赤橋拉麵 (Closed)

一直聽講呢間拉麵好食，但次次都勁多人排隊，甚至有時D湯底已經賣哂，一直冇機會食……今次睇完戲先六點左右，因為時間尚早所以冇咁多人，排左一陣已經有得食喇～牆上有得意ge手繪漫畫，講「拉麵派」同「沾麵派」，令人會心微笑。如果咁樣分類，我應該係不折不扣的「拉麵派」吧。揀左平時食開的黑油豚骨拉麵，麵身偏硬，湯頭都算香，但最值得讚的是叉燒，非常肥美。由於以為本身冇溏心蛋，於是加左一隻－－原來個麵有包埋，仲要成隻上，即係我可以食兩隻，好滿足。朋友揀左期間限定的辣味噌拉麵。我初頭覺得，大熱天時食咩辣味噌？仲要揀正夏天做限定添。而且試過好多間店的辣味噌拉麵都好重味，我好衰咁等睇佢中伏。點知個麵黎到之後，好有驚喜－－超香，係香到我諗成間店都會聞到果種。試左啖湯，辣味很輕，平時我只能吃小辣的，但這湯我可以大口大口的喝也沒問題。不是平日吃到的那種味噌湯，建議趁期間限定要試一試！唯二的缺點，一是座位比較窄，二是麵的份量偏少。我是較大食的女生，多吃了一隻蛋也不夠飽。希望可以增加麵的份量吧！

早前大熱既一間小店，門口總是排長龍。唔鐘意排隊既我都係等熱潮過去先再食今日早早黎到人唔算多，已經無之前果條長長既人龍lu店內環境有種溫暖既感覺，牆上畫既畫好有細個係牆畫畫既感覺好可愛既坐椅拉麵大致如上，有三款口味，分沾麵同拉麵近期自己大愛海老沾麵，所以見到有海老湯頭都會叫玉子味道唔錯，如果再流心一點會更吸引沾麵麵底唔算粗，麵既份量唔算話太多，一個女仔可以應付到可能自己期望過高所以有d失望湯頭既海老味唔夠濃，而且拉麵都唔係好掛湯，變相食既麵就好似無咩味。整體一般，沒有太大既驚喜

香港的沾麵總覺得那湯底不夠日本的香濃,所以都不太想試以免換來失望。聽說屯門紅橋的赤橋拉麵出名,又係日本師傅打理的拉麵店,不免心思思過來試一試~店舖於紅橋附近,面積比較細,有約14個位,6點半開始已有人在排隊,可見吸引力都不少~~看見廚房整麵的是香港人,原來日本師傅只係招呼客人而已,ONLY打理 NOT 煮理喔。麵店只有三種湯底 魚介豚骨(鰹魚豬骨湯)、黑油豚骨(黑蒜油豬骨湯)、海老豚骨(豬骨蝦湯),可以選拉麵OR沾麵上。我就選擇了黑蒜油豬骨湯,等了約15分鐘,店員上麵了。配料是大塊紫菜、流心蛋和兩大件日本叉燒。黑蒜油湯底深色濃郁,充滿蒜味,略為鹹了一點,但豬骨味很突出,配合彈牙的麵來食可以稍為中和湯的濃味。自家製麵條有光澤,但凍左會黏在一起,要趁熱食。叉燒好入味,肥瘦均勻,入口好鬆化。流心蛋蛋香味濃,我比較喜歡糖心蛋多些,沒有那麼多蛋汁流出來。 整體來說，味道雖不及日本,但在香港已算有誠意之作,可以一試的。

自從兩間由日本人開設的拉麵沾麵店落戶屯門元朗區後，頓成區內食饕的福音，就連區外客也吸引過來，小小的社區內，竟有著兩間極具水準的拉麵沾麵店，或多或少都令區內人引以為榮。可惜近日元朗那家因'江湖恩怨'遭到搗亂，沾麵的湯底給倒光了，叉燒也給人扔掉了，實在令人驚訝又惋惜。事件一曝光，大家都在社交媒體上議論紛紛，而且非常激烈各有各版本。作為忠粉，想以行動支持小店: 光顧，可是事件發生後一日，麵店於社交平台上宣佈結業，並會另覓新址不日重開，對嘴饞的簡直是晴天霹靂，連最後一麵也吃不到，非常遺憾。雖然有些矛頭直指是屯門那間的不是，但作為局外人，誰是誰非，又真的知道箇中內情嗎？畢竟作為食饕一名，只為求吃到一碗好麵，那些江湖恩怨煩請於江湖了斷吧！沾麵癮起，又不想遠走他區，自然跑到赤橋拉麵門前，麵店中午12點才開始營業，門外排隊的人依舊長龍，幸好我們排第三、四位，第一輪的放行就可以入內。 店內陳設並未有太大的改動，依舊的簡單可愛。雖然剛營業，但室內已瀰漫師傅們一早所準備的麵香、湯香。 手繪介紹沾麵拉麵分別的可愛圖畫，每次也會令人會心微笑。 門邊更貼有張位於元朗新開的姊妹店小地圖，原來就是之前吃雞翼包店的隔

一向都中意食拉麵/沾麵😋聽人講話呢一間都係日本人開既所以應該都有一定既水準✨晏就1點幾泥到 可能係平日既關係 唔係話特別太多人 所以等左一陣就有得入去啦😗店面好細 但係牆身有好多卡通既畫 好得意諗左好耐食拉麵定沾麵好最後都嗌左沾麵泥食👍🏻魚介沾麵 $78啖湯唔係特別濃同咸 好好味😋但係可惜好快會唔熱😩唔知點解食極都仲有好多塊肉😂塊肉有燒過下 仲要好入味👍🏻張相影唔到隻蛋 比啲肉包住左原隻溏心蛋 正！建議大家唔食都拎左出泥先我朋友個隻熟熟地咁啲麵好彈牙 有咬口😋份量岩岩好 唔會話食唔晒但係 對於男仔泥講 可能就唔夠🙁我朋友就嗌左黑油沾麵 $80我無影到相 我食唔到太過濃同油😕 所以就覺得佢個碗有啲過咸😟

星期日訓醒覺黎食個拉麵brunch，1點幾黎到，唔到十個人排隊，都等左都近半個鐘，原因係間舖坐位太少。抹茶可樂、桃汽水各$18: 排隊排到熱辣辣，平時唔飲汽水都想飲返支，兩隻味都幾好，解渴。只有三款麵揀，有魚介、黑油、海老，都係豚骨湯底，沾麵或拉麵。因為知道沾麵一般較鹹，兩個都要湯麵。海老豚骨湯麵$83: 豬肉片唔會太鞋，半肥瘦，麵係粗麵無得揀，幾有咬口，但掛湯力一般，湯底蝦味唔會太鹹，幾好味，蛋係味附但不夠流心。黑油豚骨湯麵$80: 有明顯黑油，味濃，可惜湯太鹹，鹹到可以做沾麵啦，飲唔到，其他配料同上面果個差不多。第一次食赤橋，一個唔錯一個麻麻，暫時比個OK啦。

下雨天，由天水圍坐751輕鐵去食拉麵。今日好好彩，可能因為天雨關係，唔洗等位就直接入座。一坐下，店員由雪櫃取出2隻雪凍的水杯，另外取出餐牌。餐牌十分簡潔，只有3款湯頭。分別是原味，黑蒜及海老。麵可選拉麵或沾麵。今次點了海老拉麵，賣相十分吸引，濃濃的蝦味傳入鼻內。嚐一口湯頭，果然蝦味十足，每一口都是蝦的香濃，另外麵條看似偏硬，但入口煙煙靭靭，掛湯能力強。溏心蛋，蛋香味濃。叉燒，只有紙咁薄既2片，但十分軟滑。最後，為表對廚師的尊重與讚賞，我飲光湯底，一點也不剩。

去紅橋食赤橋，一個人吃晚餐，我通常都會揀食拉麵，我是拉麵控唔係第一次幫襯，我諗都幫襯左4~5次，第一次幫襯係因為有報道話係日本人開嘅拉麵店，於是經開就去試菜我星期一去，約6:15pm, 店旁已排左12個人，好彩我係一個人食，如果唔係要等下一round先有得入食緊個時，條隊都係1x人到，如果假期就自己諗諗d時間喇枱上有果醋&辣椒醬，等緊麵個時可以睇下"赤橋新聞"魚介湯拉麵湯底好正，濃而不鹹，唔會有豬味，我差唔到飲晒成碗都唔覺口渴或喉嚨乾叉燒：好腍，用條脷壓下就會散；唔會太肥，好味筍：入味，唔會硬葱花：新鮮，帶微辣蛋：醬油嘅香甜味帶出埋d蛋味，少少流心，好香，好正麵：不粗不幼，軟硬度我諗屬於中間(去d有得剔軟硬度嘅拉麵店，我會揀硬), 麵條裡面有d類似穀物嘅小粒，唔影響口感整體味道做得好好，都冇野挑剔d湯差唔多成碗飲晒

每之晚上經過，都會見到好多人在排隊，所以決家午市來嚐一下。午市較小人，但仍然有排隊等十多分鐘。它下午茶的時段時不開的。我點了個黑蒜油拉麵，另外加了麵底。它的黑蒜油十分之重味，味道亦較鹹。感覺有點重口味。而朋友點了豬骨湯，湯底比黑蒜油好喝得多，不過都是偏鹹的。本來一碗的麵不算多，所以我們另加麵底，它是另外用碗上的。環境上店舖較小，所以坐得也很逼，拿著袋的話，會比較辛苦。整體來說，味道還可以，不過晚上要排一個多小時，就好像有點誇張了。

傳聞中好味的拉麵-只有14個位由日本人主理的小館。海老豚骨和黑油豚骨湯底，剛開始吃時濃郁及後略嫌過咸，麵條尚算彈牙，玉子流心滑溜，蛋味未夠濃味（小妹喜愛濃味一點），义燒肥瘦適中且軟滑，整體來說，屯門區內近近地有這所麵館，也多一個選擇。

聽聞係屯門隱世沾麵店一直想試都唔得閒前幾日終於有機會試結果....兩個字, 失望同朋友兩個人排左半個鐘左右叫左兩碗沾麵 (一個黑油一個海老)黎到賣相都唔錯既但一食落口咸個湯得個咸字湯其他材料嘅香味比咸味cum晒食完要飲返幾杯水先得仲有個敗筆就係湯黎果時係暖既 (只係暖, 唔係熱!!!)湯唔夠熱個麵都冇咁好食呢度都要扣咁d分叉燒同蛋就不過不失不過最重要既湯唔好味仲話係屯門既隱世沾麵店名過於實應該都唔會有下次啦

見朋友話屯門開左間拉麵小店，緊係諗住支持啦！又見到佢網上面都幾有人氣，就更加想試去到果到，見到價錢都不非，不過自家材料用心整既話俾貴少少都抵既！受歡迎既代價就係等得耐，等左成半個鐘！入到去就點我想食既沾麵，之前都有係元朗"彩"同埋屯市"大門"試過，比較鍾意佢地個湯。今次黎到呢到食沾麵，中哂伏，除左咸之外就係咸，其他材料既鮮味出唔到黎。麵又唔算太特別，加埋個咁既湯真係另類絕配。仲要貴，你叫我再食真係不了！

住紅橋廿幾年，近年多左好多小本食店成日見到介紹，終於夾岩時間一試開在暗巷之旁，座位只10餘個。明白香港舖租貴，店舖選址不能奢求太多，好食就得一入店，很有家的感覺，好多童年睇過的漫畫坐在最入的座位，坐左一陣，好似唔夠冷氣，仲慢慢滲出一陣廁所味和尿味!!住左廿幾年，知道果個商場好舊，估唔到個沙井位響正舖頭出面! 但見座無虛席，可能係我主觀吧。和太太分別點了兩款沾面。80元響果區算貴。但湯唔熱，唔係要滾，但真係唔熱，同埋......好鹹!!唔係濃，係鹹。食兩啖入左一杯水，湯唔熱更令鹹味突出，原全食唔到肉同面的味道。太太頂唔順停手，連食得唔好嘥的我都頂唔順，離開舖頭仲要即刻買野飲

這次已經是小編第三次碰門🚪，終於能夠赤橋一番🌉基本來說，🌟晚上的你走入這條巷，根本不會想到這裡是虹橋，由章魚燒店到赤橋拉麵決對充滿日本味。赤橋係一間真真正正日本師傅打理的拉麵店，並非一般做樣當幾日店長就番歸。佢都相當熱心，門口經常大排長龍，他也不斷出出入入關心客人😊👍見到客人提著重物也主動幫忙。說到這碗拉麵～我不敢說色香味俱全，但絕對比上各大連鎖一碗擺設精緻，熱烘烘的湯底，讓人急不及待張開嘴巴。一口下去，雖然有點油，心裏一定會想，這久不久吃一次就好，但是絕對是可接受程度。但是，吃著吃著，可能有點鹹，於是就叫了一杯飲料～～就是可樂味！赤橋拉麵點餐如下，全部均附上- 海苔、超好食溏心蛋、叉燒、荀：魚介豚骨黑油豚骨海老豚骨辛肉味噌定價$78-$85。

黑面神B早前去左 #屯門 虹橋 每日都超多人排隊去食既拉麵店 食海老沾麵$85 湯底蝦味濃郁，鮮味十足！麵條自家制，帶有小麥粒，麵質彈牙，有口感！叉燒好香、好腍，肥瘦適中！溏心蛋👍🏻👍🏻👍🏻一般拉麵店都係半隻，哩間係全隻，仲係流心😍.-#赤橋拉麵 (屯門)屯門青菱徑9號華利大廈地下5號舖