老北方餃子館

Open Now

Now Closed

#老北方餃子館 😋😋wet market again. their price is not cheap if fries dumpling need 65+ normal steam one is 55+. but woth 12pcs can feed a lady full but not full for adult men likes me. aslo it dont serve any drink woth such price. and their water cup is super dirty. when u pour water in. i can see a layer of oil floating on the water... they didnt use soap to clean the cups. very tradiditonal chinese dirty culture... not any more byeig: thunder5dicks#food #hkfood #hongkongfood #台灣美食 #ukfood #ausfood #馬

我姊夫就是上海人，加上人他們曾經經營過京上海食店，對北方餃子我有種很家的感覺。上次在這熟食市場食過好味印度菜，今次就試這一間餃子店，只賣煎或蒸餃子，款式只有4款，沒有套餐沒有飲品。點了煎羊肉餃，真的是皮薄多汁。$70蚊 12隻我以為要打包，但竟然食哂。還有自助例湯。在香港我食過很多即包北方餃子, 但9成皮較厚, 呢間的確皮薄多汁.這間我一定會再食。下次試蒸餃

呢篇又係講星期日中午嘅皇后街熟食市場，上文講到水靜河飛，只得兩間食肆開門，呢間就係第二間嘅北京菜，因為有羊肉餃，所以要試下，我哋果日十二點左右去到，見one man band又包餃又收錢又煮餃，其間十二點半見外國人行埋去，佢就話”Finished”，所以我估佢只做半晝。🥢韭菜三鮮豬肉煎餃 $58 ⭐️⭐️⭐️⭐️想食羊肉餃無晒，唯有叫韭菜煎餃，煎餃比水餃貴$8，不過以$58有12隻真係超級抵，仲要蕃茄蛋花湯任飲，講返煎餃，一向覺得北京餃皮較厚，但呢度嘅皮又唔算太厚，口感又軟熟又香脆，新鮮包出嚟真係唔同啲，仲要咬落爆汁非常juicy，菜跟肉比例平均，好味好味好味！下次嚟希望試到羊肉餃啦。一人共消費：$58

行過見到寫住北方餃子其實呢啲店喺香港都算係比較少咁就揀咗款餃🥟嚟試試佢味道都幾好，呢皮我哋喜歡嗰隻一份都有成12隻，都幾飽肚另外佢個蕃茄蛋湯好足料可以自己再個煲到添飲都幾大方

同同事行行下就黎左皇后街熟食中心食lunch，都掙扎咗一陣究竟食曾記定係食餃子，最後揀咗老北方係因為好欣賞個叔叔着住廚師衫，某程度上呢個都係一個敬業樂業嘅精神❤️ （叔叔應該都係北方人，口音都似）原本冇乜特別但係expectation，諗住都係平時比較厚皮嘅餃子，可能因為咁所以好surprise！北方餃子出左名係厚皮，做得唔好可以得個厚字，咬落無口感，但呢到係好香麵粉味，口感岩岩好，餡料又香又Juicy! 餃子除咗點醋食之外，另外一提係佢地嘅辣椒油，唔係一般普通野，唔係死辣，可以一試👍🏻

上次在這兒吃印度菜時，已經發現了這間餃子店，但礙於當時已經吃飽，未能轉場再吃，所以留到今天，特意再來皇后街熟食中心試試。這兒的菜單十分簡單，只得五款餃子﹝包括了白菜豬肉餃、韮菜豬肉餃、豆苗豬肉餃、京葱羊肉餃和芫茜豬肉餃﹞，可選擇蒸或煎。我們喜歡吃羊肉，所以點了「京葱羊肉餃」。為了吃到原味，所以選擇了「蒸」。點菜後，我們等了大約10分鐘，老闆娘便將餃子端出來了。餃子端出來時是熱騰騰的，共有12件，餃子皮厚薄適中。吃第一口的時候，估不到羊肉爆汁，羊味濃郁，感覺真材實料，加上少許葱碎，將羊肉的味道更加昇華。這是我們吃過最有羊味的羊肉餃！

今日下午同事帶我來到皇后街市一樓既熟食中心食午餐，熟食中心有很多間不同菜色既食店可供我們選擇🤔。係我揾位果陣時，見到有些客人在吃北方餃子🥟就想試試😋，所以揾左呢間餃子🥟店前面既一張細枱黎坐，老板娘很快就走過幫我們落單。我們點了京䓤羊肉🐐水餃🥟及鮮蝦🦐韭菜三鮮豬肉🐷水餃🥟各一碟。蕃茄蛋花湯😋在等待水餃🥟煮好既時間，每位客人都可以走去水餃店前面既枱上舀一碗熱燙燙的蕃茄蛋花湯🍅🥚來喝，建議加點芫茜，飲落更加鮮甜好味😋。京䓤羊肉水餃🐐🥟每碟餃子🥟有十二隻，咬落皮薄多汁，餡料新鮮美味，以京䓤同羊肉做配搭，羊肉食落也不覺得有羶味，如果想味道更濃，也可以加少少黑醋來吃，感覺特別開胃😋。這間店除左水煮餃子🥟外，還有煎餃子，同樣十分受客人歡迎，但如果想有更多款🥟口味選擇既話，就要早點過來品嚐😋。

當日12:30左右只賣剩一款蒸餃-9菜3鮮。店裡只有一個大叔，全自助形式。下單，自己去拿蕃茄蛋花湯，無限添飲（免費！）一邊等，一邊見大叔在忙；蒸餃...拿給客人...落單...無限輪迴。完！

真心好味，我地食左三款餃子，兩款水煮，一款煎，都各有各好！先送每人一碗蕃茄蛋花湯，清清地，幾好味。北京豆苗豬肉餃，豆苗好爽脆，又香，配撘好新鮮，一流三鮮餃都大路D，不過都好好味，好新鮮。煎京葱羊肉餃，我原本驚會好油膩，但係完全唔會，煎得好香，鍾意食羊的，一定要試！雖然選擇唔多，不過貴精不貴多，用心好味就最實際！熟食地方嚟講都算幾乾淨，港女approved!

星期六打算行下海味街，所以事前問下朋友附近有麥野好食，結果朋友推介食羊肉餃子，所以就決定去試下一坐低老闆就話主打係羊肉餃子但已經賣曬下次一定要再黎試過主打蕃茄蛋花湯係免費任飲，芫茜仲自己隨意加，好正 我地叫左3款餃子1)北京豆苗豬肉餃皮薄，菜同肉既比例平均，豆苗偏多，好正2)芹菜豬肉餃煎餃要等大概15分鐘，皮薄多汁，芹菜味濃，夠特出3)大白菜豬肉餃味道一般，冇驚喜注意: 唔夠飽可以係其他檔口到叫其他野食，唔一定只係食餃子

今天去了上環皇后街熟食中心的老北方餃子館吃午餐，由於晏了的關係，老闆娘說只有韮菜三鮮餃和白菜豬肉餃，在選擇困難的情況下，膽粗粗問老闆娘可否來個雙併，老闆娘一口答應，而不另加收費，非常豪爽。煎餃比水煮貴七大元，但我比較喜歡吃香口食品，所以點了煎餃。老闆娘先送來一碗熱騰騰的蛋花番茄湯，以為只是清湯一道，但原來頗有番茄味。過了一會，老闆親自將煎好的餃子送上，份量很足，有十二隻，男孩子叫一碟應夠也夠吃。咬一口餃子，皮比想像中厚，可能是北方style，與南方人的所謂「皮薄饀靚」有點出入，不過即煎即吃的話，就算皮有點厚但也沒有硬的感覺。饀料的味道調得適中，可以不用加添醬油也已夠味，但我有試用醋和辣椒醬伴食，也另有一番味道。如果餃子能有更多肉汁，味道應會更好。此家店鋪最令人欣賞的應該是那份人情味，老闆和老闆娘都很親切有禮，食客大都是熟客，互相問好，連附近的食店老闆們也會來跟他倆打交道，當中還有一位是印巴藉朋友。要特別一提的是，這家店在端餃子來的時候會順道收錢，所以要預備好喔！

今個星期同事想繼續encore 皇后街街市既食肆，所以繼續去果到搵食，細食既同事今次想試下餃子呢檔。坐低已經話無晒大白菜，唔緊要，有我至愛既豆苗⋯⋯但落左單一陣就話豆苗都賣晒，得番羊肉、菠菜同韮菜，前兩者我都唔食，唯揀韮菜。飲晒碗蕃茄蛋花湯，等左好耐，好明顯漏單，催完都只上到一碟，另一碟要再包，唯有同同事share食住先一碟都有12隻，都幾多，餃子唔算好大隻，入口都幾香韮菜味，仲有d肉汁，唔多肥肉，皮都ok，唔太厚唔太薄，係真係北方餃子果種口味，如果食得羊肉，不妨一試，因為出面真係少有得食。其實味道都唔錯，不過第一次食就漏單，仲要等左好耐先有，拎到埋黎都因為趕時間而求其灌晒落口，真係扣晒分！

說今日Lunch行到過上環果頭啲餐廳都好Full，有同事就提議行遠多少少過皇后街熟食中心果邊食北京餃子喇 去到發現今日餐廳只係得返兩種餃子賣，聽同事講平時會有羊肉餃同牛肉餃等等五款餃子，好彩今日果兩款有等鐘意既豬肉餃咋餃子都有再分係煎餃定水餃，我就未完全病好所以簡左水餃本身都會擔心Lunch食水餃會唔會唔夠飽，一黎到真係唔洗擔心，十二隻大大隻既餃子，而且餃子入面都好多肉女同事食半碟都已經好飽，男同事食哂一碟之後成個晏就都冇嗌肚餓 總括而言，中上環打工仔唔想日日食飯食意粉食通粉有時間不仿行過去食返餐北京餃子，又特別，又包埋湯，都只不過係$40，簡直係中上環打工仔Lunch特別既選擇

看roadshow才知道上環有這麼一處好地方提供特色小吃，今天特意繞到這裡看看環境。熟食中心的外圍就是給人市政街市的模樣，比較那渣污糟。我鼓起勇氣，踏上樓梯，推開鋼門。原來這裡別有洞天，裡面給我開揚清爽的感覺。這裡有十多間小食店，各有特色，不是一般的快餐格局。枱面也很乾淨， 不似一般的街市熟食檔。這麼多好選擇，惟獨這間吸引我，因為我是個餃子控嘛。看見他們炸出來和蒸出來的餃子，碟碟都很搶眼，餃子都大大個脹卜卜的。站在店鋪前更聞到這裡提供醬醋的香味。正要趕回家，不然的話必定會坐下慢慢品嘗。那麼，便外賣吧！外賣的價錢與堂食一樣，店面標示的價錢是以一打計算的。我問老闆娘 (我想是吧) 可以雙併嗎？她說原本不行的，就問我要那兩款，真好人啊。我外賣京葱羊肉餃和芫茜豬肉餃。問題又來了，京葱羊肉餃每碟48元，芫茜豬肉餃每碟才40元。老闆娘顯得踟躕，猶疑了一會，建議我點韭菜豬肉餃，因為同樣是40元一碟。我反建議給她44元可以嗎？幸好，她欣然接受了。她還細心給我在外賣盒上寫「羊」「元」二字，免得我把兩款餃子混淆。帶回家，打開盒看看餃子，兩款餃子外形差不多，才明白老闆娘的苦心。回家路程約大半小時，餃子有點出

This is a favorite lunch spot of mine, as it's extremely close to where I live, extremely cheap, and really good. Today I was completely exhausted from illness and stumbled over for some takeaway dumplings:The menu has 12 types of dumplings but every day they only have between 4 and 7 types. The place closes when the food runs out, meaning I recommend going there early for lunch, around noon. Not quite sure when they open, but people were already eating when I showed up today at noon. Today I go