葉公館

Open Now

Now Closed

長沙彎不嬲多餐廳食肆而且價錢貼近民眾 係依頭餐廳食飯都係大份抵食今日晚餐去咗葉公館上樓梯後發現平日晚市差不多滿座 熱鬧非常我地叫咗抵食嘅晚市套餐E組合價$208一份 兩個人加埋白飯都好夠食雙喜小炒皇豪氣份量嘅腰果炒韭菜花蝦乾 仲有啲小帶子肉本身諗住依種中菜小炒都係惹味偏咸不過第一碟餸食落覺得恰到好處相信本身食材都新鮮 少少調味都夠蒜蓉粉絲開邊蝦大大隻嘅蝦 肉質中規中矩勝在蒜蓉調味峴色粉絲吸引曬醬汁 鮮味十足豉椒炒大蜆撈飯食一流一客燉湯手拍青瓜海蜇有驚喜嘅小食調味係偏少甜嘅青瓜爽脆 而且夠凍 海哲比起出面食到肥美講埋前菜餐廳收茶位同前菜雲耳豆角唔會太辣 而且入味酸酸甜甜食落好開胃其他款式嘅小炒價錢合理 好受街坊歡迎顏色靚 味道都唔錯

朋友喺長沙灣嗰邊返學成日同我講有間中菜廳好抵食👍🏻今日佢終於帶咗我去朝聖😁餐廳嘅環境都唔錯。乾淨企理👍🏻餐牌有好多唔同嘅選擇🤩見到有晚市超值孖寶套餐😍😍兩個小菜都只係$208 🤔🤔好抵食。見到燒腩仔好吸引，朋友推介話一定要食😄但係落單嗰時發現原來師傅今日放假😭😭冇得一試。叫咗個雙喜小炒皇😚分量超級大，一上菜嚇親🤣入面有蝦乾腰果同埋帶子。隻蝦乾好似手指咁粗😱另外叫咗蒜蓉粉絲開邊蝦🍤賣相好吸引👍🏻粉絲又唔會太鹹上面嘅蒜蓉好好食😋撈飯一流😁朋友好鍾意食魚🥹叫咗清蒸沙巴斑😳分量好足夠好大條🤣條魚蒸得啱啱好.唔會一夾就散晒。因為唔知道啲份量咁大我哋仲叫咗一個麻辣雞煲😅麻辣味好出😍最後仲有紅豆沙糖水食😄😄朋友真係冇介紹錯👍🏻希望下次再嚟燒味師傅有反工🤭🤭🤭又多個藉口俾我嚟多一次。哈哈🤗

之前睇YouTube 見到返工的地方附近有間酒樓好抵食，於是同埋寶寶去試。.小酒家格局，當晚8點左右到，幾乎滿座。.坐低後店員會送上前菜開開胃。.老干媽燒炒肥腸 ($98)好惹味的一碟。肥腸清理得好好，完全冇古怪的味道。加上青紅椒同老干媽醬一齊炒香，肥腸燒炒到外脆內嫩，一點都唔韌。用黎送飯一流。.清蒸沙巴仔 ($138)沙巴仔份量都Ok，以$138的價錢食到哩個大細，，2-3人食都好夠，好抵食。.真的要讚下師傅，清蒸的時間掌握得好好，魚肉岩岩好完全離骨但肉質依然好嫩滑。.平時我係唔食魚頭的，但哩條魚做得好好，我地2個人都忍唔住食埋魚頭。.瑤柱蛋白飯 ($88)炒飯都好大碟，炒得夠乾身，唔會太油膩，蛋白夠晒滑。雖然瑤柱份量唔算多，但加埋調味都夠香。

今晚同朋友想食中菜，就諗起長沙彎呢間中菜館。見到款式都好多，價錢又唔貴。蒜蓉粉絲開邊蝦（$118）：一上枱就已經聞到非常香的蒜蓉味！然後粉絲索哂d汁，超正。蝦肉彈牙，鮮味，好好食，蒜蓉味都非常重，夠哂香，真係好正。黑椒牛仔骨煲（$88）：黑椒味好重好香，又係未食都已經聞到果種香味，超正。牛仔骨肉質鮮嫩，唔會覺得韌，而且黑椒汁非常惹味，真係好開胃，用來送飯一流。蜜椒薯仔牛柳粒（$118）：牛柳粒炒得好香，肉質好，唔會韌，然後蜜椒和薯仔就甜甜的好香口好好食。薯仔好淋，好入味！幾正。食完仲送埋糖水—綠豆沙，又幾好食，落足料，同埋食綠豆沙清下熱又幾好，唔錯。整體來說價錢唔算貴，而且食物質素很高，一定會再來吃。

清蒸沙巴斑 🐟🐟真嘅時間啱啱好，魚肉入口非常嫩滑，火候控制得非常好，😋😋食蒸魚最棹忌就係過火，啲魚會好鞋口好實。而且個魚皮都好好食，非常有骨膠原。豉椒炒大蜆🤤🤤大大隻，隻隻都好似我手指公咁大隻，仲要完全冇沙，鑊氣夠，🥰鮮甜蜆肉彈牙，豉椒炒非常夠味，送飯一流。火焰棟企雞🐓🐓原隻企喺度，服務人員會到少少酒喺隻雞上邊，跟住就會點火，🔥🔥變成火焰雞，點樣可以唔相機食先，過咗幾秒後就會冇咗啲火。我地需自行手切，舖頭會提供鉸剪同手套。肉汁非常豐富，皮脆肉嫩，甚至胸口肉一啲都唔鞋，呢個下次一定要encore。😋😋同埋隻雞望落唔係好大隻，但係食落兩個人完全夠晒。兩個人嗌咗3餸1白飯，$500都唔洗，性價比非常高！

有時懶唔想煮飯，出去食個小菜分分鐘仲抵。 一早睇中咗晚市超值孖寶 ($208)，專程為佢而黎。脆皮燒腩仔令我有少少喜出望外，因為好多主打燒味嘅餐廳都未必有好食嘅燒腩仔，估唔到呢度皮脆肉嫩非常高質。 我鍾意腩肉夠水潤而唔會太油膩，入味有肉汁，唔會死咸，脆皮酥脆。 鍾意燒腩仔嘅人就明白，要達到以上幾點真係唔易，連芥末汁都感覺到係師傅調較過，係好有心嘅出品。果皮蒸鮑魚唔算好大隻，勝在厚肉彈牙，真係有鮑魚鮮味。薑蔥桶蠔煲 ($188)做到我想要嘅鑊氣，淨係食個蔥都好惹味。 桶蠔好巨型，咬開好多汁，炸到香口索哂啲醬汁好正。黑椒牛仔骨煲 ($88)真係好抵食，平時係超市買一包都唔止呢個價，兩個人每人都分到幾舊。 黑椒汁好惹味，牛仔骨就似平時豉油西餐食到嘅牛扒咁，醃過都有肉味。

朋友係YouTube 見到介紹係一間在長沙灣既粵菜及川菜館叫「葉公館」餐廳主要係叫餸食飯亦有啤酒海鮮供應 好岩一班人聚腳餐廳推介晚市超值孖寶有唔同嘅配搭總有一款啱🥳幾好⭐️菠蘿咕嚕肉酸酸甜甜非常開胃炸得啱啱好唔會乾爭爭菠蘿及三色椒好入味配個白飯一流🤩⭐️豉椒炒大蜆好夠鑊氣嘅一道菜蜆嘅數量都唔少😆豉椒好惹味非常好食⭐️海味雜菜煲分量非常多👍🏻海味有蝦乾、魷魚等配料菜嘅種類都有幾款加埋粉絲係底入晒味，唔錯唔錯😋⭐️甜品-綠豆沙最後送上綠豆沙，好窩心🫶🏻煲得好好味，勁讚超滿足的一餐😊尤其海鮮好出色會再encore

上次匆忙路過長沙灣見到間粵式撚手小菜餐館～葉公館～好似幾唔錯，今日特登同老公去試吓！我哋大概七點到達餐廳，已經頗多客人，被安排入座後，我們叫左個孖寶$208果皮蒸鮑魚鮑魚蒸得好入味，好爽滑，果皮味好香，絕配👍🏻孖寶配搭原本是脆皮燒腩仔，因為早早售罄，職員介紹咗餐廳最受歡迎嘅小炒皇，果然冇介紹錯！呢味小炒皇色、香、味俱全 ，非常有鑊氣，配菜亦十分多樣，有鮮蝦、帶子、腰果、蝦亁、菜譜和韭菜等，蝦乾大隻，韭菜花冇渣爽嫩，呢味果然係餐廳嘅王牌，好好味呀另外叫左個豉汁蒸大鱔$168鱔肉又大件又爽淋，非常有咬口，豉汁配鱔又係冇得輸，送飯一流！總體來說，餐廳食物質素非常好，樓面職員都好好客和細心，餐後還附送海帶綠豆沙，好味又窩心，下次會再來光顧

今次朋友帶咗我入長沙灣食好西，店舖位置距離地鐵站都唔算好遠。店舖有兩層，但其實下邊係做外賣，上面先至係做堂食。外賣有三餸飯、小食等等。堂食地方夠大夠乾淨，冷氣足，開始入夏都食得舒舒服服間店晚市都多人。我哋嚟到就即刻叫咗個乳鴿，但太肚餓醒起影相嘅時候已經食曬成隻🥲。乳鴿嘅味道好入味，佢唔似坊間其他嘅咁樣淨係層皮有味，佢d 味連啲肉都好滲透到，而且仲唔會好鹹，好正！！！！！如圖可見，底有粉絲，如果佢量再多d,我都可以清曬佢。因為粉絲都好有蒜蓉味，再加上蒸蝦嘅嗰啲精華三晒入去，兩三下就已經可以食晒😎😎蝦新鮮、彈牙、數量多蜆又多又冇沙，雖然唔係特別大隻，但個size我都好可以接受。佢加咗少少豉椒炒，每一隻顯肉都有d 掛汁，好好食依個就係伊麵底嘅大蝦，佢都係清盤主角。依一個就明顯比蒜蓉蝦係大隻好多，肉質會更加結實。佢個伊麵都係唔錯，好食嘅

———葉公館———長沙灣青山道255號恆輝閣1樓呢間位於深水埗嘅街坊餐館樓下係賣川菜小吃 樓上係食野地方大份 抵食 足料係我食完之後既感受同朋友係到食可以放聲高談放聲飲番兩杯 食小菜 又有酸菜魚 龍蝦 川菜選擇多街坊尼食👍🏻咕嚕蝦球 $108Kulukulu咕嚕咕嚕 味道酸酸甜甜 蝦球大粒彈牙肉爽用尼佐飯非常一流 蝦球有成8粒 甜椒三色椒 蒜片大蔥密椒薯仔牛柳粒 $118金絲網整得幾靚 薯仔用蜜糖同油一齊炒 好惹味香口牛柳粒粒粒堅係牛柳 啖啖肉 薯仔同牛柳既比例是正確比例上出面好多勁多薯仔 牛柳就慳皮 瑤柱蛋白炒飯 $88勁大碟 應該夠3人食 蛋白多 識得落少量翠玉瓜點綴下

長沙灣呢間位於2樓嘅中菜餐廳 應該新開左一段時間 上網見到啲人話好抵食 所以即管黎試下叫咗嘢食之後會上一碟前菜 係涼拌豆芽雲耳 味道啱啱好 唔會太酸太濃味 作為開胃菜就最適合佢有幾款晚市套餐，都係$208 $200有一個海鮮，一個肉，非常之抵食，所以我哋叫咗兩份小炒王 炒得幾有鑊氣 配料一啲都唔馬虎 有帶子鮮蝦蝦乾菜譜等等 好惹味好適合送飯蒜蓉粉絲蒸開邊蝦 用咗生蒜加熟蒜 所以味道好香 廚師亦都非常貼心 將黑頭嘅位置斬走 食嘅時候就唔使驚拮到個嘴清蒸魚 火候啱啱好 魚肉好滑 而且一條嘅份量都唔細㗎叉燒亦都唔錯 用嘅部位幾好 所以肥瘦適中 唔會太乾太柴最尾仲有紅豆沙送作為糖水

朋友家住深水埗, 帶咗我去一間街坊小菜館度食晚飯, 川式, 粵式, 海鮮包羅萬有, 迎合唔同人嘅口味晚市孖寶 $208✨蒜蓉粉絲開邊蝦😍😍一碟有成十隻中蝦, 蝦肉爽彈夠新鮮, 再鋪上滿滿蒜蓉蒸特別惹味, 而我認為最正嘅係底下吸收了鮮蝦及蒜蓉汁的粉絲, 用嚟送飯簡直一流✨雙喜小炒皇小炒王好夠份量, 用料有韭菜花, 菜脯, 蝦乾, 腰果, 紅黃椒, 而亮點在於裏面還有帶子粒, 令到口感咁豐富, 蝦乾大大隻, 韭菜花嫩口冇渣, 孖寶必點選項✨豉椒炒大蜆 $108雖然話係炒大蜆, 但原呢度係用咗花甲去做, 花甲價錢當然比蜆貴, 食落口仲必定唔會有沙, 花甲新鮮味道鮮甜整體上呢餐飯都算好抵食, 我哋仲叫咗汽水啦, 飯後仲送埋甜品, 每人只係二百蚊認真抵食

夜晚同媽子食小菜，搵到呢間超級抵食，個晚仲要坐爆曬，晚市孖寶兩餸配搭，大大碟都只係208蚊，我哋揀左脆皮燒腩仔加果皮蒸鮑魚，燒腩仔份量勁多，想特別讚下佢個芥末好好食，甜辣適中，大力介鮑魚，即叫即蒸，甜豉油、麻油、果皮配合一流，香噴噴，非常彈牙爽口，唔係飽到上心口真係想叫多碟，跟住叫四川回鍋肉，辣勁十足，連我平時唔食椰菜都覺得廚師炒得好好食，叫個白飯撈飯一流，最後埋尾叫個是日精選燉湯，個晚係花膠螺頭雞腳瘦肉湯，哇個湯非常清甜，螺片爽身，超好飲，一盅先$38蚊，超抵食，一定會再返黎食，伙記又好禮貌好傾，食得開心😃

朋友想吃特式粵菜，上網搵食找到香港街市魚類海鮮研究社推介主打粵菜，於是去了長沙灣青山道255號恆輝閣1樓~葉公館川粵菜海鮮，港鐵長沙灣C1出口，步行約3至5分鐘。店內環境很地道，像兒時的老牌懷舊食市，晚上未到7時，已經座無虛席，客似雲來，光顧者不分任何年齡，服務員忙到不可開交，大家都食得很高興。菜譜真是很豐富，海鮮、川菜、撚手粵菜，涼拌前菜，清蒸、煎炸、爆炒，包羅萬有，供客人隨自己口味，自由配搭。餐前小食~涼拌雲耳$12醒胃爽口，麻辣酸甜適中。泰式鳳爪$68醃漬醬汁恰到好處，鳳爪肉質非常惹味爽口，配上拌碟脆口酸菜，且份量十足，又是一道極佳的開胃小吃。薑葱魚雲煲$108上枱時熱騰騰，香氣四溢，久遺的魚雲煲再現眼前，未食已很吸引，魚雲炸至香脆再炆，骨脆肉嫩香滑，滿口都是魚香味，鑊氣十足，調味一流，加上在煲底的薑葱吸入香濃醬汁，更覺美味可口。鮮鮑魚雞煲$158又是熱騰騰上枱，先聲套人，煲內配料豐富，薑葱和青紅椒爆炒雞件，雞肉嫩滑多汁，味道極佳，還有多件一口鮑魚，肉質彈牙可口，單是粵菜鑊氣已值回價格，好好食。白飯一碗$12以上佳餚加白飯一碗，確是晚膳的享受。

平時食西餐多，今日想食下中菜，問一問朋友，喺朋友口中聽到呢間長沙灣嘅葉公館川粵菜係剛剛新開，我最鍾意試新嘢今日就嚟試吓一行到入餐廳就見到地方非常闊落仲好光猛枱同枱之間有一塊透明膠布擋住，非常衛生見到餐牌好多餸菜都係平時大排檔有嘅菜式，呢度當然比起大排檔坐得舒服😌最重要係同大排檔一樣免加一服務費鮮鮑魚雞煲 158元,上枱已經聞到好香嘅味道,個煲仲熱得吱吱聲,好香嘅雞,飽魚,香菜味直噴而出令人食慾大增,雞皮應該煎香咗,食落去雞肉外面好惹味,入邊嘅雞肉非常入味,嫩滑多汁, 鮑魚嘅味道亦都好鮮甜,肉質爽口彈牙，雞嘅味道做得相當好，而且份量仲相當足夠雙喜小炒王 小炒王真係夠曬火喉材料豐富,有韭菜,腰果,三色椒,蝦肉,蝦乾,腰果特別香口,可能啱啱炸香,惹味得很,配上韭菜一齊食更添口感 。鮮蝦肉亦都好爽口彈牙,味道鮮甜,整體嘅配搭啱啱好，小炒王入面有好多腰果，炸得非常香脆，真係食到停唔到口蒜蓉粉絲開邊蒸蝦 ,蒜蓉蝦係我嘅至愛,最鍾意下面嘅粉絲吸收咗蝦嘅鮮甜精華,蝦加上蒜蓉,香蔥,令到蝦嘅鮮甜味更加突出,整個湯汁同粉絲都食到好鮮甜既味道用嚟送飯真係一流，這個餸菜簡單又鮮味叫咗個小炒王梗係要叫支啤酒，炎