龍拉麵 (Closed)

湯底，差！似豉油湯底，唔咸唔淡，又唔似麵屎湯，只係勝在唔太咸，唔係咸到似味精開，飲完要灌大量水。麵質，差！同街邊20蚊車仔麵雲吞麵個一種幼麵底無分別。黑松露湯底/擔擔湯底只係原本個種湯底再畢多一pat野上去，唔係事前再煮過或者特別處理，毫無誠意之作。份量黎講大食少少都唔會飽，麵得兩三啖，一塊紫菜一塊叉燒一堆粟米一堆海帶。完全無特色，無亮點，只係價錢比起一般拉麵黎講平少少。好失望，金玉其外，門面呃到下人

拉麵分為白龍(豚肉濃湯)、黑龍(黑松露醬)及赤龍(擔擔麵湯)三款。我點了白龍一試。一隻雞蛋、兩片叉燒、數片木耳、一片紫菜、少量粟米、海帶及洋蔥絲。可惜，湯底不夠濃，只屬一般豬骨湯底，絕非濃郁那款。不過，對味精敏感度極高的我，吃後也不覺口渴，深信此湯底的確不含味精及雞粉。麵底屬幼身，掛麵能力一般。雞蛋尚算處理合宜，處於半流心的狀態。可惜，鹵汁太咸，令整個雞蛋味道走樣。唯叉燒帶來驚喜，肥瘦分明。灼燒令肉質加速焦糖化，簡接提升湯麵的甜度。整體而言，價錢略高於實質拉麵水平。希望日後品質有所提升！若追求卓越或自問對拉麵有要求，就另當別論！

新張時已有朋友介紹，無奈時間地點唔配合，終於搵到一日有時間去食5點幾到已經要排隊等位，原來全店只有7個位，難怪日日都排長龍啦，而且坐位比較逼，最搞笑係枱底會有個籃俾客人放袋，但我覺得佢整個鈎仲好啦，真係一個唔該就踩左落自己個袋拉麵口味只有三款，都合理嘅，得7個位、1個師傅，整太多花款反而難入貨，好易變左嘥野，但每碗拉麵得一件叉燒就覺得太少囉自助斟水，水樽內有青瓜、檸檬，飲落好似食緊沙律🥗好fresh麵好快就煮好，我地叫左黑龍白龍各一，我食黑龍，覺得湯底好濃味，飲落唔涸喉，但食唔到黑松露味，叉燒好淋好入味，都幾厚，最正係隻蛋，蛋白滷得夠色夠味，裡面又夠溏心，比霸嗎好食其實真係唔錯，只係要等好耐令我冇動力再幫襯

早幾日見到新開左間拉麵店，就同女朋友去試下啦，店面裝修唔錯，只可惜金玉其外，敗絮其中。一碗拉麵可以分湯，麵，叉燒去講。先講湯，一碗豬骨濃湯又淡又稀，同五十嵐相差無幾，價錢就差天共地。黑松露湯底毫無黑松露味，同普通湯底無分别。坐底嗌左兩碗拉麵，其中一碗叫左麵質硬啲，但兩個麵起嘅時間一樣，點樣分邊碗麵硬啲邊碗正常呢？同埋麵質掛唔到湯。叉燒尚可接受，燒得都唔錯嘅，入口幾香，而且厚。一句都尾，價錢同質素完全不相乎。

屯門雖然好偏遠，但原來鋪租拍得住市區，所以很多食肆價錢和外面差不多。難得來到市中心附近，看到新墟有一間是試業中的拉麵店，新裝修價錢又吸引，而且六點半冇乜人就入去就座。入面有檸檬浸青瓜水提供，係健康的detox water。雖然只有七個位，但都坐得幾寬敞，而且有紙巾供應，坐位下又有盒可擺放袋。我點了赤龍，擔擔面湯底有別於四川鋪頭的，麻醬味唔濃（可能冇），但酸甜配搭得宜，係令人開胃嘅口味，燒叉燒好厚、肥瘦分明、淡淡肉汁，加埋雲耳粟米好夾。呢度唔係出面拉麵店嘅糖心蛋，而係流心蛋，我就覺得一般般喇。至於麵質有點彈牙，我就喜歡林啲嘅拉麵。朋友點了黑龍，係黑松露湯底，雖然冇味精同雞粉但味道有點偏鹹，黑松露的味道都香，同拉麵就唔太夾喇，不過好香好香黑松露味，所以朋友最後都係飲晒湯底。總括嚟講價錢合理，環境舒適，下次會是白龍湯底。

屯門特色拉麵小店，試業中。門外招牌至內部裝修都有種日本懷舊拉麵店特色。拉麵有三款選擇，【白龍】豚肉麵湯，【黑龍】黑松露醬，【赤龍】擔擔麵湯，我地點左【白龍】同【黑龍】，拉麵都同樣配有叉燒、糖心蛋、紫菜、小木耳、蔥同玉米粒一，湯底冇乜味精，豚肉湯底香濃，黑松露醬湯底香而惹味，叉燒唔會只有肥豬肉，又唔會太薄或太厚，似煎完搽左d醬汁，十分好味。店內乾淨而衛生，侍應及拉麵師父都很熱情，下次一定會再來幫襯。

剛剛放工，行過見到一間燈光火著寫着龍拉麵的小店，喜歡吃日本拉麵的我，當然要試試，不過好耐之前屯門吉之島地下巴士站對著的拉麵店又貴又唔好食，實在令我太失望，令我有點卻步。不過離我屋企咁近，支持小店，都係試一試吧。門口寫着試業，不理了入去試試吧，有三款拉麵揀。第一款是豚骨湯拉麵，第二款是黑松露拉麵，第三款唔記得了我叫了黑松露拉麵，因為坊間很少有這款拉麵食，當然要試試。湯感覺上清淡，但是松露味很重，都幾好飲，麵彈牙，叉燒肥瘦適中都算厚又軟身，好食，糖心蛋好好食隻蛋可以說是完美最後，我追加了一個麵，和一隻糖心蛋，埋單一百元多左右，但絕對值回票價，下次定試試我最喜歡的豚骨拉麵，希望也是咁好食吧另提：煮麵師父，幾高大靚仔，有禮貌，女仕恩物

本人正懷孕中，對味精十分敏感，得知他們的湯底是沒有味精，抱住一試的心態，果然很淸甜，而且拉麵師傅很靚仔，食物的水平又高，在屯門這小區實屬難得的小店，很值得推介及再拜訪👍🏻