燒烤工坊 (Closed)

工作過後經過這間燒烤小店，想起都很久沒有吃串燒了，而且款款串燒價錢都幾抵食，就決定買回家食下。餐廳除了燒肉串外，還有海鮮，想食得特別or簡單一點都ok～特別喜歡他們的原條茄子，鋪滿面的全是蒜頭，非常香和惹味。另外還有其他串燒如雞腎、雞軟骨、燒賣等都調得幾香口，用來送酒一流。還有他們的新鮮鮑魚厚肉得來亦幾鮮甜和有咬口。喜歡吃辣的可以吃他們的秘制麻辣海鮮粉絲，個辣湯非常香辣，還可以選擇幾款海鮮，看似簡單，其實頗特別。

小店嘅串燒，位置好偏僻，佐敦地鐵站出完再要行，比廟街再入。茄子、雞全翼好食，辣味夠！其他不過不失！燒海蝦麻麻地！呢度勝在唔多人，唔趕住走，同朋友一邊串燒一邊吹水，成晚都好Chill

這天和朋友相約一同吃飯，餐廳位於油麻地廟街的位置，很久沒有前往了沒想到現在的廟街是這樣的。 麻辣海鮮粉絲。 別小看這個， 雖然他選取純天然的粉絲，但本來粉絲就是健康的食物，不用擔心。 餐廳選取的麻辣，份量十足，最重要麻辣比例均勻， 內裏配搭的海鮮也十分多元化，該有的也有，我最欣賞的也就是他的麻辣湯底，配搭粉絲吃起來，味道十足， 作為消夜真是一個不錯的選擇。燒鮑魚，燒雞軟骨，燒雞腎，燒牛柳粒。 份量十足，價錢還算合理，真正是即叫即燒， 絕對是可以挑選。

今日去佐敦附近做嘢，跟住去食飯，朋友提議去廟街附近睇吓有咩食，好耐冇去過，完全唔同晒，唔係太肚餓，只想揾輕食，見到呢間主打串燒嘅餐廳，入去一試。選擇都有好多，除咗串燒之外，仲有海鮮粉絲，加上秘製醬汁，唔錯嘅選擇。所有串燒都係即叫即，熱辣辣，好食😋燒茄子，配上佢哋嘅醬汁，好想再encore海鮮粉絲，可配三種唔同海鮮，配上秘製蒜蓉汁，有啲辣，還可以接受，海鮮新鮮。小店，價錢平，十幾蚊就有一串，份量唔少，經過附近，又唔係太餓，可以試吓，餐廳乾淨舒適，坐得都舒服。

燒烤工房，不一樣的材料，不一樣的味道。見到個poster就入咗去。秘製海鮮粉絲可以揀3種海鮮，我揀咗青口，幾大隻;帆立貝、花甲，夠曬鮮味！粉絲配小辣獨門醬汁，帶點刺激，又好味！本身好鐘意食雞類，所以點咗雞軟骨、雞柳！一個爽口，一個啖啖肉，截然不同的感覺！豬頸肉就薄身，燒得好香脆，好似食緊薯片咁！最後，叫咗令人尖叫的原條茄子！好多蒜蓉！好入味！熱辣辣！又大條！小店上菜速度都好快，價錢實惠👌🏻👌🏻👌🏻

間中都會想食串燒，但係一個人總係好難可以叫到嘢食咁，尤其是要喺街度食，就更加難。最近發現呢間串燒店原來買外賣都唔錯，一個人食都冇問題。呢間燒烤工房除咗可以食串燒之外，仲有海鮮粉可以食。秘製海鮮粉絲可以揀麻辣或者蒜蓉味，每款$58 ，選擇三款海鮮，我就揀咗青口、海蝦、花甲呢三款。外賣嘅時候店員會將粉絲同埋海鮮湯分開擺，咁就唔驚返到屋企啲粉絲索晒啲湯。另外我都揀咗一啲串燒，安格斯牛柳粒嘅味道唔錯，肉質唔會太韌。另外豬頸肉都好抵食， $13一串。呢間店舖嘅位置其實並唔係喺旺角，而係比較接近佐敦，喺廟街附近，所以想去食嘅朋友就記住要去佐敦啦！

除左燒肉之外我都幾鍾意食串燒~上次同朋友去上堂之前就去左呢間小街入面嘅串燒小店😋估唔到又幾好😋🍴秘醬海鮮粉絲(海蝦、珍寶大蟹柳、帆立貝)($58)坐低已經見到呢個秘醬海鮮粉絲勁吸引可以揀三款海鮮配菜❤️秘製湯汁幾香小辣都算辣帶少少麻粉絲索曬味好正😋海蝦都爽口彈牙，帆立貝就正正堂常~大蟹柳如果可以原條上口感就會更好更滿足~🍴鯖魚($48)鯖魚口感比較冇咁鬆散魚肉唔會燒到好乾~調味唔會好重突出翻魚味😉重口味人士鍾意加埋茄子嘅蒜蓉一齊食❤️🍴墨魚咀($22)一款唔係間間有得食嘅串燒~口感好好不過冇乜牙力好似朋友剥完牙就唔好叫🤣但整體我覺得OK調味都剛好~🍴豬頸肉($13)豬頸肉燒到好香好juicy❤️佢係一粒粒串埋食落有口感啲~孜然味亦好香😋🍴原條茄子($28)茄子就係串燒必叫❤️餐廳嘅茄子性價比都算高~勁香蒜味一絲絲拉出黎食😋🍴荔枝煙肉店員話唔係季季有所以冇寫落餐牌我都唔記得價錢🤣我幾鍾意呢個咸咸甜甜嘅配搭成日見到都會叫黎試~🍴鹽酥雞($28)鹽酥雞炸都好香脆而且可以鎖住肉汁咬開就會有汁流出黎😋

話說男朋友去佐敦買髮型用品，咁買完之後我哋就喺附近搵好西，咁啱我哋都想食啲惹味嘢，就入左去！見到餐牌都有啲套餐可以揀，但係我就對個海鮮粉絲特別有興趣！🍡私食套餐 HK$88私食套餐可以揀一款蒜蓉燒生蠔或辣汁小鮑魚！由於我本身真係好愛食鮑魚，但由於我唔係好食得辣，老闆好好人咁幫我將個辣汁變做蒜蓉，所以如果大家唔食得辣嘅話，都可以同老闆講聲！另外可以任揀四款串燒，而串燒我就揀咗雞腎同五花腩各兩串🤣鮑魚好軟熟好有彈性，蒜蓉味同時有好突出！雞腎都脆脆地食落好有口感！但係五花腩我略嫌肉質太薄，冇嗰種啖啖肉感覺，同埋都幾un下，所以都唔係太推薦！🍡秘醬海鮮蒜蓉粉絲 HK$58蒜味好出，同埋好有蜆既鮮味😍而食材有蟹柳，花甲，金菇，魷魚🦑，當然仲有好多好多嘅粉絲！但係都建議同事可以剪一剪，咁樣會方便啲！🍡雞中翼 HK$19雞翼太重孜然粉，冇咗雞翼本身有嘅肉質同鮮味！

行到攰攰地想食下小食，就入去叫幾款野試下啦，種類都幾多，蔬菜、丸、豬牛羊雞海鮮都有齊，最吸引我既都係海鮮粉絲😍❣️青口、海蝦、珍寶大蟹柳蒜蓉粉絲一黎到就聞到好香既蒜蓉味呀，粉絲入哂味好好食❣️雞柳平時食無味雞柳就食得多，今日食呢個加左孜然粉既雞柳就無咁寡啦❣️娃娃菜出街食野點都想食D 菜既，菜唔會太淋，時間控制唔錯❣️原條秋刀魚加D 檸檬汁吊一吊味，條魚就更加好味啦，不過要小心有好多骨呀❣️大蝦天婦羅呢個好抵食，有5隻蝦，炸粉好薄，加上熱辣辣好好味，抵讚👍🏻

今日係happy Friday，同同事開會開到勁夜😪想搵個地方可以食下串燒，小酌幾杯😍咁有人提出旺角有間燒烤工坊野食唔錯，就急急腳去再間餐廳，的確係一間食串燒好地方😎一入餐廳，雖然餐廳地方環境唔算大，但麻雀雖小，五臟俱全🤔最驚訝係菜單款式超多，又有唔如系列嘅野食，例如鹽焗系列，炸物，甚至有二人套餐，款款都好想食🙈最後我地叫左個秘醬海鮮粉絲，再加幾款串燒食，味道相當唔錯😋個秘醬海鮮粉絲，我地叫左麻辣口味，辣度亦可以自己揀，咁我地叫左中辣黎食，辣度非常夠，而且海鮮可以三選一😛有青口，墨魚咀，海蝦，魷魚，大蟹柳同埋花甲等等，咁我地揀左海蝦，大蟹柳同花甲，份量超足料😮啲粉絲索曬啲海鮮嘅鮮味，超濃郁，食得好爽😀😀串燒都係即叫即整，咁我叫左燒多春魚同五花腩串燒黎食啦，而同事就叫左燒魷魚串同燒賣黎食整體串燒都非常高質，燒得剛剛好，味道亦食得出原味，小小辣，好過癮😎😎另外，我地發現有得點鮑魚黎食，就貪得宜叫左黎食發現鮑魚都整得好好吃😳蒜味足夠之餘都仲食到鮑魚原味，後悔只係點左兩隻😣 而家諗返起都覺得好回味😍總括而言，今日只係點左幾樣野黎食，都水准超班，同事介紹左好餐廳😎唔係怕太夜食咁多會肥，想再叫多啲

平常吃到的烤焗食物都是香口，但都會偏向很油很乾身。這裡厲害之處就是仍然吃到食材的鮮味及保持應有的濕度。盲槽是很聰明的選擇，肉質細膩、骨較大條進食時很易吐或分開。驚喜就是鹽焗入口仍持原汁原味丶內裡的魚肉保持鮮甜與清蒸魚無異。沾泰式辣醬很正。內裡加入九層塔及檸檬葉，提升魚的鮮甜度，連不吃淡淡魚的友人都吃得津津有味。平常吃到的烤焗茄子都只有辣及蒜蓉味，但這裡的原條茄子更會吃到茄子原有的甜味。招牌麻辣秘醬焗金針菇，店員會預先詢問了解客人接受的辣度，這個醬汁亦很有層次，麻與辣與金菇很夾。雞，全部都係雞！烤雞柳、雞腎及雞軟骨串燒，調味關鍵不會搶了食材本身，三種不同口感的部份，雞柳不會過度烤焗，入口仍保持有彈性的口感。雞腎入口很爽，而且沒有內臟的苦味。雞軟骨有嚼勁留意地址是旺角，但實則位置位於佐敦廟街及百貨公司附近。餐廳用獨特方法及新鮮食材烤焗，例如盲槽是即日於街市新鮮購買，入口一吃就分辨到。保留食材原本應有的汁加上完美的調味，的確「原」汁「完」味。店內設有大電視及營業至凌晨兩點，店主亦歡迎客人自攜啤酒，可以睇到九點及凌晨十二點兩場歐國盃呢！

原條燒大茄子🍆 $28屈左機～真係好中意食茄子，燒完之後仲有好多水份，可能因為上面鋪左一層肉碎。感覺有啲似食緊魚香茄子嘅BBQ version 咁五花腩 $12 + 豬頸肉$13Overall 豬肉都幾抵食兼好食😋價錢相宜之餘，而且味道足夠，幾彈牙墨魚咀串 $26朋友食嘅，佢話墨魚嘴幾彈牙燒鯖魚 $48的確，用燒串燒的方式處理係會有啲Dry，因為原本鯖魚啲油份滴走哂。其實小廚師嘅我覺得煎係好食d😋 不過餐廳都切左舊檸檬🍋比我滴啲汁落去，咁就會Juicy返少少🤏 但都係中意鯖魚本身啲油脂多啲 lol秘醬海鮮粉絲 $58墨魚咀🦑＋帆立貝＋珍寶大蟹柳 帆立貝都算幾珍材實料，仲要係裙邊嘅果種😌大蟹柳拆散開 可以同粉絲混為一體，增加咗粉絲本身嘅口感。但粉絲就真係索晒啲湯汁，如果唔食得辣就可能有啲heavy🤣話說，朋友叫咗雞臀食，佢話好彈牙爽口，但我唔夠膽食。

朋友話呢間街坊小店質素高😝😝出嚟傾吓計食住串燒就最啱😉秘醬海鮮粉絲呢間串燒店簡直係唔食得辣嘅人士嘅福音，雖然唔食得辣但係好彩有蒜蓉汁呢個選擇！嗰啲粉絲海鮮湯都超級濃味，揀咗海蝦，花甲同埋珍寶大蟹柳！$58有三餸真係好抵☺️花甲一啲沙都冇處理得好好！而且差唔多全部花甲都開晒口，好容易食！蝦肉鮮甜美味！串燒店重頭戲梗係串燒啦！特別係雞軟骨同雞柳都覺得幾好食，juicy🤪🤪🤪對於唔食得辣㗎我哋，店員都真係好細心幫我哋走辣！覺得調味啱啱好！蒜蓉燒茄子真係好正，啲燒茄子軟綿綿，一啖蒜蓉一啖茄子真係好開心😚

行過見到有間燒烤小店，諗起已經好耐冇食，即刻試試佢。見到燒烤工坊廚師同待應都係後生仔；非常非常多菜式選擇，3-4人嚟食會好啲，可以叫多好多串齊齊share，亦都有海鮮併盤、2人套餐等等秘醬海鮮粉絲 : 我揀咗麻辣、墨魚咀、花甲，非常開胃！而家大熱天時冇乜胃口真係啱晒。雞中翼、雞腎、豬頸肉、原條茄子 : 落咗孜然粉，點會唔好食，好彩食完都唔係太口渴味道係令我諗起以前喺某國食到嘅，咁以後都冇乜機會去嗰個地方，諗起想食時，咪去燒烤工坊

朋友話食串燒，俾個地址我係旺角上海街，搭地鐵差唔多出閘時去google check 地址先發現原來喺佐敦。其實由地鐵站行去都係幾分鐘。佢即叫即燒，所以適合想座低傾吓計嘅我地。佢話用不一樣的材料，不一様的味道有好多種類可以揀我鐘意食茄子，朋友鐘意食肉好大條開邊燒茄子，鋪滿咗蒜蓉燒汁同葱花。燒雞翼久乾身，香口。司華力腸燒完會切開俾我地方便食。豬頸肉同五花腩都香口，抵我地坐低等咁耐。店員推介要食佢個粉絲，但我唔食得辣，要咗蒜蓉味，可以點唔同海鮮，估唔到$58蚊海鮮份量都好多，花甲有成十隻，仲有大大件魷魚同帆立貝，店員話佢地嘅秘製麻辣好好食，下次同食辣朋友嚟我再試一下。