財記海鮮火鍋活魚刺身

Open Now

Now Closed

近排好想打邊爐 朋友介紹黎財記海鮮火鍋活魚刺身試下～黎到門口已經好多人 仲見到魚缸好多海鮮 正！😎因為怕辣 所以坐低先叫個豬骨湯底～在座有人好鍾意吃牛，所以選了最貴的頂級牛，雖然要$298一碟，但絕對推介！我覺得物超所值！非常新鮮嫩口！好少打邊爐的餐廳能提供這樣高質素的牛！份量亦好大碟，俾多d都抵！😎其他還叫了脆鯇骨腩，超爽口，吃得出很新鮮～跟住有海蝦，也是非常新鮮～而且很大隻！手打蝦丸和墨魚丸質感很均勻，都很足料都係果句，很新鮮😋響鈴是即炸出來的，侍應上碟時還感覺到是暖暖的，口感很鬆化，超正！打邊爐想合理價錢吃新鮮食材，絕對要試試財記海鮮火鍋活魚刺身～

真係好鍾意大角咀呢個地方，因為朋友住喺呢度所以成日都會走過來呢邊食野。呢個地方真係好特別,有好多小店,又唔會旺區咁貴價, 好評嘅食店都會隱藏於大角咀內。財記而家打通左間鋪頭.地方大好多, 舒服好多。仲有可以間幾間房添。坐下來，老闆為我介紹湯底,推介女仔就應該黎一個滋補魚翅花膠雞湯。 味道唔算好濃 因為肯定沒有味精。有半隻雞,一大碟排翅和花膠, 一滾起我就急不及待飲未左一啖先,味道未出, 要稍微滾多好幾分鐘時間D味就已經濃郁出黎喇。呢個係住家湯味道,應該所有女人都鍾意啦。財記應該最出名係海鮮,因為全部都有活海鮮,仲有例牌份量, 好似兩個人閨蜜咁就啱曬。打邊爐 必食, 本地手切肥牛,切比較厚有口感。仲有分大 小 兩個size, 我地只係叫左細碟 都食唔曬。脆鯇魚腩，重緊要厚切! 啖啖肉魚味好重, 好味。珊瑚蚝 好新鮮, 爽口, 咬入口會彈下彈下咁。仲有食左嚮玲, 皇帝菜啦。個湯底同料有咁多花膠翅同左半隻雞,我地各自飲左四碗湯, 其實未打邊爐就已經飽左一半喇, 滿足!呢度係屬於會有老闆係你隔離同你吹下水, 講天講下地, 小店可愛之處, 要繼續支持。

同媽咪提早慶祝母親節，選擇呢間既原因係因為我媽咪鍾意食酸菜魚， 而出面又好少用酸菜魚嚟做湯底打邊爐， 搵咗好耐終於畀我搵到呢間財記呢間舖喺大角咀嘅埃華街， 馬會對面，勁容易搵到入到舖內，侍應好熱情介紹餐廳既食物。 我既目標好明確， 酸菜鯇魚煲呢個酸菜魚煲，湯㡳濃厚而不膩，可以直接喝的，酸酸辣辣帶點鮮，非常開胃，魚肉食落嫩滑打邊爐當然要飲潤肺生津，又可以清熱下火嘅竹蔗茅根水，呢度嘅涼茶係自己煲，冇咁甜有生熟蒜，蔥，芫茜，辣椒，可自由調較岩自己既豉油晶瑩半透既鯇魚皮，撈了些麻油與醬酒，拌薑葱紅椒，爽的滑的脆的夠嚼勁稻庭烏冬，入口勁滑，吸盡湯底精華白鱔片厚切，肉質肥美粟米，勁甜呢到既侍應好nice,媽媽都好滿意呢餐，下次再食

超水準打邊爐都有幾年冇黎大角咀呢一帶打邊爐，今次再黎去左呢一間叫財記，好味到拍晒手掌呀！我地冇特別叫貴價食物，只係叫左比較貼地餸菜，但比較下，佢真係特別好食，湯底都係叫左出名嘅豬骨湯，鐘意吸佢啲骨髓，黎到果然冇令人失望，好大舊，仲好多骨髓添，好味道呀！之後當然不少得本地肥牛，真材實料，新鮮，一個字正！佢比其他的切得厚少少，所以好有口感，而且好嫩滑。 另外叫左桂花蚌，好爽呀，滾兩滾就食得，好新鮮，冇得頂！價錢仲可以接受添！ 仲有田雞！新鮮到佢上碟嘅時候啲神經仲彈下彈下，雞肉好嫩骨，必食之選！當然有例牌墨魚滑蝦滑，同樣出色，真係好彈牙，份量又吾少，抵食。最後叫左叫牛胸爽，雖然係牛嘅部分，但原來係白色的。相樣滾幾秒後食得，呢個幾特別，幾有趙口，有少少軟骨，口感不錯！整體來講呢間火鍋店係我食過嘅數一數二高質食材，會再去！

阿囡被門口個大魚缸吸引住，最後入黎食飯每日精選海鮮刺身整齊既醬料架，中意點調個豉油都得湯底揀左酸菜鯇魚鍋，酸菜味夠突出，鮮甜既脆鯇片，湯㡳濃厚而不膩，可以直接飲，酸酸辣辣帶點鮮，非常開胃，淨湯都飲左三大碗打邊爐點少得個靚牛肉，我地點左安格斯牛肉片，色水靚，牛味特濃，肥瘦適中，焯兩下就食得，yummy😋手打四寶丸，自家製造，鮮牛肉丸，鮮蝦丸，墨魚丸，鯪魚球，新鮮足料不得不提呢個竹庶茅根水，亦係自家製造，除左竹庶茅根還加左粟米紅蘿蔔，無加糖，清甜可口

好耐冇食過咁有質素嘅打邊爐啦，真係食得好滿足！平時都係比較喜歡清淡嘅湯底，所以就要左胡椒豬骨湯底。不得不說，真係好足料，有四隻大豬骨係入面，而餵食嘅我當然係食埋d豬骨同骨髓啦，好味道！依度嘅本地牛，聖子，同埋田雞都真係好值得讚，雖然賣相唔係好靚，但係d質素真係好高！首先，厚切嘅牛咬落好有口感，而且有濃厚嘅牛香味，真係忍唔住口一件接一件咁食。聖子好新鮮，好清甜，而且咬落好爽，完全體現到食材嘅新鮮程度！碟田雞上嚟嘅時候d肌肉仲郁緊，食落完全唔會失望，d肉好紮實，又好香，真係食完仲想繼續食。見到menu上面有比較特別 平時比較少見嘅牛胸爽，就要左一份。果然同佢個名一樣，係好爽，同埋都好香牛味，值得一試！跟住就叫左d比較家常嘅嘢，蝦滑，墨魚滑，魚皮餃果d，總嘅嚟講對依間餐廳嘅食物質素好滿意～

Tai Kok Tsui nowadays opens lots of hotpot shops but the quality of them are quite controversial, at least the average standard and price is not as good as in hk island. But the hotpot shop suggested from my colleagues makes me really surprised, the hygiene, food display and the ventalization system are stunning there, same as the top level hotpot shops in cwb. As suggested by the boss , we order the geoduck sashima there, the size of each piece and the sweetness is the best of what i have trie

平時較少去大角咀食飯, 今晚先發現原來距離太子地鐵站步行10-13 mins有間性價比高火鍋店。入到去好光猛又乾淨, 食物仲有四大推介:1.   象拔蚌刺身象拔蚌真係好新鮮, 勁厚之餘食落鮮甜爽脆, 入口之際整塊刺身佈滿全個口腔, 好豐富。加上有好多較深黃色較脆幾部份, 份外滿足。我會俾100分, 推薦2. 安格斯牛肉片安格斯牛肉肥瘦均勻, 色澤鮮明。肥牛切成起雙飛, 厚厚既一塊有質感, 咬落好香嫩, 好抵食。3. 西洋菜餃西洋菜餃比韭菜餃細, 但裡面既西洋菜充料又新鮮, 好有西洋菜既鮮味, 完全唔覺靭, 算係我食過既西洋菜餃之中最回味。4. 韭菜餃大大粒, 好足料, 皮薄餡靚, 韭菜好香口餡料好富滿另外order田雞, 擺上台仲識郁鹽燒鮑魚, 又腍又香, 好厚肉, 鮮甜打邊爐最喜歡食萵筍, 清脆嫩綠, 爽甜啤酒好抵飲, 可以同朋友暢飲一番坐位方面還有幾間廂房, 空間感好夠又舒服, 下次可以叫大班朋友再黎

同朋友去大角咀諗住搵間火鍋店打邊爐，見到呢間財記又有刺身食，所以就入去試吓入面裝修都幾靚，又光猛又新淨，首先我點咗個酸菜鯇魚鍋，因為見幾特別所以試吓個鍋嚟到，緊係飲啖湯試吓味先啦，果然無嗌錯，真係好好味，而且好特別，朋友就點咗個活赤背刺身雖然我冇試過，但睇個賣相都好靚仔，朋友話好新鮮，好好味，之後我哋就點左幾個餸本地手切肥牛，我地點左個大嘅，分量真係唔少，爭啲食唔晒，而且好有牛肉味美國桶蠔，佢真係好多好似手掌咁大，而且滾完唔會縮水，值得推介之後再點左個手打墨魚丸、炸魚皮同埋西洋菜，墨魚丸滾完都好爽口，炸魚皮又趣仆仆，西洋菜亦都好新鮮，唔好睇落好少野，其實佢每一樣野都好大份量，我哋兩個人差啲食唔晒

今晚同班舊同學去大角咀打邊爐，平時好少去呢區食飯，原來有咁多食店，今晚呢間係性價比高火鍋店!我地叫左油甘魚刺身，厚切大大件，平時怕腥既我都忍唔到口，真係好新鮮！啲蟹擺上台仲識郁食物方面我最中意佢既西洋菜餃，裡面既菜唔同平時果d,充料又新鮮。佢既肥牛都係靚仔，油花平均，記得唔好碌咁耐會仲滑D!作為一個薯仔死忠，最令我印象深刻係我地其中一個火鍋底-蕃茄薯仔坑腩鍋，入面既薯仔真係煲得入味之餘，又好有口感，不太硬也不入入口就爛哂！另一樣我食得最開心就係掉落去湯底吸收哂精華既粟米！個粟米一d都唔乾，又好香甜，真係食薯仔同粟米都飽哂😂 不得不讚呢個火鍋店，好用心準備呢d看似最低下既配料，真係令我驚喜！黑松露花枝丸花枝丸外形小巧，咬落彈牙，入面嘅黑松露餡唔會太多，所以吾會搶左花枝嘅鮮味，亦都岩哂一D怕黑松露味太濃嘅朋友嘗試！流沙芝士獅子狗表面睇落平平無奇嘅獅子狗原來內有乾坤。一咬落去，芝士隨即流出，雖然芝士味唔太濃，但充滿驚喜，絕對係餐廳嘅心機之作！另外墨魚滑都好正，d蟹籽多到好似唔使錢一樣。食落去好滿足。至於後面的邪惡午餐肉都擺得好有心思。餐肉配豬骨湯底，好夾最啱就係打邊爐食。響鈴係打邊爐的時候，

兩條友係旺角行到攰,想搵野食,但旺角人多又迫, 都唔知食咩好,特然想打邊爐,又唔想任食食埋啲唔知咩野, 咁打電話問功課,個朋友就話不如落大角咀啦, 好多野食,咁就介紹左財記比我地,一聽個名好似好舊有啲驚,去到眼前一亮又新又乾淨,入面仲有房添!!!由於得兩個人既關係嗌唔到好多野食,而啲份量仲要大!! 新淨光猛叫左個酸菜鯇魚湯底, 正呀又飲得,不過再煲煲下就酸左啲,要加湯手切肥牛墨魚滑,大到呢桶蠔,隻隻手板咁大炸魚皮,即炸,我覺得厚得濟,但另外個frd話正到爆赤貝剌身,正!!

今次誤打誤撞嚟咗呢間小店打邊爐發現有好多款湯底可以揀 我地最後都係揀咗個鴛鴦湯底 ($68) 有半邊係沙嗲 另外個半邊就係清湯 清湯仲送埋大白菜 好抵食啲醬料係一籃子咁拎過黎俾你 等你自己調配安格斯牛肉片 ($178)油脂分佈算平均 厚厚既一塊有質感 放入個鍋度滾一滾就食得 咬落好香嫩雙併滑 ($68)估唔到叫呢個雙併都有蟹籽版既魚滑 魚滑一羹羹咁舀起放入鍋 浮番上湯面個時 蟹籽都仲痴實係上面 一口咬落去 無論係墨魚滑定蝦滑都食得岀好足料 蟹籽卜卜脆咁多左重口感 我第一次食 覺得好正雜菇拼盤 ($48)有金針菇.雞髀菇.秀珍菇同鮮冬菇等等 份量都唔少 我本身好鍾意食都 但係都食唔晒手打四寶丸 ($68)用料好足 有鮮牛肉丸.鮮蝦丸. 墨魚丸同鯪魚球 全部都係手打既 一碟就可以試晒咁多款 我都係偏愛牛肉丸 而男朋友就鍾意食鯪魚球我地仲叫咗一壺竹蔗茅根($35)下下火 好清甜不過始終都係覺得打邊爐要一大班人先會特別開心 至少可以叫多d野食一齊試

呢間火鍋之前一直不停推介比身邊既同事朋友，之前幾次黎食都好開心，但今次有少少遜色，好似唔同左。。。先談服務，因為個人比較麻煩，入到舖，完全無人理，企左好耐，先被發現，坐底左研究左一陣，就問我食咩，可能有人受樂，但我只覺得吹我，轉頭又問我飲咩。。。如果咁想我飲，不如比杯水我先，之後可能都識做既，無再走過黎最後埋單，都係奇奇怪怪，我習慣會睇清楚張單先比錢同埋有時會影下張單，通常啲職員放低張單會走開，轉頭返黎收，但係職員就企係我隔離等，等，等。。。咁即係咩意思先？吹我？驚我唔比？之後，都係要我出口，叫你走開囉！打個邊爐食好啲都係想減壓，點知咁大壓力我都話左我係麻煩😂講食！望落去真係好足料，不過唔岩我口味，下次都係唔揀豬骨🙈本地手切肥牛。。。我印象中以前唔係咁樣蝴蝶開邊，以前係一塊塊無乜根，無咁厚，而家呢個就比較有咬口，肉味夠濃，厚身少少，我就一般，始終以前係因為呢碟肥牛而愛上，但已改變了。。。脆鯇骨腩，值得推介，好食，勁脆，好甜，西洋菜餃都好好食，墨魚滑都係！其他就無乜特別蝦就真係無乜特別，係特別貴。。😂我真係識條鐵咩！今次只能說一般，真心無以前咁好食，我對上一次食，間舖都未擴大，以前啲職員

因為大同十多人聚會，想搵個靜靜的地方，一班人吹下水，又可以拾下拾下食下野，偶然找到位於大角咀的財記海鮮火鍋。見到嗰個飲品名單，原來一班人都可以叫下酒。見到好多唔同客人都有叫啤酒，真係可以同朋友暢飲一番。坦白講整夜聚會坐得好舒服，好適合一大班人聚會。因為店舖好好，俾左一間大房我哋，裡面有電視機，最驚訝係有一張可以坐得落十三至十五人既大枱，而似一般既中菜廰，有轉盤，方便打邊爐時，你鍾意轉邊樣送都得，而中間既鍋則是固定放在中間，轉得好放心！當晚食左好多野，但一開始少不得叫盤刺身（油甘魚）食住先。我會俾10/10分，因為平時我有點怕食油甘魚，如果不新鮮，會有少少腥味我都食唔落。而呢盤油甘魚，外型勁厚之餘，食落口只有鮮味，口感正～～～推薦SORRY～～掛住食，忘記左影盤刺身！！！！！而第二個我好推薦既係佢既湯底，小妹一向好喜歡食海鮮，所以就選左花甲肉蟹鍋。海鮮超新鮮之餘，仲要好大隻，不過花甲數量就一般啦。花甲黎到時，不斷伸縮，我都忍唔住影低，證明真係好新鮮。而隻肉蟹比我想像中大，而D肉好鮮甜，好厚肉，而且店家又處理得好好，好方便食用。坦白講＄188湯底有咁新鮮既海鮮食，真係超值。呢隻蟹係街市買便

約6:30到點了最貴最靚的手切牛但肉是疼黑色的，而且食完後碟留有乾血跡與店員確認一下這碟是否最貴最靚的一款，她不懂回應，回頭找其他同事未果，才口吃的回覆‘這碟是最靚的了，都是由掛出來的那一條切出來’炸魚皮是加粉翻炸的，較厚較硬薑蔥魚皮淋巴巴而不是爽脆的蘿蔔有苦味花膠...落鍋煮熟後...差不多找不到椒鹽雞軟骨，厚粉，無味道鵝腸、竹笙、鱔、貴花蚌也是一般冷氣風口吹正其中兩位朋友的頭而不能調教而且食品質素中下故放棄第二輪點菜在離開前(約9:00)，探訪一下洗手間看到其他客人的牛肉也是鮮紅色的明顯地我們早到的一輪，吃的是不新鮮的貨