Bélon Vin Restaurant (Closed)

冬天又是食蠔的季節，到了告士打道的生蠔吧應節這裡現正有一個超值的環遊世界生蠔套餐，只須$398就可試盡來自十二個國家之生蠔！讚好及分享它們的臉書專頁更可免費得到兩杯白酒！飲得之人另加$80送一支主角生蠔分別來自日本、韓國、美國、加拿大、南非、巴西、澳洲、紐西蘭、蘇格蘭、愛爾蘭、西班牙及法國！店家會先將生蠔從淡到濃味排好，還備有特別的紅酒、白酒、柚子及蜜糖珍珠，可根據建議為各款生蠔作調味熱食方面也有很多選擇！雞翼控當然要點秘製蝦籽雞中翼啦！還有蝦籽系列期間限定優惠，一款九折、兩款八折、三款七五折主食要了慢煮西班牙黑毛豬，肉質甘香嫩滑甜品要了特別的楊枝甘露法式燉蛋，酸酸甜甜，口味清新動人

星期一blue Monday，為咗獎勵勤力工作嘅自己 ，約咗朋友食餐好嘅。 朋友介紹我嚟到告士打道嘅Belon Vin Restaurant。呢度酒吧餐廳格局，去到嘅時候唔少人喺度飲酒傾計happy hour，氣氛幾輕鬆。呢度主打生蠔，我哋當然要試下。來自唔同產地嘅生蠔做緊$398一set，非常新鮮，一次過可以嘗遍唔同國家嘅生蠔好滿足。我亦好欣賞呢度嘅芒果蟹肉牛油果沙律，店主話是每枱客人都必點嘅招牌菜。蟹肉溝埋沙律醬同牛油果，芒果，清新鮮甜，又健康又美味嘅菜式。小食方面，春雞髀令我印象難忘，第一次食咁細隻嘅雞髀，肉質超滑嫩，一試愛上。呢度仲有特色嘅食物，例如蝦籽做主題嘅菜式，蝦籽雞翼，蝦籽大蝦意粉，食物加入蝦籽好有創意，而且更加香口。慢煮乳豬髀都係極尚嘅美食，乳豬外脆內嫩，店主介紹係經過慢煮再翻焗，先做到呢個效果。最後是來自日本嘅水果雪葩，這頓晚餐令我們既難忘又驚喜。

Belon Vin Restaurant is the place to be if you’re an oyster lover!  Chilled and welcoming atmosphere with simply delicious oysters, it is a perfect spot to kick back and forget about work with a glass of wine in one hand and an oyster in the other.  Meanwhile, the menu is not just oyster, they also offer something irresistible gastropub fare for everyone.Around the World (HK$398)👍👍👍👍👍There is a great selection of oysters here! We ordered this “Around the World” platter which consisted 12 differe

今晚出動搵好嘢食，好耐冇食過生蠔，就搵下邊度有蠔食。搵到間係銅鑼灣既餐廳，主打生蠔及西餐。呢間酒吧餐廳佈置幾chill，估唔到食物都超有心思。首先我哋選咗$398嘅生蠔set，12隻生蠔來自不同嘅國家，擺盤放上唔同嘅國旗區分，而menu都好詳細介紹唔同國家生蠔嘅特色，仲可以配唔同口味既珍珠調味。店主就介紹由最淡味嘅日本蠔，食到鹹味較重嘅法國蠔，我嘅舌頭就好似環遊全世界咁。呢度嘅生蠔好新鮮，我較喜愛美國和澳洲既，味道鮮甜。 餐廳嘅每一道菜色都好美味，蝦籽雞翼香脆，春雞髀細細隻，肉質嫩滑無比。西班牙乳豬先慢煮後翻焗，所以外皮脆卜卜，肉質嫩滑。最後既甜品是來自日本嘅水果雪葩，菠蘿雪葩同蜜桃雪葩以原個水果盛載，味道極佳。

閨蜜約咗食lunch👭去左belon van佢d set lunch 幾平order 左個魚同牛 都整得好好味 宜家waiter 好nice絕對可以encore 的餐廳😌😌😌

平日晚上來 咁啱app有優惠 就來一試 兩個人點了三種不同食物 Cesear Salad, 主菜 點了 香煎石斑 及 lamb 法式羊架 食物味道很好 但上菜實在有點慢 可能師傅用心 （當時只有一枱客 ）

好耐冇食過咁有質素的西餐和一班朋友難得相約好一起食晚飯，找什麼餐廳岩飲岩食加岩feel真係超難，幸好沒有選錯，這裡是友人介紹的，說是不多人認識，於是擔粗粗一嚐！我都好耐冇寫嘢，但這晚的經驗太美好，不得不分享了😍廚師安排的菜式非常貼心，會考慮我們有什麼想吃和什麼不能吃或敏感之類等，我們當中有一位孕婦，他亦照料周到，餐廳老板更是非常好客👍🏻在此真的要多謝店員及Chef，你們倆令我們這夜非常難忘，食物及招待非常感動😊食物相沒有影曬全部，但都盡量分享啦😋除左由頭盤到主菜都好滿足之餘，竟然連甜品都咁有驚喜，真係好飽😋*coconut sorbet pair with chocolate pudding *cream brûlée pair with pineapple sorbet

呢間belon vin restaurant，睇個名好似係主打蠔同酒，原來樣樣野食都好出色！食到我地8個讚不絕口！講咗環境先，一入門口右邊已經見到放咗幾款是日推介嘅蠔，左手邊就係三部大電視，睇波氣氛一流。不過，今次因為我地有8個人，所！以！老闆留咗間partyroom俾我地房間有電視，有梳化，坐8個啱啱好（請原諒我果晚太興奮無影啲咩環境⋯）野食由朋友發板，而家同大家分享下。第一道凍盤：Shimonoseki & Gillardeau 生蠔配加洲海膽加油甘魚刺身非常新鮮！Shimonoseki蠔肥美而爽脆、Gillardeau則比較creamy濃郁，正！仲有三種口味嘅「假」魚子：蜜糖味、柚子味、白酒味。職員推介將魚子放係蠔上再一口食晒，本人覺得蜜糖味最得意，甜甜地帶出蠔鮮味。油甘魚刺身油份足夠，入口鮮味十足，非常適合襯白酒。海膽本人就麻麻，交晒俾其他朋友處理第二擊：惹味小食拼盤 & 芒果牛油果蟹肉他他左邊蘆筍煮得啱啱好！爽脆多汁，一啲渣都無。中間輕煎鵪𪂹脾，勁嫩勁多肉汁，醃料啱啱好，唔會太重手，師傅好手勢右邊聽老闆講係蝦子雞翼！secret menu先有，今次專登整俾我地試試。一試真係～

很好味的一餐啲生蠔好新鮮好大隻另有一碟波波俾你，放係蠔上面咬破有蜜糖味同蠔意想不到地配個水晶包好鬆脆，連5食包ge我都忍5住係咁食🤤個大蝦意粉係用蝦子黎整，食落好入口😍😍尤其個蝦子雞翼，十分推介

ordered house salad , salmon with cheese clams and suckling pig .... the salad is like side dish just a few leafs ... the salmon so called home made is very tiny with a bit of cheese.... the worst is the clams the waitress said no mussel so have some local clams the clams is dead and placed on opened shell i am not sure if the shell has been recycled for how many times ... the meat has been carefully removed from the shell and never stick to the shell .... so disappointed although is discounted

一直都覺得酒吧只係飲酒，食物應該係唔好味，更何況係食蠔？！不過有朋友嚟過對佢大讚不絕，就試試啦！法國蠔 ($58/隻)經常有唔同嘅蠔種，今晚試試Majestic、Royale Cabanon及Gillardeau。除咗度度都有嘅檸檬及cocktail sauce，呢度仲有自家製嘅red wine vinegar，食落紅酒味唔會太搶，非常特別！Majestic海水味好勁，餘韻鮮甜；Royale Cabanon，肉質爽滑；Gillardeau口感脆，蠔味好濃帶甜味，餘韻最勁！Homemade Salmon with Goat Cheese ($108)三文魚係用紅菜頭汁醃過，所以顏色偏紅，紅菜頭味非常濃郁，加埋goat cheese，重口味但出嚟嘅效果非常獨特！Cheese Platter with Iberico Ham ($198)有Truffle Cheese 、Brick Cheese及Blue Cheese。風乾咗36個月嘅西班牙黑毛豬有油光，味濃但一啲都唔鹹Duck Rillettes ($78)鴨肉加入自家製cranberry茸，煎香後放喺toast上，toast盡吸香濃鴨油

朋友聚會，跟朋友來呢間 Belon Vin Restaurant。本住只係朋友聚會來傾下計既心態來食飯，點知一食就不得了！佢既生蠔好新鮮！老闆走來吹水話佢地好重視食物既新鮮度，好多餐廳都會將無咁新鮮既生蠔再處理用來炸或焗，而佢地會就唔會咁做情願自己食哂佢都唔會用唔新鮮既食材。前菜佢個煙三文魚芝士卷最吸引我，個味好夾！個香芒沙律配個醋汁非常清爽！仲有ham and cheese plate, 鴨凍肉多士主菜牛扒，燒春雞，都好有水準尤其是個燒春雞，不過慢煮乳豬個皮唔夠脆，老闆話小小失手，叫我下次再去試一定會確保夠脆仲有蝦意粉， carbonara 同窩夫雪糕好好味！服務真係想比個LIKE，waiter哥哥好有heart 去介紹每一道菜，老闆又夠nice同好客！！總結呢間餐廳食物同服務質素真係超越我既期望！下次一定再來呢間隱世餐廳食！！

一直以來都好少去酒吧食飯，總覺得係飲酒嘅地方，食物質素一般，呢間酒吧其實經過好以幾次，次次都過間而不入，今次朋友話食完一定改觀，就看看吧！食完對酒吧食品完全改觀餐廳一邊係枱，一邊係水吧，水吧對住門口位置放蠔，呢到嘅蠔天天不同，多數來自法國，我今天就試咗 Majestic 、Royale Cabanon同，全部$58隻。除咗檸檬同 Cocktail Sauce，仲有自家製嘅 red wine vinegar 同上，可因應自己喜好選擇，先來Majestic，肉質柔滑爽口，after taste 比較短，有海水味，之後係Royale Cabanon，肉質爽口，層次比較明顯，先感到海水味，之後甜味開始出來，最後食Gillardeau，蠔味比較濃，after taste 比較長，仲有些清甜的果香，喜歡海水味嘅我，Majestic當然係今晚我嘅最愛Homemade Salmon with Goat Cheese$108三文魚用紅菜頭汁醃過，所以三文魚比一般的紅，再卷入Goat Cheese，喜歡Goat Cheese的朋友一定要試Cheese Platter with Parma Ham $198

約咗朋友食飯，隨便揀咗呢度，覆檯時第一時間問有無限時，好彩無啫 👍訂咗 7 點，我 6 點半左右已經到咗，睇嚟好多熟客喎，我前面檯有 2 位男仕同個女侍應好好傾，另一檯啲朋友行緊嚟餐廳個侍應已經大大聲話嚟咗啦。。 。朋友未到我就煲吓劇先啦，先發覺餐廳音樂好大聲，心諗會唔會 hi 嘢，咁嘈點傾計呢？ 好彩啲客越嚟越多佢就較細聲咗。餐牌選擇唔算多，我哋諗住傾計先係主菜就是但啦，食物又出奇不意好味喎 🤣🤣牛油果三文魚他他，侍應小姐話 3 個人叫份大嘅好啲，清清地好好味。黑毛豬好軟身唔靱，仲有埋配菜。風乾火腿有啲喊，公平啲講呢個我一都小食 🤭黑松露大菇意大利飯就普普通通。可能地點問題，餐廳唔算滿坐，咁我哋就可以輕輕鬆鬆傾到差不多 11 點走。順帶一題，佢哋個洗手間好乾淨 😜

週四晚答允壽星舞后去撐場，舞前當然係好有誠意地請佢食飯慶祝啦！地點就由佢揀咗喺舞場附近一家西餐廳「Bélon Vin Restaurant」。其實之前都有路過餐店門口，影過門外黑板上寫有o既歡樂時光優惠，無奈每次都揸咗車。。。小店樓底高高，樑上有幅靚靚油畫。右邊後方為酒吧及生蠔區。店內左右兩邊都擺有合拼式散座，近門口最通風o既位置就最啱小肥坐。仲可以望到師傅仔開蠔。XO仔慣性早到，哥哥仔見狀即好客氣咁俾咗杯暖水細佬，仲不停斟添，窩心得很。舞伴一到步，連四頁餐牌都唔洗睇，即熟巧地點菜。餐店所提供o既生蠔款式每天不同，據悉大多都會係法國貨。當日應推介所點o既三款法國生蠔以拼盤呈上，由深綠色o既芫茜位作起點，順時針方向為淡味至濃味，亦即「Krystale」、「Majestic」、及「Gillardeau」，售價一律$58/隻。Krystale（$58/隻）：生蠔拼盤中以第一隻Krystale最為幼嫩輕巧，鮮甜滑溜。Majestic（$58/隻）：Majestic除咗海水味明顯比Krystale濃之外，質感亦更為爽脆。Gillardeau（$58/隻）：最後隻Gillardeau則肥美爽厚，海