碗碗香 (Closed)

已經差不多一年無寫過食評，但尼間小店絕對值得我重新開始！本身同老公諗住食另一間餐廳，但由於個間無位，所以我哋唯有另找去處。經過尼間店，見到店名係“碗碗香”，以為應該係飯為主，但原來尼度主要賣貴陽菜（之前好似無食過🤔），除咗飯仲有粉麵同小火鍋（好似都幾得意）。而我哋就分別叫咗回鍋肉飯，全蛋涼拌麵同鹵水拼盤。全部都可以揀辣度，由BB辣去到大辣，而我哋就所有餸都揀咗小辣。首先講下全蛋涼拌麵，完全無諗過味道會係酸辣，但係又好好味，唔似平時係其他米線店食到嘅酸辣味。麵條細幼，易入口，亦都時易入味。當中又有泡菜（椰菜）同酸豆角，大概係其中的酸味來源。本人對酸豆角都特別偏愛，又好少係香港食到好味嘅酸豆角，尼間算係非常不錯。另外老公叫嘅回鍋肉飯，啲回鍋肉好厚唔似有啲川菜館個啲切到勁薄，成盤餸係菜多過肉。尼個份量$76唔算貴，另附飯同苗鄉苦丁茶（解辣）。而小辣嘅程度唔算辣，鐘意食辣嘅朋友可以考慮中辣或大辣。而味道都非常唔錯，可以同我係四川食個啲有得比，但又有啲唔同。但絕對好過好多係其他餐廳食嘅所謂“回鍋肉”。最後係尼個鹵水拼盤，可以揀辣或唔辣。個人覺得揀咗辣之後，又唔太似食緊鹵水，不過味道幾特別，有點似

特地从港岛东搭地铁过来试试家乡的味道，来一解乡愁！ 粉一吃就和香港的不一样，原材料是贵阳运过来啦。汤也不错。亮点应该是泡菜莲花白，酸酸，爽口，配上浓汤超级赞什么时候在港岛东开一家就好啦。

大球場附近不嬲都多嘢食，今次就同朋友入咗呢一間餐廳度食嘢啱啱想問侍應攞餐牌，佢就遞左張紙黎，上面有個QR code，估唔到連呢間小店到將餐牌電腦化。我哋叫咗一個清湯牛肉粉，一個鹵香豬手粉，另外一人一杯苗香苦丁茶。苗香苦丁茶飲落第一啖會覺得帶微苦，但係之後會覺得佢帶甘香，配辣麵食更可以解辣。老闆娘仲話，呢款茶有清熱解毒之效。之後就黎左個清湯牛肉粉同埋鹵香豬手粉。聽餐廳啲人講，最正宗既食法係先飲一啖湯，再撈埋啲配料黎食。當食到一半既時候，更可以落啲小店自家製既手磋辣椒粉黎調味。至於招牌清湯牛肉麵方面，牛肉嘅味香厚濃郁，同碗湯相得益彰，尤其以牛腱最好味。碗麵一樣煮得岩岩好，爽滑彈牙但係又索到啲湯，唔會嫌淡。食到咁上下仲可以加手搓辣椒粉添。鹵香豬手粉個湯底濃郁。豬手整得很入味，皮有彈性，而且好冧。粉方面老闆娘提過係貴州既家鄉米粉，吸左湯汁，食落幾好食。佢仲同我地講話啲酸菜都係佢地自己浸，睇得出呢間小店放左唔少心血落去。落左辣椒粉之後即刻食到我流哂汗但係加左之後又真係多左一番風味！今餐我同朋友都食得好過癮，而且價錢又唔算貴，更可以一嚐貴州風味。

喺銅鑼灣食完極尚大喜屋， 一於行街消化下，消耗咗啲卡路里，作下一餐嘅準備😆，Sogo 仍然咁多人🤦‍♀️， 就同大媽、大姊一起加入血拼行列啦💪🏼💪🏼💪🏼 一輪衝風， 去到加路連山道附近， 就隔一條馬路咋，一面係高樓大廈，一面係舊區，係度兜咗一轉，就決定食"碗碗香"依間啦雲南食店就去得多，今次就食貴州米粉， 標榜用新鮮豬骨，鮮雞、牛骨用二十小時淆製，無添加味精👍， 最怕食完之後要狂飲水嗰隻， 除此之外，店舖出面貼有陳豪同老板娘幅相，👀 吓可唔可以有機會野生捕獲🤣🤣🤣 清湯牛肉粉🍲$66.00~ 湯頭爽口清甜，真係好好飲👍， 唔係死鹹嗰隻， 分別有牛肉粒、牛展，有🐮味， 筋肉分明， 好好咬，貴州米粉比較粗身， 好彈牙，爽口， 就算係湯浸咗一段時間，都不會影響質感👍， 加埋由貴州過嚟嘅自製辣椒醬、辣椒粉， 忍唔住加咗好幾匙一起食，分外野味🤤( 掛住食，一開始唔記得影相😅)苗鄉苦丁茶$18.00~ 其實唔係好苦，飲落去仲有少少回甘，係解辣嘅好幫手😉👩‍⚖ 幾有特式，好食，支持小店💪🏼💪🏼💪🏼ps~ 如果唔係咁飽，我一定會飲曬啲湯

湯：三骨湯底（牛骨、豬骨、羊骨）熬成。老闆娘每天大清早熬十幾個小時製作，真材實料，沒有添加味精，飲了不會口渴。粉：係精心挑選的貨源。辣椒：老闆娘老家的貴州辣椒，是一種辣而且香。雖然價錢對有些食客來講有點貴，但何解食一碗日式拉麵又不這樣說？難道一碗真材實料沒有添加味精的貴州粉麵比不上嗎？

依間碗碗香，係銅鑼灣一條小巷仔度，依條街都幾熱鬧，好多野食。我地就揀咗依間，因為我地想試下佢個最出名個貴州牛肉麵，聽過朋友講好好食。一去到有位講普通話既人好有禮貌咁問我地想食咩，然後果位廚房入面既姨姨大大聲問我地食唔食辣，不過其實佢好親切，我地三個人每人都想食唔同既辣度，佢都好有耐性。最後我地每人一碗，$66一碗。有小辣、bb辣同埋清湯，碗湯有牛腩、牛筋，好足料、好好食，雖然我平時少食牛腩，但佢啲牛腩特別嫩，唔會太老。最特別係佢個粉麵，平時好少地方會食到，個粉睇落同米線好似，但咬落好唔同、好爽脆，配牛腩牛筋真係更上一層樓，值得一讚！仲有叫咗每人一杯苗鄉苦丁茶，$18一杯，仲可以揀凍或者熱，果日天氣唔算好熱，但因為食麵飲湯個人會好熱，我地全部都叫咗凍既苦丁茶。味道苦苦地，好特別，仲可以解辣，我就好中意😋下次再去我就會想試下佢個紅燒排骨飯，我諗都相當唔錯。依碗係清湯牛肉粉麵，有酸菜、莞茜、蔥苦丁茶依碗係bb辣依碗係中辣

中午食飯時間，經過呢間牛肉粉店見到唔算太多人 ，於是膽粗粗地入去試吓 ！想不到也有些驚喜 ，地方唔太大 ，但都算乾淨整理，既然主打牛肉粉寫住一於試一試 。牛肉粉湯低麻辣香口，都幾嘢味，感覺就係好地道口味，個粉煮得口感滑溜，中間會有啲爽爽地，而牛肉煮得好腍身肉味濃郁。全蛋素面配脆哨，脆哨就係煉完豬油剩下的油渣 ，這裹炸咗之後10分香脆，唔係太油膩的感覺，而且配左麻辣嘅汁 撈麵，夏天食還是挺清新的 ！除咗牛肉粉，個人就比較喜歡呢一個豬手，感覺骨膠原滿滿，燜得十分之軟腍，塊皮滑脫脫 ！辣子雞 ，這個較為普通，只食到辣味雞肉唔夠滑！

係銅鑼灣行行下街見到依間店係食辣野，咁岩我地都想食麵就入咗去食。我超級鐘意食牛同辣，所以真係好岩我。我地三個都叫咗牛肉麵，不過一個係清湯、一個係bb辣同埋小辣。清湯😋bb辣😋小辣😋專食辣既店果然名不虛傳，淨係小辣已經好辣。我好鐘意依既麵質，係好似上海麵咁既，但就再粗啲。佢既辣吾係連埋啲湯，而係再加上去既，所以辣得嚟都不失原本湯既味道。而佢既牛展都做得好好，每一片都好薄，所以吾會太大塊。同埋煮得岩岩好，吾會太硬。最欣賞係牛腩，因為好入味，而且煮到好淋，同埋我個人口味比較鐘意食一啲無咁肥既，佢個啲都好岩我。最後，個餐仲包咗一杯苦丁茶，佢主要目的係解辣，我都幾鐘意飲苦野，所以又可以用嚟解辣，又可以當係飲品。

今日男友放假 但係又落雨 都無咩心機去玩所以去銅鑼灣睇完場戲諗住是但食個晚餐就算因為醒起加路連山道比較多野食 就行過黎揀下男友呢頭講起想食下辣野 個頭就見到呢間碗碗香紅油牛肉粉 就引咗男友行入去喇男友一坐低就揀咗紅油牛肉粉 店員姐姐問佢要咩辣個陣佢二話不說話中辣，店員都問多次 而跟得男友多 本身袖完全唔食辣丁變咗食辣既我 就諗一諗啦 店員就建議我可以試咗清湯牛肉粉先 陣間可以再加辣好細心好快就上咗男友既紅油牛肉粉 店員姐姐擺低仲叫佢試咗左邊無紅油既部份先 佢索一啖話問翻原來係三骨（🐤🐮🐷）煲超過十個鐘所以先咁濃味 撈混兩邊之前我試就覺得少少麻辣感覺 不過男友就話好滋味到我既清湯牛肉粉上菜 見到有一小羹份量既蒜粒 我已經知我會好鐘意 一飲湯個下再食下食下先留意到原來清湯係跟牛腩粒同牛展 好入味 好有咬口得黎唔會好韌 同埋原來d菜係酸菜黎 男友話夾埋芫茜同湯粉係最好味食到咁上下望到牆上個牌原來有建議食法可以加佢個花椒粉同胡辣椒 又有另一番風味飲品方面食得辣基本都要叫定架喇見到個牌推介苗鄉苦丁茶 所以男友叫凍我叫熱試下原來真係好解到辣，不過如果怕苦會推介熱飲多d 因為凍飲會有少少苦 不過都係

碗碗香 (銅鑼灣).去到銅鑼灣想食台灣野，聽説有間小店好似幾好食，入到去果然好有台灣小店的感覺(⁎⁍̴̛ᴗ⁍̴̛⁎)店鋪細細但充滿人情味，我地坐低一陣都好快滿左！.⚜️清湯牛肉粉⚜️.老闆娘非常nice(⁎⁍̴̛ᴗ⁍̴̛⁎)見我地叫左清湯，話我知係用牛骨、雞、同豬骨等新鮮材料熬製而成，再配埋牛腩同牛展，很不錯(⁎⁍̴̛ᴗ⁍̴̛⁎).⚜️紅油牛肉粉⚜️.另外叫左碗紅油湯底試下，我地叫左少少辣，麻而不辣，少少辣反而好香！配埋店鋪嘅獨有飲品苦丁茶，唔洗怕太辣！.⚜️苗鄉苦丁茶⚜️.個人認為係店鋪招牌飲品(⁎⁍̴̛ᴗ⁍̴̛⁎)我地叫左一杯凍一杯熱，熱嘅就比較啱我女孩子飲，入口清淡，微甘，去到喉嚨有好少好少嘅苦甘，我怕苦都覺得絕對可以接受！🤓我睇menu發現苦丁茶仲有解辣同抗氧化作用，係女孩子嘅養顏恩物💕—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌碗碗香 (銅鑼灣)銅鑼灣加路連山道5號地舖.

上次食完Burger講起唔知加路連山道而家轉左有咩鋪頭，今日老公係銅鑼灣做野佢同事就推介話加老連山道有間食貴州粉既好正~老公同我講完我就睇下食評，望下都好似唔錯於是放工就過左去搵佢一齊食啦!呢間店叫碗碗香，果然一踏入鋪頭就聞到好香!入面裝修都好中式，睇緊menu果陣聽到店員同個客傾計，原來全間店都係貴州人，心諗佢地整既貴州粉應該好正宗!因為真係未食過研究緊menu既時候店員走過黎問我地食唔食辣，老公食得辣但我就只可以小辣既。店員就推介我地可以試一個唔辣既清湯牛肉粉，一個辣既全蛋素拌麵，話呢兩款都好多人點，望下d相都好似幾好味於是就叫呢兩樣啦!野飲就叫左苗鄉苦丁茶，店員話我地識揀丫!呢杯野解辣一流，仲對皮膚好好有助抗氧化!清湯牛肉粉好快清湯牛肉粉上檯，份量都幾好大，一黎到就聞到好香既牛肉味!落單既時候店員話可揀米粉或雞蛋麵，我就揀左米粉，原來呢度既米粉係比米線再粗d既樣子，好似烏冬咁~質感都係滑溜溜一啜就可以sir哂入口果款~牛肉係牛展黎切成兩款形狀，一款係薄薄既牛展，另一款係一粒粒既牛展粒。店員教我地食法係首先要飲一啖湯先，然後再食粉同牛肉~平時我食麵都唔敢飲湯，驚飲左有味精好口渴，但

我唔係成日寫食評嘅人 但係今次要寫下了 本身去開嗰頭 想搵吓嘢食 無意中發現左呢間食店 我同埋媽咪仲有BB一齊去 啲侍應好貼心 一見到我地就即刻開咗位俾我哋喺出邊坐 涼涼地幾舒服啊 如果有車仲可以喺出邊睇住架車添😌我哋唔食得辣 所以叫咗兩碗牛肉麵 食第一啖嘅時候 我覺得堅有驚喜 啲酸菜好好食 高湯又好濃味 麵條又夠彈性喎 好有feel 跟住就一野食咗成碗面啊 真係想連啲湯都飲埋 我估落咗辣應該仲正 如果大家未試過就試吓啦 真係值得推介呀 👍🏼👍🏼

前幾日朋友帶我去銅鑼灣食呢個川菜米線 估唔到都幾難食 竟然咁都開到舖 仲要喺銅鑼灣生存到。。不過店員好好 見我哋冇帶紙巾 話比一包我哋 本來要收錢㗎🙊香油牛肉米線💰68 其實食落都唔算係米線 比米線粗身啲 軟身啲 口感都唔錯 可惜湯底簡直不知所謂🤭香辣口水雞 啲雞件好大舊 雞肉又吾滑 啲汁又唔鹹唔淡 又唔辣 最後我只食晒啲雞下邊嘅青瓜絲☹️ Btw 可能只係小鋪頭 嗰度冇得用Visa 只可以用現金 🤭 staff 服務都算好 一般都係等到客人走咗先執枱

呢度主打牛肉湯粉，所以我地一個試清湯，一個試辣湯，因為我唔敢食太辣，所以揀左小辣，我地都係愛牛之人，當然要試牛𦟌啦🤤老細話清湯係用雞骨豬骨牛骨熬10個鐘，唔怪得個湯咁甜，一飲就知唔係味精湯，我見仲有泡菜同少少香蒜味，唔係得咸味咁普通。至於辣湯都幾香，辣辣地麻麻地咁❤️❤️牛𦟌好出色，而且一碗有成7-8塊，份量都多，而且五香味好濃，醃得好夠入味。但最特別係個粉，我第一次食呢個質地既粉，望落去感覺好似烏冬咁，一食落去好滑，可以成條吸入口，咬落少少爽爽地，值得推介呢個粉🤘🏻🤘🏻🤘🏻🤘🏻🤘🏻最後仲有杯茶，叫苗鄉苦丁茶，凍飲解辣一流，但略覺得苦左少少，可能平時少飲苦茶唔太慣，茶香好濃，唔怕少少苦既都值得一試。

上次同女朋友食完川菜 有D意猶未盡想再食多次 點知最後出奇地揀左間貴州菜 可能店員睇得出我地未食過 所以都過黎好詳盡咁介紹一下佢地有咩比較多人點既菜式 最後我地叫左2個麵同2杯野飲貴陽正宗香辣涼拌麵：呢個係凍食既 有好香既麻辣味 店員話過貴州菜同川菜最大分別就係貴州菜既辣係香辣 係大部份人都食到 唔係川菜辣大部份人都食唔到 而我食落又真係唔係好辣 有好香既麻辣味 但就冇川菜辣 仲有一陣少少酸酸地既味 我估係落左醋 食起黎好開胃 呢個係拌麵 有好多汁 一啖接一啖 好快就食晒清湯牛肉麵：好明顯呢個係熱食😂😂😂 我幾欣賞佢個清湯 個湯底飲得出係心機湯底 一問之下先知道係用豬骨熬出黎 而個麵個人覺得係自家制 因爲口感有少少米線Feel 但外型係烏冬 好滑 配埋個湯 令到等一次食貴州菜既我地有日後揀食咩又多一個選擇苦丁茶：見個名咁得意 店員亦都有推介 第一可以解辣 第二清熱器 最後就決定揀佢 飲落去似普通淡淡地既潽洱 但之後會有一陣回甘 其實味道係ok 但由於個人對於苦比較抗拒 所以最後飲左半杯多D就放棄左 🙏🙏🙏