琥酌 (Moved) New Location

吉列安格斯：師傅已預先以厚切形式切好。附上小火爐同煎pan，自己熟度自己揀，非常貼心。識食牛肉既你，5-7成既熟度就最perfect。食落外面炸粉好薄，做到外脆內軟的效果。安格斯好淋滑，有肉味，帶有少少油香。非常滿意。角切雜錦魚生飯：好大碗的海鮮丼，魚生的種類很多，有魚子，蟹子，三文魚，油甘魚，吞拿魚等等，亦好新鮮，每一口都係滿足的感覺。吉列盛合：有蝦，廣島蠔同牛肉薯餅。炸粉亦是落得恰到好處，唔會太厚，全部新鮮現炸。炸物食落幾juicy，保留到水分。肉餅口感細滑，有牛味，令人驚喜。總結：食材用料令人滿意，新鮮現炸，有水準的炸功，性價比頗高，值得推介一試。

因工作關係途經尖沙咀，想起朋友曾經推薦的琥酌，以吉列方式半處理的日本牛，肉質仍然保持鮮嫩，配上特色的鐵板可以自由控制煎牛的熟成度，同時奉上3種不同的調味，包括芥末、岩鹽、以及黑椒汁。既是好玩的體驗，實際上也能創造出不同的燒牛肉風味。其中，我最欣賞的是以岩鹽沾上肉身煎香牛肉，這是最能展現牛肉的風味。套餐的形式除了吉列牛外，還配有日本米飯、麵鼓湯、沙律碗以及溫泉蛋。沙律碗尚算新鮮，只以芝麻醬略作調味，略為平凡。麵鼓湯則較為濃郁，作為開胃既前菜也甚為滿足。至於溫泉蛋的蛋白營造流質的效果，但蛋黃郤已成固體，失去溫泉蛋的神萃，但若蛋汁加配醬汁用作拌飯，卻有另一番風味。

上星期同朋友嚟食吉列牛，今次唔止試咗吉列牛，仲食咗牛肉鍋同埋牛舌丼安格斯牛吉列$368上到嚟份吉列牛係只有三成熟左右，然之後就自己慢慢喺石鍋上面燒，自已控制熟度，幾有趣！一份吉列牛大概有10塊左右，外皮係用吉列粉包住炸嘅， 燒完之後又熱又香，肉質都幾嫩熟度自由控制，我就鐘意6-7成熟啦有3種醬汁可以點，我偏好簡單的海鹽， 最突出到牛味鹽燒牛吉丼：呢碗牛舌丼真係不得了，勁多牛舌而且肉汁滿滿，望落已經好想食，好吸引！牛舌係有厚度的，口感爽滑，而且邊邊位焦焦地，好香口！九州安格斯牛肉鍋牛肉鍋一上來，我就即刻攪拌佢，等佢用餘溫整熟d蛋，而且又令個鍋多d蛋香味。我好欣賞呢個鍋，因為牛肉片上嚟嘅時候係未熟得晒，所以食落口嗰陣生熟程度就啱啱好啦，顏色上帶有少少粉紅。牛肉偏瘦，但食落都算嫩，牛味亦重，同吉列牛係完全唔同的享受。

依間吉列牛好似好出名，今次同朋友去食，一定要試下啲牛！叫咗個頂級安格斯牛肩肉，如果係套餐咁叫就$368，非常推薦！因為佢啲牛好靚，如果中意食牛既朋友仔一定要去試下，原來牛除咗平時打邊爐、牛扒，仲可以用燒既方法食吉列牛，吉列牛係另一種好特別既食牛方式，我都幾中意🙈然後仲想食下佢啲吉列盛合，$108。有兩件吉列廣島蠔、兩件吉列大蝦仲有一塊和牛薯餅，好正！平時超中意食蠔既我，緊係唔會放過試下廣島蠔，勁大舊，雖然係炸咗，但食得出隻蠔係好新鮮！大蝦真係好大條！好正😍和牛薯餅我都好中意，因為食落又唔會好「漏」，如果有多舊就更好，同朋友一人一舊！仲有一個角切魚生飯 $118，好足料，有玉子、蟹籽、刺身好新鮮，三文魚同吞拿魚薄薄地，但好好食，又有口感，倒啲日本豉油落個飯定再食，更加有味道🥰整體黎講都好值得讚！😋

呢間野出名食吉列牛，不過估唔到原來lunch都係咁高質！今日又係尖沙咀食飯，呢棟大廈係喺海防道，但其實都唔算起眼，平時行過都冇咩點留意，但原來呢棟大廈都幾多野食今日黎就冇食吉列牛啦，就係lunch set到揀左蒲燒鰻魚定食黎試下！等左大約10分鐘到d野食就送到啦，原來都幾多野食除左有碟鰻魚之外，仲有沙律、麵豉湯、飯，同埋隻溫泉蛋。沙律配左芝麻醬，麵豉湯鹹度適中，仲有少少配料係入面。溫泉蛋煮得岩岩好，蛋黃係流心既，撈飯就岩哂啦最後講下個鰻魚，唔係話好肥美，不過呢個價錢黎講已經好高質，不過d汁就有少少鹹得滯。下次黎到可以試埋其他lunch set

以吉列豬扒為主題既餐廳相信大家食得多，吉列牛卻比較少，仿間有很多以吉列炸物作為主題餐廳，因炸物選擇眾多，令餐廳缺乏獨有特色。是日與友人來到「琥酌🥩」，門外寫著「吉列牛專門店」，就足以證明主打產品離不開牛了。🥩🥩吉列牛與吉列豬最大既分別，前者基本上可以生吃或不用太熟成便可以入口，後者則要完全熟透才能夠食用😋入座後看到「頂級安格斯牛吉列御膳🍖」圖片，已覺得非點不可，而友人則選了吉列盛盒，看看質素如何😊😊1. 頂級安格斯牛吉列御膳🐮🐮傳統吉列牛先以炸漿覆蓋肉身，以高溫炸至表皮微熟，而內部肉質接近生肉，上碟後待客人自行按喜好煮熟。先講賣相，琥酌吉列牛外觀吉列表皮非常靚，侍應更有禮地解釋要放10-15秒上鐵板，而且更有3款醬汁提供：椒鹽、蜜糖介末、燒汁🥰🥰🥰，三款醬汁以蜜糖介末最吸引，吉列牛入口嫩滑，微辣既醬汁令肉味更香🥰🥰😋😋2. 琥酌吉列盛盒🍤🍤盛盒包括炸薯餅、炸蠔及吉列蝦，盛盒份量夠，而且上枱時熱辣辣，吉列蝦炸得夠脆，炸漿不多，友人忍不住口吃了大半😂😂3. 角切魚生飯🍣🍣(大盛）魚生飯相信大家不會覺得陌生，琥酌魚生飯獨特之處在於魚生款式非常多，大盛包括劍魚、三文魚、吞拿魚、熟蛋、三文魚籽、

跟朋友阿拔吃日本菜，琥酌是我吃list中首三甲，它以吉列安格牛出名，一定要將它吞下肚，飽乙受高級和牛之滋味！店內環境偏暗，有日本居酒屋之味道，裝潢好有日本風情畫，歹同種類的酒琳琅滿目，各顯特色！叫了以下食品:1.安格斯牛吉列: 侍應先放下燒盤，瓦做的小燒盤好有特色，極其典雅，再夾上皇牌安格斯牛吉列，慢慢燒著，不需分半鐘，牛肉已有6成熟，放入口中，外脆內諗，一咬傾心，肉汁四濺，肉香芬芳，令人難以忘懷！2.琥酊吉列盛合: 碟上有薯餅、中蝦及蠔，全部給炸過，特別脆、特別香口，放在一起引誘我的食指大動……最後，一一送進口中，大大啖咬下，蝦好鮮味，薯蓉也蠻多份量及蠔也超鮮，吃下幸福感滿瀉，已合理地進入回頭吃系列之一了！3.角切魚生飯: 整碗飯完完全全被不同的魚生粒覆蓋，飯又黏，魚生又滋味，一吃二吃三吃，不到15分鐘，已見碗底了……太入味了！感恩給我遇上生命中可能最好的日式料理！

前排去日本TOKYO旅行，男朋友帶左我去左一間連鎖吉列牛餐廳食。本身其實對吉列野食都唔係太大興趣，所以都無太大期望。點知入到去真係出奇地覺得正！自己清唒成個餐。所以，返泥香港一於又搵下有無得食！收工遲了，去到餐廳唔算多人。去到宦好有日本ＦＥＥＬ啊。居酒屋好多日本ＰＯＳＴＥＲ／酒樽咁。情調都幾舒服。食下野飲下酒都幾唔錯～當然野食方面係叫左吉列＊和＊牛食啦！同日本一樣，都係預先切好左，跟住自己一路食一路燒。炸炸聲好治療。仲有３種醬俾你點～和牛好味道唔＂ＵＮ＂喇當然，而且外脆內軟！仲叫左個壽喜燒，都幾多料，金菇肥牛冬菇。仲有吉列盛，有 吉列蠔，蝦同芋頭餅。炸粉唔會太多，點沙律醬食ＹＵＭＹＵＭ！居酒屋就梗係要點返杯酒。試左柚子酒同菠蘿酒。都幾過癮的細細杯。不過係菠蘿味就偏甜～～得閒來ＣＨＩＬＬ下也是不錯的。

之前同朋友食過呢間琥酌吉列牛的太子分店，覺得好過癮，於是今日帶男朋友黎尖沙咀分店多試試佢。店舖環境好有feel，燈光昏暗，有好多日本poster，枱枱椅椅都係深色嘅木，格外有味道。前菜：螺肉中華沙律🥗螺肉同埋中華沙律都係我同我男朋友最鍾意食嘅前菜，好開胃和式牛吉列御膳服務員上菜果陣同我地講解點樣去煎塊和牛：每一面大約煎45秒，果然煎到45秒和牛肌肉非常嫩亦保留番少少咬勁👍🏻good呀鰻魚飯珍珠米吸晒鰻魚汁好開胃好岩送飯，鰻魚燒得岩岩好，好嫩，而且鰻魚汁好好食。好食到停唔到口。和果子最後嘅甜品係和果子，估唔到和果子做得咁精細，搞到我唔捨得食。裏面嘅餡係紅豆沙蓉，外皮好煙韌。飲品方面我叫咗抹茶波子汽水男朋友叫咗藍蝶花特飲差啲講留咗個小食燒茄子都同樣好好食

有同事試過個石板燒牛肉唔錯，叫我午餐時段去仲抵，點知上到來又見到炒牛肉，又怕趕唔切慢慢燒肉，應該話番工冇咩mood搞咁大陣仗如果我放假都會想叫多一兩個小食同個石板。見到隔離木枱好多人食緊，好香牛味咁。個套餐有包麵豉湯、溫泉蛋、沙律同飯，營養價值豐富，又易送飯，不過炒菜有d太咸，叫左罐汽水先搞得掂，良心價$5罐，起尖沙咀近海港城的地段來講，$6x都算性價比高。環境都舒服，服務態度還好，可能最近人流少左，員工都唔點出floor，唔點斟下水。

位於尖沙咀的琥酌，是一間主打吉列牛的日本料理餐廳。多年前，香港興起吃吉列牛的潮流，吸引不少餐廳增設吉列牛這道菜式，雖然現在熱潮減退，但依然有不少客人訂坐光顧哦。餐廳裝潢走日式居酒屋風格，以深木色為主調，貼上大量日本海報，放上大量日本酒樽，播著日本懷舊歌曲，打造日本居酒屋氣氛。餐廳主打吉列牛，但也有提供居酒屋的必備小吃和菜式。吉列安格牛 $368客人品嚐吉列牛，服務員會呈上一個小火爐，一碟吉列牛和三種調味醬。安格斯牛扒預先切件，外層已裏上吉列炸漿炸至香脆。客人只需放上爐上燒至理想熟度。聽到吱吱聲的燒牛肉聲音，令人興奮呀。牛肉味道不算太濃，嚼勁度足，建議不要燒太熟，會較好吃哦。琥酌吉列盛合 $108吉列盛合包括: 吉列蠔，吉列蝦和吉列牛肉薯餅。餐廳的吉列系食物做得不錯，香脆的外層，放涼後也不會軟掉。三者之中，我最喜歡吃牛肉薯餅，外層脆香，內裡幼軟，沾上沙律醬更好吃。明太子玉子燒 $48明太子和玉子燒，向來是天作之合。這裡供應的玉子燒，屬偏向扎實的口感。蛋皮偏熟，蛋汁較少，鹹香得宜哦。

琥酌 (尖沙咀).食過一次返尋味，覺得好好食所以忍唔住再嚟食多次(˶‾᷄ ⁻̫ ‾᷅˵).⚜️安格斯吉列牛御膳⚜️ $368.吉列牛一上枱店員會好細心咁教你戰大概時間30至45秒，個人呢喜歡偏生啲，所以都係煎大概30秒左右！.⚜️黑豚肉泡菜相撲鍋⚜️ $108.呢個泡菜鍋湯底酸酸辣辣勁好食呀！ ！有大量我哋喜歡食嘅娃娃菜，冬菇，同埋兩大塊黑豚肉！.⚜️琥酌吉列盛盒⚜️ $108.煎炸香口嘅嘢有邊個唔鍾意食(˶‾᷄ ⁻̫ ‾᷅˵)呢個吉列盒有炸天婦羅🍤炸蠔，同埋炸薯餅！樣樣都係我喜歡嘅嘢食(*¯︶¯*).林尾仲會俾埋個甜品我哋食(⁎⁍̴̛ᴗ⁍̴̛⁎)係花花型嘅和菓子，入面係豆沙，外皮煙煙韌韌，又幾好食啵！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌琥酌 (尖沙咀)尖沙咀海防道38-40號中達大廈11樓.

約左好耐無見既朋友食飯 想係尖沙咀靜靜地搵間餐廰唔容易 之前聽朋友介紹過琥酌 可能因為係星期二唔使等位就入得朋友好鐘意食日本野 見到燒牛好開心 揀左頂級安格斯牛古列盛盒set : 安格斯牛，鹿兒島A5和牛肩胛，牛舌同和風野菜。 野食唔算太多，勝在質素高，上碟個吉列牛，望落夠晒吸引，外脆內軟，再燒一燒，即時好香，放入口感覺好正。我同朋友越食越高興，叫多左個蒲鐃鰻魚飯，鰻魚玉子燒，燒茄子，同藍蝶花雪梨特飲。每樣野都好食，好滿足。最估唔到係本藍蝶花特飲，望落好似cocktail 咁靚，飲落甜甜地仲有雪梨溶，唔係一般就咁雪梨味既水。覺得製作用心，值得加分！平時做野咁辛苦黎到同朋友輕鬆傾計飲野，乾淨又環境好，非常滿意。 

其實吉列牛已經興左好耐， 但大鄉里出城嘅我今日先試第一次🌝原來真係好好味架😭除咗吉列牛之外，午市仲有其他定食。以尖沙咀嘅物價黎講，定食價錢唔算貴每個set包沙律，溫泉蛋同味噌湯。初嘗吉列牛嘅我決定由入門級開始，牛肉為安格斯。雖然唔係和牛，唔係sale入口即溶，但牛味好重，肉質好嫩滑🤤放上依個小鐵板，按照心目中嘅熟度而燒。個人認為每邊燒8秒就啱啱好😆有自家製嘅黑椒麻油汁，海鹽同蜜糖芥末醬點，三樣都夾味，各有千秋朋友就嗌左和風牛肉set，牛肉肥瘦適中，以薄片嘅形式更能索汁。洋蔥同冬菇雖為配菜，但味道都好好，好能送飯😂我哋將溫泉蛋倒入白飯一齊伴黎食，令到成個飯充滿蛋香，更為濕潤🤤🤤

太子知名總店的琥酌進駐海防道，裝潢以日式居酒屋為主題，清酒瓶、牆身裝飾以及時尚燈箱等，都讓人有如置身日本當地的居酒屋一樣，點餐後先來開胃前菜，微辣的蒜頭及漬物。雖說前菜每位需另加$10，但前菜的素質不錯，味道好得有得驚喜，相信店長對前菜都有一定的要求。頂級安格斯牛吉列御膳 用美國頂級安格斯肩胛肉做成的吉列牛扒，半熟吉列牛一碟十件。厚薄平均，表面上塗了一層薄薄的特製炸漿，炸起的外層緊緊黏著牛肉，酥脆的外層加上內裡的嫩滑肉質，做到外脆內軟的真實口感，上檯時店員提到牛扒每一面要煎香大約20至30秒，將鮮紅微暖的半生狀態，放上小鐵板燙熟，燒成大慨7-8成熟的吉列牛扒，不過就算嘗試煎得過火十成熟，口感仍然細嫩。點上個人喜愛的柚子胡椒、芥末汁和岩鹽，配合伴菜的和風野菜盛合，味感再有所提升由於影相打卡又慢慢嘆的關係，未幾爐火熄滅，詢問店員後再次細心加上火酒點燃慢慢燒熟野菜。明太子玉子燒玉子燒既有蛋香而且嫩滑，配了惹味的明太子更有內涵，沾上木魚絲沙律醬一個食法，再放在燒爐上燒一燒，享受煎香的蛋味，又是另一個不錯的食法。蒲燒鰻魚丼(大盛)鰻魚份量滿意，啖啖肉而且肥美香甜，鰻魚汁燒香入味非常，是沒有馬虎的