雪山冰廳

Open Now

Now Closed

雪山雖冷，人情卻暖。港式的六十載溫情就在老字號雪山冰廳。暖，在於熱呼呼的豉椒炒蜆，香噴噴，新鮮而肥美，是我的最愛；熱門菜中的椒鹽豬排飯，更是香脆；皆有鑊氣。豬排外脆內軟，用的是老字號特色炒飯底，一口炒飯咬下去，也彷如單可從飯中吃到豬排，層次感極具心思。一碟上湯菜，讓我大吃一驚的是，分量極其驚人，碗中碗上外凸都剩滿蔬菜，性價比高得令人意外。小吃方面點了菠蘿包漢堡，我雖吃不得膩，卻也能享受兩人分著吃一個。這種漢堡fushion我也是第一次，令人回味。冷，就在樽仔奶茶上，香濃而沒有茶鹼，不會太甜，在小瓶子配上迷幻的牆壁，文青味也十足！豉椒炒蜆($88)椒鹽豬排飯($62) (+$9奶茶）上湯菜($35!!!)芝士煎蛋菠蘿油漢堡($26)榛子西多($30）

係長沙灣發現呢間港式冰室，上網一睇先知原來係有成60年歷史🤓餐廳裝修光亮寬闊，店員同客人關係都好親近，入到餐廳就叫街坊老友記，又會有傾有笑😆夜晚好快就full哂場，菜式有傳統港式野之餘，都有新派美食，多到唔知揀咩好啊🤣🔸避風塘生炸髀（HK$30）好耐無食炸雞髀，呢到仲有避風塘口味緊係要食啦😋即叫即炸外皮脆口得嚟，雞髀肉都仲有肉汁，唔會太乾。外皮上仲有炸蒜同七味粉點綴，更加惹味🤪🔸波士頓龍蝦叻沙摻摻 (HK$78)竟然係冰廳會食到叻沙，驚喜地覺得幾高質👍🏻有2大舊龍蝦，膏量都多，店員仲有比埋鉗比數方便我地進食🦞叻沙湯底散發奶香味，仲附有一匙辣醬，鐘意食辣嘅朋友就可以加埋啦🌶其他配料仲有豆卜同魚片，好吸叻沙湯底味呢。摻摻嘅意思其實係半油麵半米粉，第一次食都幾夾啊。記得要食左呢碗先，如果唔係好快就會比摻摻吸哂啲湯底架啦😆🔸始祖椒鹽豬扒飯(炒底) (HK$62)另一個大推主食，炒底嘅飯粒粒分明，就咁睇好似好深色，本身都擔心過會唔會太鹹呢😂不過又唔會喎，香口夠獲氣。椒鹽豬扒都幾多塊，2個人share都好足料😜🔸榛子醬西多士（HK$30）嚟到冰廳嘅甜品點少得西多士，花生醬就食得多啦，呢間竟然配榛

先生/小姐：我篇食評邊度有粗口呀。你媽湊大你呀中五仔見網上評價好好就來試下。首先呢間冰室座位好逼，環境好嘈。長沙灣姐，又唔係中環洗唔洗逼到咁。講返食物，星期日都有下午茶餐。所謂海苔薯條，海苔少之有少，薯條無調味同埋係凍嘅。漢堡就不過不失啦，叫擺得入口。炒飯無乜料亦無乜調味，想加啲鹽又變咗加幾粒米（鹽樽入面嗰啲米粒） 。🤣唯一可取係樽仔奶茶。有奶香茶香不太甜，好飲。服務方面，我地兩位一坐低就送錯咗個咖喱飯黎，果陣真係凳都未坐暖。有用腦都知未嗌野食啦，仲要我提😴。之後另一個阿姐，拎住幾百樣野食咁行咗兩條巷，大大聲週圍問有無人嗌咗凍檸茶。唔講真係以為去咗街市。短短一餐飯，俾伙記無禮貌咁打擾咗兩次：一次係我食食下飯，拎我枱旁邊份Menu俾第枱客；一次係拎我枱旁邊嘅叉俾第枱客。當中過程一句唔好意思都無。其實只要講多一句就無事，但偏偏呢間餐廳就係唔做。食咗大概二十分鐘，女朋友嘅熱檸蜜仲未黎，因為已經催過一次，到就食完都未黎。女友：杯熱檸蜜唔想要喇，等咗好耐，又催過一次。阿姐：咁熱檸水要唔要呀，一秒鐘拎俾你。女友：都係唔洗喇，麻煩取消咗佢。阿姐：熱檸水好快咋嘛，咁都唔要～咁耐無上杯飲品，想取消都要有

今日去長沙灣處理工事後，和平同事在附近覓食，在青山道看到一間幾新式的冰室，原來是老牌子的「雪山冰廳」！雪山裝修新式，寬躺，就算係近牆的卡位也裝有隔版，客人食得安心👍🏻估唔到冰廳有龍蝦🤭又有酸菜魚等！那麼今日就試吓🤗老壇子酸菜魚跟寛粉，迷你版$88。上枱嚇親，因為以為自己叫錯大份量$158，再望單確認沒有錯😱迷你版份量似平時其他餐廳的二人版🤭魚肉很滑很鮮👍🏻酸菜夠酸，寛粉夠QQ😋芝士焗波士頓龍蝦海鮮飯 $98 ， 半邊龍蝦且鮮甜，海鮮配料有爽滑魚柳，鮮蝦，蟹柳，魷魚，西蘭花等...芝士香濃而且是炒飯底！樽仔奶茶另加$15，茶香夠滑！生炸雞脾跟紅豆冰$36，雞脾炸得皮脆肉嫩多汁！紅豆冰紅豆夠沙花奶適中！

抵食高質老字號冰廳🦞龍蝦叻沙仲爆膏❗️-一間六十幾年歷史嘅冰廳，雖然曾經易手，但依然保持住冰室風味，田中都係為呢陣味而黎。-🥓始祖椒鹽豬扒飯 ($62)1️⃣係咪始祖田中唔知，但絕對高質，椒鹽惹味，豬扒入味，肉香腍滑，唔係劣質貨。2️⃣炒飯底極香口，粒粒分明，絕佳配搭。👍🏻8/10🍜波士頓龍蝦叻沙摻摻 ($78)1️⃣超霸氣嘅波士頓龍蝦，肉質算嫩而鮮甜，幸運地爆膏。2️⃣而叻沙湯底相當有層次，椰奶香而香料濃，質素好過唔少星馬菜餐廳。👍🏻7.5/10🧆黑蒜田園炒時蔬 ($45)出邊少見嘅黑蒜炒菜，黑蒜夠足料，炒菜香甜而又養生。👍🏻7.5/10🥤樽仔奶茶 (+$15)、華田曲奇妙趣 (+$15)樽仔奶茶無冰，田中最愛。華田曲奇妙趣就夠哂邪惡，又Cream又曲奇，正。

1956年開業嘅老字號冰廳，足足有60年歷史，傳統冰室裝潢懷舊別緻，價格經濟丶份量又夠大，有唔少街坊都係捧場客🥳另外深水埗都有一間內裡光亮整潔，座位也很闊落👍🏼除咗傳統冰廳美食同炒粉麵飯，仲有唔少新派菜式，仲有龍蝦食💗 價格仲超親民🥳◾️波士頓龍蝦叻沙摻摻 $78真係勁大碗🥳份量十足！湯底好正好香濃惹味～有半隻開邊波士頓龍蝦，仲有魚片丶蛋，同埋索晒啲湯嘅豆卜🤤 龍蝦肉質紮實，味道鮮甜。依個價錢真心抵👍🏼麵條係鴛鴦麵，好有南洋風味！◾️焗芝士波士頓龍蝦海鮮飯 $98充滿港式風味嘅龍蝦海鮮焗飯👍🏼 白汁濃稠剛好～有淡淡芝士味。除了有半隻開邊波士頓龍蝦🦞之外，仲有蟹柳丶蝦丶西蘭花丶鮮魷 丶菇類等等，真係好足料👍🏼◾️茶走紅豆冰 ＄25 （跟湯粉麵/飯類 +＄15）奶茶配紅豆冰原來好正喎🥳甜度剛好，紅豆茸好軟腍又起沙～◾️樽仔奶茶 ＄25 （跟湯粉麵/飯類 +＄15）奶茶夠香夠滑，茶味又香濃，唔錯👍🏼另外，見到依到D下午茶餐超抵食❗️仲有超特長嘅供應時間，1400-1830，收工即刻嚟都有機會嘆到🥳

之前幫襯過早餐時段，今次出開黎又試下晚市時段先，有2人套餐，小菜，仲有時日海鮮，咁我就點了2個小菜同皇牌推介既去骨霸王雞，好豐富😍 🔸️去骨霸王雞半隻 $128雞件真係冇骨，方便食，都算滑嫩，雞夠入味，不過就有少少肥，夾住薑蔥一齊食，好滋味 🔸️火龍果咕嚕肉 $78又係揀左冇骨系列🤭啖啖肉，冇得輸，平時食開多數都係配搭菠蘿，估唔到原來配火龍果都幾好食😋仲用咗火龍果做左少少裝飾👍甜酸比例做得剛剛好 🔸️花膠海鮮煮雜菜煲 $78叫左2款肉類，就叫個菜食吓先😗，呢個煲都好多料，有魚肉，魷魚，蝦，蟹柳，菇類，粉絲，雜菜同唔少得既花膠，花膠都有成5片，好足料呀，味道都唔錯，幾健康 以上都係可以加錢轉套餐或加配飲品或燉湯都會跟返白飯，冰廳質素都幾好，下次可以再試埋其他款式🙂

位於深水埗嘅一間冰室，佢你嘅晚市比較多唔同嘅選擇，有飯面、同港式小菜。任何嘅套餐都可以加錢升級為是日燉湯，是日燉湯好足料，喺湯入邊見到好多嘅湯渣。小菜嘅味道都唔差，不過價錢來講唔算平，

今日經開長沙灣 就試下呢度既人氣冰室先😝一睇個餐牌就覺得款式真係好多！不過冰室點少得港式嘅菜式 因為下午茶去到6:30所以我地夜晚都食到1. 避風塘生炸髀🍗$38 （加海苔薯條🍟+$8）雞髀真係好大件 而且炸到金黃色 外皮咬落脆卜卜 入而既肉質都唔會鞋 加埋上面既調味粉更加香口 2. 檳城叻沙摻摻 配日本櫻花蝦炒蛋 & 香酥丹麥多士 $55 （樽仔奶茶+$9）成個餐咁多野都只係$55 真係好抵食 叻沙既湯幾杰身 好香濃 味道岩岩好 油麵既質地幾陣 又滑 配埋米粉兩重口感 櫻花蝦🦐好香 少少咸咸地 而且蛋好滑 一啲都唔老 仲有洋蔥既甜味😋 丹麥多士唔洗搽牛油已經好香牛油味 而且烘得外脆內軟🥺 3. 迷你酸菜魚 配寬粉$88 諗住叫個迷你試下 點知都好大碗😮 好足料 有好多魚同粉 2個女仔都夠食 寬粉既口感煙煙韌韌 好薯粉咁 食食下都有啲辣 4. 咸蛋黃雞翼 $35一上菜已經好香 每一隻雞翼都沾滿哂咸蛋黃 仲有細細粒既咸蛋粒粒咬下☺️肉質炸得好嫩👍🏼

ℂ𝕙𝕖𝕦𝕟𝕘 𝕊𝕙𝕒 𝕎𝕒𝕟 長沙灣 • 雪山冰廳 🗻📍長沙灣青山道𝟜𝟙𝟛號東景大廈地下𝟜-𝟝號舖🔍長沙灣、深水埗➰在60年代，命名雪山是因對西方的憧憬，而一間茶餐廳可以告訴一個年代的文化，夾雜中式情懷卻帶點西方設計。然而，昔日的「雪山茶餐廳」已轉手為「雪山冰廳」，雖只保留舊時的兩幅畫，少了一陣懷舊感，不過食物依然有誠意，是比較有特色的港式茶餐廳。➰🔹椒鹽豬扒飯（炒底）$𝟻𝟾 🐖店舖王牌的椒鹽豬扒飯，豬扒大件，炒底加入香蒜、椒絲及蔥花，大碟夠獲氣，微辣惹味。🔹經典芝蛋牛肉漢堡包 $𝟹𝟼 🍔芝麻漢堡包軟熟香口，芝士半溶加上爆漿流心煎蛋，特別地配胡麻醬，簡單美味。▪榛子醬西多士 $𝟹𝟶西多士酥脆香軟，入口軟綿，榛子醬本身帶甜，故無另加糖漿，甜度恰好，不然應該會很膩。▪避風塘生炸髀 $𝟹𝟶 🍗即點即炸，生炸的做法令雞髀鎖住肉汁，做到皮脆肉嫩，下足功夫，最後灑上炸蒜和七味粉加以調味。▫️茶走紅豆冰 $𝟷𝟻 ❤️賣相富層次感，紅茶底濃，撞上煉奶，紅豆佔大半杯，足料滿足。▫️樽仔奶茶 $𝟿 🤎樽仔奶茶醇厚幼滑，略厭偏甜。

因為距離屋企幾近，所以都算係雪山冰廳嘅常客。價錢抵食之餘，款式亦十分多兼份量大，啱曬我大食的胃～ 雖然係老牌茶餐廳，但地方好乾淨同寬敞，最入面仲有個會半個鐘就會響一次嘅時鐘（如果我冇數錯時間）個鐘聲仲要都幾盞鬼，所以印象都幾深刻🕰️⁣ ⁣ 📌椒鹽豬扒飯 ($62) 呢間餐廳我最鍾意就係呢道菜，除咗主角豬扒，仲有有蒜頭、椒絲、香葱等。雖然睇落平平無奇，但係食落每飯粒嘅椒鹽香味都十分濃，齒頰留香，好惹味！😆⁣ ⁣ 📌波士頓龍蝦叻沙摻摻($78) 🦞食物上檯我就「嘩」出聲，因為冇諗過居然咁大碗。 除咗龍蝦之外，材料仲有芽菜、雞蛋、魚片、豆腐卜等，湯底亦十分濃郁，尤其啲豆卜索曬啲汁，食落十分正，不過對我黎講完全唔覺得辣😂 摻摻同叻沙一齊食，口感層次更豐富。雖然食得出唔係新鮮龍蝦，但係呢個價錢有咁大隻龍蝦食，夫復何求呢！而且龍蝦已經預先被剪開啲殼，好細心！✂️👍🏻⁣ ⁣ 📌雞蛋三文治($26) 去得茶餐廳又點會唔嗌蛋治，但係今次大頭蝦唔記得嗌烘底，不過麵包內都已經搽滿牛油，依然香口！雖然唔係以「厚蛋」做gimmick，但係蛋嘅份量都唔少，食落啖啖蛋！🍳⁣ ⁣ 📌芝士煎蛋牛肉漢堡包($35) 聽講牛肉

🍜蕃茄濃湯鮮牛肉米線（$33）日日睇米線關注組 真係好想食米線！茄湯通轉米線頂住先🤣茄湯好淡...牛肉無味...ummmmm.唯一抵讚係份量算多·🍳黑松露炒蛋配香酥丹麥多士（加配+$8）其實我係想叫櫻花蝦炒蛋，不過唔知點解口講左黑松露🤣🤣內心應該係暗暗vote左黑松露！不過不失，怕肥既我奉獻左丹麥多士俾大食仔🤣·🥫焗豬扒飯（$60）睇落好吸引，芝士鋪面焗到微焦～夠茄微酸但...豬扒真係乾左啲.大食仔話焗豬都係大快活最好食🤫·📍雪山冰廳長沙灣青山道413號東景大廈地下4-5號鋪

長沙灣美食多～ 身為街坊既我感到幸福❤️ Happy Friday 就揀左間有好耐歷史既冰廳食飯～ 可以屹立不倒咁多年～ 一定有佢既原因🤤榛子醬西多（$30）係呢間既人氣小食🤤 西多一向配開花生醬，佢地改為配榛子醬一樣好食！西多蛋漿均勻，炸得好靚～ 牛油、蜜糖同榛子醬份量剛好，食落啖啖醬餡，夠晒邪惡～樽仔奶茶（$15）喜歡佢咁樣既packing!!! 有別一般茶餐廳，改用樽仔裝，飲唔晒可以帶走唔浪費～ 奶茶的茶味比較出，口感幼滑～避風塘炸髀（$30）另一邪惡美食，特別之處係避風塘粉，夾埋一齊食好惹味，美中不足係雞髀肉炸得太柴，唔夠肉汁同嫩滑。紅豆冰（$25）炸髀一定係配紅豆冰！紅豆煮得又甜又淋，絕對唔hea~~ 可惜擺得太耐啲冰融晒先飲，奶味沖淡左啲～酸菜魚（迷你）寬粉（$88）適合1-2人份量，魚同寬粉既份量唔少，魚片食落好嫩冇骨，值得一讚！酸菜太酸食唔到🙈 整體味道我認為太辣，後勁凌厲⋯ 忍唔住叫多杯凍飲先食到，唔知可唔可以叫bb辣呢？華田配Oreo （$25）為左解辣而叫既凍飲，味道出奇地唔錯，華田係暖暖的，要慢慢得啲冰融先得～

好耐之前食過深水埗分店下午茶，今次黎另一分店食晚餐。長沙灣一樣有大大幅壁畫，餐廳光鮮闊落，有四五十個座位。七點左差不多坐滿全場，食物相對要等耐少少，待應好好會主動幫手追下，今次兩人叫左三個餸，每人平均百二左右。跟餐加左個 滋潤燉湯 +$9入面有淮山紅棗雞腳豬肉同螺頭，都好足料，個湯幾夠味，無話飲完口渴。XO醬海中寶西蘭花 $78好有鑊氣，唔會好油，分量正常，有魷魚魚肉同埋蝦，每樣都有幾舊，對得住價錢。孜然香燒豬仔髀 $68一碟四隻髀，一大啖肉，孜然味可以再重啲，但味道唔會好咸，又唔太乾身。黑松露沙拉一字骨 $78有六舊，每舊都有黑醬，而沙律醬兜得好均勻，條條骨每面都有，鍾意食沙律嘅我覺得正。樽仔奶茶 +$9餐廳皇牌之一，口感順滑，甜度適中，茶味剛好，真係必飲。

嗰日陪親戚去明愛醫院睇醫生經過長沙灣,好肚餓同親戚一齊食多個原條鰻魚蛋包飯。鰻魚啖啖肉香加雞蛋包住飯真係好有情意。試想下一個夜晚同自己喜歡嘅人一齊食呢種美味嘅菜肴簡直心曠神怡。裏邊有空間裝修唔坐座位舒適。好想情人節再同佢溫馨一番。我記得呢幾日夏天真係好想同佢試下佢哋出名嘅凍檸茶。我自己鍾意佢多啲食菜所以叫個上湯浸西蘭花。西蘭花特別之處係用超級上湯龍蝦抵。有海鮮嘅未有菜嘅好處真係恰到好處。v good😊