珍姐海鮮火鍋飯店

Open Now

Now Closed

【老蘭。碟頭飯】晚市打邊壚一位難求，午市長長人龍的老蘭珍姐，絕對是中環上班族的飯堂。 餐廳裝潢是香港地道茶記風、 一進門口就會看到「老蘭嫩牛」的招牌。❈ 頭抽蔥油豬扒煎雙蛋飯 HK$65煎豬扒很香口，肉質鬆軟。蔥油的香氣加上燶邊的太陽蛋，再淋上頭抽醬油配一口白飯真的是絕配。❈ 老蘭嫩牛蔥油撈麵 HK$85 (Regular)薄片的嫩牛肉味香濃，蔥油撈麵乾爽而不油膩，吃下去的時候會有淡淡的蔥油香在口中散開，會想一口接一口的吃。❈ 凍伯爵薄荷檸檬茶 HK$20伯爵茶底的香氣和深邃的茶味加上薄荷葉的清新氣息會在口中散開，給人一種清涼的感覺。檸檬片的微酸同時也增加了味道的層次感。❈ 雙檸梳打 HK$20雙檸梳打是一種清新的氣泡飲品，以兩種檸檬為主，和蘇打水混合而成。適合在炎熱的天氣中解渴。

係中環嘅珍姐海鮮火鍋飯店絕對係區內名物，每次有傳媒／youtube channel推介完都會增添大量人氣🔥晚市主打牛肉火鍋🥘難book程度媲美米芝蓮星級餐廳🙈而午市雖然係賣茶記碟頭飯，但因為味道出色所以都吸引長長嘅人龍。呢日真係好想試下所以鼓起勇氣排隊，好彩排咗10－15分鐘就入得😍不過要預咗會搭枱，而且侍應服務都有少少以前澳牛風格🤣🤣但係食物味道的確會令人回味，絕對會試多幾次👍🏻👍🏻再試下佢嘅招牌拔道腩雞飯、咖喱羊扒飯等等。老蘭嫩牛蔥油撈麵個撈麵一入口係會令人雙眼發光🤩🤩真係明白點解咁多人推介咁多人排隊。每條麵條都完美裹上豬油🥰🥰油潤但食落係好乾爽，條條分明，而且豬油味好香，但唔會太濃味，恰到好處😋😋另外仲有唔少豬油渣，脆卜卜好香口😈令整個撈麵錦上添花。當然唔少得老蘭嫩牛，肉質軟滑之餘肉味好香濃，簡單用上湯滾熟都好好食😗😗可以點少少伴碟嘅豉油增添甜香。撈麵分regular同增量size，增量size會有兩倍牛肉好誇張，呢日叫regular就夠喇，不過聽聞增量size超級多牛肉，下次可以搵埋朋友share😆頭抽蔥油豬扒煎雙蛋飯看似一個頹飯但都做得出色😛😛煎蛋🍳剛好煎至邊位香脆微焦，豬扒

本身已經好出名嘅珍姐 經過MM條片之後又再多人排咗 睇完條片令都我好想試佢地個打邊爐 但原來已經排到九月啦 不過唔緊要 因為佢地午餐都好出名！今次就去試吓呢個中環lunch碟頭飯係唔係咁高質 值得大熱天時排長隊食～• 燒珍姐咖喱羊排飯 Lamb Rib Curry with Rice $85 🐑好surprised！個咖喱汁唔係平時個種港式咖喱而係好香椰汁辣辣地個種 淨係試咗個汁已經覺得知唔係普通碟頭飯 羊排有三舊 出面炸得好酥脆 羊肉仲係好淋 個汁加埋白飯唔覺意就爬曬 真係好正！！• 極品封門柳豬油撈麵 Prime Hanger Tender with Lard & Soy Noodle $85（例牌）🐂就算叫例牌 牛肉嘅份量都好多 封門柳好香肉味 牛肉仲係少少粉紅 唔係全熟食落有咬口但絕對唔會韌 撈麵都好食但豬油味唔算突出 • 頭抽蔥油豬扒煎雙蛋飯 Porkchop, Fried Eggs, Soy and Scallion Sauce with Rice $65 🐖睇返張相見到隻蛋都仲係流曬口水 太陽蛋加頭抽仲要燶邊！豬扒份量好多 煎得好香口 好食～ （IG放到我張圖好大🥹 救命

lunch食過幾次，都知道多人排隊，所以每次都唔會逗留超過一個鐘。今次12點52分落單，未夠搭二已經比人收走哂d碟，其實我哋已經係好快咁食完碟飯，排隊都等到出哂汗，汗都未乾，諗住慢慢飲埋杯嘢飲，戴帽嗰位男侍應，已經係咁抹枱、拎新餐具擺低，再行埋黎指住張單叫我哋賣單，朋友一放低個杯佢即刻拎走，我仲飲緊佢企喺隔離望住我，我話我未飲完喎，佢答「咁我比個外賣杯你囉！」然後掉個外賣杯喺枱！係「掉」唔係放！之後再叫長頭髮侍應過嚟，話出面有人等位，佢話下次會寫明用饍時間。打算寫用餐時間限時15分鐘？而出面，十個人都無。雖然野食係好味，但被捧紅了態度就可以差到咁嗎？***戴帽嗰位侍應態度真係極差！

真相總需要有人講真話。呢間餐廳在媒體已經接受訪問，什麼瀕臨斷氣的時候靠一個火鍋翻身。這間餐廳的前身是一間高級西餐廳，GLOW,原在西營盤第二街，後來才搬到這裏，所以印象特別深刻。初初的時候真有點摸不着頭腦，很像大陸的飯店，心諗這間餐廳就很像一個大媽開的。裏面根本就沒有裝修，很久從視頻當中看到他們是一隊人，而且似乎好有誠意，一直都想試一下他們的火鍋，疫情過去三年，一直到晚上而不到時間。一係沒有位，一係時間不對。最後近來看到他們的午餐，似乎有機會去試一下。$70.1個餐在中環其實唔算最平。12:30去到一個人到吧枱坐。一坐上去周圍環境都是凌亂，背後嘈雜都是寫字樓的上班一族。他們的夥計主打年青人，沒有什麼禮貌，嚴格上就是一個無需要有禮貌的大排檔態度。我也是尖沙咀海防道大排檔常客，講標準的大排檔態度，這些年青人實在比下去。不是需要殷勤的問候，而是有一點囂張的態度。入嚟當然不會要求有什麼服務。午餐叫了一個奶茶後上，他們的夥計就是說沒有後上要即時上。那碟精彩牛肉飯，就像雜肉飯一樣，鹹味，沒有蕃茄味，他們的汁都唔知是什麼難形容。只看到一層層油膩。奶茶喝了一半就停口，苦澀無茶味。飯只食了一半已不能再吃

這間珍姐海鮮火鍋飯店都算係幾出名，要晚市要BOOK先有位。不過佢個英文名 名Big JJ 真係好搞笑。每逢中午午飯時間，呢度堂食都大排長龍，外賣自取有時都要等的。好在今唔洗等太耐。雙蛋免治牛肉飯豬扒飯已食過好多次，今次試下免治牛肉飯先。兩隻蛋同埋D免治牛肉鋪滿成個表面。每一啖都有免治牛肉，味道都算係唔錯，而且份量都幾多，食完飽到飯氣攻心要眠一眠。雖然豬扒飯好似受歡迎D，其實豬扒飯都好食，但係如果豬扒飯唔夠汁有時會食到好口乾的，免治牛肉飯就無呢個問題。兩者各有各好食～！

珍姐出名難book就聞名於國際，book完仲要隔咁耐（大概一個月多少少）要大家都記得同埋準時埋位都唔係咁易。今次book左頭圍18:00，都唔係準時齊人，明嘅，香港人搵食艱難。訂枱時預訂左豬骨蜆煲、扇牯牛皇同埋海鮮拼盤，其他野就現場睇餸食飯啦。 🍲豬骨蜆煲好濃好夠味，一上枱就飲兩啖湯先，入面大概有豬骨、蘿蔔、蜆、粟米咁上下。 🥩扇牯牛皇有四款，包括腩頭、封門柳（好似係）、匙柄（好似係）同埋爪邊（？唔記得），全部即日本地手切，都算得上係溫體牛（？）。 🥩老蘭嫰牛四拼就係四款進口牛肉，包括封門柳、頸脊、匙柄同埋（唔記得）。一般黎講我都係偏好封門柳同頸脊，純粹係肉味同質感上嘅個人口味，唔代表牛肉部位嘅排名。 🦪海鮮拼盤方面有蟶子、北寄貝、沙白同埋（唔記得，好似係蜆），全部都好新鮮。 🐟鮮製三寶手打肉滑都幾特別，一共三款包括魚羊滑、墨魚滑同埋菜脯蝦醬豬肉滑。魚肉加羊肉真係為味覺帶來新衝擊。 另外仲叫左嘅食物就睇圖啦，包括門鱔魚蛋、魷魚串、滑雞件（真係好滑）、脆鯇魚片等等。 🍧完場前仲有個冰粉可以涼一涼，既清甜又有陣陣花香。 👏🏾場內氣氛好好，店員會介紹牛肉部位，仲有示範，話畀大家知大概煮幾耐，

係咩驅使我過海約人食晏去食碟頭飯？係珍姐 @bigjjseafood 啊⸜(*ˊᗜˋ*)⸝集合番去左兩次出個分享先◦ 扙道腩雞飯溫馨提示 雞飯有兩輪 1:30第二輪去兩次都食到~(˘▾˘~)點解呢個雞飯日日咁快賣哂？因為真係非一般咁好食 仲要先55蚊兼份量足.ᐟ‪‪‬每件雞肉都非常滑溜 好似慢煮過咁油飯粒粒分明 明顯食到香料同雞油既香氣◦ 珍姐咖喱羊排飯好誇張既一碟碟頭飯( Ꙭ)！兩大件酥炸羊排啖啖肉唔洗吮骨 帶微微膻味咖喱係偏甜同重椰香 岩我口味不過食食下會膩 同埋真係好大份啊痴線自己一定食唔哂◦ 極品封門柳豬油撈麵有位朋友次次淨係叫極品封門柳豬油撈麵叫佢下次試下其他野佢：咁下次試加倍牛肉( ͡° ͜ʖ ͡°)其實本身都幾多牛肉架啦.ᐟ‪‪‪.ᐟ‪‪‪煮到半生熟 仲pink pink地咬落好軟熟又有牛味豬油撈麵爽身無鹼水味 隻甜豉油仲調得幾好食 想繼續努力集郵試哂全部( ͡° ͜ʖ ͡°)✿#lastbitematters#lastbitematters_central ✿

上次就介紹左嚟珍姐呢到食lunch，今次就介紹人氣再勁啲嘅珍姐打邊爐！相信同樣應該有唔少人有聽過嫁啦，小編們book左成兩個幾月先嚟到食，真係期待已久🥹點解啲人成日話好難book枱因為環境地方唔算大，有啲似室內高級版嘅大排檔feel🤣但正正因為咁，好有港式嘅味道，再播埋廣東歌，一路聽一路打邊爐，真係好有feel🙌🏻等左咁耐終於嚟到食，果然不負眾望，食物質素都偏高。小編們如果下次再嚟食應該會叫埋朋友一齊嚟，可以叫多啲唔同種類嘅野食同埋再抵食啲😌同埋一定會預訂埋個招牌豬骨蜆湯底，試下有幾好味haha

聞名不如見面，食到打邊爐🫶Vibe 很好，基本上完菜，大型K房的開始。珍姐playlist 由80-現代都有，正！你唔會諗到下一首係咩歌！豬骨大蜆湯底：第一啖，好濃！蜆肉大粒，可享成日太快加湯，淆唔到繼續的味，淡得太快。扇牯牛（先預訂）：肉味濃，肥至瘦有齊。店員先介紹每個牛的部位，我的記憶得番牛背和腩位。炸魚皮：好得，好脆，高質。浸湯定淨食送酒一流。生雲吞：無影相，平平無奇的外貌下，肉汁包滿蝦彈牙。海鮮併盤：蟶子，北寄貝，貴妃蚌，厚肉蜆老闆有講今日蟶子差少少，都唔太差。其他入口鮮甜，唔錯。封門筋：老細送. 又係好濃牛味，好正，筋位但唔太靭。食物素質和氣氛真係唔錯，而家知點解咁難訂到位！食到尾，老闆和侍應們都周圍一齊飲酒，關心今日食物質素。

今日lunch落大雨兩個人食飯，我朋友未到，個侍應都招呼我入餐廳坐住先。但坐底等左朋友5分鐘都冇，另一個侍應已經用好惡既語氣話比多30秒我，唔係就趕我走。我話朋友仲有一個街口就到，可以叫住兩份野食先，但個侍應都拒絕，仲分左三次趕我走。我話咁你地一開始又招呼我入黎，佢話一開始對你好都唔得(what?!)。我走出門口個時，朋友已經到左，出面仲要冇人等緊🤷🏽‍♀️我真係以為自己去左澳牛，食個飯都要受氣。Ps. 就算我朋友到左，我相信間餐廳都未上到菜，又咪係一樣要等。態度惡劣個侍應係戴帽個個。

今日特登避開食飯最繁忙嘅時間，大約1:30嚟到，見到門口都好多人，好在等咗10分鐘就入得。一心諗住嚟食海南雞，點知已經售罄。轉左食牛肉撈麵同埋咖喱羊架，估唔到質素都幾好，好有驚喜！唔怪之得keep住有人排隊同埋叫外賣。以馬來西亞咖喱，羊扒炸過都好好食，竟然冇乜羶味； 牛肉撈麵啲牛肉係靚嘅，所以佢賣$85都對得住起價錢。另外，無論播緊嘅歌同埋成個裝修，香港地道，真係令人懷念嘅年代。如果喺附近返工，可以做飯堂。

前排想食海南雞所以認識咗呢間好多人推介嘅珍姐海鮮火鍋，網上啲人話佢嘅雞飯一絕。不過我由公司行過嚟有少少遠，就一直無試🥹今日過開嚟做嘢，仲要避開咗午餐高峰期，去到係門口都要等咗一陣。入坐後搞笑嘅係我哋要海南雞和粟米魚都賣曬😂當下我哋真心叫咗出嚟「下～」….哈哈哈哈！改咗要咖哩羊和滑牛麵，我的天～超級無敵大爆炸！沒有期待下比咗我哋兩個味蕾衝擊😳真係要去試下！用心製作食材，碟頭飯都可以咁好食😳😳😳😳

舉手示意落單 俾個侍應兇 好似mk仔聊交嗌咁 話：「咪話轉頭囉 睇唔到架？」但我地唔係叫佢 係叫佢身後個位 佢落唔到台 就串串槓話：「係呀？咁你叫邊個呀？」對面客人見到都覺得呢個侍應做到燥底 所以發啲客脾氣 中環茶餐廳唔應該有嘅服務質素👎🏻

相信呢間出晒名一定要排隊同夜晚必定要book先可以入去食嘅珍姐有好多朋友都一定聽過！但今次嚟到珍姐唔係打邊爐 (但遲下都會介紹hehe👻)，而係嚟食個快lunch🤭做得午市當然係傳承香港夠晒快嘅文化，入去前好諗定叫咩食，坐低即刻落單，搭枱係基本，然後等食就ok xd😂 不過個日大約12點鬆啲去到，排隊等候嘅時間預返10-15分鐘，peak hour嚟講都算快，所以如果想來試佢哋唔試嘅朋友就記得預返鬆啲時間啦~Lunch set嚟講係中環蘭桂坊嘅地段真係算好平，仲要夠大碟，真係唔使驚食唔飽🤣但都要留意返lunch只會係平日 (business days) 先提供，千祈唔好星期六日或者紅日摸門釘！不過小編反而下次再去食lunch嘅話會想試下豬油撈麵同埋咖喱羊扒飯，聽聞都是很不錯的，期待再去試😋