Amitie Kitchen (Moved) New Location

咁岩同朋友係尖沙咀果邊行完街，夜晚梗係要揾返d好野食，朋友之前黎過呢間餐廳食野，主打西餐，聽落都有一致既好評，所以一於跟朋友去試下。餐廳位置都算方便，地鐵站行5至10分鐘就到，餐廳係商廈入面，一上到去覺得裝潢唔似普通西餐廳咁classic, 裝修似cafe多少少, 都幾有驚喜, 肚餓既我地就快快手坐低睇menu叫野食。炸黑松露薯條呢個薯條好大驚喜，睇落份量唔算好多，但十分飽肚，長薯條炸得十分香脆，就算擺耐左都唔會冧，唔會太咸，配埋黑松露香味同埋灑左d香草落去，味岩岩好，食到停唔到。咸蛋黃醬汁煙肉蘑菇意大利麵咸蛋黃醬汁好香口，而個汁比較結身，忌廉味都幾重，而意大利麵軟硬度都岩岩好，不過食得多會有少少膩。晚市套餐套餐都幾抵食，包左好多款菜色，而我地就揀左以下呢幾樣。小麥圓包，牛角包，脆餅上菜既時候包都仲係暖，小麥圓包既質感都幾鬆軟，牛角包都頗鬆化，而脆餅味道就略淡但都幾鬆脆，而且餐廳亦都幾貼心，送上牛油同埋果醬俾我地去送餐包黎食。忌廉栗米湯呢到既忌廉味比較淡，但好明顯食得出粟米係搵攪拌機攪過，而唔似坊間原粒栗米既栗米湯，食落更加容易入口，而栗米味都幾濃郁北海道帶子蘑菇意大利飯伴黑松露呢個意

聽朋友介紹， 呢間樓上私房菜—「Amitie Kitchen」嘅主廚係前本地著名5星級酒店廚師主理，相當有實力， 食物相當有質素！😯 就同小妹黎試下～ 呢到菜式以多國菜為主， 亦有set dinner、二人套餐， 感覺幾經濟實惠～ 先送上麵包拼盤，種類豐富， 有無花果包、墨汁包和牛角包🥐， 麵包香脆可口。 廚師是日餐湯為粟米忌廉湯， 飲得出係用新鮮粟米打， 粟米味道清甜，還有啖啖粟米小粒，口感十足！😎 香煎西班牙墨魚仔伴辣肉腸 油醋沙律菜配上香辣惹味嘅墨魚仔和辣肉腸， 感覺幾醒胃～ 芝士BBQ醬燒美國🇺🇸豬仔骨（$198） 一上枱就聞到香噴噴嘅芝士味～😌 3支骨都算肥美肉厚， 唯肉質略嫌不夠軟嫩。🙊 配菜薯條🍟新鮮熱辣炸好， 不錯吃！ 烤燒大啡菇、焗釀鮑魚、北海道帶子、虎蝦意大利飯伴龍蝦汁（$218） 小編完全係因為見成個菜名d材料咁豐富而被吸引～😂☺️ 果然無令我失望！ 賣相相當精緻， 3個大啡菇上釀入龍蝦汁意大利飯， 意大利飯煮得軟腍入味，又不失嚼勁， 再加上不同配料， 磯燒鮑魚醬油味突出，肉質鮮嫩爽彈， 帶子外層剛煎熟，裏面保持半生熟， 虎蝦都幾大隻，口感彈

呢日同朋友黎餐廳慶祝生日，單點左兩樣野之後，店員就捧上一大盤麵包，因為餐牌上面係無寫既，感覺都有啲驚喜既🤔全部包都暖笠笠，估計每款包既份量應該係按人頭比，牛角包帶有牛油香，脆片係微辣既，餐包就同平時一樣，可以搽牛油或者果醬🥐👁‍🗨 松葉蟹味增蟹羔鵪鶉蛋意大利麵伴白酒忌廉汁（7/10）💲178松葉蟹味增蟹羔比得幾慷慨，味道頗為濃郁，仲有生生地既蛋黃係上面，撈埋一齊好有蛋香😛但係其實本身個白酒忌廉汁亦有蛋香，而且都creamy既，或多或少似卡邦尼咁，唯獨係酒味就稍微薄弱，入面有菇、蕃茄、洋蔥、黃紅椒，意大利粉彈牙😳👁‍🗨 香意大利煙肉、大啡菇芝士牛肉漢堡配炸薯條（7/10）💲158叫左個單份既漢堡，個包有牛油香🤗面頭既煙肉幾厚身，賣相似韓燒既五花腩，中間部份會帶點肥膩🥓至於大啡菇多汁夠曬juicy，芝士牛肉留有少少粉紅色，食落都唔會話太乾🍔呢度既炸薯條比較幼身，勝在夠脆口，但係無咩我鍾意既啖啖薯口感🍟👁‍🗨 伯爵茶奶凍（7.5/10）💲38見到雪櫃仔入面放左啲甜品，見到個伯爵茶奶凍都幾吸引😍食落伯爵茶味比想像中黎得香濃，質感滑溜👁‍🗨 熱情果梳打（7/10）💲28熱情果梳打真係有好多熱情果

朋友生日，想搵間靚少少但又靜少少嘅餐廳慶祝，見到餐廳網上評價唔錯，預先book左檯，避免到時去到要等位咁掃興。環境唔算特別靚，但勝在燈光調得暗暗地，幾有情調，所以見到唔少情侶黎食。平時食野，見到有set就嗌set,貪佢夠抵食，今次都唔例外，不過其實除左menu上嘅野食，發現餐廳黑板上都寫左其他更多嘅選擇。首先上檯嘅係西餐一定有嘅餐包，比起其他餐廳，餐包種類真係幾豐富下，有牛角包、提子包同餅乾。是日餐湯係番茄濃湯，質地幾傑下，味道新鮮唔假。沙拉有兩種可以簡，自己比較偏愛紅菜頭果款，加左黑醋，酸酸地比較開胃。芝士BBQ醬燒美國豬仔骨豬仔骨燒得好入味同好嫩，份量一個人食應該會覺得略膩，但味道有驚喜。餐會加埋薯條，薯條係幼身果隻，似McDonald，比起粗身薯條，口感不足。北海道帶子蘑菇意大利飯伴黑松露一上檯，見到三大舊帶子，非常搶眼，帶子味道都冇令人失望，夠鮮甜。不過略嫌黑松露味唔算太出，蘑菇切得太細，口感層次路夠兩杯熱檸水值得一提，雖然職員人數唔算多，但service唔錯，見冇水就不停斟，抵讚！

一放工就過黎尖沙咀呢到食，6點鐘冇人，吾洗排隊，不過好多張枱已經留座，所以最好都系book定位。餐廳入面仲有房仔添，岩哂一d唔想太嘈既食客去食座位闊落舒適，燈光柔和，感覺好放鬆。記住睇埋牆上既餐牌睇下仲有咩野食叫左個dinner set同蒲燒特長鰻魚流心意大利飯share食先上餐包，有竹碳脆餅、牛角包及小麥圓包餐包上到黎香噴噴，牛角包仲好大陣牛油香甜味，食落好飽足。最特別既係竹碳脆餅，係外面餐廳比較少食到，微微既竹碳味，好香口。是日餐湯，洋蔥湯簡簡單單，細嚐到洋蔥本身自然清甜味，少少香草係湯上吊味，美中不足既係稍為油膩。前菜系香煎西班牙墨魚仔伴辣肉腸，好喜歡蕃茄既清甜味。彈牙墨魚仔、咸香辣肉腸片，爽脆沙律菜，伴青檸汁，清新開胃。主菜叫左芝士BBQ醬燒美國豬仔骨（3支骨）配炸薯條$198芝士鋪上豬仔骨一齊焗，加熱左既芝士軟綿綿同豬仔骨紮實既肉質形成兩種口感。豬助骨肥美肉厚，BBQ醬汁唔會太突出搶去肉味。幼薯條放耐左仍脆身。另外再叫左個蒲燒特長鰻魚流心意大利飯 $218鰻魚長達30cm，聽落好吸引，睇落又有噱頭，食落名副其實。鰻魚燒得恰到好處，邊位少少焦脆，肉身不乾柴，香甜既醬汁融入鰻魚。

平日較少到尖沙咀的樓上cafe，這天就來到捷利商業大廈的Amitie Kitchen吃晚飯。餐廳的佔地不算很大，不過食客挺多。餐牌內的食物選擇不少，不過，我們認為set dinner 的價錢較化算，因為內裏已包括餐前小食、餐湯、主菜及飲品，價錢由HK$198 - HK$388不等。一坐下，店員已火速送上不同款式的麵包給我們，如：香草包、牛角包及小餅干。燒紅菜頭、菲達芝士合桃沙律伴黑醋汁紅菜頭本身是帶有點點的草青味，但燒香後草青味已經完全消失，配上口感圓潤的菲達芝士，香脆合桃及黑醋汁，味道酸酸甜甜，非常醒胃。香煎西班牙墨魚仔伴辣肉腸這個餐前小食的賣相非常細緻，上層加了細細隻的西班牙墨魚仔bb，有趣特別，沙律菜口感清新，加上辣肉腸的點點辣香及鹹香味，蠻好吃。 是日餐湯是忌廉粟米湯，湯質濃稠適中，每一口都充滿粟米甜香味。北海道帶子蘑菇意大利飯伴黑松露意大利飯口感油潤，非常creamy，飯粒軟硬適中，帶有濃郁的黑松露香味，而帶子厚身，味道鮮甜，口感結實，個人認為非常好吃。芝士BBQ醬燒美國豬仔骨這個豬仔骨做得非常出色，不但入味，而且非常厚身，豬仔骨肉質嫰滑，加上上層加了大大塊的芝士，令香味提升

有時去餐廳都係睇feel, 唔係一定講有無music，仲有燈光，食物，人。呢間餐廳都幾好feel。佢既食物質素仲真心唔錯。亞厘士道真係有唔少滄海遺珠。我同男朋友點左一個set, 散叫左個意粉&小食。先上既係餐包！我無諗過有餐包既，因為我印象無係menu上見到。但surprise我既就正正係個餐包，真心好食，好高質！三種不同味道，不同質感的包和餅，都令人覺得好香！重點係d包上個時係熱架！好好味！呢個係粟米湯。同屋企煮既粟米湯唔同，佢攪碎左D粟米，所以食到既粟米唔係一粒料既，係再細粒好多，質感好得意。整體都幾creamy+fresh。等緊食物到個陣我就俾個蛋糕櫃勾左魂。好多選擇，而且都幾靚，唔知係自己整定買架呢？先上既係沙津，個沙律係跟餐既，但個份量似係叫左半份沙律咁。無諗過章魚仔同沙律菜都夾得埋，兩種不同既鮮味加埋，真係好fresh! 另外仲有幾片辣肉腸，係厚切個種，好有咬口。呢個作為開胃菜有80分！因爲真係好餓，諗住薯條可以快D上，所以叫左個薯條小食。但我想講，佢個份量係非一般咁大！呢到應該有成4包M記薯條咁多好誇張。佢炸得好香脆熱辣！每一啖咬落去都會有聲，唔會有D係林既。都未食到一半

山竹雖然走左, 屋企啲儲糧又實在食得差唔多了, 媽咪話悶左屋企幾日,想出去食飯輕鬆下喎, 好啦, 今日近近地去尖沙咀同佢食個飯吧~ 係亞士厘道食街行左一陣, 見到有一間叫名"AMITIE KITCHEN" 小小的, 看來幾Warm咁, 而且幾枱客環境幾靜, 所以就決定食呢間了~ AMITIE KITCHEN主打西餐, 單點或set dinner都有, set dinner 價位約百尾到二百尾, 包complimentary bread, 湯, 沙律, main course, 飲品(幾款免費, 另有啲要加錢) 選擇都幾多, 價位中等唔貴~ 我地單點左意粉同飯, 好快complimentary bread就上枱了~ 要讚下係一人會送三款唔同種類既面包, 包括餅干條、牛角同普通面包, 配有牛油同杏埔果醬, 對於開始覺得肚餓既我來說, 又頂肚又好食! 咸疍黃醬煙蘑菇意大利麵 - 味道唔錯, 意大利麵口感彈牙, 再加上咸疍黃醬好惹味! 材料雖然普通, 但都淋滿一碟, 包括洋葸粒, 煙肉粒等等, 好夠味又唔咸, 好食! 陳年意甜醋慢燴澳洲牛面肉- 可選半份或一份, 我地揀左半份,

燒紅菜頭菲達芝士合桃沙律伴黑醋汁，黑醋甜甜酸酸好醒胃，有3大片紅菜頭，紅菜頭好有益，有降血壓及減肥功效。我就喜歡粒粒的菲達芝士，用羊奶做成，奶味濃郁。另一款頭盤是西班牙墨魚仔伴辣肉腸，有大約十隻BB墨魚仔，煙煙UNUN，另辣肉腸只是少少微辣。 是日的餐湯為粟米湯，內有打了蓉的粟米，很香很甜。主菜選了BBQ醬燒豬仔骨($198)、北海道帶子蘑菇意大利飯黑松露($228)。豬仔骨大件肉厚，配菜的薯條超好味，幼身薯條特脆。 意大利飯的巨型帶子煮得熟度剛剛好，用刀切開時都感覺到它的嫩。醬汁頗多，每粒飯粒都可均勻地沾有醬汁，但黑松露味可再加强。

基本上呢間餐廳係十分標準既西餐廳,地方唔算太大, 坐得都算舒服.正正常常.呢到既意粉, 汁比較多, 可以見到底好多汁,比較Juicy, 味道都係唔錯, 十分入味, 尤其蛋黃味,多汁代唔代好稀呢? 就唔係既, 一樣都係好痴身,d意粉痴到d汁, 所以煮得相當不錯.呢個係豬鞍, 照舊多數西餐廳都會叫你7成熟,咁就睇你敢唔敢食生小小既豬, 佢黑毛豬, 一般品種靚小小個d 都可以生小小食, 唔洗全熟,7成熟食既話 , 個口感會爽d 就d肉唔會太老, 所以敢食7成個d不彷一試.不過我覺得薯菜方面有小小唔夠飽既感覺.薯條份量相當之多, 不過幼薯條口感無咁好, 如果粗身d會更好食,比較美中不足就係d薯條太幼身, 唔夠靚, 份量都有小小過多, 基本上3-4人食先可能岩岩好如果2人食, 應該食唔落.整體服務算係熱情, 價錢合理.

尖沙咀亞士厘道係一條出名多美食既街頭，即使當時還在尖沙咀附近上班，下了班還是會去那兒覓食我的同事都「開飯怪物」- 最喜歡到處覓食，我們當時都讚同只要是她選的定必有一定的質素。這是一間樓上鋪的咖啡店，我們不坐下來，侍應就先送上一碟希三種不同口味的包。見到相信食完都覺得飽左😆朋友的🍓特飲我的玫瑰花🌹茶 - 好香而且杯碟好靚😍燒春雞既香草味濃而且好滑😋牛扒是每次同呢位同事食飯必備😛甜品整到好靚但可惜我等左好好耐先上不過味道唔錯😉發掘美食—由J子做起😚 xxo

呢間樓上西餐廳有d似私房菜既部局，星期六晚黎到都好爆場餐廳都有好多用手寫既餐牌連張餐紙都好吸引坐底冇耐，就已經有堆熱辣辣既包送到面前，我地四個人，佢就送左8個包我地，有香草包同牛角包，醬都可以揀草莓醬同牛油，我鍾意食牛角包多d，夠哂鬆軟，又有牛油香味餐廳好細心，個湯下面放左支小candle，咁個湯就唔會咁快凍小食就叫左個田螺，一共有六粒，田螺肉加左好多蒜蓉一齊焗，雖然焗完就綠綠地色，但食落就好香蒜蓉味，仲有旁邊既薯蓉記得要食埋唔好哂由於漢堡包製作需時，所以大家請盡早落單！一黎到都幾驚喜，因為份量實在係好多，薯條上面有好煙un既芝士漢堡包既餸係出奇地多，有一大塊煎香左既鵝肝，下面就係一堆切左粒既龍蝦肉同沙律菜，個汁我就揀左隻帶酸味既醋汁，大家唔鍾意酸味既話可以揀蛋黃醬架呢個漢堡包都係好大份，但薯條係用左蕃薯條，所以佢係橙色同甜甜地！軟殼蟹係非常之巨型，呢度炸完之後都可keep返個蟹型架，個包入面仲有d沙律醬、牛油果、沙律菜，看似冇咁邪惡魚係真心出色，外層煎得夠脆，但魚肉依然係咁滑，想濃味d可以點埋個醬一齊食架最後個粉都有好多料，仲有隻流心蛋係面，如果個汁可以再creamy d會更好

Amitie Kitchen位於尖沙咀亞士厘道，呢間西餐廳之前都有朋友推薦去食，而且尖沙咀係我同朋友既中間點，晚飯就去試下呢間！呢度裝修簡約，環境唔算好大，但坐位都幾舒服我地叫左精選晚市套餐另外再叫左法式焗田螺同埋低溫烹調法國有機雞腿一Set共有三款迷你餐包及脆餅，包括牛角包、香草包同埋竹炭脆餅，餐包暖烘烘送上，麵包夠哂鬆軟！先黎既係晚市set dinner的跟餐沙律: 燒紅菜頭菲達芝士合桃沙律伴黑醋汁燒香左既紅菜頭味道微微帶酸，另外配以黑醋汁食落十分開胃！加埋菲達芝士同埋合桃一齊食富有口感！是日餐湯係栗子忌廉湯，面頭有灑上煙肉碎，帶有微微鹹香，栗子味夠哂濃郁，好Creamy法式焗田螺加咗蒜蓉青醬去焗，非常之香口惹味，底下嘅薯蓉好軟滑同好香牛油味！而芝士BBQ醬燒美國豬仔骨賣相好吸引！有一大塊芝士在面！Ribs肉夠厚身，肉質脂肪比例均勻，食落唔鞋口亦唔會太油膩低溫烹調法國有機雞腿，雞腿以低溫慢煮，肉質夠滑之餘亦好鮮嫩，食落一啲都唔鞋！另外有香煎意大利煙肉配慢燴時蔬，煙肉夠厚身，脂肪比例均勻，滿口脂香，配以黑松露牛肉汁一齊食，非常美味

唔經唔覺已經一週年了☺️❤️雖然是日傾盆大雨但亦無阻我地慶祝既好心情☺️適逢有朋友早前介紹呢間樓上西餐廳氣氛好之餘食物質素亦唔錯還掂接完女友收工喺附近行街一於黎撐下枱腳啦☺️Amitie Kitchen位於尖沙咀亞士厘道從尖沙咀站A1出口經海防道行過黎亦十分方便呢度裝修簡約而且環境亦唔算好大但最緊要營造到個氣氛同埋坐得舒服☺️呢度除左散叫食物之外亦有晚市套餐同二人晚餐😆都有唔少吸引既野食😋我地最後叫左精選晚市套餐既Set A加餐湯沙律另外叫左低溫烹調法國有機雞腿同埋法式焗田螺餐包十分豪華既餐包Set😍一Set共有三款迷你包及脆餅包括牛角包、小麥餐包同埋有芝麻香既脆餅啲包包夠鬆軟之餘又唔會太油膩😋餐包暖笠笠送上係最好食😆芝麻香脆餅亦焗到香香脆脆的😋十分香口同有口感！另外有附上牛油同果醬亦顯細心☺️精選晚市套餐套餐我地選擇左沙律餐湯做前菜同埋主菜芝士BBQ醬燒美國豬仔骨😆沙律係燒紅菜頭菲達芝士合桃沙律伴黑醋汁燒香左既紅菜頭味道微微帶酸另外再配以黑醋汁食落亦十分開胃！😆而配上菲達芝士同埋合桃一齊食夠哂Creamy之餘亦富有口感🤤是日餐湯係栗子忌廉湯面頭有灑上煙肉碎帶有微微鹹香😆栗子味十分之濃郁🤤再同忌廉

由Openrice 得知呢間店主兼主廚都曾經喺五星級酒店任職過，於是今晚晚餐就決定上黎呢度同屋企人食一行出電梯就已經係餐廳門口，而且亦都會見到大大個餐廳招牌而門口嘅右手面就放左唔同媒體所介紹嘅剪報除左餐牌上嘅菜式，牆上亦都有多款推介食物，我通常喺餐牌上都簡唔到，因為太多選擇啦，而牆上面嘅推介就岩晒我。正式開餐之前已經有三款餐前小食比我地，分別係牛角包，餐包仔同埋脆餅乾$88 酥皮龍蝦湯 --- 餐廳細心用小蠟燭為龍蝦湯保溫，等我地可以有時間慢慢食其他食物先，又唔怕個湯凍晒會唔好飲$88 法式焗田螺 --- 田螺隻隻都好大隻，咬落口又爽又彈，配合埋香草焗，令到我食完一隻接一隻而田螺下面嘅薯蓉質感亦都好SMOOTH$98 白汁磨菇煙肉意大利面 --- 上面有一隻溫泉蛋，可以選擇撈埋一齊食或者就咁食左先亦得.$158 脆炸軟殼蟹配牛油果併蕃薯條 --- 軟殼蟹大大隻，岩岩炸起嘅軟殼蟹好脆好JUICY好大隻呀$178 阿拉斯加比目魚柳 --- 魚柳煎得好滑，食入口令口腔充斥著滿滿嘅魚油香味