財記海鮮火鍋活魚刺身

Open Now

Now Closed

encore大角咀既財記, 忘不了象拔蚌刺身, 安格斯牛肉, 西洋菜餃同田雞。今次再叫呢四寶, 質數仍然極高。地方十分乾淨闊落, 隔離幾枱都有叫各種各樣既刺身, 海鮮上枱時仲識郁, 可想而知有幾吸引幾新鮮。食物好吸引! 象拔蚌刺身鮮甜彈牙。安格斯牛肉脂肪分佈均勻, 色澤鮮明, 入口腍嫩, 好重牛肉味。湯底有數十款不同選擇, 今次order左菜膽豬肺鍋湯底, 鍋有好多白菜, 飲完之後都唔覺得口乾。脆鯇骨腩$58超抵,又厚又大塊, 兼好新鮮好爽口西洋菜餃最出色，皮薄西洋菜好香, 算係最好吃既西洋菜餃叫左幾支啤酒下下火, 價錢相當抵, 大家最終都吃得非常滿足，日後去開大角咀可以再encore

今日星期六全日都要喺公司OT收七點😫😫由於公司係大角咀知道呢頭多好多野，加上而辛苦左成日！一定要食好啲🤓所以預先book咗個美味嘅晚餐就係食刺身海鮮火鍋啦😁其實平時我去親打邊爐都唔會特別想叫刺身，始終覺得唔係主場怕唔新鮮！但係係財記門口有好大個魚缸，有好多正海鮮，而且你去到入邊仲見到佢好多靚牛肉，象拔蚌等生猛海鮮！睇到咁我好有信心夠膽試佢嘅刺身🤩咁見到佢有特別介紹，我哋叫牡丹蝦刺身！呢嚟到超級新鮮😳隔左一段時間，佢都仲郁緊㗎😱咬佢啲肉嘅時候，佢啲手腳係咁郁🙊搞到我覺得自己好殘忍呀！係超級新鮮，未食過咁新鮮嘅牡丹蝦！好爽口好清甜🤤而且我哋叫左每人一隻南非蠔😁大隻大隻好新鮮好鮮甜🤤🤤絕對抵食！$48之後叫左平時打邊爐必備嘅手切肥牛，鮮🦐雲吞，韭菜餃子，冬瓜！鍋方面叫左麻辣雞煲，辣度剛好！如果鍾意打邊爐同埋食刺身嘅你😏絕對推介食呢間！其實下次可以試埋象拔蚌添食🙊

首先選個靚湯底，由於在座有父母的關係，選了個健康又滋補的冬瓜蟲草雞鍋，想不到火鍋也有賣相，就像半個冬瓜盅，上面再放了半隻鮮雞以及海量的蟲草，先呷一口清湯，很是鮮甜，明顯沒有落過味精，清清的很合daddy的口味。調味架是經典的生蒜，炸蒜，辣椒，香蔥，芫荽以及沙爹醬，個人最喜歡生熟蒜，香蔥以及辣椒的組合，只需要加少許豉油，便相當對味。先來的是正品牛肉之中的本地金錢展，金錢展肉味香濃，跟腱之間還帶點嚼勁，是高品質的一碟。脆肉鯇塊塊厚切，份量不少，入口脆身，鯇魚味重，不喜歡鯇魚的朋友，切記慎入。脆炸響鈴，響鈴45元便有八件，還要即點即炸，相當超值，還能吃出淡淡的蛋香，畢竟對於響鈴，脆是很重要的一環，即點即炸便沒有輸的理由。手打四寶丸，有墨魚丸，蝦丸，牛丸以及鯪魚球，手打丸粒粒也爽口彈牙，口感是異常的札實，明顯是真材實料的表現。

又到了一年一度家人生日月份，今次見到屋企附近有間好旺打邊爐店,一於集齊人數去試一試他龍與鳳。有自家的魚缸，仲有好多新鮮海鮮，一定不會差，等我一陣叫少少食。第一碟就是海蝦（$138），上碟仲彈彈下，十分生猛又大隻，夠蝦味。講到我之愛一定是頂級牛肉（$298），嘩！靚到肥瘦剛好，入口溶化，就算煮耐左，都不會韌，好好味道，必叫。我門諗住食牛肉海鮮，叫個平些湯底，豬骨鍋（$68），完全不馬虎，太大舊豬骨被胡椒調味，正啊！仲有其他配料，抵。叫了自家製竹庶芧根（$35），甜度適中透心涼。花膠筒（$68），少心沸大耐會溶，佢煮完入口好有咬口，非常滑。老公之愛白鱔片（$78），又不貴，鍾意食佢要試試。另外點少得脆鯇骨腩（$58），真好滑口非常美味。就連響鈴都是自已即炸（$45），我們食好多野，完全好味道，不過要book 位，都幾多人。

喺旺角食到悶，就行黎大角咀睇下有咩食。見到呢間都幾多人，又有我鍾意食嘅剌身，價錢又唔貴就試下。好鍾意個環境，有我最鍾意嘅酒類做裝飾都幾多選擇，我最鍾意嘅剌身同牛肉都有齊。叫左盤剌身做前菜，有三文魚腩、帶子同半板海膽。三文魚腩好新鮮，又肥美，成口omega 3好滿足。帶子又係好新鮮，好大粒，加埋蟹籽一齊食好鮮。海膽唔腥，加埋紫菜一齊食好夾。魚生水準好高，大推！老闆好好人，推介我地食鹽燒鮑魚，話好多客都話正。果然唔錯，食到鮑魚原味，加埋炸香嘅蒜蓉，好好咬口。另一輪係食火鍋。叫左鴛鴦鍋，沙嗲同清湯。流心芝士獅子狗 - 芝士迷必食，芝士真係會流出黎，好濃郁芝士味豬紅 - 比較清啖，淥喺沙嗲鍋會入味啲，$30都幾抵食。稻庭烏冬 - 好煙韌，打邊爐必食之一，撈豉油一流墨魚滑 - 清淡一點，可以食到墨魚的原味。而且好彈牙，好食。本地手切肥牛 - 超正，成個火鍋最好食係佢！！！牛味濃不在話下，又夠林，呢個部位真係冇得輸！總括黎講，呢間野剌身非常出色，而火鍋著重食物本來的味道，不錯不錯！

香港人最鍾意打邊爐，一大班人諗唔到食乜通常都會打邊爐，我呢啲邊爐精最鍾意試唔同火鍋店，今次呢間比較偏辟，但值得嚟食！睇睇餐牌先！好多款唔同湯底選擇，而且好多都好特別唔係度度有，好似蟲草花冬瓜雞鍋，菜膽豬肺等等！好多唔同牛嘅部位選擇，價錢唔平，亦唔算特別貴！其他食物價錢合理！基本醬料配料齊備。今次叫咗菜膽豬肺湯底，諗住冇咁熱氣，味道偏清淡，但越滾越有味！因為乜牛部位都想試，叫個牛皇拼盤就乜都試到喇！最緊要有我想試嘅牛脷托！拼盤份量好多，4個人食差啲食唔晒！每款牛都好有牛味，又好林！牛脷淥完都唔會韌！正！必試！另外推介鵝腸，花膠，黑松露花枝丸同響鈴，都好好味，又夠新鮮！4個人食每人$300左右！絕對可以番啅！

作為港島人，如非工作需要，甚少去九龍區找美食，但呢間火鍋店的確令人回味非常，要一個月黎一次。這裏的刺身好多元化，有活魚刺身，貝類，海膽等等，這次與好友品嘗最有名的象拔蚌(一份)，這裏切工一流，剛好一片一口，加上放了蟹子增加口感，兩個人食一大份也覺不夠。火鍋湯底，配料很化算，大多數只需50元，但用料非常新鮮，最推介的是厚切安格斯牛，西洋菜餃子，田雞，鮮魚片，在其他火鍋店未必品嚐到這種鮮味。最有驚喜的是酒水又夠凍又非常平，一大支只需18元，是這間火鍋店令人加分的地方。

好少黎大角嘴食嘢，好彩有人介紹我食呢間地道菜館，將刺身同打邊爐呢兩樣香港人最鍾意嘅嘢二合為一。埃華街直頭係一條食街咁，有好多食肆，呢間財記都唔難搵，大大個招牌。雖然佢唔係放題形式，但都非常多選擇，價錢都相宜。我地一班人第一時間叫咗刺身食先，無諗過係一間大眾化嘅餐廳食得咁高質嘅魚生，三文魚腩都係$78咋，油香超豐富，好肥美，加拿大海膽係新鮮貨，仲有四洲紫菜俾食客包住嚟食，好得意，個種海水鮮味縈繞係口腔不散。帆立貝刺身好厚肉，上面舖滿蟹籽，好得。仲想特別講下佢個啲墊住刺身嘅海藻，好爽脆，市面好少見。跟住試下佢啲鹽燒鮑魚，本身想叫刺身㗎，但伙記話鹽燒仲正，咁緊係聽佢講，又真係唔錯喎，唔會話好淡味，剪開一塊塊食更易入口食完刺身當前菜後，跟住就到火鍋啦，想試多啲，所以嗌咗鴛鴦鍋底，一個係清湯，另一個係沙嗲。無牛肉唔可以叫打邊爐，我地叫咗個本地手切肥牛，真係不得了，新鮮果然唔同啲，牛味係口中爆發，停唔到咁食。另外嗌咗墨魚滑，我自己一個幾乎食咗半碟咁滯，真係好彈牙，好多墨魚粒係𥚃面，仲要好原汁原味，唔會有過多調味個啲，推介！烏冬就係讚歧烏冬，麵質滑身又煙韌啲見到有芝心獅子狗忍唔住嗌咗，淥到浮上湯面就

雖然已經進入炎夏，但無損我地打邊爐嘅雅興，今次揀左間可以食埋刺身嘅火鍋店。入到去環境好光猛，仲有電視睇，可以同朋友邊食邊討論。前菜有碟酸青瓜，平心而論係醃得幾好，酸度剛剛好。刺身方面我地叫左幾樣試試，點知真係幾好味喎，好新鮮，作為一間海鮮火鍋店，刺身有咁嘅質素好難得。三文魚腩刺身好肥厚，帆立貝刺身都好正！而海膽就試左半板，夾住四洲紫菜食，可以解膩。值得一提係個wasabi都好好味。除左刺身仲試左鹽燒鮑魚，建議用較剪剪開食比較方便，都燒得幾好食，叫黎試下都無壞，大家雖然攰但都食得好開心滿意！然後到火鍋出場，我地叫左鴛鴦鍋，清湯同沙爹。叫左手切肥牛，個牛肉靚就唔洗講，最重要係友人淥得好有水準！流沙芝士獅子狗一碟份量都好大，3個人食都食唔哂，有別於平時食開嘅芝心獅子狗，呢個芝士係釀入中間個窿，一咬超濃芝士味，食得多會漏。豬紅同墨魚滑無好濃嘅味精味，取而代之係一種清新健康嘅感覺。最後食埋稻庭烏冬，好幼好滑，食完好滿足。

朋友搬左去奧運站新樓,仲要有海景,羡慕到流晒口水,慶祝佢踏進業主之路,去左同佢食個健康無味精火煱勁多新鮮游水海鮮食物好吸引ORDER左個健康清清地既鮮茄薯仔湯底個湯底勁清甜,淡淡地,0味精,成個湯底都可以當湯飲飲完之後一D都唔覺得口乾打邊爐要唔肥,首先一定係食菜先皇帝菜新鮮爽口,好乾淨豬肉淡紅色,唔會雪得好耐,一淥就熟魚皮好脆,脆卜卜好好食午餐肉好乾淨,質地好實淨,good 雙拼餃　$58韭菜餃拼魚皮餃手工餃，皮薄多汁頁丸$38質地好爽, OK每人一隻牡丹蝦，原來可以咁新鮮隻蝦仲跳下跳下，Ｄ腳仲郁緊，我要等佢唔識郁先敢食，好鮮甜彈牙～魚腐好乾淨，唔會好油，比較有咬口今日Ｄ食物全部都好新鮮乾淨，下次都要再食過～

打邊爐唔係用靚牛做主題,就係用海鮮,呢2樣都走唔甩,今次因為朋友仔唔食牛,所以去左食海鮮為主題既餐廳成個門口都係活海鮮地方十分乾淨闊落,坐一晚都唔覺得逼同嘈款色太多,價錢又合理,人多人少都食得醬料有生蒜,熟蒜,沙爹,辣椒,葱同芫茜今次點左黑豚肉,勁少肥糕,色澤好紅,切得好薄,而且都多仲要唔貴 $78一碟湯底要左個蕃茄薯仔湯底$68蕃茄又多又大隻,薯仔好粉成個湯底好清甜,老闆同我地講原來完全無落味精真係食到落底都唔油唔口乾,值得一讚墨魚滑拼蝦滑 $68好抵喎,可以雙拼,試多一款,而且好新鮮好彈牙,睇落都十分有光澤脆鯇骨腩$58勁平,又厚又大塊,好新鮮好脆好爽口我自己都食得晒!!!忍唔住點左2隻游水牡丹蝦$98一隻嘩,堅係新鮮到不得了,仲識跳,蝦肉晶瑩剔透蝦身好爽好滑,試左一試難忘~~無改錯名,活魚刺身堅係生鮮生猛!!大角咀出名打邊爐,今次財記係我首選~

母親節呢個大日子，梗係要同屋企人出去食飯慶祝下，近近地係奶奶屋企附近揀間想食左好耐嘅海鮮火鍋，見餐廳外排滿人，應該唔會中伏掛！餐廳位置都算方便，環境舒服乾淨，地方闊落，座位之間有空間感，門口還有海鮮魚缸位，俾我地即揀即煮海鮮！食物種類好豐富刺身好新鮮，海鮮上枱時仲識郁雖然當日d枱坐滿晒，侍應好好咁幫我地先安排座位，亦好快替手落單！頂級牛肉$298 肉質好鮮嫩，牛味濃，讚👍🏻打邊爐又點少得脆肉脘腩 $58白膳片$78 味道鮮甜海蝦 $138 上枱時d爪仲識郁饗鈴8件 $45 新鮮即炸，上枱熱辣辣手打蝦丸，墨丸，雲吞！好好味！最後，就叫左兩支啤酒下下火！呢間打邊爐d材料值得一讚，新鮮，味道自然相對出色!下次大伙兒來吃，可以試多幾款海鮮！

今日星期六，坐無虛席，好在預先book左位門口一排大大個既魚缸，生猛海鮮活生生咁展現眼前，令人食指大動～野生椒浸鳯爪 $48，首先叫左餐前小食，一路食一路睇餐牌。鳯爪好爽脆，辣度剛剛好，大家都讚。澳門豬骨鍋 $68，好抵呀，好足料，有好多豬骨，又唔咸。竹簽海蝦$138，蝦係每次打邊爐必點項目，超生猛，好大隻，肉質特別爽脆鮮甜，唔係一般普通基圍蝦能夠媲美，物有所值頂級牛肉 $298，另一個打邊爐必點嘅項目，脂肪分布好均勻，每一啖都食到香濃嘅牛肉味，超好味，千祈唔好錯過。滋補花膠$68，大大件，好厚肉，爽滑彈牙白鱔片$78，好新鮮，又大塊，正！脆炸響鈴$45，呢度係自家製，即叫即炸，特別好食

以前住喺附近嘅時候都成日幫襯財記,以前最鍾意喺呢度買一份象拔蚌刺身,加少少野就打個邊爐。搬咗之後都無黎lu, 今日附近做野,所以特登走嚟打返場先。竟然呢度變曬, 變得大左, 變左光猛,舒服左好多。今日我同老婆就試下佢個濃湯翅群鍋,有3-4 人份量的翅群同花膠, 同半隻雞。老細超自豪咁話個湯沒有加味精 , 叫我地飲左湯先, 其實兩個人飲完湯食下花膠食下D 翅 都跟本食唔曬。 湯就較清甜, 飲落去好舒服, 好處係個湯唔係好濃郁好濟嘅。個雞肉好滑 , 煲完湯嘅雞胸肉我都食得津津有味。先黎個小食 野山椒浸鳳爪- 算中小辣, 入曬味好爽口。 識食梗係食本地手切肥牛啦, 切得厚簿適中, 有口 感, 有肉味。叫左個細嘅夠食有餘。脆鯇腩, 厚切 爽口, 重魚味。珊瑚蚝 新鮮都不得了, 彈牙係嘅。ok花甲, 新鮮甜味, 不過比較細隻。嚮玲, 吸曬雞湯嘅精華, 真打邊爐必備。真係懷念住呢邊... 樓下就有人情味嘅鋪頭。

天氣開始熱，雖然話就話晌香港一連365日都可以打邊爐，但有得揀當然喺想趁仲涼涼地去喇。一向都知大角咀嗰邊多嘢食，不過成日話想去，最終都係去啲方便地方，今次朋友仔直頭枱都book埋，咁就嚟咗試呢間財記邊爐睇佢嘅裝修都幾新，感覺幾乾淨，睇到都有大約7成坐滿，講到明係刺身火鍋，當然就係唔少得有刺身點喇，不過同行朋友入面多數想主食邊爐嘢，咁唯有只見下張嘢食紙喇當日幾個人合共叫咗好多嘢食，最令我印象深刻嘅係個牛皇拼盤，雖然價錢貴，但都幾物有所值，包晒5種牛，5種牛睇啲顏色都好新鮮，亦都幾大碟，食落嫰口，個人比較欣賞安格斯牛柳粒，就算唔小心煮耐咗，佢入口都唔韌，啱埋一大班人嚟嘅時候叫......另外仲有叫到桂花蚌同黑松露花枝丸，前者好新鮮，煮幾下再入口非常爽口同新甜，同埋個size都大隻，至於後者嘅黑松露味都好足，配搭花枝入口感覺好爽，以上三樣都係我感覺最值得推介嘅嘢食，大家最終都吃得非常滿足，日後去開大角咀可以再encore