Video
Telephone
28119078
Opening Hours
Today
07:30 - 22:00
Mon - Sun
07:30 - 22:00
Public Holiday
07:30 - 22:00
Above information is for reference only. Please check details with the restaurant.
平日好少寫食評，今日特別想寫，因為有唔錯嘅體驗~放工悶悶地，又好想食pho，於是去左錦麗~叫咗個「綜合粉」，轉咗金邊粉😝牛骨湯底勁濃味、鹹度適中，落埋青檸&九層塔提下味，成件事即刻變得好正好醒神😎加埋煙韌金邊粉，又有勁多餸（生/熟牛肉 & 牛丸），啱曬我啲樣樣都想食嘅為食鬼😝環境方面，感覺乾淨咗好多~而上菜都好快~上菜果位哥哥（小小大隻）仲好禮貌，同叫我「小心熱湯」☺️~咁貼心㗎咩🤪想嗌多啲嘢食，但食唔曬🥹下次同friend嚟再食過🤡
continue reading
正常食越南河都跟青檸加辣椒，但呢度你唔問佢唔俾，就算俾都只是1/8個青擰同兩小片辣椒，八十幾蚊，係咪可以俾多啲呢…河粉質感好嘅，但牛丸已唔係當初嘅牛丸，湯底比滾水多少少味，但最令人驚訝嘅係衛生問題，只見阿姐跌咗嘢落地，好快用塊布掃一掃個地，稍後再用同一塊布抹枱抹櫈，再抹埋自己隻手😵💫，所以真係怕怕喇。
continue reading
以前一直都已經好鍾意食錦麗🥰覺得佢個湯底同埋牛丸特別好食!!今日咁啱有朋友嚟到九龍灣我哋就一齊約咗食午餐！ 喺德福廣場一期嘅錦麗撞正打工仔嘅食飯時間, 所以非常之多人🤣不過我哋兩個人都好容易就搵到位! 坐低就點餐啦～ 啲午餐都唔係貴有啲五$60就已經食到～ 但係我都係想食返個牛丸河，所以就叫咗個套餐!嚟到都冇令人失望🩵有六粒大大粒嘅牛丸個河粉都好好食，但係就份量唔係好多男人食嘅話就應該唔夠飽嚕～可能要叫多個飯🤣另外朋友就叫咗個幾樣牛都有齊晒嘅河粉～整體嚟講味道都唔錯！ 對於一個快快地食個午餐嚟講都係一個好嘅選擇～間唔中都可以食返碗!
continue reading
因為朋友喺九龍灣返工🙌🏻咁我就約咗佢去德福食lunch啦我呢個牛魔王最想就係食牛肉有朋友佢哋想食粉面我哋就揀咗呢間～我記得以前就係咁啦，因為我覺得佢牛丸好好味但係佢比之前嘅款式好似多咗好多有飯又有麵🍜🍜🍜今日我都係揀返我食開嘅生熟牛丸河我覺得牛丸嘅味道同以前唔同以前牛丸好味啲依家牛丸個牛味好似少咗不過因為我鍾意食牛肉嘅原因，所以我都會keep住佢set個lunch埋單大概70至80 一位還可以吧🍜😙
continue reading
難明白越南食品在香港為何那麼貴又那么受歡迎，看這餐廳的食品就是好吃，可惜座位因應香港的情況環境面積小，坐著不是非常舒服，卻餐廳又是不錯。越南早餐最吸引我是在門前廣告，居然是38元一個，食品亦非常豐富。餐飲還有越南咖啡，味道不錯。早餐的金邊粉有扎肉和餐肉，肉片都是煎好的。湯底有越南的香菜，很是喜歡。最值得推介是炒蛋，炒蛋炒得很滑，簡直是滑入口一樣，而最神奇是炒蛋加入香味的香料菜在蛋內，顯得炒蛋更有越南風味。
continue reading