ASK cafe

Open Now

Now Closed

打印咖啡☕️花花Cafe.呢間Cafe好少女心💗入到去整個佈置都係五顏綠色嘅花花🌺🌸🌼每個角落都可以打卡😍特別係餐廳最中心頂頭嘅花花吊串🥰.除左裝飾用心，cafe嘅另外一個gimmick就係打印咖啡☕️可以將你心水嘅相片印落去咖啡上面，炸蝦尾真係好得意🍤☺️，溫馨提示，最好就揀啲背景係白色嘅圖案，咁樣打印出嚟會更加清晰😎小編唔飲得咖啡都無問題，因為熱朱古力一樣可以做到🍫🔺熱朱古力🔺Baileys朱古力特別介紹後者，個Baileys味的確係好香濃，落足料㗎非常之夾🥰cafe好少見有得飲！.麻辣脆雞條食落真係麻麻辣辣咁🔥係幾辣，但辣得來又好過癮🤪又無骨喎真係超方便😌.Summer夏之Waffle甜品一樣咁出色，呢個waffle外脆內軟，係我好鐘意既texture🤩有多粒士多啤梨🍓、雲呢拿雪糕，伴碟好有心思添🤭係紅桑子醬開心果碎😚

以前係上環返工，皇后大道中都係必經之路，今日故地重遊嚟食個lunch先🥰餐廳每處都放滿花花草草，連枱裡面都放有花瓣，超級Igable✨而且地方寬闊，傾計都特別舒服😌🍴主食🍴1️⃣牛油汁虎蝦意粉🦐 $148: 店員推薦幾款餐單未印嘅新菜色，我聽到有虎蝦就叫呢款啦🤭意粉滲透咗牛油香味，口感煙韌彈牙；虎蝦有3大隻，易剝殼好入味。2️⃣意大利茄蓉焗豬扒飯🐷 $125: 茄蓉比一般茄汁稍為淡，但加左啲車厘茄就更易入口，豬扒唔會太肥膩，份量亦足。🧆小食🧆1️⃣日式醬燒墨魚餅🦑 $78日式燒汁加芝麻勁香口, 同墨魚餅好夾👍🏼☕️飲品☕️Mocha $44Chocolate $40只要係可加牛奶嘅咖啡或朱古力，都可以經藍牙send圖案比店員，印到心儀既圖案喺飲品上，試完感覺多線條嘅圖案拉出嚟效果比較好，打咭必叫😄

印圖coffee好玩亦好飲，上環環境不錯的chill cafe～～～星期六放假，屋企冇人，自己嚟咗附近嘅呢一間coffee shop到食午餐。雖然話係午餐，但起身比較遲，所以黎到兩點幾。～～～呢間Cafe環境幾靚，透光度亦都唔錯，幾多人喺度打卡。天花板有好多🌸花花裝飾，檯面有啲萬聖節獨有嘅南瓜等等，好kawaii～～～🐟日式照燒鰻魚飯 配潰物、麵豉湯$138鰻魚肥美厚身，咬落魚油滿滿，加上熱辣辣米飯🍚，醬汁味道也是恰到好處。加埋潰物、麵豉湯，一個人食飽足非常。而值得一提嘅係佢哋嘅麵豉湯係自己煮嘅，裏面加入咗洋蔥同紅蘿蔔🥕，味道好清甜同一般嘅麵豉湯唔同。～～～佢哋有得玩印圖畫嘅☕️咖啡，非常吸引，左諗右諗有兩幅相都好想試下，一幅係我鍾意嘅海賊王，一幅係兩個可愛嘅小姪女，最後忍唔住叫咗兩杯飲品，一杯Hojicha latte，一杯就hazelnut latter。效果出到嚟都好滿意，雖然餐廳提醒咗Hojicha印出黎會比較灰色，好彩佢哋嘅印刷都幾清晰，雖然係灰色但係最後望落都幾靚，而且🍹飲品除咗有貌相之外，味道亦都好。～～～ASK cafe (上環)上環皇后大道中181號新紀元廣場低座2樓2

知道上環有一間特色的印花咖啡餐廳「ASK Cafe」，一場來到，我當然唔可以錯過！店鋪環境佈置得甚有氣氛，高樓底配上一朵又一朵花兒，營造出花海嘅感覺，舒適自然，令人樂在其中。當然第一時間問下咖啡打印嘅細節，基本上咖啡/朱古力都可以做到，只需說明自己喜愛嘅公仔圖案即可。講得出，印得到，我喜愛嘅路飛/麵包超人圖案就走出黎啦，真係忍不住同佢地打卡一下，咁靚嘅圖案都不捨得破壞佢😅。Rose Latte入口甜度啱啱好，散發出陣陣嘅玫瑰香味，香甜又清新。百利甜酒鮮奶咖啡個人喜愛有點點甜酒味道嘅Bailey咖啡，入口Bailey味濃郁，香甜順滑，值得慢慢品嘗。ASK蜜糖雞翼雞翼中不止加上了香甜蜜糖醬，更添了香茅配料，外層香脆，內層還保持嫩滑口感，令人回味。香辣蒜香蜆肉意粉意粉上嘅蜆肉份量頗多，而且鮮甜多汁，加上香辣蒜香嘅口感，香口惹味，蒜味十足。

#置身花花世界#充滿少女心cafe琴日放假同老公去上環拍拖， 無意之中搵到呢間有花花牆既cafe好多打卡位架！鐘意打卡既朋友仔唔好錯過！重點就係佢地既咖啡可以影任何圖案！我地將一家三口同囡囡linabell既合照印係咖啡上面！ 依家唔係間間cafe可以做到❤️好靚靚到有少少唔捨得飲！食物我地點咗麻辣薯條，好惹味夠曬刺激！加上熱辣辣，轉眼間就清哂！另外，我地叫咗兩件cake, 我就最鐘意蛋白檸檬撻， 碟上面仲好有心思灑咗啲花瓣，好清新味道好夾又唔太酸👍而我老公鐘意食白桃撻，大大粒白桃果肉係上面，甜甜地有咬口！

有2位主子陪我食lunch 我覺得好幸福呀綠色主題 counter 餐廳內都以綠油油樹葉 🍂 花花做裝飾 環境舒服 枱與枱之間有空間感 唔壓迫 而且有素食餐牌 黑松露雜菌意粉$118意粉軟硬適中 熱辣辣 頓時無左果份抗拒菇感 微微黑椒辣味 證明廚師整得好好味 好老實懷孕後已經好無食菇 唔係無得食 而係每次入口都好抗拒素食全日早餐$108 友人叫左全日早餐 係蛋奶素 有大啡菇 茄汁豆 牛油果 蛋 牛角包 蕃茄等等 睇佢表情應該唔錯 另外 我地仲order 左印圖畫咖啡同朱古力飲 一杯Tiger 1杯花弗 印咩圖案都得 但一定要清晰既相印出黎先靚 由於無提供植物奶選擇 純素者及乳糖不耐症者不適合飲用

第一次寫食評因為真係喜出望外一開始因為有得打印相而去點知因為服務態度而震驚當然，佢哋嘅咖啡同蛋糕都好靚 好好食 😋一入門，發現職員好nice，好有禮貌入座後仲介紹餐牌，同我哋講打印相要揀邊種我哋揀相有啲耐，佢哋都好有耐性等雖然我同男朋友唔係嗌咗好多嘢食，因為太飽，淨係order咗兩杯咖啡同一件cake，但佢哋都好好笑容，仲主動問我哋中唔中意杯杯咖啡，了解客人嘅需要，盡量滿足🥹呢樣真係好少有最後，因為環境好舒服，我同男朋友坐咗三粒幾鐘，好滿足咁走～因為佢哋嘅服務態度，我決定，呢間會成為我飯堂，我會成日嚟幫襯！💕因為呢種令我有賓至如歸感覺嘅餐廳係香港真心難搵🤣🤣#因為有我同男朋友張相#所以唔方便po兩杯咖啡🫢

因為好評同朋友推介決定嚟試吓結果同上一個食評嘅食客一樣，食到一肚火未正式入去餐廳坐已經感受到嗰位四眼男店員嘅趕客態度，但一場嚟到就決定照樣入去食，當時樓面得佢一個，想點餐嗰陣唔見咗人，要咖啡師叫先過嚟，點餐態度差到我唔該都唔想同佢講，食到中途佢去咗執枱，執到好似酒樓咁，啲杯碟乒鈴嘭唥，推櫈又好大聲，成間餐廳氣氛破壞晒😐其實餐廳嘅食物味道同賣相都好好，今次食咗窩夫，份量好夠擺盤又好靚，咖啡都唔錯，哩個價錢可以印埋公仔/相都幾抵又好飲，但有咁嘅服務態度真係好倒米，希望餐廳負責人見到可以正視下問題

為左杯打印咖啡而黎😆只要提供相片就可以印你鍾意既圖案🤡·🍅意大利茄蓉焗豬扒飯（$118）同事點既～佢話大家樂焗豬飯好食同抵食啲😆·🍝黑松露帶子意粉（$138）覺得佢既意粉幾出色！好好味！勁香黑松露，醬汁杰身creamy👍🏻每一啖意粉都掛有大量醬汁，回味無窮😋帶子微微煎香，鮮甜不俗·🦪白酒青口意粉（$128）都係得到好評既一碟～·☕️Flat White. 印上主子🐱傻傻更更既樣子，真係唔捨得飲😆同事印左anson lo、公仔，全部都掛住影相無趁熱飲🤣·📍Ask Cafe上環皇后大道道中181號新紀元廣場低座2樓206-207號鋪

野食水準係唔錯😉。我地都算常客係附近返工，金日俾平時人多，吾知係咪轉左員工睇場，之前個個態度非常好親力親為👍👍，而新果個四眼胖仔不停指指點點D女員工出餐。自己就企定定企鵝咁係門口收銀位置。完全吾落手做野，我幾位同事更加試過佢服務態度非常差趕人走心態。簡直知所謂！！⚠️另外我地成班全層同事決定咗四眼胖仔仲系道的話，我地暫時吾會再去⚠️。嘆個lunch tea要我地受你氣。老闆睇到的話，最好正視一下果位員工

點咖啡或朱古力星期六下午，陪媽媽食下午茶氹下老人家開心，帶媽媽嚟好多花裝飾嘅ASK Cafe打卡。呢度佈置好適合女性，隔離兩枱都係嚟打卡嘅女士們📸食物方面普遍偏鹹，唔算好出色，唯一特色係可以打印自選相片響咖啡或朱古力上面。為博媽媽一笑，點咗杯咖啡打印咗爸爸媽媽嘅相片上去🥰隔離兩枱客人見到亦立即點咗咖啡，增添咗店員工作量🙉🙉店內食物普遍屬精緻擺設，工序繁多需要時間較長，故店員都比較忙，但佢地整體都態度良好，尤其係女店員主動有禮值得表揚👍🏻

放假當然要去搵間Cafe chill下，今次朋友想試下打印咖啡，就嚟咗呢間ASK Cafe😃*****煙火雞蒜片意粉（$108）好香蒜味，雞肉又唔柴，岩曬唔食得海鮮嘅我😋-ASK蜜糖雞翼（$68)原來以為同蜜糖雞翼都係得蜜糖味，點知呢度會有埋香茅味，好有驚喜😃-ASK 漢堡包（$108）漢堡包都幾大個，牛肉都好有牛味，如果可以多啲汁會更好🙆🏻‍♀️-泡沫咖啡（$42）只要有奶嘅咖啡都可以打印出自己鐘意嘅圖案，我就簡咗我至愛嘅努蘇🥰好可愛😆-蘋果肉桂雲呢拿雪糕窩夫（$88）蘋果肉桂呢個配搭成日都見，夾埋鬆軟嘅窩夫，好食😋

店員見到我女朋友用鬆弛熊口罩後咖啡即用3D打印鬆弛熊公仔甜品味道很好吃榛子味極濃行過上環可以嚟試下。環境很舒服。坐咗兩個鐘都冇俾人趕走，啱晒晏晝冇嘢做黎Hea下

Didn’t plan to come here as the place I wanted to go was closed but I’m happy to find this nice place. It’s very spacious and beautiful with very girly decorations. Lunch set includes soup or salad and a drink..🥂Spaghetti with Scallops in Black Truffle Sauce $138I couldn’t resist the temptation of black truffle. The pasta was delicious and the scallops were fresh and in good size. The sauce clung to the pasta quite nicely but the portion was quite small and I felt hungry again after 2 hours.Over

我媽媽好鍾意種花🌺 自細屋企就好多花花嘅野，露台係媽媽嘅小花園，種滿鮮花💐。呢排我哋活得有啲攰，於是就約咗媽媽去間裝修好靚，勁多花花嘅𝑪𝒂𝒇𝒆度歎下，一入去個天花板好似花海咁，倒吊咗好多玫瑰花🌹💗 連枱面嘅透明玻璃下都係花瓣同乾花，好𝑪𝒉𝒊𝒍𝒍。我哋一人點咗杯打印𝑳𝒂𝒕𝒕𝒆😍 我揀咗寶寶嘅相，媽媽就揀印👶🏻，一見到成品真係心心眼，好靚喎！！唔捨得飲呀😳 專屬咖啡☕️好窩心💗 我會為咗寶寶再嚟㗎☺️ 強烈推薦俾大家！食物方面小食拼盤嘅蟹餅係心型㗎💕 味道有層次，香脆濃郁，雞翼熱辣辣，薯條又粗又長🤤 甜品大愛呀！！♥️ 香蕉🍌朱古力窩夫🧇係勁夾嘅組合，醬料都幾多下，香蕉外表係焦糖皮，咬落去又唔會太甜啵😚 而我最愛係佢嘅朱古力蛋糕🍰 蛋糕不可貌相呀😌 佢係真正將朱古力同香蕉化為一體🥰 我本身諗住食一兩啖，唔小心食咗大半個🤪 強烈推薦🍫🍰今次媽媽好開心咁俾朋友睇啲相，見到佢咁開心我都好開心🥳 等我繼續搵多啲好嘢食啦💗