香格里拉米線專門店 (Closed)

再次幫襯香格里拉,試下未試過既配料,今次新野就點左煎豬扒,照舊既係秀珍菇同埋司華力腸…菜又係五蚊,菇又係五蚊,蛋又係五蚊,肉又係五蚊,令人覺得煎豬扒好似好抵咁,不過,原來係好薄架,而且都幾細塊,我估唔到佢可以切得咁薄囉,都幾有技巧囉真係…好在,味道方面唔錯,雖然話係煎,但係都唔係煎得好利害,基本上唔係好油,同埋整得幾淋,好易咬;秀珍菇真係每次黎到都唔捨得唔要,第一係出面少有,第二係佢真係份量好多喎,食下食下,菇都可以令你飽左唔少;司華力腸大大條又好味,而且又係少有,梗係要食啦,講真,呢度既司華力腸的確幾好味,佢無特別煎過炸過醃過整過,反而原汁原味,值得試下!另外,今次貪新鮮,要左麵,竟然有驚人發現!!食食下,發現個麵有幾條變左色, 麵條上有紫黑色一點點野囉,好驚!即刻拎走果箸麵,但係無出聲呀,因為以咁既價錢同服務,出左聲都應該無乜用卦…不過下次都係食番米線或者米粉好D咯…(以配料計,本來都可以俾個笑臉,但係因為個麵既關係,都係OK算吧!)

今次同男友去食佢要牛肉酸辣米線我要腩肉酸辣米線我地兩個都係2cup酸辣地下濕同埋幾dirty下d腩肉好清爽口有6塊baby d牛肉得好少我覺得個湯底好開胃但baby就一般like 佢話譚仔好食d~但我就覺得酸辣既話就lee間好d~譚仔既酸辣湯底得個酸字食完個胃會好辛苦

食左個麻辣牛展鹵肉米線!味道嚟講,麻辣湯幾好味,夠味.夠刺激!不過d蒜粒蔥粒落得唔係好夠,有點可惜,如果唔係味道會更好!鹵肉算入味,不過不失!牛展都林,唔難食!都可以食得過!

前兩日我同女友去旺角食野，女友介紹我去呢間野，入到去以為唔錯﹗叫我地坐低但無幫我地執台，等左一陣先執，我叫左個麻辣肥牛貢丸米線加杯凍茶，女朋友叫左個清湯牛肥包心丸米線加杯凍朱古力，但我地等左好耐都未有野黎，只黎左兩杯野飲，連格黎岩岩坐低無耐o既都已經有得食，我地係坐係最近出食物o既台架啦﹗兩杯野飲...除左有顏色之外我唔係好覺得有味道，我地肚到屎屎下終於有野食啦﹗但...肥牛整得太老啦，食落口勁硬，我果碗米線，我都唔知係鹹定係辣，食左兩淡已經唔想再食，之後等女朋友食完之後我將我碗面放落佢\d清湯先食得落口﹗最後賣單果時，收銀果個人同另一外一個人兩個一齊拎左一答銀子出黎不停數，我拎住張單同d錢企左係個收銀台好耐，佢\地望一望我無理到我繼續去數佢\地o既錢，數完晒先收我錢﹗say 句thank you or sorry要我等咁耐都無講﹗我地食呢餐\都成個鐘﹗佢\地d服務太唔要得﹗我諗我唔會再食第二次﹗

昨天與男朋友去食,一入問完幾位就唔理人..之後我們自己搵位坐,等左陣先有人執枱..落完單..飲料好快送上.. 我要朱古力少冰..反而多冰之後等左成個鐘都未有野食,隔離枱遲過我黎上得快過我!都唔知佢系咪有心..點知到我有野食個陣..D肥牛系難食都嘔..系咪有心玩野?? 我吹下你整快D姐..俾D甘難食野我食..搞到我一食完就走人!埋單..我男朋友企左好耐都唔理,,掛住數錢,唔通佢睇唔到有人等緊佢埋單咩??唔會再有下次,,,,*

又是天氣寒冷之緣故,所以又是吃米線.睇個名都知道,"香格里拉"一定係雲南米線,凍凍地,未必要食臘味,辣辣的麻辣米線已經夠禦寒.要個小麻辣的米線,配料要豬扒,竹笙,腐竹,炸醬等等.兩個人沒有理由一人一碗米線,來碟鹵水豬腸拼牛展.加多碟油菜.其鹵水有點苦味,似乎有別我們常吃的潮式鹵水.撇除鹵水之外,豬腸夠肥,牛展也爽口.兩者也鹵得入味.小麻辣的辣度,也真是小辣之級數,湯底的麻辣味亦充滿麻香.比起同系的深水阜"新昌隆"好得多.面頭的豬扒鬆化有肉味,應該沒有下鬆肉粉.炸醬就欠缺了刺激的味道.在新昌隆之食評中,曾說過其店的麻辣味有態度,無深度,身為細佬香格里拉,比大佬更有內涵.本是同根生,為何相差咁大?

雖然黎幫襯過好多次,但係今次好唔同,係第一次上樓上閣樓,原來上面別有洞天,唔係多人得滯無晒位都唔知!!不樓上同樓下差好遠呀!環境真係又迫又多人又唔靚,其實講真,呢個環境,應該收D,但係衰在我自己真係鍾意食呢度的米線,唯有就範,唔係既話,係地面果層食真係好好多!由於多人,米線又要由下面上黎,要等幾下至有,今次碗粉好似比上次細左,少左,材料反而無變,都係咁多,司華力腸依然大條且好味,所以食得過,估唔到豬扒都好,唔韌易咬,薄薄地剛剛好,而且幾香,可能係腌得好卦!可能係星期五晚,人太多喇,D阿姐都忙到停唔到手,咁佢\地都算勤快既!

原來叫外賣的最低消費要成$30.... 第一次唔知道，有點被屈錢的感覺，味道也不太好，米線沒有口感，枉說是專門店，以後都不叫了。而且麻辣湯底只有麻的感覺、沒有了辣的味道....可惜..可惜。

睇個舖名好似好掂咁,入嚟叫咗腩肉,雞絲米線及雞翼.個雞翼騷騷地,好似子然粉咁.米線就不得了,幾條芽菜,韭菜都冇,浮面肉碎一堆,米線及湯都淡而無味,拜拜!(係同呢間舖講)

每次搭小巴返屋企都會路過此地。太座頗喜歡食米線，今日响旺角四圍蕩，買完揮春後選擇响呢度開餐...見到門口貼住蔡san跟店主嘅合照，斷估都唔會太差ge...都係正常嗰D左搭又搭再配不同湯底嘅米線選擇。跟太座不約而同要咗個酸辣湯底，不過自己要嘅係中辣，太座就只叫小小辣...所謂酸辣湯底查實只不過係响原來嘅豬骨湯底之上加上大量酸菜而已，毫不特別。得出嚟嘅結果係又不夠辣，又不夠酸，味道温温吞吞，失望...配料要咗蒜香白肉、雞柳及大腸。三樣都唔太Ok --- 白肉欠蒜香味，肥肉部份亦不夠彈口；雞柳唔太入味；大腸仲有一咲異味，完全不合格....試了一口太座叫嘅煎豬扒，味如嚼蠟...加叫嘅小偷雞翼，名稱跟譚仔嘅土匪雞翼同出一轍，但味道就差天共地--- 不錯孜然香味頗夠，但明顯醃嘅時間唔夠長，內裏嘅肉跟普通炸雞翼嘅味道並無分別...失敗...唯一可取就係個米線本身--- 煙韌、彈牙...用佢嚟配普通嘅煎火腿及餐肉好過la...

因為小妹係mk返工，所以這是小妹的叫外賣心得^^食左兩次，次次都唔同味...2007年12月x日第一次試左清湯，味道偏濃好好味；同時間同事叫左個酸辣(仲要係小小小小辣)味道都ok ^^2007年12月28日第二次我自己叫左個酸辣(小辣)，同事叫左個麻辣(小小小小辣)，老闆又搭單叫左個清湯，今次個酸辣真係辣左好多好好味，但係其他兩隻就真係入唔到口，同事飲左啖湯之後成碗都冇食過...就連老闆果碗都係...=.=" 我出奇地飲左啖同事的湯...嘩~~又苦又澀...(老闆果碗冇試過)...真係未食過咁難食o既麻辣...真係入唔到口...><

尋晚朋友話想食米線，係旺角都唔知食邊間好.. 記得有人講過吓呢間，就膽粗粗入去試.. 見到裝修一般，都尚算乾淨。叫米線時，見到米線要$18蚊包1樣餸，另加一樣就加$5... 另外野飲+$5/$8(特飲) 我叫了腩肉同豬潤小麻辣米線.. 米線一上來時，我真的呆了.. 佢的米線唔係一般的米線.. 麻辣並非一般紅色，係啡啡色咁. 另外，外邊的米邊通常都會配好多蔥/芽菜/腐竹/肉碎等等配料..呢到..每樣俾小小你.. 小小蔥,小小芽菜,一塊腐竹,一d 肉碎.. 豬潤都ok.. 但係腩肉太多軟骨，米線都煮得ok但係感覺似係d 粉麵店食車仔麵要米線加餸咁樣.. 咁何謂米線專門店?下次不會再去..

前兩日又去香格里拉食晚餐,感覺上比上次更好,人很多,所以有點迫,但係米線同送的味道真係好唔錯!今次要大大條司華力腸,勁有口感,啖啖肉,而且呢度有秀珍菇同埋紫菜,都係出面少見,我兩樣都有點,發覺佢份量唔算少,所以好滿意!之不過,我要酸辣湯底小辣,食落發現原來好辣,好在佢將紅色的辣野放係一邊,我可以畢一畢起再食,好一點...同埋呢,紫菜吸晒辣味,好慘呢!除左辣,酸方面亦未做到很好,因為佢只係落酸菜,比起有的米線專門店個湯底真係酸既,的確無咁好...總括黎講,佢既米線同送都唔錯,係個湯底可以更好。不過,我已經覺得幾好味同埋抵食了!呵呵!

呢間鋪我有次晏晝去食，叫左小辣，D餸係雞柳同墨丸，不過上檯時睇落個樣其實麻麻，一來可能食慣手撕雞0個種、覺得雞柳0係米線度出現有D怪；二來D墨丸個樣好似假咁…食落唔係好有彈性，覺得好似放左舊膠膠0地0既丸入口咁。而餸0既份量就比人感覺好就住就住，湯面好多辣油，雖然食D米線係就係麻呀，但整體配搭比人感覺真係差左D喎…(面頭真係好多辣油，搞到D米線上襯0黎都係咁…)食食0下，原本好想食麻辣米線0既我都已經收哂工，唔想再食落去…而本來預計有0既腐竹、芽菜、韮菜就只有一舊好似浸淋左0既炸腐竹同埋極度少量0既紫菜出現…無錯，(竟然)係紫菜…最得，其實都係杯凍杏霜…相比譚仔同埋四川麻辣兩間來講，呢間就真係唔太得。雖然佢D門面功夫做得OK，D 餐牌同埋D佈置都唔會太簡陋，但食客0既心理…最緊要係，成碗麻辣米線足唔足料、好唔好食先？相比之下，其他都唔算太緊要喇。

睇雜誌介紹過呢度...既然自己住開呢頭,無理由唔試下。一碗米線$18蚊,已經包左一樣送,跟住每加一款加$5,我覺得價錢合理。點左秀珍菇同埋司華力腸,因呢兩款都好少係其他米線專門店見到,值得試試。米線幾大碗,夠滑,湯底我揀清湯,果然夠清,估唔到有咁多秀珍菇,好好味!司華力腸又做得唔油,軟硬適中易入口,感覺唔錯!小牛要酸辣湯底,有得揀辣的程度,都幾細心...不過小心食到d椒,唔係就會好似小牛咁,明明小辣,都突然一啖變左大辣,哈哈哈!仲飲左個柚子纖密,唔太甜,感覺健康,清新,但要加$8。我地會再幫襯,試下其他送款!