阿叔泰麵 (西菁街) (Closed)

去泰國最喜歡食船麵, 成日都好懷念嗰種好特別嘅湯底, 香港亦越來越多地方有船麵食,今次就試吓呢間元朗人氣店先店外裝潢走鄉村風, 有搶眼黃色窗門, 亦有復古木枱凳進入餐廳牆上畫咗好多壁畫, 好有泰國風, 都頗有特色我揀咗牛肉船麵, 牛腩整得好淋, 又夠入味, 湯底十分香濃, 飲落唔會口渴。船麵配料包括: 炸豬皮、肉丸、芽菜、通菜和花生碎。豬皮炸到脆卜卜, 肉丸又彈牙, 成碗麵都好正麵條幼身爽口, 咬落有口感, 好易吸收晒湯嘅精華, 真係好惹味朋友叫咗豬手飯, 正宗泰式滷水味道, 豬手份量足, 仲去埋骨, 食落啖啖肉, 再加上炆得好腍入味, 撈埋酸菜真係好開胃

呢間船麵元朗好出名，今日收工就同老公來試下😎.🌶泰北金麵 $62老公好想食辣辣就點左呢碗，香濃椰汁咖哩湯辣辣的配上粗蛋麵好惹味仲好多汁！雞髀值得一讚好嫩滑👍🏻.🐷🐮牛肉/豬肉豬麵 $15/一碗來到呢間緊係要試下最出名的泰式船麵！船麵層層疊細細碗，好有係泰國酒店自助早餐的感覺！味道相當正宗，湯底鮮甜麵煙煙韌韌，幾濃花生味道，最喜歡炸豬皮好食！牛肉豬肉都好淋身，枱面仲有四款醬料，去過泰國就知點加落船麵😎好懷念🤩.🐔🦐阿叔拼盤 $88（二人份）好貪心咩都想食就點了個拼盤：酸辣無骨鳳爪、香茅魚露雞翼、炸蝦餅、炸丸、粒粒雞棗，炸物相當出色，配上泰式辣醬好好食，最喜歡蝦餅炸得又彈牙又脆.🍹菠蘿梳打 $24食辣辣緊係要叫杯野飲，菠蘿梳打好清甜，仲有幾粒新鮮菠蘿！正😋.雖然小店佈置好有心思，食物十分正宗，一邊食一邊聽住泰國音樂，感覺真係好似去左泰國咁！

我好鍾意食泰國嘢，不過就好少食泰國麵，不過朋友強力推介呢間餐廳俾我，咁我就去試吓啦。我哋叫咗個炸蝦餅，一碟有三舊，切開有六件。蝦餅都幾彈牙，同埋食得出材料好足，唔算好多粉，正！朋友話船麵好出名好好食，所以我就叫咗一個牛肉船麵，入面有牛腩、丸、芽菜等等。枱面有一個食船麵嘅簡介，就係要將枱面嘅四樣配料，包括糖、醋、魚露同辣椒一齊放落碗麵度食。呢個食法都幾新鮮，我未加呢四樣配料前先試咗個湯底，都幾濃味，之後加咗呢四樣配料落去係令到個味道更加有提升，真係仲好味左！朋友叫咗個蛋炒咖喱蟹肉飯，佢話呢個好好食。所以我就食咗幾啖，入面蟹肉都幾多，咖喱味唔算好辣，送飯真係一流。我最後叫咗一杯碟豆花芒椰奶香，一放上枱面係紫色嘅一杯野，超級靚！椰香味好香好重，唔算太甜，好飲。

而家冇得去旅行，唯有食返d地道野止下咳。冇得去泰國唯有去食下船麵啦～呢間「阿叔泰麵」既立場都好鮮明，而且雖然細細間，但味道一d都唔差，有機會一定要試下牛肉船麵（$60）正所謂食麵最緊要係個湯，船麵既湯一定要有豬／牛血，見到碗湯黑炆炆就知道一定冇偷工減料，而且湯頭味道濃郁，味道偏向甜味。而牛腩都炆得好淋好入味，牛丸亦阿爽口彈牙，仲有脆卜卜既炸豬皮，可以好似油炸鬼咁吸哂d湯一齊食。餐廳亦都有小Tips提醒加埋魚露、辣椒粉、砂糖同白醋自己配塔，會更加惹味～總之就四大調味～缺一不可～火辣阿嫂青木瓜沙律（$48）阿嫂辣唔辣就唔知，但呢個青木瓜沙律都真係幾辣，而且青木瓜新鮮爽脆，仲有d粉紅蝦皮係面，食落更加惹味阿咩糕點拼盤（$38）有2件斑蘭糕、一件椰青糕同一件椰汁西米糕斑蘭糕好煙韌，椰青糕清甜爽口，椰汁西米糕充滿椰香味，三樣都充滿泰國風味

餐廳無華麗嘅裝潢，但牆身畫滿富有泰國特色嘅壁畫，天花吊住與泰國有關嘅裝飾，聽住泰國電台播唔知唱乜嘅泰文歌，食住泰國地道嘅船麵，好有身處係泰國嘅感覺😌🇹🇭豬肉船麵（$60）湯底以牛骨熬製，除咗有豬肉丸及豬肉片外，另有芽菜、通菜、花生碎及炸豬皮等配菜；餐廳建議加埋魚露、白糖、白醋及辣椒粉入湯底享用，但即使唔加都好夠味，配埋比一般米粉幼身嘅泰國米粉，確係幾好食😋🇹🇭冬蔭功湯麵（$60）冬蔭功湯底唔會好辣，味道酸酸地夠惹味開胃，配料有青口、豆卜、蟹柳及海蝦；青口及海蝦煮到啱啱好，唔會過熟影響口感，而豆卜就吸收晒啲湯汁好入味，嗜酸辣惹味嘅人士應該會鍾意❤️🇹🇭熱蜂蜜菊花露（$18）飲到有菊花嘅清香及蜂蜜嘅香甜，呢個天氣飲的確好滋潤😌🇹🇭Singha（$25）食得泰國菜，點少得飲返支泰國啤😌本身想點象啤，但得返Singha，既然都係泰國啤酒就無所謂啦😆

話說琴日同朋友行街嘅時候，見到有間商舖好似木屋嘅設計，睇真啲原來係一間麵檔，所以肚餓嘅我睇下有乜嘢食，見到係泰式餐廳，見好耐冇食過泰國嘢，同埋入面都坐得好滿，應該都唔差，所以就入去試下。入去見到成間鋪頭都有好多好有趣嘅卡通，望真啲原來係唔同嘅卡通人物喺度煮麵同食麵，天花板就見到有好多泰式嘅設計同埋舖頭會播住泰國嘅音樂所以自己都去咗泰國咁樣。見佢餐牌上面都有好多泰國嘅啤酒，不過我自己唔識飲酒，所以就無緣飲用了......我同朋友分別嗌咗一碗牛肉船麵配金邊粉同豬肉船麵配蛋麵，飲品就叫咗一杯玫瑰荔枝梳打。飲品好快就會上枱，雖然略嫌飲品比較細杯，可以大杯啲就更好，不過飲品都好濃味而且荔枝亦都十分之大粒，亦都好夠凍所以都收貨！跟住就係主菜，朋友覺得佢嘅豬肉肉味好重，而且肉丸都好彈牙爽口，佢最鍾意就係食啲炸豬皮，覺得非常之脆，配埋湯咬落去就好配合。而我就覺得我嘅牛肉船麵嘅牛肉分量好足，有四大舊牛腩，而且每嚿都好淋唔會太肥，我食嘅時候都有跟佢哋枱上面嘅指示，加一啲白醋同埋魚露落去，果然個湯真係好飲咗好多，可以做到提鮮，最後我竟然將成碗湯飲曬。我同朋友都覺得佢哋啲麵好爽口，而且都可以吸到啲湯，見到隔離

好耐冇去泰國，突然好想食一碗泰式船麵，所以今日放工就同朋友去元朗一間叫阿叔泰麵既餐廳，食返碗地道泰式船麵。 依度有幾種麵可以揀: 牛肉船麵，豬肉船麵，泰式椰子雞湯麵，泰北金麵，冬蔭功湯麵。每個都有好多麵底可以選擇:金邊粉，河粉，米粉，粉絲，蛋麵。我地最後揀咗一碗牛肉船麵，一碗豬肉船麵。牛肉船麵裏面有新鮮既牛骨湯，好濃郁既牛骨味，裏面有牛腩同牛丸。配料有芽菜，通菜，花生碎同埋炸豬皮，好入味。豬肉船麵都係有新鮮既牛骨湯，裏面有豬肉片同豬肉丸，配料一樣有芽菜，通菜，花生碎同埋炸豬皮。飲品就揀咗碟豆花芒椰奶香，甜甜既椰奶加埋一片片既芒果，好好飲

今晚同朋友到元朗逛街兼亨用晚餐。元朗周邊環境已經改變了很多，有很多食肆進駐這區。行到每一處都有很多細小的食店，有些頗有風格。今次同朋友去了一間很特別的食店享受美味的泰國風情食物。行到店門口，大大隻字及黃小色的大門，已很吸晴看到店舖的名稱 ASOK Thai Noodle。踏進店舖即請殷勤地招待，我們被安排坐後快速地點了三款食物： 蛋炒咖喱蟹肉飯- 淡淡碎肉蟹配以香濃的咖喱醬，令人食慾大增。香茅魚露雞翼 - 極濃的香茅味，鹹鮮的魚露令炸得脹卜卜的雞翼簡直豐厚味濃。當然少不了飯後甜品- 芒果糯米飯，清甜的芒果份量也不少，配備了香濃的椰汁及糯米飯，視覺和味蕾同得享受。最後點了兩杯 熱青檸蜜及熱蜂蜜菊花露來終結這頓美味的泰國美食。

今天我走到元朗的西菁街，關上都是直接入餐廳的，但今天時間尚早我在西菁街走了一圈。看見一間不太顯眼的泰國餐廳——阿叔泰麵。我跟朋友一進餐廳就聽見泰文歌，令我們感到很有泰國的特色。我們首先叫了一個蛋炒咖喱蟹肉飯，蟹汁相當足夠味道亦不錯。蟹肉味仍然能夠吃得出來，不會被咖喱味蓋過。我們也叫了一個二人的阿叔拼盤，有雞棗即蔬菜粒加麥樂雞的炸物，泰式鳳爪和蝦餅，我認為蝦餅較為香口，加上一杯蝶豆花檸檬蜂蜜特飲， 十分清新開胃，令吃起炸物來沒有這麼的油膩。最後不得不提必定是榴槤炸彈，外脆內軟，榴槤夠香喜歡吃榴槤的人必定喜愛這香味，尤如吃榴槤一樣加上煙韌口感，加分加分。

阿叔泰麵在OPEN RICE有高度評價，所以去試試。因為唔熟路，而且餐廳唔係位於大街，所以都搵咗一陣先搵到。大約12點幾到餐廳，已經有好幾個人等緊位，由於坐位不多，所以都等得幾耐下。我好鐘意食船麵，所以點了雞肉船麵。食落有點失望，湯唔夠香甜，不過湯其實係夠味。冬蔭功湯麵，有豆腐卜、蟹柳、蝦、青口等。味道好地道的冬蔭功湯，酸及辣度適中，唔會互相搶味。酸酸辣辣好開胃，而且每啖麵都有一啖餸，麵同餸比例剛剛好。好味!!燒豬頸肉飯，豬頸肉燒食好香，邊位有點香脆，肉有肉汁唔會食落好乾。飯上淋上醬汁，飯同餸比例適中。地痞炸豬皮，一送到上枱，好香，但要趁熱食，因為好快淋，淋好唔好食。如果兩個人食，覺得份量太多了。菠蘿梳打，唔會太甜，好飲。

第二次光顧阿叔泰麵，今次不吃麵，改吃飯！蛋炒咖喱蟹肉飯，啖啖蟹肉！吃到最後還有剩汁，十分足料，不怕不夠醬汁「撈飯」！自問喜愛惹味的你，必試！再來一客阿叔拼盤，酸辣無骨鳳爪內外都匀循醃好，同行友人一隻接一隻，不過對我來說有點太辣了。雞棗很特別，在外面的泰式餐廳較少見，比麥樂雞嫩，夾雜調料和蔬菜粒，外脆內軟。蝦餅和雞翼不過不失，整體來說可以Encore！一杯打卡able的蝶豆花檸檬蜂蜜特飲解解膩，酸酸甜甜開胃之選。最後以榴連炸彈作結，榴連餡香濃，咬下去不會外熱內冷，煙煙韌韌。

朋友前排介紹我去嘅餐廳，位於元朗核心外圍，由地鐵站行去大約15-20分鐘，雖然偏遠但餐廳幾乎滿座，就知有一定程度的吸引力。餐廳裝修富有泰國特色，掛了不少泰國的小裝飾，非常精美！餐牌價錢大眾化，$60已經有一碗麵，而且無加一，我和朋友處於非常肚餓的狀態，決定加底！落單後大約5分鐘，碗麵已經送上，速度快值得一讚！先喝一口湯，湯頭非常濃郁，一問之下原來湯底需熬製12小時，呢個價錢還會這種質素，絕對超值！牛肉船麵，配料有芽菜、通菜、花生碎和炸豬皮。牛腩入味，牛丸牛味重，一口湯一口麵，加底後都秒速清！豬肉船麵，配料和牛肉船麵一樣，但豬肉份量非常多！肉食人士絕對喜歡！

近來經常入元朗行街食飯，搭車又方便所以醫肚餓第一時間就諗去元朗喇，朋友介紹阿叔泰麵好食兼抵食有唔少fans! 於是便專程去試試，地方不難找在元朗最旺的地區附近，店內唔算大但勝在夠光猛牆邊噴有得意的公仔圖案天花板上的佈置好奪目；我鍾意食牛所以選了牛肉船麵麵質夠彈牙，用新鮮牛骨淆湯味道果然夠香濃而不覺口渴，湯是真材實料淆成的！👍炸豬皮好夠脆，牛丸又彈牙最最令我欣賞的就是牛腩！牛腩夠大件不是碎碎的，好腍好夠味不會像其他店又鹹又硬實實！炸雞翼都好認真烹製 只是一道炸雞翼沒有半點馬虎！另外不得不提侍應服務態度好好夠主動又殷勤禮貌！這間食店俾我有一個好好的印象👍下次再去光顧喇😄

走到元朗西菁街盡頭轉左，你會發現一處像極泰國的小店 店內播住泰國pop music, 裝潢色彩濱fun, 感受到歡樂的氣氛香茅菠蘿特飲- 入口清爽 淡淡的香茅味 再到菠蘿的甜味 開胃特飲本來想試試船麵 看看自己可以食到幾多碗不過泰北金麵更吸引我眼睛椰汁咖哩湯底 送上來時便已經聞到椰香 味道不算太辣 有一整隻雞脾！雞脾肉離骨 吸收了咖哩湯 十分美味 肉質嫩滑。粗蛋麵比香港粗麵 爽口彈牙 一口接一口咁食 吸收湯頭能力都唔錯食麵時配香茅菠蘿特飲 減少濃重感。當然泰國特色調料都不可少

疫情無得出走，心思思想食下泰國風味船麵順便掉低小朋友拍下拖🥰住左元朗咁耐都唔知有呢間船麵😄位置比較隱蔽，係西菁街健康院附近食好野係要行多2步👍🏻☺️鋪頭雖然小，但裝飾好有泰國feel☺️簡單餐牌但都唔知揀咩好，心大心細咩都想食😁太多野都想試最後我叫左牛肉船麵一解思鄉情🤣牛骨湯味濃☺️岩晒我(我仲飲左大半碗）牛腩好淋唔會食到痴晒牙👍🏻牛丸彈牙唔係一舊粉團👍🏻**記得落埋4種調味料**食野要食全套呀！老公叫左香葉肉碎蛋飯推薦5⭐️⭐️⭐️⭐️⭐️肉碎夠晒辣同香，加埋流心太陽蛋，無得頂呀👍🏻小食叫左豬頸肉好多時出去叫豬頸肉會好乾，似食緊紙皮咁，呢度豬頸肉令我改觀左☺️唔乾有肉汁加埋個汁無得彈好在早到，食完已經坐無虛席，出面仲排緊隊等位溫馨提示：坐位有限食好野記得早啲到😚今次食住咁多先⋯ 下次要試埋甜品😋