Alzina Spanish Asador (Closed)

Definitely good value for money! Quality Is good too. 30% discount for Sun brunch is still valid in April and with additional $10 you get a nice cup of coffee as well. Portions are generous. Only slight complaint is quite noisy because the place is small. Would recommend it

有朋友介紹話呢度既西班牙菜非常正宗，今次就試試，果然無令叔失望，店內環境好有情調，同情人朋友黎呢度食野傾計非常合適。頭盤是特選橡木果黑毛豬風乾火腿，$128 半碟，肉質軟軟地，咸咸香香既火腿帶橡木果味道，配香脆既面包。銀鱈魚蛋餅，將鱈魚肉混入蛋醬忌廉同香料煎香，鱈魚味好香好鮮甜，不錯。炸龍蝦球$78，用新鮮龍蝦肉混入香料同忌廉炸到外脆內軟。和牛薯球$45，薯蓉入面釀有紅酒燉和牛面頰肉，肉質非常嫩滑，配蕃茄紅酒汁好香，上面淋上微辣既香料忌廉汁，仲有綠色既牛油果汁，同底下的忌廉汁，好豐富既層次，性價比非常高。原隻龍蝦燉西班牙炒飯，龍蝦好大隻，好厚肉，肉質鮮甜彈牙，外籍店員為我地拿出龍蝦上碟，避免overcook，仲幫我地分好2碟，送上蟹鉗同濕紙巾，服務非常週到。仲介紹呢種湯煮既西班牙炒飯係西班牙東北面漁村既獨有做法，湯汁非常濃郁，係前所未有既食物體驗。驚喜原來一浪接一浪，呢個黑毛豬烤肉拼盤絕對衝擊我對豬肉既睇法。用上3款黑毛豬部位，包括presa豬頸肉，pluma梅花肉，secreto豬肩肉，用胡椒同鹽煙燻加炭烤到5成熟，豬頸肉同梅花肉肉質非常嫩滑，juicy ，肩肉則較有咬勁，油脂味比

係誤打誤撞下，同朋友走左入呢間隱世既西班牙餐廳食飯，估唔到鬧市既小巷都有間正忠既西班牙菜！前菜香蒜辣椒橄欖油煎海蝦，醬汁濃郁味美，令海蝦生色不少。特色西班牙烤蕃茄麵包伴香蒜橄欖油呢個雖然係配菜但真係幾好食，又夠特別，先用蒜頭係麵包上磨出蒜汁，再用蕃茄磨，最後點上橄欖油，味道一絕，一定要試下！西班牙銀鱈魚蛋餅，傳統西班牙菜之一既蛋餅，配上大量既銀鱈魚，好滿足！原隻龍蝦西班牙飯，第一次試有湯汁既西班牙飯，平時食既都係risotto咁口感較硬，但呢個絕對有驚喜，湯汁充滿濃郁既龍蝦味，米飯亦軟身唔會ngan胃，推介👍🏼下次想食西班牙菜一定會再黎，仲有好多特色菜要試😋

雖知尖沙咀有好多好野食，又俾我發掘到一間好味既餐廳了一入到間餐廳，就聽到侍應們熱情地用西班牙語向我地打招呼，仿佛一下子進入左異國他鄉店內裝修都好有異國風情，微黃燈光帶點情調。我地一開始就叫左半打美國生蠔試下先，入口有少少海水味，after taste勁鮮甜，齒頰留香，this is heaven之後仲有原隻龍蝦西班牙飯侍應會分好哂俾我地，變成咁樣。有啲似粥又啲似湯飯，其湯汁係好香好濃郁既龍蝦味，好鮮。龍蝦肉質爽口彈牙，一啖龍蝦一啖海鮮湯飯然後輪到主角伊比利亞黑毛豬登場啦！我地嗌左拼盤，想知邊隻最好食。左著係Pluma，咬落去最淋，中間係Secreto，油脂分佈岩岩好，右邊係Pluma，燒得最香，油脂比較多，個人最喜愛secreto，入口即溶估唔到豬都可以整到好似牛扒咁好食，真的不錯。之後仲有和牛薯波，出面炸到香脆，入面係和牛mix醬最後當然唔少得西班牙既特色甜品，Churros!!熱騰騰既churros點上冰凍既雲呢拿雪糕增添左味蕾享受，但我最中意點佢既朱古力醬，佢用左黑朱古力所以唔會好甜，但亦保持好濃朱古力味，因為本身churros係比較甜，點埋黑朱古力醬唔會甜得制，亦相得益彰，pe

雖然平時唔係食得好豪，但始終都要慰勞吓自己，約吓朋友relax吓! 同朋友食好多時揀油尖旺，就返大家吖嘛!今次就試吓附近好多bar，好多外國人都去嘅寶勒巷地帶，咁多人外國人應該夠正宗喇啩!一坐底知道做緊買一送一，當然立即一人一杯sangria先啦，仲要叫classic嗰隻! 要注意一人要叫一杯，先有買一送一，唔可以share呢個優惠，記得係$88...尖沙咀地帶呢個價係好抵啦!食西班牙菜，邊少得傳統嘅seafood paella!個汁好惹味，汁同飯比例好好，唔會一舊舊汁，又或者乾爭爭，海鮮好新鮮，特別係蝦，好彈牙好爽，不過有男仔share就好可能唔夠食，要叫多個主菜啦!呢舊香煎鱈魚柳份量唔多，但足以令你上癮! 肉質鮮嫩但厚實，夾起唔會散開，入口食到白嫩魚肉嘅細滑，香煎製法但滑到似蒸魚! 味清嘅魚配上酸甜蕃茄汁而撈成嘅雜菜，好夾!另外再叫咗個薯角送酒，上面嘅香草汁輕輕減少咗薯角煎炸嘅重口味，咁又可以同朋友吹多一個鐘水啦!

行過尖東一帶，响附近揾好嘢食，記得以前行過近尖咀嗰一帶有不少好嘢食，就選中了呢一間門口裝修雅緻的餐廳醫肚。餐廳內以紅色為主調，跟大門的設計很有呼應。而且職員很熱情很親切的款待，值得一讚。西班牙銀鱈魚蛋餅呢味蛋餅的味道好特別，有陣陣的魚香，而個餅底有少少煎香的味道。除咗魚肉之外，仲會食到少少菜味，加埋面頭甜甜地的醬汁，肉質鮮得來帶點小清新。炭燒馬鈴薯平時食開的馬鈴薯係大大舊，而呢個就係細細粒，食落炭燒的味道都幾均勻。傳統西班牙海鮮飯呢個飯係原隻鑊仔上，好熱辣辣好有鑊氣。d 飯撈埋最面的醬汁一齊食，真係好有飯香好惹味。而食中間嗰兩隻蝦的時候係會啜到少少醬汁，同埋圍住的貝殼類爽得來係完全冇沙，感覺好 FRESH。伊比利亞黑毛豬 Presa呢個黑毛豬真係不得了~ 平時好怕食生肉的我，見到呢個黑毛豬中間紅紅地，但食落係完全唔會感覺好生。外面燒得超香，鎖住了裡面的肉汁，食落真係十個 JUICY，超讚~

最近老婆仔工作上的壓力加上去完旅行的回港綜合症很需要適當的逃離在搜尋特色餐廳後決定預約到這間西班牙餐廳晚餐果然一入來已經因爲播放著西班牙風音樂馬上感覺充滿異國風情加上坐下後有外國人招待更有逃離的感覺我們點了168元的傳統西班牙海鮮飯以及238元的特選伊比利亞黑毛豬柳拼盤飲品方面選了68元的Tropical Passion Tea Sangria另外再加了52元的西班牙吐司伴乳酪雪糕作為甜品先來的是傳統西班牙海鮮飯其實份量不多鍋很薄身本來已抱著尖沙咀晚餐是差不多價錢的心態但沒想到竟然如此美味感覺值得這價錢那位外國店員表示除了蜆是來自法國之外所有材料都是來自西班牙吃起來很濃味每粒飯都充滿龍蝦汁而每種海鮮也非常新鮮難得空運到港也能保持鮮味感覺製作很用心而特選伊比利亞黑毛豬柳拼盤包括了豬的不同部分根據菜單所寫就分別是Pluma, Presa和Secreto大部分都很有口感肉的感覺很突出再加上應該醃了很濃味的汁再加上肉汁不用點醬汁也相當夠味唯獨是份量不多感覺略貴這杯Tropical Passion Tea Sangria很清新很重但不帶刺激性的酸味而且夠大杯在吃過較濃味食物後非常適合最後是甜品西

喺香港唔太多地方有西班牙菜食，亦未算普及。但呢間餐廳一定會令你愛上西班牙菜！朋友介紹下去左呢間新開張既西班牙餐廳，甫進去已經有好大驚喜。餐廳裝潢型格又decent，牆上壁畫裝飾更好有西班牙特色！每枱亦有蠟燭點燃，氣氛一流！黎到西班牙餐廳，又點可以唔食 Tapas呢？呢度 Tapas有好多款，最後我地嗌左香煎西班牙蛋餅伴辣椒、炭烤茄子伴銀魚柳同埋potato wedges。香煎西班牙蛋餅伴辣椒新鮮可口，配料豐富，味道配搭得恰到好處！炭烤茄子伴銀魚柳茄子醃製得好入味，好有西班牙味道，入口微辣帶咸，作為頭盤一流！Potato wedges上菜時熱辣辣，證明新鮮製造！調味醬帶小辣！另外仲嗌左西班牙特色炒飯Paella!Spanish Paella一開始已經俾佢既貌相吸引！有好多海鮮，海蝦、青口、蜆、墨魚，非常足料！味道亦岩岩好！推介！又點可以唔提兩杯好飲既 Sangria呢！左為 Peach Sangria，右為Apple Sangria好濃水果味，非常易入口，但酒精濃度亦高，唔好飲太急啊！去過西班牙既我覺得呢度既食物幾正宗，裝潢、服務亦好好，呢一餐令我回想起喺西班牙既時光！

第一次嘗試西班牙菜,比我想像中好食好多. 經朋友介紹黎到尖沙咀既Alzina, 一入到去好有異國風情既氣氛,餐廳環景舒適亦都有足夠既座位,略嫌餐廳音樂有點大聲.頭盤我地點左美國生蠔($168/6pcs) 價錢中肯,味道亦都好清甜,夠大隻.原隻龍蝦西班牙飯味道好濃郁,龍蝦肉質亦非常飽滿. 另外再點多一款必食推介既黑毛豬拼盤,包括有Pluma梅花肉,Presa豬頸肉同Secreta豬肩肉,本人比較喜歡食Pluma多, 不膩👍👍👍最後甜品點左份朋友推介必食既Churros,熱辣辣既churros再加上朱古力醬同雪榚簡直perfect!  總括我會推薦俾朋友👍

入口脆皮，有d似食牛肉批既感覺！三種豬肉，唔同口感，豬脊肉好有咬口，豬肩肉食落好肉汁，豬面肉夠淋 正！飯香帶海鮮味，好食都不得了朋友專登推介我去食呢間西班牙菜!話唔好食佢俾番錢我!講到咁巴閉就等我去試下佢有幾好食.一入到餐廳職員已用西班牙話同我地打招呼!環境佈置都非常西班牙特色,十分浪漫.西班牙出名黑毛豬,簡單點左三度菜,分別脆炸和牛薯蓉球,西班牙海鮮飯,黑毛豬拼盤，價錢合理，環境同食物一流。我朋友真係無介紹錯l

西班牙菜都係第一次食，環境唔錯，有個外籍靚仔招呼我地！😂😂😂😂😂首先，叫左一個「雜錦伊比利亞火腿拼盤」，可以試曬佢咁四種火腿&辣肉腸，包括：白毛🐷火腿、伊比利亞黑毛🐷辣肉腸、伊比利亞撇拉米香腸、梅諾卡島伊比利亞香腸！個人比較鐘意食....伊比利亞黑毛🐷辣肉腸，夠味道，而且有口感！不過，佢既白毛🐽火腿都唔差嫁👍睇下佢幾通透，食落仲有好香好濃郁都豬味，用黎配酒一邊飲一邊食係一流既選擇呀😍然後我地點左一個「傳統西班牙式脆皮乳豬」，的確好香口好脆皮，而且非常厚肉，配上醬汁更能夠將肉味提升😋最後黎左一份「西班牙吐司乳酪雪糕」為晚餐點上句號！上凍下暖，睇到雪糕溶緊就知啦，而且吐司外脆內軟，配上雪糕既冰凍，以及乳酪既微酸，簡直係好味呀❤️餐廳晚上十一點打烊，我地由八點半邊食邊傾計直落到尾，有興趣記得早啲黎啦😘

13/2晚，與老婆提早慶祝情人節，老婆鐘情西班牙菜，當夜沒有訂枱， walk in 只得吧枱，當然唔介意，氣氛仲比一般枱好。西班牙餐廳响香港唔算少，但要揾間又地道又有中文 menu 既就難D。當晚坐吧枱， open kitchen , 面前就放咗隻 pama ham ,氣氛一流。店員係香港人，很方便介紹菜式比我地先 order 兩杯西班牙特飲 sangria (頭 round 白酒),店員亦問咗我地鐘意既濃度及口味去調制(女士可選擇酒精濃少，果味重D)。先來兩個頭盤，烤茄子伴洋蔥紅柿子椒伴橄欖油/俄羅斯沙律配八爪魚伴地中海香草汁。兩款菜，用料新鮮，開胃，佐酒一流。再來兩個主菜，西班牙海鮮飯/西班牙脆皮乳豬。海鮮飯用料豐富，飯身口感適中。西班牙脆皮乳豬~皮脆肉嫩，配上玉桂蘋果醬，減少了肥膩感。甜品當然係 churros ，熱辣辣既 churros 配上凍冰冰配雪糕。餐後再點了兩杯 sangria(今次紅酒),為這餐豐富大餐劃上完美既句號。

中意食西班牙菜嘅朋友就岩啦，呢間真係好正，環境又好，食物又好，服務更好 環境好舒服，燈光柔和，牆上嘅裝飾都好典雅，如果想三五知己聚舊傾計，又或者情侶浪漫共享晚餐就岩晒啦餐廳食西班牙菜式的，所以菜式方面都好正宗，先來一個頭盤是西班牙的火腿。呢款係拼盤嚟嘅，有四款嘅Palma Ham, 每款口味都唔同！但一樣嘅係佢地都好香好正之後就到主菜啦，主菜點了西班牙海鮮飯，佢地個飯好足料，海鮮有大蝦、有墨魚、有肉粒、有青口等。而飯嘅軟硬情度都好適中，基本上都幾夠味的！當然少不了店員推介的烤乳豬啦！一上菜時已經係切左幾份，而且非常香，非常吸引肉質非常鮮嫩，雖然係烤，但唔會因為咁而無晒水份，加上外皮都好脆。而最新奇應該就係果兩個醬汁了，一個是BBQ醬汁，另一個是梨汁。梨汁甜甜酸酸，令到食完咁多肉唔會有好膩嘅感覺！最後就來個甜品了！呢款甜品真係好出名，中意食西餐/西班牙菜嘅朋友應該唔會陌生吧！所以我地都點左一份，真的很不錯！香、脆、甜！正

赫德道酒吧林立，平時淨係知道有一橦商廈有食店，竟然係途中俾我地發現呢間餐廳入面有幾位係外國人既侍應，可能係老闆🙈幾smart幾靚仔架，好熱情咁介紹呢度既堆介。餐廳燈光有啲暗，裝修好grand好有情調，而且睇餐桌上既餐具擺位，都知道呢個餐廳好講究。平日嚟食野，classic red/ white sangria買一送一。兩jar四個人都足夠。sangria內充滿生果，果味甜，易入口，女生飲都幾適合。自己比較喜歡white sangria，比紅酒個款更甜☺️特式西班牙烤蕃茄麵包伴香蒜橄欖油 $45岩岩上碟既時候，已經聞到麵包香。佢地介紹蕃茄係西班牙到港，教我地將蕃茄同蒜頭先後同麵包磨擦，再加點橄欖油，呢個組合，蒜既刺激帶啲蕃茄既酸甜，橄欖油再中和帶起鮮甜，特別又好玩第一道Tapas係香蒜辣椒橄欖油煎海蝦 $108蝦肉爽口，而且吸哂蒜味，帶少少辣，惹味脆炸龍蝦球伴香辣青汁 $72外皮好脆，食到蝦肉，份量岩岩，兩口都食完一舊，唔油膩脆炸和牛薯蓉球$45呢個大約一個女士拳頭咁大，有三款醬汁，辣得嚟又creamy，外皮一樣鬆脆，牛肉選用和牛面豬，好淋，帶甜味食西班牙菜好多時候都遇上蛋餅，呢個西班牙銀

聞說西班牙菜最出名的是黑毛豬及海鮮炒飯，一直都很想品嚐一下，經同事介紹了這間餐廳， 店內有很多特色西班牙菜風味十足！實在期待以久！餐廳內裝修佈置充滿浪漫情調，燈光柔和， 店內播放著輕快的西班牙音樂，客人可以放鬆心情， 盡情享用晚餐。脆炸和牛薯蓉球率先上枱，外層鬆脆香口， 入面是新鮮和牛及薯蓉，加上秘製醬汁一試難忘傳統西班牙海鮮飯賣相不單只吸引， 而且非常足料， 有蝦，青口，蜆，魷魚。海鮮都好鮮甜， 飯粒都能吸收海鮮的精華，真係原汁原味，實在意猶未盡想多吃一點！另外，必食既當然係黑毛豬拼盤啦， 分別是黑毛豬的頸部，背部及頸背中間位置（如果無記錯的話）， 肉質同口感各有不同，烤得好香而且肉質幼嫩多汁,下次絕對要帶屋企人再來品嚐一下！