更加方便。

荃灣人氣居酒屋，裝修有Feel，星期六日行過同另一半試咗唔錯。環境店內貼滿有關日本嘅poster，又播住歌，幾有氣氛，餐廳仲有二樓。餐牌 雜錦海鮮米紙 $78 呢款算係crossover菜式？越式嘅米紙卷，入面係日式魚生，大量青瓜絲好Fresh，用嚟做頭盤啱哂。 日本直送原條季節魚-刺身 $298 是日季節魚係「魴鮄」，聽到個名內心笑咗笑😂 店員介紹白身魚本身魚味比較淡，附上酸汁，薑蓉唔洗點太多，彈性高，肉質紮實，味道清甜。 串炸 分別點咗日本白板魚蛋 $18、鵪鶉蛋$22、三文親子串$38，炸粉薄，每款都唔差，沾少少醬汁調下味勁惹味。 鱈魚白子半份 $88 自從食Omakase 食過白子之後，就夠膽食🤣 $88食到半份性價比高，入口滑溜鮮甜，酸汁又唔會蓋過鮮味。 手作煙燻豬肝 $48 另一半鍾意食肝，我就唔食嘅😂 呢款係凍食嘅冷盤，佢話質感做到好似Cheese咁又唔腥，鍾意食肝嘅朋友會愛上。 特色燒飯團 $58 以飯團作主食，入面如果加啲肉餡就更正啦！ 白桃HIGHBALL $58 及黑白啤 $68 話明居酒屋點可以唔飲酒，價錢都唔算貴。