嵐山日本料理

Open Now

Now Closed

尖沙咀係日本野既競爭之地，周圍都係，仲要間間都唔錯，而呢間都算我地食完又會再食既日本料理店鋪，而且openrice book 位仲可以有85折。1）$ 438 sushi combo （壽司12盛） 本身我地想叫刺身，不過價錢太貴（好似要$1200）所以就退而求其次叫壽司，但其實都好，起碼飽。 呢12件壽司，平均一鍵37蚊，價錢唔算貴，但質素好好，每一件都好新鮮，好厚，一淡食曬簡直係大滿足！我自己覺得呢Set性價比最高，哈哈，明既就明。2) $ 188 fatty tuna & spring onion （海膽葱花拖羅卷）海膽同拖羅都唔便，但整左個卷都只係$188, 超值呀，而且好好食。其實日本野，原材料好，來貨靚，師傅刀工好，點都唔差既，係咪~3） sake清酒我地兩個人，其實一壺都飲唔曬，不過食日本野，飲sake先有Feel噶嘛。 呢壺不過不失啦，好似唔貴。

<Hong Kong🇭🇰•Tsim Sha Tsui>“咬我唷！刺身壽司燒物樣樣齊”疫情嚴峻，擋不住同Sisi 終於有機會一齊食飯🥳大家都話返工太辛苦，放工梗係要食好啲，慰勞吓自己😌刺身三點深海池魚｜油甘魚腩｜金目鯛三款刺身肥美😋深海池魚爽口清甜油甘魚腩厚身油潤金目鯛軟滑煙韌有嚼感，魚肉鮮甜唷手~鯛魚薄切壽司魚肉鮮甜，魚肉味香濃，正！明太子山藥日本山藥大家都知道有藥膳功效，估唔到可以成為串燒物！山藥本身清香無味，配上明太子，鹹香十足！第一次食，口感好豐富，仲幾好味😋無骨釀雞翼雞翼去骨釀滿餡肉肉，雞皮金黃香脆，若然叫埋一杯清酒更加絕配！鹿兒島黑豚五花腩鹿兒島黑豚肉，油脂同肉嘅肥瘦分布平均，多汁可口！印象中$38幾抵食炸雞皮餃子🥟師傅將雞皮包住餃子嘅肉餡，煎炸後雞皮變得卜卜脆，非常可口！稻庭海鮮石頭鍋鳥冬湯底用立魚煎香再煲湯，魚香十足。奶白色湯底，清甜又香，幾濃郁！石頭鍋裏面有唔少海鮮：蝦、青口等等，烏冬Q彈~

尖沙咀棉登徑抵食日式料理 星期日至三晚市有全單85折！刺身最緊要夠新鮮 呢個價錢真係好正🔥 真鯛薄切$108/10片、赤身$98/2片、油甘魚$68/2片勁厚身、甘蝦$78/4隻🦐 餐前小食白飯魚干豆腐沙律($98)有驚喜 有4-5塊好脆鹹鮮味超足既白飯魚干👍🏻 串燒類推介大家試下田樂豆腐($28)、燒雞皮餃子($38)同鹿兒島黑豚五花腩($38) 唔好以為豆腐好普通 燒到外脆內軟 面頭燒汁帶微甜但惹味 送酒一流🍶燒雞皮餃子一串三件 已經燒晒油脂走 釀左餃子餡鹹鹹香香🥟 小小餐廳食物選擇好多 仲有天婦羅、鍋物同烏冬炒飯等等 黑松露帶子炒飯($138) 一上檯truffle味道撲鼻而來超級濃郁 日本米炒得煙韌夠乾身而且仲有啖啖帶子粒🤩 menu實在太多嘢揀打算下次約更加多朋友一次過試多啲 仲可以開埋sake！

鯛魚薄切沙律 $108鯛魚薄切, 肉質細嫩紮實, 而且頗有魚味. 加上新鮮沙律菜, 加左蟹籽、三文魚籽、車厘茄, salad dressing 柚子醋食落更refreshing 🥗 兩切赤身刺身 $98 兩切三文魚腩刺身 $58 石垣貝刺身 $88赤身大片厚切, 有魚甘香；三文魚腩厚身油潤；石垣貝有嚼感火炙壽司盛6點 $268最正一定係大拖羅, 魚脂香味濃郁誘人.黑松露帶子反有點可惜. 帶子對半切開口感扣左點分, 而且黑松露味太搶蓋過帶子甜味平目魚邊亦係我喜歡, 火炙後更逼出魚脂, 豐腴美味柚子胡椒油甘魚腩, 口感軟嫩帶淡淡柚子清香味噌蟹膏牡丹蝦, 蟹膏味濃, 牡丹蝦質感細緻微甜都唔錯柚子鮮八爪, 爽口嘅口感什錦天婦羅湯烏冬 $138天婦羅炸衣唔會太厚, 幾香脆. 有兩隻蝦, 一款魚, 同一片蕃薯. 烏冬滑溜, 如果再有咬口會更喜歡. 算係不過不失. 厚牛舌 叫多左串燒發現幾有驚喜, 牛舌厚身口感紮實帶Q彈感, 帶濃郁牛香味薩摩赤雞翼 燒得剛剛好, 外層香脆而中間肉嫩保有肉汁.

🍣🍱🥩🇯🇵🥢介紹下我呀媽鐘情嘅尖沙咀日式餐廳😂🍵平均Around $138-$158、魚生壽司🍣餐約$200，平就唔叫平，但高質full set定食套餐，我覺得不俗🤩重點係好食！呀媽真係去完又去，完全唔厭，笑左🤣🐂$158 安格斯牛肉薄燒甜甜嘅牛肉薄燒包裹住爽嫩嘅芽菜，健壯瘦肉有條條紋路嘅脂肪，不會太瘦不會太膩，嫩滑水潤，配上香蔥脆蒜，脆蒜係my favourite ，香口去膩😍，醬汁配合得宜，令一切都好夾，唯一係好快食悶😢🤣不過佢仲有茶碗蒸、沙律、漬物。我呀媽反覆食就食呢個餐。🐂$168 網燒安格斯肉眼扒不錯😂，肥瘦適中。唔明點解要係日式餐廳食肉眼扒，但係啲醬料係一如既往嘅甜甜日式調料🥰，好味。🐂$168 雜錦壽司迷你牛肉烏冬一次過滿足你兩個願望，可以試晒咁多隻壽司同埋暖胃嘅牛肉烏冬。🍵以上套餐都會送返杯雪糕俾你，次次去都唔同口味，我暫時記得試過芝麻、豆腐、抹茶🍵🍵佢同隔籬嗰間《嵐山日本料理》應該係姊妹店，賣啲野幾乎一樣，所以冇位就過隔離，但嵐橋個陳設裝修較雅座舒適。📍 嵐橋日本料理 (尖沙咀)尖沙咀棉登徑白蘭軒道2號富峰行M層及1/F（門口係地面）📍 嵐山日本料理 (尖沙咀)尖沙咀

在尖沙咀的棉登俓，有多間日本餐廳，當中我覺得嵐山集團的餐廳，很值得向大家介紹哦💕～曾經去過嵐橋日本料理和嵐橋丼飯等地方吃飯，每次的食物質素都很好，所以今晚去嵐山試試～ 「 鯛魚薄切沙律🥗$108 」 新鮮又鮮甜的鯛魚，魚肉爽滑，漂亮通透。沙律用醬油調味，又加上大量蟹籽，好豐富。 「 竹刺身盛😋 $428 」 超級吸引的竹刺身盛😍，有中拖羅、油甘魚、三文魚、鯛魚、甘蝦和赤貝，份量超級豐富。刺身相當新鮮，中拖羅油份適中，油甘魚爽滑，三文魚厚切，鯛魚鮮甜，全部都不錯呢～ 「 山葵八爪魚&火炙平目魚壽司🍣 $56&84」 山葵八爪魚壽司，嗆辣刺激😋，而火炙平目魚則油份十足哦～「 鵝肝牛柳粒石頭鍋飯😍$188 」 邪惡到爆炸伊鵝肝石頭飯，有三大片厚鵝肝🥳。把鵝肝和牛柳拌匀，香氣十足阿。

呢排返新工要適應新環境都有D攰，難得呢日超級早收工，就去食日本菜開心下！去咗棉登徑嘅嵐山日本料理，之前lunch hour食過日本丼飯，刺身超級新鮮，性價比都好高，呢晚就試下佢其他主食！北寄貝($258)夏天貝類當造，點咗一客北寄貝刺身，北寄貝口感爽脆，味道甘甜鮮味！刺身拼盤（深海池魚$98/2切；油甘魚$68/2切)刺身非常厚切，深海池魚魚油豐腴，魚味濃重，油甘魚厚實滑嫩，油分同樣豐滿。海膽蔥花吞拿魚卷($188)每件壽司都包住軟綿嫩滑嘅吞拿魚蓉，再鋪上金黃鮮甜嘅海膽，貴氣十足！芝麻雞翼（$58@2)鹿兒島黑豚五花腩($38)田樂燒豆腐($28)估唔到串燒都好有水準，特別推薦田樂燒豆腐，雖然個樣有少少似臭豆腐，但味道好有驚喜！炸得外薄脆內嫩滑，豆味香濃，加埋甜甜地嘅醬汁，超好食！芝麻雞翼炸得金黃香脆，肉質juicy嫩滑，灑上芝麻，更加香口！松子仁鰻魚炒飯($148)炒飯份量十足，炒得乾身香口，而且每粒飯都沾滿鰻魚醬汁，好惹味！加入松子仁都好特別，令口感更加豐富！

呢日放工之後約左朋友去尖沙咀食好嘢，尖沙咀呢間日式餐廳超級高質。今次點咗好多唔同款嘅刺身，包括牡丹蝦、油甘魚、中拖羅、金目鯛、活赤背、鮫鰈魚同埋八爪魚，望落去色彩繽紛超豐富。刺身非常新鮮，中拖羅油脂分明，非常肥美。牡丹蝦大大隻，肉質鮮嫩，唔錯。除咗刺身之外，呢度嘅燒物都值得一試。今次點做免治雞肉棒、雞皮餃子、鹿兒島黑豚五花腩同埋燒豆腐，超滿足。另外，重點咗呢個天婦羅盛盒，天婦羅完全唔會有油膩嘅感覺，配埋啲醬汁一齊食好正。

星期五走進位於棉登徑既「嵐山日本料理」店內日式居酒屋🏮裝修非常有感覺🎏餐牌有多款食品選擇🙌除咗魚生刺身外仲有串燒🍢鍋物及日式主食等等….🍣 壽司盛八點手握壽司嘅擺盤好靚🧡拖羅入口即容👍墨魚爽口彈牙🤤帆立貝厚身鮮甜😎甜蝦鮮味得嚟又有令人難以抗拒嘅黏黏口感😋深海池魚、三文魚🐠都好正👍不過我最鍾意還是鮮味十足口感豐富嘅海膽三文魚籽拖蘿容杯🤤🥙蟹籽沙律夏天成日會想食沙律🥗呢個沙律以青瓜絲做基底，配上大量口感十足蟹籽😋感覺清新🥰🐠池魚刺身呢條池魚由日本🇯🇵空運直送🤪刺身每片厚薄非常均勻🤩肉質彈牙鮮甜🥰沾埋特製醬汁可以提升刺身鮮味😍🐥薩摩赤雞翼雞翼夠大隻😊火喉啱啱好燒到皮夠香脆之外中間肉質仲好滑溜Juice🤤🐷鹿兒島黑豚蘆筍卷黑豚豬肉包住爆汁既蘆筍😊燒到剛剛好唔乾柴👍🐟燒白鰻魚白鰻魚肉質爽脆厚身😍外層魚皮燒到微微焦脆又沒有細骨配搭特製醬油😌食落啖啖肉好好味😋🌽野菜天婦羅盛盒天婦羅個皮好酥炸不厚粉🥳食哂咁多款都唔會覺得膩❤️特別中意秋葵😊粟米芯🌽另外冬菇都幾厚肉多汁好唔錯呀🥰🐮安格壽喜燒 安格斯牛肉🐮肉質係嫩腍👍壽喜燒汁味道好濃🤤豆腐嫩滑👍 時蔬及菇類吸收哂湯汁好正🥰特別喜歡底部既粉條呀😋

有一段時間沒有來這間日本餐廳了，餐廳隱身於棉登徑，提供刺身、壽司、串燒等多款日本美食！金目鯛刺身，刺身厚薄適中，望上去好精瑩，刺身新鮮，點上附有的酸汁，魚的味道好鮮甜！白飯魚干豆腐沙律，沙律菜拌勻芝麻醬，豆腐凍得黎又嫩滑，而白飯魚干脆卜卜，整份沙律酸酸味味很開胃！壽司盛八點，壽司包括有三文魚、赤身、油甘魚、金目鯛、帆立貝、池魚、甘蝦和拖羅蓉海膽杯，刺身全部都好新鮮，而拖羅蓉海膽杯拖羅味道濃郁，海膽creamy又鮮甜，上面仲有三文魚籽，口感豐富！薩摩赤雞肉蔥串，雞肉塗上甜甜的燒汁，雞肉嫩滑，加上蔥段，味道美味！安格斯牛柳粒，牛肉粒厚身，肉質鬆軟而且juicy，牛肉味都幾濃，不錯！鹿兒島黑豚秋葵卷，黑豚肉夾住秋葵，味道清新又減去油膩感，十分正！茄子，第一次食日式燒茄子，茄子上面有大量木魚絲，點上醬汁，味道好清新！松子仁鰻魚炒飯，炒飯好香口乾身，內裡有大量鰻魚肉，非常足料，而且份量都好多，兩個人食每人都有兩碗仔！

♡Sashimi Set B 嵐刺身盛$658(大拖羅2切,時令魚薄切8片,深海池魚2切,油甘魚2切,三文魚2切,帆立貝1隻,赤貝1隻,甘蝦4隻,左口魚海膽卷4件)賣相好靚好豐富🌼刺身新鮮但魚既油脂味比較淡，海膽味亦唔濃左口魚刺身，無筋，肉質柔軟，易於入口，但個人都係中意食燒過既左口魚，油脂味濃郁d呢個價錢就有d失望♡軟殼蟹牛油果卷$128唔夠熱，食落軟殼蟹同牛油果味道都比較淡♡薩摩雞肉豆乳鍋(骨膠原入)$168雞肉好嫩滑，好有雞味豆乳湯底好幼滑入面仲有d類似薯粉既麵，冬菇、青豆、蘿蔔♡荔枝梳打$38底下有d椰果，唔會太甜唔會太多氣，易入口❣️呢到係ipad睇menu，再叫職員落單menu 都好多選擇有刺身壽司、串燒、炸物、鍋物、飯同烏冬價錢中上，食物環境就一般位置係內街，接近K11

呢間都成2-3年無嚟過，咁岩朋友今晚約嚟食飯，佢好好嗌定野食等我收工衝嚟，好彩餐廳好近地鐵站口，出地鐵行過對面馬路就到～ 餐廳依然咁旺咁忙～ 🅢🅐🅛🅐🅓《 鯛魚薄切沙律 💲108 》鯛魚薄切好清甜，蘸啲酸汁夠提味又開胃～🅢🅐🅢🅗🅘🅜🅘《 兩切深海池魚刺身 💲98 》《 兩切油甘魚腩刺身 💲78 》三款刺身都夠肥美：深海池魚爽身清甜；油甘魚腩厚身油潤；《 兩切金目鯛刺身 💲118 》金目鯛軟滑得嚟煙韌有嚼感，魚肉鮮爽清甜～🅢🅤🅢🅗🅘《 鮮八爪魚壽司 💲56 》- 八爪魚比較有嚼感，鮮甜但好似唔太岩做壽司～《 帆立貝壽司 💲76 》- 帆立貝大件香軟～《 蟹膏豆腐壽司 💲96 》- 豆腐啖啖蟹膏甜味～ 🅢🅚🅔🅦🅚🅔🅡🅢《 薩摩赤雞肉蔥串💲38 》 - 薩摩赤雞肉質彈牙而肉味濃，大蔥都甜～《 鹿兒島黑豚五花腩 💲38 》- 豬五花部位油脂豐富，薄身鮮美爽口～《 厚牛舌 💲52 》- 厚切但唔會太韌，中間位有肉汁～ 🅕🅡🅘🅔🅓 🅡🅘🅒🅔《 黑松露帶子炒飯 💲138 》賣相幾靚幾豐富，陣陣松露香，帶子肉亦多，米飯粒粒分明口感煙韌，而且炒得爽身唔油膩，份量夠晒2個人食～ 咁旺嚟講上菜都算

禾稈冚珍珠，估唔到細細間餐廳，咁高質。喜之次係必食推介，魚頭、魚骨燒，好香，魚油味好濃郁。1.日本蠔，好肥、好大隻，好甘甜。2.牛扒燒得啱啱好，配個汁食，一流。3.燒雞皮好脆，不過略為咸咗啲。4.燒番薯好甜，冇諗過番薯仔咁甜，正。5.串燒雞胸軟骨，幾香口，燒雞胸軟骨唔係度度都有得食。6.魚肝就略為遜色，好似有陣罐頭味。7.巨型帆立貝刺身，超級鮮甜，冇得輸啊！4人前，食咗5千幾蚊，飽到捧住個肚走😂有下次。

出咗成日街，終於可以坐底歎返個DINNER，今晚揀咗位於尖沙咀既嵐山日本料理。竹刺身盛 六款刺身🔹鯛魚，肉質彈滑柔韌🔹鰹魚，脂肪含量少，偏爽口🔹油甘魚，肉質肥美好鮮甜🔹中拖羅，魚香持久，滿口甘香🔹赤貝，肉質爽厚彈牙🔹甘蝦，軟綿帶甜壽司盛八點🔸帆立貝，鮮爽帶甜好肥厚🔸甜蝦，肉質細綿，味道甜美🔸金目鯛，油脂含量適中，肉質細膩🔸油甘魚，鮮美甘香，風味鮮甜🔸鰹魚，口感綿密🔸深海池魚，肉質細緻爽口🔸鯛魚，綿軟甘甜🔸海膽拖羅蓉，海膽鮮甜，拖羅蓉充滿魚油香鮮八爪魚沙律新鮮八爪魚清脆彈牙有嚼勁，沙律菜份量十足，清新健康之選。安格斯牛肉鍋燒烏冬牛肉肥瘦均勻，肉味香濃，口感軟腍，烏冬煙煙韌韌好有咬口好彈牙。另外再叫咗幾款串燒免治雞肉棒將免治雞肉混以雞軟骨，口感豐富，拌以蛋黃汁同食，絕佳組合。厚牛舌口感爽脆，肉香juicy，一啲都唔會韌。雞皮餃子香口酥脆又多汁！燒無激素鵪鶉髀肉味濃，肉質有韌勁，好有咬口。鹿兒島黑豚五花腩油脂豐富，啖啖鮮美爽口。

平時夜晚最鍾意約三五知己去尖沙咀嵐山度食日本料理，佢有個壽司盛，非常高質又低食，平均一件$40 👍👍👍👍👍👍有中拖羅、赤身、油甘魚、深海池魚、帆立貝、火焰平目魚邊、日本牡丹蝦、赤貝、三文魚籽、日本海膽、日本直送魚 2 件。賣相又吸引又抵食😋😋😋😋😋😋😋😋