義香荳腐食品

Open Now

Now Closed

之前見過呢間野諗住去食,點知佢話豆花賣曬,今次經過就去試下啦~點了熱豆花豆味好夠濃,質地頗結實同好滑好香

反正路過就問母親大人想要咩…甜品唔要潮州糕點糖水通通佢都唔岩心水，結果真巴閉山長水遠送件豆腐返大埔！XD咁事實豆腐冇記認交左件豆腐俾阿媽我就負責等食=結果咪相都冇影囉！XD母親大人話豆腐好食叫我返到來得閒寫…咁即日辦妥。平日我們去開這類舖一係叫豆花一係堂食，係我咁騎呢拎返屋企交俾阿媽搞掂>>>咁平日家常飯我係頗鍾意食豆腐，最鍾意豆腐加粟米撈味噌係我的最愛！^^v而我平日大多數一般街巿檔唔多鍾意食，因為嫌一係酸一係大陣石膏味，近年多數食百佳街巿切豆腐。相信閣下一定奇怪我點解唔食百福，但我又犯賤覺得佢得個軟滑又食唔到豆味就俾我out出局…今次買義香的豆腐阿姐話當軟豆腐整又得硬豆腐整又得，但件豆腐一拎上手的確有陣陣豆香，拎返屋企與mum商議後為免煎會奪去原本的豆香結果就決定水煮加味噌同粟米，但件豆腐夠「堅」有料到完全沒有被味噌蓋過原本的豆香，但又完全食不出石膏味又夠軟夠滑，我覺得值得我沒白流汗拎返屋企煮囉！hahahha~XD

週末走到都有一段日子沒逛過的九龍城,看看手錶剛好兩時半,走到義香看看有沒有新鮮豆腐花吃。來到店前已見到那桶熱乎乎豆花,馬上飛到卡位坐下再點菜!! 彩鳳姐仍舊忙過不停,叔叔只顧著片豆花,阿姨店員只等待彩鳳姐指示工作,等了好幾分鐘才引到阿姐注意點菜!熱豆花新鮮造好還在冒煙!!叔叔片豆花手勢有點粗豪,令豆花散到碗邊,不過這又證明其豆花是很柔軟,不似廖同合那種實在感,又滑又熱的啜進嘴裡,爽!!今次的豆味很一般也沒有以前曾有的焦香,所加黃糖份量剛好,不會過多或過少,又熱又滑的豆花真的好味!青椒三寶即叫即炸,油花卜卜的十級吸引!!三寶中的鯪魚肉竟有魚味,而且質感彈牙,很像媽媽弄的魚肉,感覺跟平時三寶那些粉粉魚肉是兩種味道,不錯! 本想請鳳姐走青椒但見她那麼忙也沒有提出要求,第一次吃炸辣椒原來也好吃的,燈籠椒不辣又大件,椒肉炸過後沒那種怪味的; 茄子切得大大片又夠厚, 明知勁吸油都要吃!自家製豆腐切得厚身,質感不算太滑,但煎得表面脆脆的就很好吃了!! 手多多地加了甜辣醬同吃,那甜醬真的好味,伴著煎三寶實在勁好吃! 只是靚姐太忙所以晾油做得不太好,結果很多油在碗底,可以煎隻雞蛋!看到雪櫃上貼著自製燒賣

三月天嘅下午竟然有成廿六度高溫，行到流晒汗。速速去義香食碗凍豆花先！又係得個好似好惡嘅女人一腳踢，見佢行左攞豆花、行右煎韮菜餅，好忙！凍豆花真係夠凍，立刻透心涼，以極速就KO咗碗野。糖水已落埋豆花度，好在唔係落得多，唔會太甜。豆花好有豆味，之前食有時會過火，有陣燶味，但今日唔會喎！又好夠滑；質地唔會削，頗結實。

食完樂園去埋街市買多準備回家之前..俾我發現原來義香係街市既後街..見到我更係唔會放過啦咁難得落到九龍城...雖然都好飽,但係我一定要去食碗豆花先安樂既.每人一碗凍豆花, 好彩都無令我失望.好有豆香味,不過我就覺得佢地落既糖水比較重手好似甜左d..下次再有機會來都係要試下熱豆花至岩.

上次在九龍城一心想吃一碗美味的豆腐花，怎料卻是失望收場。剛巧今天下午接近二時左右身在九龍城，在早餐還未完全消化下，豆腐花的癮又再次發作，所以便到另一間同樣是以豆製食品聞名的豆腐店「義香荳腐食品」，希望吃一碗新鮮熱辣的豆腐花。雖然正值中午二時，但店內仍然有七至八位客人，不過大都已吃至尾聲。剛好有一卡位，於是便坐下來。店員只有一位阿姐，由於那批客人差不多在同一時間離開，阿姐忙於收錢的關係，等了一會才問我要甚麼，不用細想，那當然是「熱花」。可是阿姐卻給了我一個萬料不到的答案，就是「冇熱花，要兩點半後先有！！」，心想「唔係下話！！」，腦裡空白了數秒，最後唯有改為由「凍花」頂上。有吃豆腐花經驗的人大都知道，就是「凍」與「熱」的豆腐花最基本的分別就是其「滑度」不同，就算是如何嫩滑的豆腐花，只要被送入殮房般的雪櫃冷凍後，其「滑度」必定大減。「凍花」在數秒內已送到，加了少許黃糖後，再放入口中，豆花已帶少許「鞋口」，豆香味亦因為豆腐花凍結了而感覺不到。雖然口感已「鞋」，但仍然可以推斷如在熱食之下會是頗滑的，感覺有點浪費了這碗豆腐花，就有如一朵原本開得燦爛的花，等到花兒也謝了時才欣賞。

因為CJ喜歡吃豆腐，所以縱使CJ媽覺得不方便，還是會光顧這裡。（CJ媽：「邊有豆腐鋪開十一點ｏ架？個個師奶都買晒餸啦。」）這裡的的豆腐，豆味濃郁，結實但又非死硬，簡單的釀入剁豬肉去蒸，加鼓油食，連自己煮的豆腐都不太吃的CJ媽都愛吃，「好香豆味，又無咩石膏粉臭味」咁話。（CJ媽：「一磚豆腐都貴過人，賣成三蚊──之但係又好鬼墜手，又唔容易散。」）以前次次食完午餐，都磨唔夠兩點半。今日終於磨到，但係年三十喎，收爐無？真好彩，終於食到。見到別人叫的豆腐花，下的都是黃糖，雖然個人不喜，但都要試一試原汁原味。三人都要熱。每碗份量慷慨。一隻匙羮舀下，都結實，但也滑，食落有濃濃豆香，沒有廖同合的微燶味，也非深水埗公和的輕柔軟滑。義香的豆品，有自己的獨特個性。CJ食得慢，CJ爸媽見人多，起身讓個位俾人兼俾錢，剩低CJ一個。阿姐以為我係搭枱，嗌：「兩碗。」CJ怪叫：「等埋我。」己經聽見老闆娘同伙記講：「收三個先啱。」轉頭笑住對我話：「唔洗驚，我地有人洗碗。」義香豆品的個性，（份量）豪爽，粗（豪）中有細，有點似老闆娘。

第一次去試....之前多去公和食，聽聞都不錯於是就去試一試，環境一般冬天還可以，夏天會比較熱，店外有賣出去的各種荳品食品都非常受歡迎，店員都好快手快腳，不會令顧客等太耐，又要顧及個爐火，但有時就顯得不太禮貌可能太好生意吧...哈我們叫了兩杯荳漿、一碟青椒三寶、一碟香腸三寶~ 荳漿$6~ 有香滑的荳味...味道剛好 青椒三寶$10~有茄子、青椒、豆腐，不會太咸味道ok.. 香腸三寶$10~有香腸、魚蛋、燒賣，魚蛋食落去好滑好彈牙、燒賣就第一次食炸過的，質感一般，蒸的比較好。

路經九龍城又記起好多人提過這間店的豆腐花不錯.原本想買熱,點知要2點半後才有,最後外賣了一碗凍的.由於外賣沒有糖水,只有黃糖.我便覺得唔夠甜味,豆味也唔夠濃,也唔多食到有豆味.豆腐花質地只是比較滑,沒有豆味的幾滑在我心中也是不合格的.或許下次試下熱的是否這麼好味了服務員都幾有禮,經常唔該前唔該後.也有講多謝,不俗.

去義香係好唔開心的經歷，撞正下午茶時間去，好多野都無。無熱花，得凍花，入口，唔滑的，叫多個豆漿，嘩，好燶呀陣味，真係好難食，連冇咩味覺的男友都大叫頂唔順。叫左小食，幾貴下，但凍又無味，點豉油先有豉油味。我個日應該係唔彩。冇下次!

未到晚飯時間又想食dd野黎左呢度食叫左兩碗豆腐花,一凍一熱凍既始終冇咁滑熱既就非常正~夠豆味夠香又夠滑..正~個蘿蔔糕就差d啦..煎得唔夠..而且都有粉團煎耐少少就good

去到九龍城想食豆腐花, 仲要一次過要試匀兩間舊式豆品老店. 首先來義香, 呢間豆品店係街市斜對面, 雖然衛生程度麻麻, 但係始終呢類前鋪後工場的老店都有番咁上下水準我叫左一碗熱豆腐花(堂食$6), 豆腐花賣相麻麻, ‘筆’得一d都唔靚仔, 但係食落去都算軟滑, 好有豆香, 熱食配黃糖真係好正, 熱食應該比凍食更加食到黃豆香跟住叫左個煎豆腐($6), 豆腐有三件, 用半煎炸形式煮成, 雖然煎得比較過火同老左d, 但係熱辣辣而且豆味濃郁, 釀上配角鯪魚肉, 真係又平又好食, 如果下次幫襯要試下青椒三寶, 因為見到人地食緊一又香又大碟, 我諗食一碟都飽晒雖然主理人好有性格, 但寸得來都尚算有禮, 而且呢類幾十年老店都好有水準, 隔離街的公和要加把勁啦

與『Iker casillas』黎食，點了韭菜餅2件(6元件)，煎豆腐(6元3件)，炸雲吞(6元6件)，黑豆豆漿2杯(5元杯)。最鍾意佢地的韭菜餅，嘩！韭菜餅依然咁好食，脆脆地又煙煙韌韌，正！煎豆腐熱辣辣好好食，點甜、辣醬真係一絶！炸雲吞只有少少脆，麻麻地，而且真係好油膩下。黑豆豆漿ok啦，唔太甜。今日無熱豆腐花，要成二點半才有。我見好多人食唔到熱豆腐花而走人，有d人話二點半才再來過。不過金毛老板娘都幾串，有人借電話，佢話電話係用黎做生意，不外借。之後，又有人借廁所，佢話我地係唔會借廁所裨人！(金毛老板娘可以叫人地不如過對面街市的廁所咪得咯！)下次會同媽咪黎，佢鍾意食熱豆腐花。

一個簡單平凡的韮菜粿，對我來說是充滿著童年回憶。還記得小時候大約六歲左右，從上午校回家後最期待的事情，就是跟母親一起到附近的菜市場。除了是因為在菜市場有很多吸引人的事物，同時也是因為若有同行便必定吃下午茶(所以我是相信性格是三歲定八十的)，雖然要幫忙拿餸菜回家，但能吃到美味的小食，甚麼辛勞也早已拋諸腦後了。第一次接觸韮菜粿時，是在樂富邨的單位仍是沒有獨立廁所的年代。那個小食檔除了炸蘿蔔絲餅外，最令我印象深刻的就是其好味韮菜粿了。事隔快數十年，差不多已把這個小食遺忘了，直至上次跟女友在閒逛龍城時經過這裡，聞到正在煎韮菜粿那陣熟悉的香味，便決定了這時來臨的決心。在一會小飯局之前，本來不該多吃食物的，但是下班回家後看看時鐘才還有個多小時，心血來潮之下致電過來食店問一下還有沒有韮菜粿出售。老闆娘語帶驚訝的說:你要幾多有幾多，總之我收舖前你落o黎就一定有得食。聽到這裡便立即掛線，再以極速換衣服，不用十分鐘便已經登上計程車向著目標出發。到達時看到店還沒關上，心也就安心下來。在點小吃時被老闆娘認出我是剛才致電的人，她說我是第一個致電來問還有沒有韮菜粿賣的客人，之後她便帶著微笑過來著另一位店員來烹調食

之前食過公和個d3寶...覺得麻麻其實係好多鋪頭出左名之後質數都下降左食物水平今次試過第2間..知道依區依間都幾出名所以黎試下首先真係即叫即整先啦幾時都係熱辣辣好味茄子好滑,青椒唔會變左色,仲好脆,豆腐好滑佢d餡即係魚肉...好香果皮味..本人不太愛果皮都接受到整體好好..下次會試下佢其他豆製甜品(知道佢d大菜糕,水晶珠都好多人讚)但環境真係麻麻..同隔離街間公和差不多所以接受唔到就外賣嚕^3^