香格里拉米線專門店 (Closed)

3個人一起去旺角的香格里拉吃面這裡很多藝人都去過很出名吃了一個4小辣的其實我都唔知3小辣辣D還是4小辣辣D聽人叫就跟配料是辣牛丸同蒜香白肉辣牛丸就是牛丸,但裏面有辣椒很辣,每一口都是挑戰蒜香白肉就好好多出面沒吃過,第一次吃白色的肉有很香的蒜香味一流

我之前食過幾次次次都係叫小辣 因為認為對呢個辣度都頂得順...但今次唔想食咁辣 就叫左個四小辣的麻辣湯底司華力腸和太陽蛋都唔知個師傅係咪放多左辣粉...四小辣 同小辣都冇分別個晚食到我係咁出鼻涕同汗= =以後都係叫清湯算...食辣野食個太陽蛋真係好好味其他都沒有甚麼特別了

都好耐冇來食香格里拉的雲南米線了,之前都係去睇完戲先來食,今次咁岩買野,所以先到此,我叫左個司華力腸加腩肉,湯底我次次都選麻辣湯,小辣,同之前食都冇咩分別,米線都係咁粗而有口感彈牙,覺得好食過譚仔,湯底雖然辣味有點濃,腩肉唔錯,條司華力腸好好味,食完成碗米線超飽!!

今日放左學同朋友一齊去食叫左個豬扒,司華力腸米線 - $26真係一大塊豬扒+整條司華力腸, 好味~~叫左個麻辣湯底, d味有d似譚仔..另外再加$6飲品

$24。滷肉、豬肚清湯米線：滷肉、豬肚都煮得幾入味，清湯湯底有酸菜、芽菜…$24。芝心丸、海膽丸麻辣米線：中辣，味道剛好，又不會辣到破壞晒麻辣味。麻辣湯底有腐竹、芽菜…丸各三粒。芝心丸內的芝士好香好黏黏的，正。而扁扁的海膽丸外相特別，黃白相間的顏色，內裡的海膽餡吃來粒粒卜卜脆$30。蒙古大汗烤豬腿：有個都幾油既汁另上，三件，香料味超濃，肉質出奇地嫩滑，開初睇個樣還以為會鞋鞋的，誰料出乎意料之外呢，試啊，好味！

食得太多 雲南米線 X仔 ,裕X品 都想試下新野GE我: 鹵肉,炸醬 麻辣 小辣 ($24)我男朋友 : 司華力腸,腩肉 酸辣 三小辣 ($25)第一次食麵有司華力腸食~~~HAHAD 炸醬 甜GE......都唔係唔好食..........不過冇人地O個D咁好食~~~個鹵肉 好一般.........都唔入味GE...........但係個麻辣湯就幾好味...........佢O個D 麻辣有 D 似 小肥羊湯底 O個D ..........比較似大陸GE 麻辣........司華力腸 好似脆皮腸.........原來係金妹牌~~~ + $6 一條~~~抵食~~~腩肉就 "葉"得有D 咸........但係都可以 GE..........個酸辣湯底都幾好味WO........好夠酸......都幾開胃.........不過間鋪真係好細, .......每台 ge 空間都好少.......不過都好覺 x仔.......要搭台 ge........不過佢d音樂真係唔係好得~~~寧願佢唔播歌 ~好過佢播d 阿姐歌lor........搞到自己好似番左大陸食野咁......下次都會再去食~^_

見門口有咁大個招牌又有咁多明星照，都知唔好有咁大期望，因為逢親哩類食店都係得個名，但估唔到真係咁難食囉。酸辣米線中辣（燕餃、辣牛丸、紫菜）：我第一次食，但碗酸辣湯無酸味，反而有麻辣的味道，我斷估佢俾錯我。雖然我都好食得辣，但都覺得碗中辣好辣下，不過成碗麵都係得個辣字，就好似坊間辣米線配料不好食，只用辣味蓋過一樣。辣牛丸真係俾佢吹脹，混入指天椒入去就話辣牛丸，但一d都唔彈牙，仲好唔新鮮添。燕餃仲衰，成舊霉肉味咁，食落口好想吐呢。Service就一般，米線店都唔會expect有乜service，但一些大嬸店員就成日大聲叫囂，真係好好好煩！！絕對無下次！！！！！！

坊間越開越多雲南米線舖，以X仔最出名，但係我依然覺得香格里拉係最好第一次食係同bf 一齊去，佢話以前讀中學時已經成日食呢間，但係點解我未聽過佢o既? 似乎呢間野係隱世中o既美食店wor米線有麻辣、酸辣同清湯揀。冬天天寒地凍我會揀麻辣，但係夏天就咪咁激喇，食番酸辣算。好味之處係，個湯底有味而又唔係太濃，加d酸菜入去好易入口，夾埋d米線食越食越想食落去。我唔鍾意勁多料o既湯底，呢個就o岩o岩好喇~ d 米線又夠彈口。差就差在d 料來來去去都係o個幾款，唔夠人地o個d 出位囉不過食米線都係食佢個湯底同d 麵o者, 配料就唔好咁多要求la 廿幾蚊碗野~~仲有一樣野差, 就係店內d 音樂係用o黎娛樂d 師奶店員自己o既.. 有時候d 舊歌都真係幾難頂不過, 食左第一次之後依然有個情意結, 每月總有幾日想去回味一番推介推介

2009-6-22(星期一)下午茶時段，下午3:00-6:00pm(加$2可獲飲品)，吾加飲既話*($19是一款米線)*，若另加$6可選既餸款是『竹笙，金妹牌司華力腸』。我叫咗煎豬扒碎件上，司華力腸是金妹牌，中辣米線，埋單$25。我依然十分喜歡豬扒，醃料入味，司華力腸脆口，米線一般，只有辣味。

我覺得呢度吸引之處是司華力腸,見好多人個碗都有佢,我地都唔例外。我吃了牛仔肉清湯米粉,清湯是用豬骨熬製。如果係豬骨既應該係要rich D,但佢水多,稀釋了,只可說清甜。因為湯清,如吃米線會淡味。牛仔肉有點土匪香料味,少少牛展feel,所以唔韌,ok!老公的墨丸司華力腸酸辣極少辣米粉,司華力腸腸衣唔韌,basic的脆皮腸味,又唔太咸,正!墨丸唔爽口,粉粉地,勝在味道唔算假,合格。不過「酸辣」,只得個「辣」字,似清湯,加幾滴辣油!可能佢唔夠其他米線店咁,配料落得咁震撼 (酸菜、腐竹、芽菜、韮菜),這裡酸辣感不足。同去普通麵鋪食麵,分別唔大。

禽晚零晨同我男朋友睇完戲後...突然好想食米線..就去左呢間香格里拉米線專門店試下..我點左.麻辣三小辣招牌炸醬同滷肉米線見到個買相..好後悔選左...因為既不是想象中好似譚仔果隻炸醬..有d失望..同埋買相又好似..雲南xx米線果隻超級難食炸醬...但一試...香辣惹味...辣度適中..不太辣..正..正..正..真是好好味..不愧係招牌...炸醬...喜歡食辣的人可以試下..不過滷肉就麻麻..d肉好<鞋>..同埋d米線..彈性ok...不會丸<林>個湯底好好味....香辣惹味得來..又不是太麻同譚仔有得揮....我男朋友話話因為落少左花椒..so冇咁麻喜歡食米線的我又有多個選擇..逢去旺角必食..不過個環境就麻麻...地方窄....有點寸步難行感覺...不過甘既價錢差不多啦....不介意環境又鍾意食米線朋友...絕對值得一試....$19單併..每加一餸$5推薦麻辣湯底..有好多辣度選擇..好似別府甘..有12468辣度選擇咁..

mk香格里拉米線分店就麻麻，我一向食開譚仔米線，不過試過深水埗既香格里拉米線分店後，比較鐘意食呢間(深水埗)，因為無論湯底、價錢同譚仔差唔多，而伴菜不但有芽菜、腐竹外，仲有酸菜，大大碗!!!! 如果鐘意食辣既人可以一試，愈食愈辣。所以深水埗既分店係good good!!!

又係做完GYM去食米線間鋪環境, service一般,價錢ok~ 叫左個豬扒, 福州魚蛋+燕餃米另share左個土匪雞翼, 香格里拉雞翼, 羊仔脾味道唔太特別又唔難食~ 不過不失啦~行開果頭都食得過既~

個人認為米線唔spicy 就不如唔好食喇所以每次黎都會叫spicy 既而呢間做得好既地方就係spicy 得黎又覺得岩岩好~至於佢既煎豬扒就十分好味~一試就愛上所以其他既小弟都冇咩試過~

第一次去這一間，是因為朋友說去，我才去的。選了肥牛米線，清湯，我吃不到辣，不然認該會很好吃吧。講一講米線吧，也算不錯喇，好多，沒什麼特別的。肥牛則不太好，有點難咬，對比起附近的那間米線，這一間比較不太好。如果以肥牛米線來計的話。下次再找別的比較一下。所以去這一間，我不建議點肥牛米線。