香格里拉米線專門店 (Closed)

可能有比較,酸辣湯一試味就覺得係比較遜色,唔夠野味~米線就還可以啦,淋得黎好彩都算彈牙,炸醬同雞肉都係得好少,而味道方面真係好普通完全沒有特色可言~唔知係我地坐個位位置問題定係其它..總知一多左人就又熱又焗..一行出門口,室外無冷氣仲涼過佢有冷氣~$20

呢度D米線根本就唔係米線,太過"林";少到不得了,得幾條芽菜同木耳,而且"騎呢",例如居然用司華力腸加雲南米線!叫清湯底,佢話係用豬骨煲,結果一D豬骨味都冇,剩係有胡椒味!!比起譚仔差天共地,重夠話自己正宗?!

喱間主打米線,自稱米線專門店,但實際水準極低,不值一提.想講o既係喱個有雜誌介紹o既"蒙古大汗烤腿",睇落幾好食,食落又係差,其實佢知唔知咩叫做"烤"?炸出尼乾身不特止,肉質硬而無味,全憑面層孜然粉帶出野味口感,空有驅殼而冇內涵,不吃也罷.$30去九龍城食串燒已經超飽.

星期六放工, 一條友唔知食乜好, 行過E間野, 見佢開左咁耐都食過, 咪試下LAW, 叫左碗麻辣肥牛米線, 新疆香草雞翼....先講下碗米線, 湯, 唔夠味, 麻辣都OK, 只係你湯底唔夠味既時係, 麻辣幾好都無用, D肥牛唔掂, 鞋口既, 一咬落去就知係行貨; 米線, 好淋, 好似煮得過熟.至於個乜野乜野雞翼, 好油, 佢點既醬汁,又係油淋淋...食兩隻已經唔想食....埋單, 45蚊...響旺角一個人食既價錢已經算貴, 只係, 食唔到應有既水準姐...下次食米線, 都係過返隔泥街川居好過

根夲就唔係正宗米線!!!!完全失望,質素同隔離十蚊云吞仲要差,食物賣賞仲差,完全失望!!

凌晨兩點幾，收工一個人，又係獨自搵食時候。之前已經見過呢間野，但因為同事唔鐘意，嫌貴一直冇去。(其實度度都係廿零蚊，但硬係唔明我班同事成日都係去食漿糊粥/極貴車仔麵)。入來，以知是普通茶餐廳格局，叫了個清湯燕餃鴨腎米線加凍檸茶。其實餸料都是亂叫的，因為三間半夜諗唔到食乜，又唔想太滯。清湯就真係清，但飲落冇乜味道，鴨腎同燕餃..普通貨色。至於米線，還可以。湯料都幾足，有齊腐竹、木耳等，算交足貨了。不過可能食價譚仔，硬係覺得比較貴。

o係門口比個waitress係咁sell我入去食, 仲開哂門好似想推我入去咁, 但本身都諗住試下所以所謂, 我叫o左個燕餃竹笙米線, 我朋友叫左香蒜白肉竹笙米線, 我地兩個都要小酸辣, 但食落非常之辣, 又辣得唔好味,跟本就係辣油加酸菜. 我同我朋友最後都係食唔到叫個waitress加清湯, 但個waitress黑面仲"gip"我地. 有搞錯, 呢d係野態度我同我朋友係坐近個廚房位, d waitress好粗魯, 將個托盤大大力咁掛係幅牆度, 我就係坐係o個幅牆隔離, 比佢托盤d唔知係湯定水彈哂落我d頭髮度, 個waitress明明見到都掂行掂過, 道歉都聲然後見到有客入黎問個收銀女人如果叫米線加野飲要加幾錢, 個收銀女人隔離o個個應該係老細就好有禮貌咁答完人就行開左, 而個客都走o左, 收銀女人一見個客走左立即話"呢條友盲架! 餐牌有寫架嘛!正盲人!" 跟住係咁同d waitress係咁講係咁講, 搞到我杯茶飲完都唔敢叫佢地refill, 費事比佢地話我野飲都唔嗌呀! d waitress 又成日o係我同朋友之間伸隻手去我隔離枱遞餸遞茶, 又係咁係我朋友後面批我朋友個頭, 間野唔係大

講真呢間o野我都唔係第一次幫櫬(前晚先去過).或者咁講啦~當係俾人多一個選擇囉~正宗o既雲南米線又未必合某一D香港人o既要求.呢間港式味道重o既雲南米線咪可能o岩佢地o既要求.16蚊一個,可以揀麻辣or酸辣.拿~講真我都算係食到辣.但小小辣已經好辣.加多個就加多4蚊(咁o既種類真係有d似車仔麵),咁加埋o野飲都係24蚊.食得飽味道又過得去.算係咁啦~查實佢地d串燒我都試過.都ok呀~比起山東街果間我反而會鐘意去呢間多d.呢d都係個人喜好,觀點與角度o既問題姐~

鬼law~~~ 見佢有咁多等級既辣~~我平時去開d食米線既都叫中辣~~~~咁佢有小小小辣...小小辣..小辣...中辣...中中辣....大辣....麻辣~~好多~~我見第一次食~咁食小小辣...我個fd食小小小辣......小小小辣...已經等於我平時食既中辣....呢個都頂得順..(我試個fd個湯)我個o個小小辣....真係唔至小小辣.....接近麻辣既地步...真係想我命~~~

lee間野.....我初初都比佢騙到.....見magazine都有介紹,又話自己咩咩米線大王咁又唔貴,咪試下lor~~~~一睇個menu已經唔得根本就係車仔麵....仲學人叫自己做米線大王好...算.....荃灣四阪方果間都有唔少腸仔野叫左個腩肉米線睇到個廚房,omg.....車仔麵格式.....碌米線,擺送,倒湯.....一黎,嘩......你唔好再少d?!芽菜,得幾條;仲有幾條木耳?!(心諗:唔係丫ma....)腐竹都無腩肉得幾舊....勁少,不過都ok米線,半碗個湯....想學譚仔, 不過淡左d.....同埋落左味精真係想死......我諗只係雜誌介紹的雞翼會好食不過無試到

米線好淋.湯底好一般.唔覺得有咩特別吖!16元係幾平.但車仔麵16元就幾貴.呢間嘢一啲都唔似雲南人開.一啲風味都冇.配料竟然有珍寶腸.唔係嘛.我唸雲南最出名唔係珍寶腸.若荃灣雲貴川賣珍寶腸我一定唔會去叫.人地叫腩肉呢間嘢叫滷肉但味道差天共地.炸醬竟然係甜醬.旺角都有幾間真係雲南米線.呢間一定唔係.一定係車仔米線.太勉強啦

上星期係旺角行完街就隨便間野醫肚，見到呢間舖都幾多人食又標榜16蚊就有一碗米線，所以就去試下。餐牌上有各式米線配料，大多都係較普通既材料如豬肉、牛肉、魚旦、菜....一種配料加米線都係16蚊，真係唔貴，平時食一碗米線都起碼20蚊。湯底有清湯、酸辣同麻辣，仲可以有7級辣度選擇。筆者嗜辣，所以粗粗選左麻辣湯，中辣度(4級)。碗米線份量都幾大，眼見身旁有好多食客食剩好多，筆者都有d擔心食唔哂。筆者的鮑魚片麻辣湯底米線紅紅的，仲有一種撲鼻既香味，第一啖食落去已經覺得有種"麻麻"的感覺，反而不覺得辣。再食落去，舌頭而經被麻辣湯料麻到痺，湯底係咩味都唔知呀.....(好在有提供清水給食客)仲有鮑魚片只係得個幾塊，真係太少。雖然辣到筆者唔知發生咩事，但係個湯底係正宗麻辣料，仲要唔係好似坊間d既「麻辣米線」咁一d都唔辣，所以嗜辣必定要一嚐此店! 不過唔食辣或只係喜歡小辣既朋友都係點清湯好啦!

米線有分小小小辣，小小辣，小辣，中辣，大辣＆加大辣...仲分麻辣＆酸辣....建議中辣就好，因為真係幾辣.....價錢好平，$20有米線+凍飲，地方亦乾乾淨淨，同D同事去食午飯一流，比茶餐廳好得多...