三點三冰室

Open Now

Now Closed

同朋友去啟德新開新式裝修舒適三點三冰室用餐！真係好有感覺！餐廳裝修得好新穎，好有現代感，令我地覺得心情放鬆，餐廳內有好多卡位，坐得好舒服，唔會擠迫，可以好好傾計。我食左啲餐廳嘅招牌菜同飲品，真係好正呀！首先，香燒羊架餐配蒜蓉汁，羊架燒得好香，肉質鮮嫩多汁，加上蒜蓉汁，味道更加豐富，真係美味到爆！另外，套餐配埋既日式粟米湯都好好味，湯底鮮甜！飲品方面，我地飲咗狂牛同紅豆杏箱。狂牛係一個混合咗雜果、七喜、利賓納同士多啤梨雪糕嘅甜品，非常特別！味道酸甜可口，而且份量十足，真係好滿足。芝心蝦多士都好出色，多士煎得香脆，裡面有鮮蝦同芝士，一口咬落去，口感好豐富。如果你鍾意焗飯焗意粉，推薦焗牛舌芝士意粉！牛舌煮得軟嫩，配上濃郁嘅芝士醬，味道非常濃郁香濃，意粉煮得剛剛好！最後，紅豆杏霜係一個經典嘅飲品。紅豆味道濃郁，配上軟滑嘅杏仁霜，非常之match，係一個完美組合！

啟德AIRSIDE有間港式茶餐廳，店內光猛，座位好多，地方闊落，裝潢設計新派又搶眼，以藍色木系為主調、食物方面主要提供炒粉飯麵、鐵板餐同特色料理，無小菜，價錢合理，值得一試～ 嚟到呢度必點二世祖西多，鮑魚放面都係第一次見，好鬼搞笑，傳統港式做法，加入蛋漿炸成，口感厚身，外脆內軟，唔油膩，中間有層輕薄嘅牛油餡，配上糖漿簡直係完美😋生炸雞脾唔算好大，外皮脆身，內裏嫩滑多汁，沙律幾開胃，下次可以試試薯條～ 星州炒米同乾炒牛河各有千秋，麵條軟硬同濕潤度適中，炒至入味，配菜口感豐富，整體性價比高！葡汁焗四蔬菜比較普通，醬汁惹味，蔬菜新鮮，建議加點白飯配住食～ 老火湯有驚喜，超甜，好好味，值得加點！最後唔少得呢度嘅飲品，特別推介狂牛，以雜果、七喜、利賓納、士多啤梨雪糕混合而成，打卡必備！

啟德 AIRSIDE 🚇呢間三點三冰室地方闊落，☺️裝修幾新穎，有茶記嘅鐵板餐🍴又有令我幾驚喜嘅芝心蝦🦐多士。我哋叫咗✌️兩個鐵板餐，可以加錢💰轉唔同嘅特飲🍹，雪糕紅豆冰大大杯🍹又香甜。今日跟餐嘅湯🥣係日式粟米湯，香甜 creamy 🤤而且幾濃粟米🌽味。🧀芝心蝦多士十分之有驚喜🤩，面頭係滿滿嘅🍤蝦膠，咬落去中間係流心🧀芝士，加上多士炸得夠鬆脆😍，絕對係必食之選！鐵板西冷牛扒🥩都幾大塊，好有冰室懷舊🥰風味。鐵板香燒🐑羊架肥美肉嫩，配埋🧄蒜蓉汁一齊食又唔會好騷😋，而且份量都幾足👍。雪糕🍞西多士勁有🥚蛋香，加埋個雲呢拿雪糕🍨一齊食好香甜🤤好滋味！

👧🏻😋👅🍽✨Airside新張冰室超水準🙌🏻-三點三冰室🇭🇰 九龍城啟德協調道2號AIRSIDE B1樓B127號舖 🇭🇰-😋晚市去三點三冰室除左食正餐, 都一定要試下佢地既小食, 小食都有十幾款選擇有鹹有甜, 仲有多款特色/經典炒粉麵飯, 冰室來講算好多元化😋開得係Airside格局都有返咁上下靚, 鋪位大又夠開揚, 全部梳化位, 野食款款高質, 最好係完全唔會好似普遍茶記D野食咁又鹹又油; 全日免加一, 都叫做對得住佢既價錢-🐟 🌭 鰻魚滑蛋炸熱狗 $75💯商場directory個icon餐廳就係用呢個招牌菜做signature, 名不虛傳勁好味, 仲係出面冇乜見到💯蛋皮下包住既係原隻炸熱狗, 油溫控制得剛好, 炸到金黃鬆脆唔油膩; 蛋皮上就係燒鰻魚, 厚肉香甜-🐂 頭抽乾炒牛河 $78✨用靚頭抽炒河果然鮮香又唔會太鹹, 有鑊氣條條分明, 牛肉腍得黎有咬口, 大大塊仲好多塊, 韭芽份量適中-🫕 🥪芝心蝦多士 (6件) $72💯超高質, 食落又係唔會覺得油淋淋, 彈牙蝦膠果厚過脆脆多士, 中間再加一層芝士勁正☺️-🍡迷你炸饅頭 (6件) $36✨除左煉奶仲有紅糖幾特別, 又一款出色炸物

Airside 話係近幾個月最火紅商場都不為過，入面仲有好多高質餐廳可以發掘。今日就同老友揀左呢間三點三冰室試下！叫得三點三，下午茶時段都相當full！無論裝修定Menu嘅選擇，都有啲番到去幾十年前冰室模樣，打卡正！Menu 勁多懷舊小食，蝦多士，各種西多士，香蕉船，炸熱狗⋯ 下次真係要call齊堆老友嚟一齊點哂嚟share 試下！我哋試咗：-日式黒松露手打漢堡扒配白飯上菜超精緻，打卡able。漢堡扒厚度剛好，仲要剛好夠熟得嚟勁勁勁多汁，好Juicy得嚟又唔油膩先好野！加埋隻生蛋，同肉汁一齊撈飯，正到！大推！-南洋喇沙唔單止超大碗，仲超足料，蝦，豆卜，魚片都好新鮮。而湯底好濃郁，又唔會過咸，加埋隻蛋，咁大碗食得好滿足！-瑞士汁雞翼唔單止食緊好味，仲有童年回憶嘅加持，真係回味無窮。隻隻鷄翼都好入味，煮得又冧，真係多多都唔夠。-美祿暴龍又一回憶殺！ ！上面啲cream 令我好意外，無甜到漏，做點綴剛剛好，而且落單個陣又好貼心地可以揀多/少甜，比啲又想飲又怕肥嘅人如我，可以良心安樂啲一飲而盡！呢到坐得舒服，又充滿童年回憶，食物高質，回頭率高！

Airside新商場開左一段時間，終於有機會帶埋母親大人過嚟行吓，行完city super見有間冰室好旺場但都幾闊落，啱啱好走咗一枱唔使等位叫左兩款炸物小食都好出色，芝心蝦多士 $72有六件，咬開有芝士流心，蝦膠又夠彈牙，點埋沙律醬酸酸地可解解膩。一口雪花西多 $48 我地當甜品食，一口來講都算大舊，但炸得好透完全唔會覺得個邊係西多而中間只係麵包，中間有少少花生醬餡甜甜地好味到暈，正過好多傳統茶記一定要試懷舊鴛鴦飯 $85 出面已買少見少，紅白汁各一半又靚又好味，當然唔少得粒粒分明既炒蛋飯底，雞絲都好滑唔會柴，紅汁當然開胃，但白汁都唔會太杰太滯，越食越開胃香燒羊架餐 $128 揀左燒汁，有個兜仔另上，羊架好淋啖啖肉好香羊肉味，少少肥超正我地一人叫左一杯特飲，Jumbo檸檬茶同薄荷朱古力都係跟餐半價$14，一上枱隔離係度問果杯咩黎，見佢咁大杯又有5塊檸檬大家都好好奇😂要講懷舊當然唔少得大大杯OT仲有細細個就飲既薄荷朱古力，回憶返晒黎

和朋友好久沒見，決定來啟德airside來吃一頓！特色茶餐廳就決定要食！個名都幾得意，叫三點三，店面好寬敞，座位好舒服，就係商場負一層，好容易找到～經典鐵板餐得叫一下啦～🐮鐵板西冷牛扒套餐配粟米湯+薯條💰128🐑鐵板香燒羊架餐配粟米湯+焗薯💰128🥩鐵板牛仔骨餐配粟米湯+薯條💰118特色鐵板餐果然不錯，上來的時候鐵板沙沙地特別熱，份量也很大！西冷牛扒嚼勁特別好～牛味十足；相比牛仔骨就油脂味更加重一點，但兩個都很不錯！羊架的話，還是會有點味，但朋友就是喜歡這個味道😄🐓海南雞飯💰83令人驚艷，雞肉很滑嫩，雖然是雞胸肉，但一點都不柴，配著油飯吃也很棒～就是份量我覺得可以再多一點，那就更好了！🥚鰻魚滑蛋炸熱狗💰75原條鰻魚，一定要趁熱吃，可以切開，鰻魚+蛋+包一齊吃最好！🍗小食妙齡乳鴿💰62 / 瑞士雞翼💰62 / 一口雪花西多💰48乳鴿還行，肉汁還算多，皮可以再脆一點～一口雪花多士最棒！茶餐廳最愛就是它，有糖霜在上面，特別好看，西多士味道也很好，一口一個都size也很不錯！

在Airside，除了麥記外，最平最抵食應該是這間在地庫的茶記了。餐廳明亮整潔，座位寬闊，供應各式常餐、午餐、下午茶餐和晚餐，還有鐵板扒餐，焗飯等，什麼都有。除了茶餐廳傳統有的美食外，還有不少創意菜，例如今日食了個炸熱狗就非常好味。🏅鰻魚滑蛋炸熱狗（$75）甚有視覺效果，原條鰻魚加滑蛋，最下層的炸麵包熱辣辣，外皮酥脆。鰻魚、滑蛋、紫菜條、鰻魚醬，合起來是意料之外的美味。🏅白汁海龍皇焗飯+熱奶茶（$69）白汁好味，海龍皇有大小青口、魚肉和墨魚等，很豐富。如果個炒飯底煮硬少少就更好了。🏅瑞士雞翼（$62）5隻非常大隻的雞翼，雞肉滑，瑞士汁香甜。🏅妙齡乳鴿（$62）調味不錯，也炸得很香脆。🏅雪糕西多士（$45）西多士餡較淡味。建議食時才叫上枱，不然雪糕溶成水就唔好了。🏅老火湯（+$3）必飲，夠濃，抵飲。🏅雪糕紅豆冰（+$14）紅豆軟腍好吃，待雪糕溶得七七八八，更濃郁好味。🏅薄荷青檸梳打（+$14）爽！

位於啟德新開商場的港式茶餐廳冰室，店舖燈光光猛，地方寬敞，座位很多。晚市時份已是座無虛席，而且有好幾樣菜式都已售罄，非常受歡迎。點餐以手機掃描二維碼下單，很方便；食物種類款式多元化。小食多滋味：一口雪花西多西多士有幾款，創意十足。而這款雪花西多上面灑上椰絲及糖霜，非常邪惡的小食。一共六粒、一口大小的西多士，每一粒油炸至金黃脆口，充滿蛋香。吱吱又喳喳：西冷牛扒餐跟餐有日式粟米湯，牛扒配菜還有半個焗番茄及薯條或焗薯，以鐵板呈上，淋上黑椒汁，瞬間冒煙，醬汁也流到牛扒及底下的薯條上，很香口。牛扒厚身，口感軟腍，質素不俗。點都要食：印尼姐姐撈麵傳統的印尼撈麵，還有一串雞肉串燒及一片大蝦片。撈麵有蘿蔔絲及魚片，荷包蛋蓋在撈麵上，流出蛋黃漿，較平日吃的濕潤及多汁，同樣十分惹味。

Airside個場開左咁耐都未黎過，收工行到餓餓地見到呢間三點三。雖然唔係下午茶時間 不過見佢個場好大，好光猛，同埋decoration好靚（加上私心好鐘意佢個色調所以就決定左入去）個餐牌都好多fancy版既懷舊食物，咖喱豬扒見得太，配炸蠔真係好少，再叫左個海南雞飯，芝心蝦多士。啲野上得好快，個蝦多士擺得好靚，個多士好酥脆，芝士同蝦既配搭都好唔錯，略嫌油身左啲啲。海南雞飯方面，隻雞唔錯，滑身有雞味，美中不足係唔係油飯，不過食得健康啲都OK嘅。最後到個咖喱吉列炸蠔飯，咖哩有個陣港式嘅味道，但始終佢哋嘅炸物都唔係主打，今次就太濃啦最後冇食到啲炸粉。同埋仲叫咗兩杯嘢飲，一杯美祿恐龍同埋一杯雪糕紅豆冰，甜度適中唔錯唔錯，如果有埋美祿波波就仲正。總結就係三點三行高檔茶餐廳路線，炸物水平嘗算合格，食物選擇繁多，有興趣可以一試。

今日收工去左airside到揾野食😆新商場真係周圍都好多人！所以揀左呢間隱蔽少少嘅冰室～佢啲餐名全部都好盞鬼又有香港特色架😍＊＊＊＊＊🐮🍝頭抽乾炒牛河 $78乾炒牛河好有鑊氣好香😍份量好多😋🐑🥩香燒羊架餐 $128跟日式粟米湯、薯條、黑椒汁羊架有三大塊，肉質嫩滑好易咬😋仲可以揀跟薯條或者焗薯～🦐🍜印尼姐姐撈麵 $75串燒，蝦片，魚片印尼撈麵好耐冇食印尼撈麵啦！佢好有風味，仲加左串燒同蝦片，撈麵有少少少少辣，食得好過癮！🥰🍖瑞士雞翼 $62瑞士雞翼超入味！十級推介！😍😍🍋薄荷青檸梳打 +$14🍨雪糕紅豆冰 +$21＊＊＊＊＊

  甚少寫食評，卻被這間食肆的出品促使得不吐不快。店舖是整潔乾淨的，但咖啡溫度不足，只是暖的，就連星洲炒米也如是。而星洲炒米就真的是 "炒米"，配料只有約 1/10。另一款蔥花炒蛋多士也甚為求其。相反，自助的清水卻是最有溫度的。食肆最忌出品溫度不足，是廚房距離店舖甚遠？抑或廚師做好了，卻無人上菜所以擱置時間長了？希望有所改善。

✨Air side開咗咁耐，終於嚟朝聖。 不過揀咗一圈，冇乜心水。 反而B1層人流好多， 旺場好多。見到三點三個大招牌好吸引，原來係新開嘅港式茶餐廳。喺呢度西餐林立，茶餐廳又幾突出，所以就試一試佢！✨喺餐廳門口已經見到餐廳裝修好光猛，都幾靚嘅一間港式茶餐廳。🍽️鐵板牛仔骨餐 $118上到黎個鐵板仲係‘滋滋聲’，聽到已經好想快啲食😋牛仔骨超淋又好重牛味，好好食。個鐵板係正方形，所以裝到好多黑椒汁，食到最尾仲有啲汁剩！🍽️焗豬扒飯豬扒已經切咗件，所以食得好方便，唔使切。佢嘅茄汁都做得好，我竟然食得晒成碟焗飯🤭 配料都好足，有一大塊嘅菠蘿，佢嘅蕃茄都係新鮮，大大嚿👍👍🍽️黑白多士(芝麻醬+煉奶) $42黑白多士真係好特別，原來係加芝麻醬同煉奶，芝麻醬份量好多，搽滿晒成份多士，加上煉奶嘅點綴，成個組合好夾！🧋美祿暴龍(有忌廉 +$19)好少地方有美祿恐龍，原來美祿暴龍即係有加忌廉，一開始我就已經畢晒啲忌廉嚟食🤭 好爽🧋雪糕紅豆冰 (+$21)雪糕係雲呢拿味，我等雪糕溶晒先開始飲，所以紅豆冰好香椰奶之餘又有陣陣雲呢拿香味🤤🤤紅豆亦都煮到岩岩好，粒粒分明！⭐️我覺得呢間係港式茶餐廳嘅後起之秀😛我見資料寫住

不得不讚賞3點3可以令我登記用戶入嚟留負評💢💢午飯時間坐低用QR code點單叫咗一個和風牛肉飯待應3分鐘後上餐快到以為個飯唔係我～個飯賣相好鬆散牛肉同白飯好凌亂白飯似十號波後坍塌嘅山坡因為午市，我無諗太多食咗一啖，係冷飯凍牛肉好似個飯放係冬天室外10分鐘感覺🤮🤮🤮🤮🤮🤮吐都吐唔切唔食起身即走太嬲無影底個飯幾樣衰勸大家無咩事唔好幫襯因為呢間餐廳係毫無職業操守明顯將上個客唔要飯菜留俾下個客亦唔理個餐擺咗幾耐過程中有冇受污染呢種煮食態度同營運標準唔當你食嗰個係客人可想而之～廚房衛生同來貨質素都相當惡劣最緊要賺盡你班啟德居民

Airside開佐，過來行下新商場。出佐地鐵C口見到好多好靚嘅麵包店，但係都唔平。睇來呢個商場啲鋪頭定位都幾高檔下。行到B1層有三點三冰室，睇落間冰室光線環境好似幾舒服，睇佐menu有扒有粉麵，諗住入去食個簡單晚餐。結果我地幾個睇到大menu之後剎唔住掣，一人一個扒餐，仲點佐幾樣嘢一齊share。最推薦：西冷牛扒🥩 （我覺得係首選）🌟🌟🌟🌟🌟厚身牛扒，128蚊，質地口感都好過花*園餐廳嘅。有配粟米湯。如果想食飯：海南雞飯🐔🌟🌟🌟🌟雞肉係軟嫩，油飯🍚粒粒分明。83蚊，不過份量唔係好大份，胃口唔大嘅話可以夠飽。小食：西多士🍞🌟🌟🌟🌟西多士有好多款，我地點佐一口雪花西多。雪花原來係指糖霜鋪上西多嘅形容。48蚊，份量都幾大份。對得住價位。每個餐都唔包嘢飲，要額外半價➕飲品。（加奶茶6蚊，特飲10幾蚊左右）呢度扒餐、飯餐、熱狗、小食各樣都有，勝在選擇夠多。同朋友過來，照顧到唔同人口味。環境又夠舒服，食得開心