碗碗香 (Closed)

牛肉粉非常好吃，女兒常常一週吃幾次，因為家裡從來不吃味精，而且非常注意食材，女兒已經很挑剔，不是如此好，她是不會吃的。今天一家三口吃了最近新推出的酸湯魚火鍋，太好吃了，而且食材很多，老闆為了更方便吃把食材預先放在鍋裡，很多料。味道和貴州的一樣，很地道，喝了兩碗酸湯，魚也非常鮮美。我們沒有吃米飯，就已經非常飽。吃完後把剩下的酸湯打包兩個大的飯盒回家，這才發現這個鍋很深，真是裝了不少食物，打包的湯可以明天在家煮菜或煮麵或煮米粉。真是太好吃了😋

點了「地道貴味酸湯魚火鍋」，酸辣度選擇：中酸小辣。口味：平心而論，味道是很特別不錯的。但是⋯⋯享用的全程不舒心，不舒心，不舒心。1. 首先，店家存在圖文不符，誤導消費者的欺詐行為。- 配菜寫明了6款，但實際上只有4款，沒有洋芋和午餐肉。2. 其次，店家不認為自己該為自己失責的行為負責，只是解釋了一句：我們建議配菜如此搭配，你可以自行增加。3. 再其次，如此不算低消費的一餐，店家並不提供tissue服務，需要另+3蚊購買。4. 最後，說一下此款火鍋的份量，應該是皖魚5-6塊，剩下就是番茄，白菜，芽菜，4塊豆腐。與其說是火鍋套餐，不如說是火鍋底鍋。不會再消費的一間店了，就此別過。

同事話要帶我去公司附近食正宗貴州米粉。同事推介我食紅燒牛肉粉，而喜歡食少少辣的同事，就點咗BB 辣紅油牛肉粉。牛肉份量都幾多，而且很冧身，牛味濃。第一次食貴州粉，味道很正宗，原來貴州米粉好彈牙。聽店員講佢地貴州米粉係貴州獨有，非常正宗。呢度除了有貴陽粉食，還有約十幾款多的小食，可選擇辣或不辣，種類不少。我同朋友每人一杯苗鄉苦丁茶，味道很清新解渴，飲落味道略帶少少甘味，食完辣，飲返一杯就啱晒，清熱下火一流。

很好吃！湯鮮，肉嫩量足，辣椒油正宗。貴州的辣雖然與四川的辣是一個派系但確有不同，貴州的牛肉粉羊肉粉也是出名，終於在香港嚐到一家味道正宗的。聽口音，老闆娘就是貴州人，高湯由雞湯熬製，已經結合香港人的口味減少了湯味裡的雞油，泡菜味道十分正宗，放在湯裡非常提味，如可以吃辣，可以試試紅油牛肉粉，辣味是自家小廚房製作的那種川味香辣，花椒恰到好處，一嚐便知與工廠大批量炮製出的辣油、火鍋料的區別。粉也不常見，口感介於米線和烏冬之間。值得推薦！我一週已經光顧過兩次。

好朋友喺銅鑼灣利園大廈Office返工，話喺佢公司對面加路連山道最近開咗一間碗碗香係食貴州牛肉米粉，正宗香辣涼拌重有多款小食，味道一流、價錢公道，食材獨一無二，約我出嚟試吓。雖然鋪位唔算大但係裝飾掛畫好別緻。我叫咗個紅油牛肉粉要BB辣，一上枱巳聞到香噴噴三骨原湯香味，大廚用咗上等豬骨、牛骨同鮮雞熬製20個鐘強調絶對無落味精，湯分開兩邊，一邊有辣椒另一邊係清湯，可以一次過試曬兩種湯底，飲咗幾啖清湯先然後再撈勻變咗紅油湯底，夠晒除濕驅寒。牛展經過精心揀選係冇肥脂，入口好淋滑。貴州啲米粉睇落好似上海幼麵咁，原來係選用農場大米製成唔容易斷，入口爽滑同彈牙有囗感。襯托埋杯冰涼苦丁茶，真係最佳配搭，感覺涼透心。

今日翻工有下午茶小休 咁岩又想食啲野味既野 少少辣就最岩 於是上網就搵到呢一間碗碗香 試左又好似比起想像中好食本身諗住下午茶食一碗面 應該都係簡簡單單普普通通咁樣食完就算 但係又真係俾到啲驚喜我貴陽涼伴面店員再三強調要搞暈啲汁先食到真味 可見店員都幾重視每位食客既感覺 好客可加 汁味道上偏辣 （不過我本身係只可食到十小辣既人 哈哈 ）仲有好重嘅花椒味 而且唔係純粹既辣 仲會帶麻麻地 仲有少少炸菜 有啲鹹味配合面質地唔會太淋 都幾有咬口清湯牛肉面店員又再三強調要翻一翻個湯底就最好味 十分好客湯底方面唔會太咸 仲少少甜 一啖面一啖湯都唔會口渴 應該係用牛肉煲左好耐先甘入味牛肉有少少醬油味 而且唔會難啖 十分軟而淋 但又唔會太鬆散苦丁茶就好似再苦啲既純綠茶 無糖 感覺幾健康 而且都好解辣 最岩食左一口貴陽涼伴面後用黎清一清條脷 再食一啖 特別好味特別一提 店員真係十分好客 笑容可躹 畀人覺得好親切 我會再翻黎幫襯

我今日行開銅鑼灣附近，甘岩經過呢間餐廳，就入去食個tea， 一入到去，覺得環境好乾淨企理😊 都幾舒服，店員都好有心，態度好好，好友善👍👍👍 好有禮貌，值得一讚我叫咗個紅油牛肉粉，d湯味道好香濃，牛肉好冧，d粉好滑，同平時食個d好唔同，係貴州粉，聽店員講，原來係貴州獨有，香港都冇，佢地會直接喺貴州入貨，唔怪得甘正啦！ 同埋啲紅油令到成碗粉食落去辣辣地甘，好開胃 😋😍😍 岩晒d鍾意食辣嘅人😋👍我另外叫咗杯苗鄉苦丁茶，好清新爽口，我見佢仲寫住原來飲苦丁茶都可以下火養顏😍😍，飲完我覺得仲可以解到辣，好好飲👍👍我好鍾意呢間餐廳，佢哋牛肉粉真係好獨特，好好食😍下次一定會再幫襯，好值得推介👍👍👍

今天中午同老婆去銅鑼灣保良局附近找特色小店食個lunch, 其實上次經過呢間碗碗香已經好想入去試試，今次決定要去呢度，但都要排一陣先入座，證明好好生意，而且呢間係以貴州食品而出名，入到去好多高人都好似係同鄕，感覺特別親切呢。其中店長説第一次光顧便推薦了兩款招牌菜比我們清湯牛肉粉，外貎有些類似台灣牛肉湯麵，但當然味道各有不同，貴州粉我第一次吃，咬感有些似烏東，粉好彈牙下，牛肉湯🥣牛肉味道好足夠又不會太油，跟住主打菜牛肉啦，好容易咬因為炆煮得好霖，感覺十分正宗的一碗貴州粉。另一碗係貴州涼拌麵，係屬於撈麵之類，這樣的食法我自己係特別喜歡，因為又有少少辣，但又不會破壞拌麵的整體味道最後來杯冰凍苦丁茶，店長推薦可以解辣及抗氧化，而且這種🍵葉係由貴州運到，外面買不到的，一流👍👍👍

今日食左間好香既粉面。餐廳規模細，但野食特別好味。而且出餐出得快。落左order 5分鐘就有得食。叫左碗少辣既紅油牛肉粉。見到咁紅，初頭覺得好辣。但食落又唔會好辣，但個刺激感有係度。陣辣味唔會食到個肚好熱唔舒服，但約食約開胃個感覺係有既。湯底好味。最好食係牛肉整得霖又滑。每食一啖在同面一齊食。加埋微拉又刺激既感覺，味道真係好好。叫左個清湯牛肉粉。無紅油既清湯面，更加食到湯底既濃同香。粉面口感有啲似米線，但再粗啲，口感彈牙。第一次食咁既質感既粉面。有驚喜，好食。今次既牛肉係另外一個質感。都整得好好味。同friend你一杯我一杯苦丁茶。食完辣野解一解渴消暑。苦丁茶味道比較苦，有少少甘味，好有養生既感覺。間餐廳野食野飲雖然看似普通，但食落口感，味道都有自己獨特味道同好食。

成日經過 「 碗碗香 」，餐廳外貼有明星相、多篇報章介紹，早已知道係一間很有特色的人氣小店。所以尊登嚟食過lunch，今日一試，愛上了，一定會再光顧！清湯牛肉粉 $58怕吃辣的推介叫清湯，湯底很濃郁清甜，味道很好，我差不多喝了大半碗🙊，全無味精，喝完也不會口喝。圓身既粉條係貴州粉，既滑溜又夠嚼口。牛腩同牛𦟌很嫩腍，另外還有開胃的酸菜。整碗粉非常足料且很好味！貴陽涼拌麵 $48據店員說，拌麵係响香港搵師傅打既全蛋麵，難怪麵條非常煙韌爽口！食到花椒同胡辣椒味道，吃起來香辣而不嗆口，很惹味！苦丁茶 $9有凊熱解毒、抗氧化同解辣作用。初嚐第一口，微微小苦，其后有點甘涼，越喝越舒服，值得一試！食物非常有水準，而且店員服務超好，重會細心講解每道食物，非常有耐心解答每位客人既查問，十分尊重客人，食物同服務各方面都令人很滿意

香港夏天咁熱，成個人都無咩胃口。諗住求期食碗粉麵飽肚就算。點知又俾我同朋友搵到正野！早收工，六點就坐底左，成功避開晚市人潮。👍🏻一睇menu就知道呢間麵店有別於一般米線店，佢係主打貴陽牛肉麵，而且因應香港人口味已改良辣度。第一次幫襯，保險d叫左兩碗牛肉麵$58@，一碗辣一碗唔辣。下單時會問定選咩辣度： 唔辣、小辣、中辣、大辣。一上枱，已經有驚喜，牛肉份量都幾多，而且每粒都大大粒，並且好淋身，十分入味。麵條睇落似烏東，但食落口感好大分別！好彈牙，外面好少食到呢個口感。店員話佢地嘅麵條新鮮製，而且采用全米漿做，所以份外彈牙同好香米味。如果唔食得辣，都唔洗擔心，唔辣嘅湯底本身已經好惹味。另外加$9有一大杯苦丁茶，味道有少少回甘。有消熱解毒嘅作用，食完辣野都唔怕熱氣！其實仲有各式各樣嘅小食，但食完咁大碗牛肉麵都開始飽，下次黎再試埋其他小食先！

今天和朋友約了在銅鑼灣吃飯，又是那位無辣不歡的朋友啦，所以今天又去吃辣的。紅油牛肉粉（小辣，$58）粉真的超Q，比米線要粗一點，剛喝完珍珠奶茶，覺得這就是條狀的珍珠無異😂牛肉超級軟，不會柴，肉是一絲絲的，中間有的帶筋，煮到超軟，骨膠原Max!紅油牛肉粉（大辣，走青，$58）大辣的看起來比我的小辣紅多了，牛肉和粉一樣好吃。不得不說，份量真的很多，牛肉有很多塊，份量足，價錢也不貴！苦丁茶（$9）這是啤酒杯的大小啊，店主說這個可以解辣下火。喝起來就是茶的香味啦，但是苦味會在喉嚨回繞，雖然知道很有益，但是我還是喝不完啦！順帶一說，還真的挺解辣的。

和大少去完南華會打波，郁動吓老骨頭，行去下面找吓野食補充下先，見呢間食牛肉粉，啱口味，有位，gogogo!!!店內吾大，但算舒適，各店員該是自已人，談話全都用佢地家鄉話，吾知佢講咩。店員非常有禮，問我地食過未? 我話未，佢就好細心咁推介店有美食。其實好多野想試，在推介下點了說必要試的紅燒牛肉湯粉，大少點了個簡單的辣雞丁套餐，配苦丁茶。牛肉粉真是鎮店食品，先喝啖湯，真是牛的精華盡在其中，粉是貴州特產，不是常見的河粉米粉那些，牛肉嫩滑，完美配搭。大少點的，辣雞丁客飯，看似簡單，但雞件好有雞味，辣度適而，胃口大開，隨餐點的苦丁茶，初飲會丁點苦，但飲落會覺得係回甘，凍飲冰涼，正好消減雞丁辣度。食完想點個玫瑰冰粉作完結，但待應話吾好意思，賣晒!!! 正失望時，廚房傳來一道獅吼【照萿單，我即做!!】，那刻好滾動😭😭😭，我估其他廚房啋我都傻。冰粉單看賣相都吾輸，味道清新帶點玫瑰花香，質地似白涼粉，加了點花生碎粒，有d咬口，不錯。二人前，埋單173，人均$90，貴了點，但食品和服務整體不錯。

今天過銅鑼灣幫個客 tune完機，同個同事行過一間貴州粉麵店，同事係貴陽人， 十分雀躍， 所以即時入左試一試是否夠地道。同事話牛肉粉係貴州招牌小食， 而且一早融入了貴州人嘅生活。大多數貴州人， 一早就會走在路邊牛肉粉店食牛肉粉做早餐。同事發辦， 因為遷就我，點了一碗 BB辣紅油牛肉粉，一碗清湯牛肉麵，加埋兩杯苦丁茶。紅油牛肉粉，上檯時加上酸菜， 蔥及芫茜等，辣燙味濃，香氣撲鼻。粉係爽滑貴陽米綫，吸湯汁一流。配料係牛腱，用豬骨湯煮清燉牛腱，煮得軟腍，香濃惹味。清湯牛肉麵，蛋麵條爽滑，清湯底慢火熬過夜，有少許花椒味，淡白清徹。薄切牛肉片，酥嫩入味。如果想食得像貴州人，食時可以依個人口味，加點檯上調味料，辣椒油、花椒粉、胡辣椒、醋等。放進粉中拌勻食，食起上來更加過癮。苦丁茶，飲起來很苦口回甘，有止辣消脂及清熱解毒功效。我覺得苦丁茶簡直係食辣牛肉粉絕配。同事食完後，話味道同貴州嘅牛肉粉真係好似。

今日同幾個朋友去開銅纙灣, 四圍都係人, 又唔想食譚仔, 有人提意去食麻辣粉面~ 但係譚仔同南記都食到悶悶地, 我突然醒起係加路連山有一間叫碗碗香食貴州粉面既 都開咗成年都未試過~ 咁就去試下佢啦~ 星期六下午4點~ ~ 去到碗碗香, 都幾FULL~ 8-9成入座, 好好彩我地啱啱4個人有位~ 實在係太好了~ 坐底見睇下個餐牌~ 唔算太貴, 價錢化算的.有一個幾後生好爽朗既女仔招呼同介紹我地食物, 我話佢係老闆娘, 年紀好細~ 好nice, 佢推介咗我地食一個紅燒牛肉面, 一個貴州冷面, 都飲佢地貴州土特產苦丁茶.紅燒牛肉面---湯底好濃既骨味, (乜野骨就飲唔出啦~ 總之好味啦) 牛肉好厚, 炆得好林, 個面應該似米線, 但係好粗, 好滑~ 成碗面好好食~貴州冷面---我都係第一次食, 冷面但係酸辣的, 有陳醋既香味, 同少少麻辣, 好醒胃, 值的一試,最後要講下佢個苦丁茶, 一定要試凍的~ 好解辣, 好解口渴, 苦完有回甘~ 碗碗香值得推介~