琥酌 (Moved) New Location

一直好想食吉列牛，趁friend生日一早就book左枱嚟食飯慶生！環境寧靜舒適，啱曬慢慢傾計食飯！前菜夠曬開胃醒神！頂級安格斯牛吉列御膳，有個小火爐慢慢燒，部位係美國安格斯肩胛肉，油花唔算多但一路燒住啲牛味勁出，仲要入口juicy肉嫩。另外仲配有個蔬果盤仔，放係側邊燒一燒就食得，食下牛又食下蔬果refresh下感覺非常之正。蒲燒鰻魚丼，鰻魚好香好肥美，入口冇咩幼骨。明太子玉子燒，睇個賣相唔錯，外皮啲蛋實得嚟都仲好嫩，包住啲明太子超級有口感，賣相同味道都好好。厚燒牛舌同鹽燒安格斯牛肉串，厚切嘅牛舌真係冇得彈！好有口感，咬落一啲都唔韌。一串安格斯牛肉串有4粒，每粒都大大粒，一口一啖安格期不得了。呢餐生日飯絕對冇揀錯，係高質嘅晚餐。

今日同老公行完街，想搵間清靜啲嘅餐廳食飯，睇一睇OpenRice排名，見呢間派得幾高，又未食過吉列牛，便決定一試。想到你，果然沒有令我失望，環境清幽，座位寬敞，可以靜靜地食餐飯👍🏼呢個場唔係好大，但係座位都放得開。食物選擇不少，有串燒，刺身，鍋物，小食，飯類...當然仲有主角吉列牛。我哋兩個人，點了一客吉列牛，鰻魚飯，明太子玉子燒，同埋一串牛脷串燒同牛粒串燒。先上吉列牛，有一個小火爐，比我哋自己玩，侍應都有介紹得清楚，每邊燒10至12秒，然後再配有三款醬汁任君選擇😋😋😋燒牛肉食得多，但吉列燒牛肉第一次，口感比較特別，因為吉列邊脆口，中間嫩滑👍🏼👍🏼明太子玉子燒也不錯，明太子分量十足😍😍😍😍😍鰻魚燒得好香，加上饅魚汁，同埋酸蘿蔔，好開胃😁😁臨走前見到呢間餐廳都有做午市，幾抵食👍🏼可以一試

鍾意食日本野嘅朋友生日，咁岩佢又話好掛住日本食過嘅吉烈牛，一於請佢黎食番餐啦。日本酒列隊，可惜我唔飲得。除左幾款主打吉列牛外，亦有各式常見日本料理。主菜未上之前，先黎一小碟漬物，牛蒡同蒜頭鹹鹹酸酸，估唔到前菜一d都唔馬虎。鰻魚配上傳統燒汁，玉子無另加調味，夾埋一齊食不錯。表面炸得香脆唔油膩，牛肉中間依然保持紅潤，店員教路每面煎20秒，當然因人而異，我ge黃金時間就係每面煎10秒，外脆內嫩。煎完肉可以煎配菜，清新一下。店員細心介紹三種醬汁：鹽燒汁（左）、岩鹽（中）、他他芥末（右）。他他芥末最有特色，甜甜地辣辣地，唔會浸林晒，同炸物最夾。魚生飯好大碗，鮮甜足料，角切比切片更適合大大啖送飯。藍蝶花只取其色，味道全靠雪梨，清甜滋潤，而且有果肉，並非純粹落糖漿，加埋梳打水好爽好清新。

好久沒吃吉列牛，覺得吉列都係配豬扒比較好😂今晚經過尖沙咀琥酌，一於上黎食個晚餐啦第二次來琥酌，覺得這次牛肉品質比上次好這次肉質很嫩滑👍🏻👍🏻，上次有點難咬開佢地既醬汁做得唔錯，酸酸地好開胃配合吉列就非常好，解油膩感！當然就咁落岩鹽都好好味！😋但今次我覺得最好吃的，竟然是牛舌🤩🤩🤩燒牛舌係厚切，覺得唔錯牛舌丼更加不得了🐮😛薄切竟然更美味！配上冬菇絲，洋蔥 正呀！👍🏻簡直可以扒晒成碗飯🤤🤤🤤

近呢幾年好興食吉列牛，差唔多類型嘅餐廳都愈開愈多，但高質嘅相對比較難搵，呢間琥酌都算係香港食過嘅算係高質！餐廳格局非常日式，周圍都放滿清酒樽，行居酒屋路線野食選擇都算幾多，適逢今日非常肚餓，所以叫左一個吉列牛set、一個鰻魚飯、一個鰻魚玉子燒同埋天婦羅爽一爽！鰻魚飯超大碗！鰻魚大大件啖啖肉！鰻魚玉子燒就無乜地方食過，呢度處理得好好，藏左舊鰻魚喺蛋中間，甘香可口天婦羅炸得非常酥脆，熱辣辣，粉漿都係恰到好處重點嘅吉列牛！一如傳統吉列牛食法，首先上一個爐點火，等燒到熱一熱嘅時候就擺上去煎香佢。呢度嘅牛不得了，超香口入去即化，絕對唔使煎太耐，反而會煎老！配埋一碟三款嘅調味黎食，分別係鹽燒汁、岩鹽同芥末，各有特色！

放工即慶同同事去尖沙咀happy hour，飲啲嘢再去食飯，好好輕鬆一下🥰同事話想食吉列牛，佢之前食過有間唔錯，呢日就帶埋我去試下。⭐️頂級安格斯吉列牛 $368欣賞佢地嘅吉列外皮，金黃香脆，薄身之餘，粉漿亦上得好穩陣；之前食過有啲吉列牛，未放落燒烤爐，層吉列皮就甩哂出嚟😂呢到嘅吉列皮燒完之後仍可保持完整無缺👍🏻牛肉肉質腍身，牛味香濃，入口滑溜juicy！佢地嘅吉列牛的確好有水準！⭐️琥酎吉列盛合 $108即炸即上枱，上菜時仍感受到炸物嘅熱力，天婦羅酥脆香口！同時已隔好油，冇多餘油份。⭐️蒲燒鰻魚丼大盛 $108鰻魚燒得好香😋鰻魚燒汁甜甜地好開胃👍🏻👍🏻而且份量仲好多。⭐️和風燒茄子 $58已去皮嘅燒茄子，肉質細嫩，面層仲有木魚絲，啖啖滋味🤤

其實吉列牛都唔係d咩新野，不過一路都未有機會去試，今晚朋友帶我去試下，在海防道既中間，地點都算方便！前菜漬物係健康既牛膀同蒜頭！有好多清酒、梅酒、果酒選擇，不過由於第二日要番工，今晚我安份守己飲梳打好了。蜜桃乳酸梳打：梳打水帶有淡淡桃香，絲絲甜蜜！主角到啦，安格斯牛吉列$368一件件牛表面已經有層薄薄既炸漿，經過師傳高招既技巧，牛肉每件都係外脆內生既狀態，真係一D都唔易呢！火酒膏燒住個爐，自己鐘意幾熟幾生都得，30秒到係店員推介既時間！望住個雪花紋慢慢溶解，又聞住個陣油脂香，實在口水流呢！燒好可點你款汁：柚子汁、芥末汁和岩鹽，簡單調味已經好完美！牛舌串燒$38厚切既，超正，好juicy無渣！九洲安格斯牛肉鍋$118食左個乾燒既牛肉，好似要飲D野潤下叫個鍋物就最岩啦，好多菜菇好足料而且一片片牛肉都好滑，食食下好快又清左個鍋除左牛之外，餐廳仲有其他野食，我地叫左個明太子玉子燒$48真係高質，包全超多既明太子，而且好實架滑滑既厚蛋加脆卜卜既明太子就係完美既合奏！

好耐之前係荃灣食過一間牛吉列，覺得好正，近來諗起想搵另一間再試。尖沙咀呢間「琥酌」好似電視有介紹過，決定去試下係咪真係正。🤔—果到冷氣幾大，但燒完牛吉列既話又會岩岩好。燈光昏暗，座位尚算坐得舒適。 —話明要試牛，一定要叫啦。佢會上左個石爐先，再加3種調味。由上至下分別係(?原諒藍妹真係記唔住第一個係咩，佢個味似鹽焗雞既蔥油)，海鹽同他他醬撈芥末。藍妹3樣都試哂，覺得第一個最好味，因為蔥油味好香。😍但鐘意食到更濃既肉味既話，用海鹽就最岩啦。至於他他醬撈芥末，味道係幾新穎既，不過唔太夾。😣—頂級安格斯牛吉列御膳和牛幾貴，都係試下安格斯牛算。睇牛既顏色唔錯，紋路都唔錯。侍應話燒大約30-40秒就得，不過我地唔知係每邊30定2邊加埋30秒。😂最後我地每邊大約30秒，唔會熟哂。肉質唔錯，軟熟，牛味唔係太濃，有肉汁。😃藍妹好鐘意佢既表皮，炸過既麵包糠緊緊咁貼住牛肉，少少既脆度令成個口感更好，味道亦更豐富。😋—明太子蛋卷呢個真心好食，好多明太子，啖啖都有明太子充滿住個口。蛋香加少少咸香既明太子，唔會太濃味，但令人好想食多幾舊。🤤—琥酌丼佢既介紹係寫「和牛同安格斯牛肉粒配上自家製醬汁」。我地要左個大S

一早約左男朋友去尖沙咀呢間琥酌撐枱腳。可惜我因為胃唔太舒服，所以只係叫左一個餐，無再追加特選A5黑毛和牛カツ膳 $568-霜降牛吉列御膳：A5的霜降黑毛和牛果然好香牛肉味，放係熱石上燒，燒到底面變色即可🥰燒過后，油脂香味馬上釋出，肉質入口即化🤤🤤可惜我本身個胃唔太舒服，而佢又係吉列的，所以只係食左2片😢-頂級美國安格斯牛肉片 ：同樣放在熱石燒至略微變色便反面。肉味都好重，可惜唔及吉列牛的油脂味香，但肉質一樣嫩滑。-日本鹿兒島A5和牛肩胛片：這和牛片雖然未燒，但見到油脂雪花的分布已經流口水🤤燒過后同樣入口即化😍部份油脂因燒過后留在熱石上，所以食落口一啲都唔油膩。肉片肉柔軟，肉香味濃郁。-牛舌芯：牛舌口感同牛肉片可不一樣，帶有豐富的油脂，吃起來軟嫩、富有鮮味。牛舌芯係牛舌中最美味的部位😍-和風野菜盛合蔬菜新鮮。如蕃茄仔及蕃薯仔已串好，石燒時唔會周圍轆，好貼心🥰🥰雖然我今次食得唔多，下次一定再黎食過😊

係尖沙咀行完街，友人話想食啲有特色，平日少機會食到嘅食品。上網搜尋一下🔍，決定嚟呢間餐廳試下石燒吉列牛！甫坐低，翻一下餐牌，急不及待就點左幾款食品，分別是吉列安格斯牛、明太子玉子燒、角切魚生飯（大盛）及九州安格斯牛肉鍋。今餐主打當然是吉列牛喇！吉列牛剛上枱，處於半熟狀態，外層以吉列脆皮包裹，用熱石板烤一烤，吉列牛香氣四溢，食落肉味濃郁，充滿油脂香。服務員細心講解醬料款式及烤肉時間，建議將吉列牛每邊烤20秒左右，之後，沾上鹽燒汁、岩鹽或他他醬芥末食用，三款之中，個人認為鹽燒汁最入味！另一驚喜是明太子玉子燒，蛋跟明太子嘅鹹鮮味很配合，食落香滑。魚生飯份量豐富，食材新鮮，角切方式，咬落啖啖肉，滿足感十足！牛肉鍋牛肉嫩滑，蔬菜味道清新，食完吉列食品，食返啲蔬菜，減少返肉食嘅罪惡感。餐廳內嘅小角落放置左不同嘅日本酒，同友人邊食邊欣賞，不經不覺，度過了一個輕鬆的晚上🌃。

今晚收工同朋友來尖沙咀食飯，網上見呢間啲吉列牛好多好評，於是試試佢。平日晚上唔多人，冇預約都唔怕。店內有日式居酒屋嘅氣氛，看牌上面啲字寫得好靚。🙊一開波來碟前菜沙律（$10）先，連碗都係凍嘅，有唔少菜，仲有海蜇、蕃茄仔。芝麻醬可能係店家自己撈出來嘅，同平時食開嘅味道比偏咸，個人覺得撈海蜇食又幾好食。主菜要左2款，琥酌丼大盛（$118）超級大碗！成碗舖滿晒和牛同安格斯牛肉粒，一食已經有菇同黑松露味，上面嘅藏紅花絲都唔錯，健康食物。另一個主菜係 蕎麥麵大盛（$78），我地揀左凍食嘅，有隻鵪鶉蛋另上，好得意。😂 個汁唔錯，蕎麥麵林身嘅，係咁熱嘅天氣食涼快嘅冷麵好爽。另外叫左碟小菜 鰻魚玉子燒（$68）。鰻魚好好食！冇骨嘅，大家放心食。啲蛋最入面半生熟個層同啲鰻魚一齊入口好正。推介原味食，嘅鰻魚味真係好正。唔少得壓軸嘅牛吉列盛合（$368），menu寫住係用美國安格斯肩胛肉整，吸引。有個爐仔自己動手燒，每邊燒30秒左右。肉好林，吉列炸醬分量剛好，唔會太厚皮。個人就鐘意原味唔點醬食嘅，好好味；朋友話佢中間個格喜瑪拉雅山鹽都好夾。埋單每人$350左右，食到好飽。平日晚第二朝仲要返工，我唔太識飲酒就

今日約朋友尖沙咀行街，晚飯時間又在苦惱食什麼？ 行經海防道，見到有吉列牛，而且餐廳名叫琥酌，好型，於是好奇心又使我們上去試下。日本居酒屋🏮的怖置，店員安排我們坐窗邊位置，附覽尖沙咀景色，坐位闊落，坐得舒服😌窗台全是日本酒樽的怖置，講得出的酒名都會有。睇下餐牌先，最吸引我的當然是牛吉列，選擇了頂級安格斯牛，店員先把陶瓷熱板放上，很快牛吉列就上台了，有10片安格斯牛，牛吉列中間是鮮紅色的，邊邊就已經轉了熟，店員建議每邊燒30-40秒，跟返自己的喜好程度。醬料有岩鹽，日本燒汁，同黃介醬，每款都有自己的特色，我自己最鐘意岩鹽，真係小小就已經突出到牛的鮮味，燒的牛吉列在熱板上滋滋聲，忍唔住要放入口，好正👍牛肉質嫩滑，咬2，3下就融化左，高質。第二道菜，點了明太子玉子燒，居酒屋必點，滑滑的蛋皮包著明太子，明太子爆多，口感不錯。第三道是炸物拼盤，有炸蠔，炸蝦，炸薯餅。炸物送酒一流，每件都好大件，外脆內軟，表皮勁脆，但里面是可以軟軟的。第四道菜，要食主食啦，牛舌飯。牛舌滿滿地鋪滿整個飯，里面配料還有洋蔥，東菇絲，小小的黑胡椒調味，牛舌都厚身，很滑，入口即融。果然冇選擇錯，很滿足的晚餐🥣，下次有機會會再

平時好少做小毒毒（多數都有7哥陪），是日就一個人過黎尖沙咀會一會尼間「琥酌」食吉列牛~~（尼期愛上左吉列牛，哈哈哈）中午大約十二點三到，待應可排左窗邊位，視野瞭廣。可以望到九龍公園對面的酒店，開揚景觀，心曠神怡可惜天色麻麻即使係假日餐牌，但午餐價錢都相當抵食叫和牛貴係正常的，但其他餐都只係$50-60。第一次黎食就保守少少，點左份C4: 頂級安格斯定食 $148有面豉湯、茶蒸碗、沙律、吉列牛同一份白飯⬆️用黎點牛的醬：由左至右 (左: 食唔出 有少少似麻油味 中: 岩鹽 右: 他他醬加芥末)個人鍾意點岩鹽睇到都流晒口水的安格斯牛🤪吉列層厚薄適中，唔會太厚，食到牛的肉質；又唔會太薄，有吉列口感！呢個就係用黎燒肉的爐：將牛肉放上去，每邊燒十五秒度～就食得！一路燒，陣香味傳入鼻度，流哂口水BEFORE & AFTER 個人喜好 燒十零秒就得 鍾意食生啲煮啲 可以自己調節

吉列牛熱潮從未退過，雖然係咁我一次都未食過，成日都話想食之後又無去到，今次終於的起心肝，拉埋朋友黎食~吉列牛專門店係香港都有唔少，千揀萬揀就揀到尖沙咀嘅呢間黎到呢到除左食吉列牛之外，我都想食下其他特別啲嘅野，我地點左幾樣野，點完後先上一道前菜-醬汁燉牛舌，初初以為前菜會無咩睇頭，點知岩岩相反，牛舌燉得非常入味之餘肉質仲好軟腍，非一般感覺，配菜蘿蔔一睇就知佢入哂味，入口即溶嘅感覺。蘋果乳酸梳打酸酸甜甜，有好香乳酸味，幾開胃，為一陣嘅主角坐鎮!黎到主角出場~安格斯吉列牛盛合，好緊張呀！侍應同我地講每邊煎20秒左右，咁就係最佳味道，有鹽醬汁、岩鹽、同他他醬比你調味，入口肉質非常嫩，安格斯牛牛味重之餘油香豐富，外面有麵包糠包住炸，所以可以做到外脆內嫩嘅口感，仲有雜菜比我地食，清新爽甜，中和一下。個人有少少溫馨告知一下，如果鍾意食牛肉嘅原味可以配岩鹽調味，令牛味更為昇華，如果鍾意食重口味就可以點他他醬，右上少少芥末辛辣味，非常滋味。鍾意食鹹香惹味嘅就可以點鹽醬汁，各有特色。琥酌丼(大盛)食之前撈一撈咁就可以食每一啖都有滿滿嘅牛肉碎，夠哂滿足，牛肉煮得恰到好處，非常之香口，容易咬開，份量仲好多，兩

聽講海防道有間食吉列牛! 上次去日本食真係太好味啦已經好耐無食過, 所以今晚就衝著吉列牛而黎上到去門一開就係用上昏暗燈光, 日式裝潢既琥酌啦店員帶我地坐低之黎好快就送上水, 既然衝住吉列牛而黎就唔洗諗咁多, 好快就落左order。牛舌蘿蔔先黎個入哂味既前菜, 牛汁非常濃郁明太子玉子燒大大舊, 玉子燒包住滿滿既明太子但食落又唔會過咸喎, 蛋味亦好香48蚊咁大碟真抵食!厚燒牛舌 鹽燒安格斯牛肉串牛舌厚得黎彈牙, 我中意! 牛肉串似牛柳粒但又唔韌, 面頭有黑椒同海鹽, 更惹味牛吉列盛合主角黎啦店員一早已經預備左爐同埋三款調味, 仲提醒我地每邊燒10至12秒就OK吉列牛賣相十分吸引, 配有一碗蔬菜, 仲有小甜薯係入面添。勁好味~~牛味濃郁, 中間軟腍但又配上吉列口感, 邊個發明d咁好食既野架❓琥酌Don另外我地加多左個琥酌don, 黎到專食牛既居酒屋就諗住試下佢既signature飯, 果然好出色呀! 滿滿既牛肉粒再加左d牛汁, 加埋蔥花好香好濃, 而且出面比較少食到依個做法既牛飯, 有驚喜今晚食得好滿足, 中意食牛既朋友絕對要黎依度試下❤