雲長小龍坎老火鍋 (Closed)

麻辣火鍋店雲長小龍坎, 喺香港開左超過一年, 今日先第一次去試下, 裝修古色古香, 格調高雅紅油藥膳鍋 （鴛鴦）🥘🥘店內提供三種湯底, 麻辣, 蕃茄及藥膳, 於是就梗係一次過試兩款啦, 麻辣度十足, 但不會嗆喉, 至於藥膳湯底, 入口温和, 藥材香味四溢, 各有千秋極品手切肥牛🥩🥩肥牛嘅油脂分布平均, 入口鬆軟,絶不膩口龍廚八寶摩天輪🎡🎡買相真係一個摩天輪咁, 顧名思義八寶就分左八個格, 分別裝住八款餃子同丸, 牛丸, 墨丸等都係新鮮手打, 好彈牙, 必定要試呀跳舞田雞😋😋田雞作為火鍋料, 唔係間間食肆都有, 又見到個名跳舞咁得意, 於是試下, 上枱就明白點解叫跳舞啦, 上枱啲肉仲跳動緊, 證明係新鮮㗎, 絶對唔係雪藏, 由於咁新鮮, 所以肉質鮮嫩甜美

之前知道陳柏宇開左間重慶火鍋店已經好有興趣試下，今日終於約到同樣係Jason fans 又喜愛重慶火鍋既朋友一齊去朝聖店舖裝修得好堂皇，好有氣勢紅油藥膳鍋（鴛鴦）一定要讚下個麻辣湯底，雖然好辣，但一啲都唔油，湯頭超清，好犀利藥膳湯藥膳味濃，好飲極品手切肥牛（小）肥牛就點都要嗌既，我地點左碟細既試下菜牌教落淥12秒就食得，果然岩岩好，肉味好出，又唔會靭小龍黃喉呢個就要焯20秒，好爽口 一定要用麻辣湯嗰邊，辣得好過癮即炸紫菜響鈴紫菜味走突出，原來係同響鈴咁夾咖豆沙窩餅只要讚好同喺社交網頁打卡就會送一客甜品，我地就揀左要豆沙窩餅估唔到送既都咁大碟，唔會太甜，豆沙味濃，而且煎得好脆，好滿足埋單時每人送了一杯沙冰，個杯好別緻，解辣一流

最近開工太忙北上依D休閒活動已經無咩時間做但總系好掛住北上吃火鍋種惹味！尤其系果陣麻辣火鍋既香味今日放工真系好攰幾攰都好都要獎勵下自己就捉埋個同事仔一齊去歎番餐本身早已聽聞陳柏宇開左間麻辣火鍋鋪就決定一試依間星級火鍋鋪間鋪頭就坐落系尖沙咀THE ONE 附近既君怡酒店入面坐電梯上一層轉左手面就會見到一大個龍頭系中間就知已達陣了！來到梗系即刻拿張點菜紙，有甘快得甘快落單儘快醫飽個肚仔！貪心既我地當然系揀加少少錢就可以滿足兩種口味既鴛鴦鍋$138 就可以試齊曬 紅油麻辣鍋 加埋 清香藥膳鍋對比起好多鋪頭~依個價好抵食！同埋小龍坎最近做緊個海鮮拼盤優惠$99/位有大大只鮮鮑魚同埋貴妃蚌相當抵食來到果陣仲可以見到佢鬱緊就知相當新鮮~~鐘意海鮮真系唔可以錯過~太鮮甜啦！餓到震既我地決定大肆吸食肉類！除左 紅糖糍巴 同埋 涷豆腐 我地全部都系食肉以補償自己既辛勞！紅糖糍巴 $58紅糖糍巴一直系我大陸小食既最愛去到邊就叫到邊但每間餐廳既紅糖糍巴都各有自己特式所以唔會試到悶而小龍坎既糍巴有點似我地香港人成日食到咸水角既表皮而裡面系空心 但相當有口感好黏韌店家選用既紅糖相當甜而不膩食多幾粒都唔怕點解我會

呢倫天氣又開始涼涼地，心癢癢又想去打邊爐，同朋友講起，最近雲長在尖沙咀開左分店，二話不說，襯住放假一齊去試下！其實之前都有食過銅鑼灣店，食物質素好高，所以知道佢開左分店，咁梗係要試下啦！尖沙咀分店在君怡酒店內，地點方便，而且以卡位為主，坐得舒服！裝潢同樣以古代人物為主題，氣氛什好！醬油好齊全，不過我地叫左紅油番茄鍋，本身已經好夠味，其實都唔需要再點醬油了驚唔夠辣既朋友，仲可以再自己加辣油，真係好辣啊驚整污穢啲衫，餐廳仲設有圍裙，真係好貼心！紅油番茄鍋 （鴛鴦）朋友唔係好食得辣，所以叫左鴛鴦鍋！番茄鍋番茄味濃郁，紅油鍋內雖然好多辣椒，但佢個味道唔係一尾死辣，而係有層次的，真心好正！小食-脆皮黃金豆腐果然如其名，外層超脆口，帶點辣，好惹味！內裡既豆腐亦都超滑，真係好有驚喜！仲要份量好多，好抵食！小食 - 即炸紫菜響鈴同樣外脆內軟，一咬落去就聽到索索聲，超正！內裡包住紫菜好香，點啲甜酸醬，酸酸甜甜咁，更加好味道！手打四寶丸仙氣飄飄，賣相好靚！每種丸都有兩粒，包括有墨魚丸、蝦丸、牛丸、豬肉丸！幾款丸都是手打，口感同是爽口陣牙，而且肉味濃，唔錯！雪花牛立花一口一粒，非常方便！牛立花色澤紅潤，紋路

尋晚2個「邊爐怪」又去打邊爐，第一次嚟食，據聞係歌手陳柏宇開嘅，開頭會擔心會唔會得明星效應，冇乜料到，但試過就知唔係~~ 😆 裝潢有特色、食材新鮮味道好、擺盤都好有心機！👍🏻·👑 紅油蕃茄鍋 (鴛鴦)（$138）10/10蕃茄🍅併麻辣🌶鴛鴦湯底，大愛蕃茄湯底，超級香濃，唔係普通清湯底加幾舊蕃茄！😍 而愛食辣嘅朋友就一定會鍾意麻辣湯底，唔係得死辣，辣得嚟好惹味，我唔太食得辣，都忍唔住試咗。🙈 湯底好濃味，唔洗特別點醬油食都得！😋·👑 極品手切肥牛 (小)（$228）10/10全晚最鍾意嘅食材就係佢！😍 擺盤好靚，似花又似山，肥牛🐂切得唔會太薄，唔怕好快就淥得過熟，仲好有口感，好味呀！而且份量都唔少，大滿足！☺️·👑 即炸紫菜響鈴（$58）9/10一條條響鈴放喺雀鳥🐤造型嘅小籃上面，每條響鈴入面都包住紫菜，賣相吸睛！試過快淥2秒同放落湯底浸一陣，兩種食法，同樣好味！·👑 牛骨髓（$88）9/10口感一流嘅牛骨髓！🤤·👑 黑松露海鮮餃 🥟 (半份)（$58）9/10黑松露味好香、好突出，餡料好足！·👑 娃娃菜（$38）9/10食咁多肉同海鮮，梗係要食菜啦，今次揀咗我最愛嘅娃娃菜！洗得好乾淨，可

放假同同事去尖沙咀食飯，有人介紹話君怡酒店樓上有間食麻辣好正好好味，就去試下9點後入座有7折，入到去已經彌漫住麻辣嘅激情氣氛。我呢排唔舒服，唔想食咁熱氣，就叫咗麻辣/蕃茄鴛鴦湯底，有辣有唔辣，一定冇死！未上菜，有碟幾惹味嘅鳳爪做頭盤，味道好特別，少少辣夠開胃。內部裝修幾特別，好有中國古典風味。湯底嚟到，自然俾麻辣香味搶晒風頭，係幾香幾刺激。不過決心唔死辣，就專注蕃茄嗰邊，飲一啖，好！有！驚！喜！估唔到佢會咁濃味，就算只係將紫菜響鈴「拖一拖」幾秒，食落口都好濃蕃茄味，完全唔需要任何調味料，已經非常夠味。特別要提一提紫菜響鈴，新鮮炸起，夠熱夠脆又大條，值得推介！仲附有一碟酸甜汁，就算唔落湯都可以就咁食。另外要讚嘅係手切肥牛，肉身夠厚，但又唔硬，肉質好嫩，品質好高；另外牛骨髓、梅菜豬肉丸同埋桶蠔都係店長推介，而且都冇令人失望，絕對係可以「安歌」嘅地方。下次，我一定會試麻辣湯底！！！

黎到尖沙咀天氣又開始轉涼，想食個火鍋暖下身，今次就揀左知名歌手開既呢間雲長小龍坎老火鍋。一開始店員送上前菜鳳爪，每人有半隻到，酸酸辣辣比你開一開胃。之後當然要揀湯底，紅油藥膳鴛鴦鍋，一次過滿足晒食辣既朋友同唔食辣既我。香港人打邊爐最愛當然係肥牛，極品本地手切牛，一上枱煙霧瀰漫，雪花均勻，手切牛最緊要係有一定厚度，因為咁先有咬口，食落軟滑有肉味👍🏻講起牛肉，呢到有一款叫龍哥牛肉卷，用上鮮牛肉卷皇帝菜，口感新鮮，菜亦會吸收啲湯，值得推薦。另外丸類都係打邊爐既好伙伴，今次叫左手打墨魚丸，純白既顏色同彈牙口感，係滿滿既墨魚味道。係食到一半既時候，店員提議我地試下期間新品蟹粉福袋，日式腐皮福袋入面袋住蝦肉同蟹粉，咬開充滿鮮味，鍾意蟹既朋友可以試一試呢個蟹粉系列，感覺非常足料。另外其他食材都好新鮮，質素係合格之上，凍豆腐同蘿蔔係麻辣鍋好朋友，就算選藥膳湯，呢類食材都可以吸收好多湯汁，食落非常鮮甜。桂花蚌新鮮，響鈴更加係即炸即食，中間紫菜都增加左層次。係呢到要介紹一下醬料係自助形式，除左每人一開始有一鑵芝麻紅油外，其他配料都要去自助吧拎，店員後來介紹以紅油加生熟蒜，仲有蔥同鹽等既混醬係四川人喜愛既麻

今日黎到尖沙咀打邊爐，比我地食到間質素唔錯既麻辣火鍋店。一開始店員會送上鳳爪作餐前小食。佢地用自助醬料區形式去做提供醬料,另外每位客人有一樽芝麻紅油提供，根據職員介紹，芝麻紅油加上生熟蒜，蠔油，蔥，食鹽同黑醋係一款四川人好鍾意係麻辣火鍋時用既醬料，聽聞有助解辣，我怕酸冇落醋但的確啲油包住食物係冇咁辣。黎到食麻辣鍋，湯底當然好重要啦，紅油藥膳鴛鴦鍋，一邊麻辣，一邊係藥材既甘甜，一陣叫埋凍豆腐同響鈴等食物非常惹味。打邊爐當然要有肥牛，呢到手切牛份量普通，厚薄適中。龍哥牛肉卷，用上鮮滑牛肉卷住皇帝菜，口感外軟內脆，同時放辣湯的湯，蔬菜吸收左湯味真係辣得好過癮。手打墨魚丸，彈牙加上好重墨魚味，質素優質。即炸紫菜響鈴，係響鈴卷中間夾左紫菜，即食又得，浸湯食又有另一番風味，中間紫菜的確增加左響鈴層次。最後有職員推介蟹粉福袋，係期間新品，中間有蝦肉同大量蟹粉，食落鮮味十足。係埋單之後，店員會送上沙冰，係打完邊爐後下一下火，的確飲到個人舒暢晒。總結我本人十分推薦鍾意食麻辣火鍋既朋友黎呢到一試，因為湯底的確唔差，藥膳煲同麻辣煲都好適合浸湯類食材，大部分食材質素係合格以上，另外店員態度友善，唯一可以改進係

一向好喜歡食麻辣火鍋, 見雲長小龍坎老火鍋食評不錯, 就去試試啦, 點知有驚喜。 裝修幾有特色!招待前菜係泡椒雞腳，微辣幾好食! 先點湯底。最受歡迎嘅當然係招牌麻辣湯底啦!紅油藥膳鍋 (鴛鴦) ($138) 係由花椒、乾椒、麻辣子等十幾種材料熬成，點了小辣，麻辣度十足，爽呀!依家天氣開始涼啦, 另一滋補既藥膳鍋就最岩不過啦喇, 打邊爐前已經同友人飲左2碗藥膳湯! 醬料區黎不開芫茜、蔥、豉油、辣椒, 店員介紹將香油加入醬料, 會有中和麻辣作用 小龍黃喉 ($98) - *淥20秒即係牛嘅大血管，口感爽脆椒鹽鮮粟米 ($68) - 炸粟米, 粟米已切成幼長件，輕鬆地便可食到粟米肉，話咁快就就食完一碟龍廚八寶摩天輪 ($118) –賣相可以俾足一百分!!! 每格籃上擺放了不同手打丸及餃，如墨丸、雲吞、韭菜餃等, 唔係一般現成丸, 我好like。餡放得一點都唔孤寒,滿滿餡料,餃皮薄薄，好食!!手捲牛舌花 ($78) - *淥20秒影相絕對一，用牛舌一片片砌到咁精緻嘅花都係第一次見，食落有咬口，牛味都幾濃郁凍豆腐 ($38)將凍豆腐放入湯底, 凍豆腐吸晒湯底精華, 好食好食好好食!! 店員的服務

未試過喺香港食呢種老火鍋，路過見到想試試。門面派頭十足，內裡環境好有中國特色。叫咗清香藥膳鍋試，成個龍頭裝住湯降落喺我地面前，試一啖個湯好正，非常濃郁！打邊爐必點牛肉，叫咗極品手切肥牛，好厚片，牛味濃，點埋醬油更正。手捲牛舌花，成朵花咁好靚，有嚼頭。龍廚八寶摩天輪，有八種手打丸同餃子，不得不讚手造餃好好味！皮好薄，用料新鮮。椒鹽鮮粟米，好特別，另類食法，椒鹽惹味！娃娃菜浸滿清湯後特別好味！最後食埋紫菜響鈴，即炸夠脆，食得多都唔漏，好好味！

小弟平時星期日都好少會出街覓食逛街，皆因第日要返工. 咁今次就難得聽日係國慶10月1!! 有SO放假子. 咁就出啦尖沙咀逛下啦。咁見佢係國慶就想食返d中國特色既野，我就同女友人行過君怡酒店見到樓上有間打中國風既火鍋店。 我同佢都忍唔住沖左上去試. 上到去發覺原來佢係食辣窩為主，但我地兩個都唔係好食辣所以就叫左個藥善鍋底 呢個鍋底好濃味好滋補既感覺。係既！ 食材方面就叫左手切肥牛，集錦丸餃，椒鹽鮮粟米同手卷牛舌花。 d手切肥牛好厚實口感好好 d集錦丸餃就主打自家製既， 食落都唔錯。 個椒鹽鮮粟米就有d辣但都係正既, 最後個手卷牛舌都好新鮮， 但用黎打邊爐就要點d調味料個味道先會出d, 如果就咁食就會普通d囉陣味. 整題黎講呢間中國風機火鍋店係尖沙咀區黎講係幾吸引幾特別既

平時聽開陳柏宇嘅歌，對佢印象都幾好，係位好好先生。朋友講起佢開左間火鍋店，話係取個西經幾正宗嘅，於是跟左朋友去試呢間雲長小龍坎老火鍋啦，希望會野生捕獲到陳柏宇。未入門口就已經見到用書法寫嘅「雲長小龍坎」招牌，用紅色帶圖騰嘅布裝飾，門口嘅另一邊有個大大嘅雲長師兄助威，幾有勢。望向正門，有條龍虎視眈眈咁望住你，做咩姐XD，家下係我食你，唔係你食我Bor。入到去侍應帶我地入座，有D似古代客棧嘅感覺，木製嘅桌椅，高掛嘅燈籠，古色古香嘅屏風同畫，無錯，我一家係穿越左時空返左去古代！係時候停止我嘅幻想，睇睇個餐單有咩食，事關行左一日街真係好鬼肚餓。朋友今日唔太舒服，戰力唔太夠，所以叫嘅野唔多，同偏清淡為主。◎清香藥膳鍋($128)我地叫左個清清地嘅湯，咪睇佢好似無咩野浮係面，但佢其實都幾充料下，有紅棗、羅漢果、杞子、桂圓、淮山等，飲落濃滑，藥味溫和，入落去順口而唔會過份搶左其他食材嘅味。◎龍廚八寶摩天輪($118)見到摩天輪即刻相機食先，呢個摩天輪嘅乘客係各式各樣嘅手打同自製丸同餃子，比如牛丸、墨丸、蝦丸、豬肉丸、雲吞、韭菜餃、水餃，我地每拎走一寶時，個摩天輪就會自己轉，轉去下一個，好得意！同埋佢

見到佢地古色古香既門面，先黎打個卡影下相，呃下like先~掛上中式壁畫同放左D紅燈籠，真係好有中國風呀 先黎個MA辣鳳爪，醒下胃先~而佢地仲會每位有樽油碟即係麻油，食果陣再落D葱同蒜蓉，仲好味呀。藥膳湯底有紅棗 果子 桂圓等熬，夠哂溫和，岩哂我地唔食辣既人。大大個蔬菜藍，正呀~!打邊爐又點小得烏冬呢~呢個龍廚八寶摩天輪緊係要先影相喇~有八款師傅新鮮手打餃子丸類，有墨魚肉、牛丸、雲吞等，入口夠哂彈牙...紫菜酥炸響鈴，即叫即炸夠哂脆，配埋甜酸醬食，一流！呢個豆沙鍋貼，一D都唔死甜，仲整得幾香脆，淡淡既紅豆味，愛甜品既你不能錯過~食完仲送杯小沙冰，有趣既造型配上夏日透心涼既飲品，真係正呀~!

試過好多間唔同嘅麻辣火鍋，依間我覺得都唔錯，價錢比較合理，個湯底相當惹味！若果羊肉有一卷卷嗰就非常之好啦，不過好多間都冇，只係得一塊塊嘅羊肉，這間都唔例外若果鍾意坐得舒服啲同埋個身冇咁大陣麻辣味的話，這一間係一個不錯嘅選擇。佢哋有一個名菜就係紫菜酥炸響鈴，我本身麻麻哋食響鈴，不過佢真係即炸又幾鬆脆，仲有甜酸醬可以即食，不得不提個鴨仔籃，好可愛！本身個麻辣湯底入面係冇鴨血，要另外叫囉7點半前埋單有7折！若果你哋有機會去，留意佢每一碟嘅份量都唔少，若果人唔多就唔好叫太多嘢食，好容易食唔晒！我已經幫襯過2次，相信仲會再去…哈！