野川拉麵 (Closed)

係openrice 見到野川，好多好評，不如去試下，去到門口，見到地方很少，但都坐滿客人，心諗，一場嚟到都試下啦估唔到真係有驚喜拉麵同烏冬，都好正，好滑一口芝士必試會再次光臨

跟母親今天行經元朗大坑渠，即元朗舊B仔涼粉附近，見餓便打算隨便找點吃的，問母親想吃甚麼？粉麵還是飯類？她答道想吃粉麵，隨即眼望周圍，看看附近有否粉麵店，看到了它 - 野川拉麵，便問她日本口味粉麵如何？她答： 我要食烏冬。今天午飯，就選它！小店不大，門外的扎啤Jar 及Hoegarden 枱是最大標識。餐牌:點了一份小食、兩瓶汽水、兩碗麵及兩串串燒。兩瓶汽水都是日本貨，一瓶為綠茶可樂，一瓶為信州蘋果汽水。綠茶可樂既不像茶，味道跟可樂更是風馬牛不相及！反而蘋果汽水有香甜果味，一大發現！自家制豬軟骨番茄湯底拉麵豬軟骨入味，每條脆骨都炆得很焾，湯底茄味甚濃，很討好，母親牙力一般，所以對這豬軟骨甚為喜歡。野川稻庭烏冬芝士辣味湯底母親為了烏冬而來，可惜湯辣味重，不對她胃口，但則很合小弟口味，她只吃了一點，我卻幹掉大部份。這碗招牌麵用料多，有扇貝、大蝦、蟹柳及义燒，烏冬份量十足，湯底香濃。流心芝士蝦丸以爽口蝦滑包裹芝現炸，香脆流心，怎能不好吃？安格斯牛柳串用醃過的牛肉以油泡熟，並非生燒，味道一般。牛舌串雖非生燒，但牛舌厚切，有肉汁，有咬口質感而不韌，不俗！付街坊價吃街坊小店的出品，本沒期望，吃過後部

1點半先做完物理治療，約左朋友食下午茶，專登返元朗搵野食，行到教育路附近，大家都想食湯麵類，行到B仔附近見到呢間店細細地，只有2枱客，可能過左午餐時間，人少啲，我地打開餐牌，都算幾多款，仲有小食，又有酒，不過日光日白就唔飲啦！叫左芝士地獄海鮮拉麵 ＆ 汁燒極上和牛讚歧手打烏冬，見到好多小食幾吸引，叫左紫薯年糕、忌廉蟹肉薯餅和燒凡立貝。其中海鮮拉麵係有餐飲-冰紅茶一包，咁我想飲下其他野，叫左支信州蘋果梳打飲，我幾鍾意，甜甜地，蘋果汁味重。跟餐有沙律，西生菜好新鮮，配我至愛麻醬~紫薯年糕勁正，外面煎得好脆又好香芝麻味，內裡好軟又熱，紫薯唔太甜、好滑！忌廉蟹肉薯餅外面一樣是脆脆的，忌廉蟹肉餡幾滑和甜，未食以為係鹹嘅，有些少流(溶)嘅，都唔錯，但相比紫薯年糕就一定係紫薯更勝一籌仲要最尾食仲是暖㗎！燒凡立貝忘了一上要即食，灘凍了 但汁無因而變乾和唔硬，可以再鹹啲，但都唔錯啦！海鮮拉麵變成烏冬，我地掛住傾偈都無留意，不過唔緊要，我本身鍾意烏冬多過拉麵，個地獄湯底比我想象的辣呀，但好惹味，仲有芝士係湯面，有蟹柳、青口、蝦。之後上埋和牛烏冬，仲諗住得幾粒牛，點知有6片牛，雖然薄和有點硬但都比想象的多，

星期日去左元朗探朋友,朋友個BB岩岩出世,好可愛去佢屋企坐左半日,之後就出街食飯元朗好多餐廳,不過太多選擇,變左好難選擇呢最後朋友放低BB係屋企比媽咪照顧,同我去左食飯,咁會方便D我地去左一間拉麵店,去到好多人,等左一陣位餐廳唔算大,似傳統居酒屋首先食左個叉燒拉麵,豬骨湯底感覺唔錯,唔會太油,味道又唔太濃,岩曬我口味叉燒唔太膿,入口都OK拉麵麵條唔太差,掛汁力還好,而且幾大碗,食完都飽飽地之後食左個芋頭丸,炸得好香脆入面有小小流心,好惹味另外食左個芝士年糕,又係炸得好脆,好香口而且唔油膩,咬口一流

今日睇中呢間小店食串燒，小小嘅店舖有啲似日本嘅居酒屋。 爬哂文先嚟，有哂心水食乜嘢首先！豬軟骨稻庭烏冬，芝士辣湯底上到枱已經見有一塊芝士溶咗喺湯麵，飲一啖湯 辣味微芝味濃， 芝士控應該會好鍾意。 溫泉蛋夾開， 蛋黃慢慢流出。 豬軟骨煮到肉鬆骨淋， 入口即溶！ 烏冬我比較鍾意食稻庭烏冬多於讚岐烏冬， 前者係早年只有日皇才可以享用嘅美食，質感幼滑煙韌。燒安格斯牛，牛味濃，一口咬落去肉汁出曬嚟，42蚊一串但係絕對值得，推介！燒牛舌，切得比較厚身，爽口有嚼強卻不韌蒜蓉燒扇貝，勁多蒜， 加上幾粒指天椒非常惹味。 鮮味蒜味辣味嘅混合，味道非常多層次。 如果朋友嚟食嘅話，呢個係must食!燒羊架， 雖然燒汁好濃味，但係完全冇蓋過羊嘅騷味，Good!好多朋友推介燒青魚， 就叫一個嚟試下！ 魚皮燒得幾香脆，厚肉，配合佢哋嘅醬汁，酸酸鹹鹹，唔错。一個完美嘅晚餐點可以冇甜品呢？我哋叫左呢個蕃薯香芋丸， 脆漿包著番薯蓉，蕃薯蓉包著香芋蓉， 甜味主要嚟自番薯蓉， 咬落香芋味就跑出嚟啦！ 大愛另外我哋叫咗呢隻蘋果梳打， 甜甜酸酸，中和燒烤食物既熱氣感，我覺得夜晚嚟呢間餐廳，氣氛會比較好，同朋友飲下啤酒， 一邊食一

假日入元朗郊遊，順便搵食。想食日本嘢，見到呢間店的選擇很多，便試試。一行二人，叫咗兩款麵食、三個小食和兩杯飲品。汁燒極上和牛稻庭烏冬 血池地獄湯底 $85和牛牛味香濃。配菜有完隻流心蛋、葱、木耳、粟米。烏冬滑嘟嘟。湯底第一啖唔係好辣，食多幾啖有少少香辣味溢出，令人回味的辣度，忍不住飲咗好多湯😝。自家制豬軟骨拉麵 番茄湯底 $69豬軟骨好軟滑鬆化。配菜有完隻流心蛋、筍、紫菜、洋葱、木耳、粟米。茄湯好濃，好似有好多蕃茄喺湯入面😚。流心蛋有四重質感，蛋的外層蛋白剛好的熟，蛋白內層水嫩的，蛋黃的外層剛好的凝固，蛋黃內層仍是流心的，烹調時間拿捏得很準確，出色！燒羊架 $42熱辣辣，上枱時仲出緊煙，肉質鬆軟。燒鯖魚 $45魚肉嫩滑。加少少檸檬汁，鮮味更突出。亦可醮附有的酸酸甜甜的醬油汁食，味道有畫龍點睛之效。蒜蓉燒扇貝$52可選辣或不辣。筆者嗜辣，所以揀咗辣味。牛油味好濃郁，帶子肉亦好鮮味好滑，有大量蒜蓉覆蓋着。因為揀咗辣味，所以伴有鮮辣椒。四個味道一齊放入口，正！Hoegaarden RADLER 西柚橙味 $46少少酒味中散出淡淡西柚香味。好特別又好味。MAC'S GREAT WHITE $5

難得想飲下酒傾下計，就就近去元朗搵下野食。依間係舊B仔後面，都幾就腳，雖然佢個名係拉麵，但其實佢都係有其他野食酒水都多選擇，有生啤有瓶裝，仲有新既果味hoegaarden飲。 燒物餐牌，都有唔少選擇嗌左雞泡魚干，好大份，燒到啱啱好仲有啲濕度，好香，食落去有啲嚼勁。芝士年糕，啱啱炸起，外脆內軟，仲有流心芝士出黎，香口好熱氣🤤🤤黃金焗蠔，蠔都叫做新鮮架，唔大隻，但唔腥∠( ᐛ 」∠)＿燒冬菇好好味，個冬菇唔係厚身，但冇草青味，燒得唔乾🤤🤤牛舌出乎預料咁好味，睇到已經知夠厚，啖啖油脂味，新鮮😋個人中意蒜蓉生蠔多過芝士，蒜蓉都好大方，又有辣椒吊味朋友食既炸餃子，見到熱辣辣咁🔥蒜蓉扇貝，蒜蓉都係無敵，但扇貝本身味比較淡口嗌左蘋果梳打，好好飲🤤🤤唔算甜嗌左兩轉我地兩個都飽哂，難得搵到間燒野唔錯既，開心😋😋😋

又係元朗周圍搵食，今次帶埋細佬媽咪食好野，由於呢邊比較近朗屏，平日真係比較少黎，相對元朗市中心，這邊相對安靜得多，係openrice睇見野川都幾多好評，就黎試試佢店子不算大，晚飯時間都有機會要等位，雖然叫拉麵店但其實由刺身到串燒都有供應雖然是拉麵店，個人比較喜歡烏冬！蕃茄湯極上和牛稻庭烏冬$85出乎意料的好！烏冬彈牙，而汁燒和牛帶有油香又韌，三人分每人都食到兩件牛溏心蛋都幾溏心，假如有多點醬油調味會更好燒鯖魚$45最怕魚腥味的我食左半條，魚油豐富但一的都唔腥燒牛舌$28@幾肥美的燒牛舌，本身牛舌脂肪豐富，基本上都好難唔好食，簡單鹽同黑椒調味已經足夠黃金燒廣島蠔$30@蒜蓉燒扇貝$52/4比我想像中細隻，注意燒海鮮可以揀蒜蓉或芝士，芝士加左沙律醬，味道豐富得多，個人比較推介！仲飲左蘋果梳打$26呢個好飲，蘋果味香甜不會是藥水味So far 都幾有驚喜，尤其係烏冬，行開呢頭的朋友不妨一試！

行過見到呢間鋪頭細細間,似係小本經營既食店,就入去試下啦!間鋪頭我20個位左右,燈光比較暗,客人可以見到廚房製作食物~~首先叫左個燒牛舌,佢煎得好香好脆,入面仲有D汁,好正!跟住有個幾特別既香脆面線炸蝦,配上沙律醬, 個口感好特別,又脆咁黎得拉面店,無理由唔叫返碗面既, 我地就叫左極上和牛肉稻庭烏冬! 佢有幾個湯底,我地簡左蕃茄味,貪佢無咁油膩。佢D牛肉好軟,又多汁.....D烏冬好有彈性,唔會好軟...........佢仲有跟埋一隻糖心旦, 都幾岩香港人口味!!之後有個蒜蓉燒扇貝, 蒜蓉好配合到個扇貝, 香得黎又唔會搶哂D味!!!!我地仲叫左好多架,例如有燒羊架、生蝦、燒鯖魚等等,個質素都幾高! 三個人食左628蚊~支持本地小店!!!

元朗也有居酒屋，想去喝喝東西，吃吃串燒，吃個拉麵烏冬烏冬有分稻庭烏冬和讚崎烏冬，也有不同湯底選擇看到紅彤彤的畫面，就知道很辣呢沒錯，我選了血池地獄湯底，真的很香辣超大隻蝦撒上味鹽，使大蝦更惹味，肉質新鮮彈牙。兩隻大扇貝稻庭烏冬較扁幼，入口很滑拉麵則選了芝士辣湯底。燒物小食等的選擇也挺多。鎖滿肉汁不韌，易入口外皮薄薄一層香脆，撒上味鹽挺惹味。蒜香十足是芝士蠔超有趣的，可樂竟然也有綠茶味喝起來就是汽水加了綠茶粉般很有日本風味平民居酒屋

周末既好處就係第日唔駛番工。九點後約埋老友們啤一啤，食下d 小食，傾番兩咀，簡直人生一大樂事。小食種類多羅羅，唔叫主食都可以食飽飽。叫左小食之後梗唔少得麥氏啤酒同蘋果酒！麥氏啤酒 - 純得黎夠哂麥味，凍冰冰飲口感一流。Somersby Apple cider - 少少酒精令蘋果汁甜味唔會太重, 味道更易入口。唔太飲酒既朋友會好易愛上佢。燒羊架 - 份量少左d，口感鬆軟，加埋燒汁幾惹味。洋蔥圈 - 三五知己吹水飲啤酒必備。雖然唔係d 咩特別既菜式，但每次把酒談天都少不了。吉列蝦 - 外面金黃香脆，裡面蝦肉爽口。金菇牛肉卷串燒 - 呢個經典絕配唔駛多介紹喇。蒜蓉廣島蠔 - 蒜香撲鼻，如果蠔大隻番d 就更好喇。泰式生蝦 - 新鮮爽口，加埋酸辣醬料，即刻刺激味蕾。香脆麵線炸蝦 - 條條麵條炸到金黃香脆，加上爽口蝦肉，令人食過番尋味。

元朗b仔附近開咗好多間新嘢，今日經過呢間拉麵，見到裏面都幾多人喎。細細間舖頭 ，有拉麵有串燒有小食， 咁啱仲有位， 好啦，就入去試下啦~見到出面個牌，有唔同款嘅啤酒，飲品第二杯做半價優惠，下次可以同朋友黎happy hour下~我哋叫咗兩款拉麵同埋三個小食~先講拉麵先， 汁燒極上和牛拉麵，配芝士湯底 - 和牛好淋食落唔會有渣， 但又唔會覺得太油膩嘅感覺，芝士湯底濃得嚟唔會太杰，亦都唔會太滯，味道啱啱好~ 拉麵軟硬度適中 ~自家製叉燒拉麵 - 有五塊叉燒咁多，雖然薄薄地，但係係我見過咁多拉麵之中最多，大細適中份量都好夠。豬骨湯底味道幾好，都算幾濃， 淨食個麵都已經飽飽哋證明分量都好足夠。蛋能夠做到溫泉蛋效果，good!燒安格斯牛肉 - 牛肉軟熟多汁，食落唔un, 燒汁配合得唔錯 ，當然有和牛比就和牛正啲啦~                        燒帆立貝 - 一串有四粒， 配埋啲日式燒汁醬好惹味， 帶子食落幾爽口，唔會有腥味，應該幾新鮮，燒得岩岩好，唔會燶~                    燒鯖魚燒得非常好，上枱嘅時候熱辣辣，皮脆內軟又多汁， 呢個真係燒得好!      

今日一個人走入元朗，經過一間日式小店餐廳，吃個午餐。價錢非常抵食，仲要免收加一。汁燒極上牛肉烏冬。轉左芝士辣湯，湯底微辣加左芝士，輕輕拉絲芝士味道不算太濃太膩，微辣湯底最香口。牛肉片厚身入口軟腍不會太硬，仲有隻流心蛋。多叫兩碟串燒。燒牛舌入口燒得焦香不鞋口，爽彈口感層次豐富，加上輕輕黑椒調味，味道更加咸香滋味。金菇牛肉份量非常多，牛肉片油脂豐富，燒後保持濕潤，金菇香口不會太乾，焦香出色。⋯餐廳座位不多，但服務親切細心。

麵係正常，湯底普通唔正宗日本那種，燒蠔縮水細隻，配料又普通，蛋，叉燒無咩特別，唔會再試，唔值這個價錢，串燒份量少又貴唔會有下次，食碗港式麵還好過，元朗大把選擇，唔知好評怎來的好好好好好⋯唔掂

平時見呢間野川拉面多好評所以見最近得閒就去試下...一開始先飲啖湯睇睇 , 點知個湯好淡...然後試粒雞蛋啦 , 雖然係好流心但無味...最後試埋個面....哇 ! 我好懷疑我係咪食緊拉面...完全無拉面個口感 , 又唔似係浸湯浸太耐肥哂既面... 我覺得根本係即食面既口感...唔講既話仲以為自己食緊豬骨濃湯味出前一丁!!!!(出前一丁肯定仲好食過佢100倍我真係失望到一個點...難食到我要特登上openrice打食評...