珍姐海鮮火鍋飯店

Open Now

Now Closed

珍姐嘅氣氛可以有幾開心，相信去過嘅人都知道。其實已經食過幾次，每次食完之後都會想再去食過。香港人抑壓得太多，真係需要搵個地方放鬆一下。難得既係我個女都享受埋一份，一D都無話嘈，而且同舖頭D哥哥姐姐玩得非常開心。可以同朋友一邊一打邊爐一邊估歌仔，哈哈大笑一番，我唸係珍姐成功既地方。今次我地都係椰子竹絲雞湯底，原因好簡單，因為我鍾意。湯底清甜滋潤，仲有成隻烏雞夠足料，打邊爐前真係要飲多幾碗。老蘭嫩牛四併－有四個唔同既牛肉部位，阿女就鍾意食匙柄，肉質軟嫩帶油脂香。我就鍾意封門柳，肉質夠結實，肉味香濃。今次除左叫炸魚皮之外，仲叫埋炸午餐肉。魚皮份量非常多，而且好鬆脆。炸午餐肉係厚切，大大舊放入口，真係黎到依到先會咁做!另外都有叫鱔片、蔬菜拼盤、黑豚肉、烏冬。。。。。每次都會有好多野想叫但無叫到。每次都總會飽到郁唔到咁走。開心既時刻過得特別快，又要準備book位下次再 encore !!!

同2個朋友Book左幾次終於成功黎到朝聖，可能book咗幾次都未成功，所以突然book到，期望就高咗，不過今次book到都係要等三個禮拜，仲要係weekday wor。聽聞呢度氣氛好好，會播八/九十年代嘅舊歌，啲Staff會一齊唱歌，會有好親切嘅感覺。咁我哋當日去到就有一個男侍應serve我地，佢攞住一盤牛，念口簧咁介紹完幾舊未切嘅牛肉，最後講咗句，啲牛嚟到你哋都唔知邊隻打邊隻，求其嗌得㗎啦，呢啲係咪所謂嘅親切😌Online Booking嘅時候留咗個招牌豬骨蜆煲，當日屠宰扇牯牛肉，同朋友嘅目標一致都係食牛肉，所以當日全部嗌晒肉類。個湯底係好夠味嘅，男侍應放低個煲就叫我哋影下相先，一陣返嚟會夾起舊豬骨，同埋會but啖湯俾我哋飲咗先開始打邊爐，預咗我哋一定會幫佢賣廣告咁😆叫左一碟老蘭嫩牛四拼-大size，一碟即日屠宰扇牯牛，一碟羊肉， 一碟牛舌，夠哂3個女仔食我哋食完嘅評價一致，呢個價錢可以有更加好嘅選擇，主打扇牯牛，食唔到佢啲牛尾，仲要切到勁細塊，勁難用嚟打邊爐，試過一次就夠😌😌可能期望冇咁大，就唔會咁失望😌

「老蘭嫩牛」、「地踎火鍋」、「與眾同樂」，這些都是中環珍姐晚市火鍋的關鍵字。餐廳以新鮮的當日屠宰本地扇牯牛皇為主打，在鮮甜的豬骨蜆煲裏輕輕燙熟，濃郁且鮮嫩的牛肉滋味，教人一試難忘。食材新鮮，口味地道，氣氛澎湃，珍姐可算是鬧市中一個避風港。Rock your night at Big JJ Seafood Hotpot Restaurant with local castrated yellow beef, which is so flavorful and tender that you won't be able to forget it after just one try.

一直都想珍姐嘅lunch，但小編平時好少機會，可以平日lunch time嚟到中環；今日1300左右到，好多人排隊，等咗大概15分鐘；中環人嘅lunch time 特別長㗎咩？。一坐低已經話今日無雞，「⚡️晴天霹靂」呀，一年先嚟到一次，本來就係上嚟試吓個雞；但係當我哋食到最尾，雞又再重現，又傷心又覺得好bad luck ！。🐷🍳『頭抽蔥油豬扒煎雙蛋飯』$65豆抽豬扒鹹鹹香香，剪開咁上，豬扒比較薄身，都算彈牙，分量但都幾多；⋯⋯🐐🍛『珍姐咖喱羊排飯』$85咖喱汁比較椰香，羊扒醃過再炸，然後放入飯度；羊扒有少量嘅脂肪，煮熟嘅程度好容易拆骨，好易食；小編鍾意汁嘅份量，啱啱好唔會太多，如果唔係就變咗湯飯🫣。➡️如果唔大食，建議少飯，個碟雖然唔大，但都幾飽。📍 珍姐海鮮火鍋飯店 (中環)中環和安里9號地舖。好味指數：🌕🌕🌕🌕🌑回味指數：🌕🌕🌕🌕🌑

✨清潤椰子竹絲雞湯湯好清甜 椰子味清香 粟米香甜竹絲雞有半隻 肉質出奇地嫩滑 入晒味 幾好食 唔錯✨扇牯牛皇需預訂 係即日屠宰嘅本地牛 保證新鮮今次有四個部位 分別有牛背 腩包 脊頭 正脊肉質鮮嫩 肉味香濃 味道唔錯但因為太細片 口感上就爭左啲✨老蘭嫩牛四併當日得三拼 分別有封門柳 牛頸脊同匙柄 封門柳 肉質結實 肉味香濃牛頸脊 肉質嫩滑 味道甘香匙柄 肉質軟嫩 帶油脂香 相比扇牯牛皇 呢個相對較厚切 雖然口感較好 但都係偏薄 ✨蟶子皇蟶子皇鮮甜 爽口彈牙✨潮州黃牛丸牛丸結實爽彈 肉汁豐富 都唔錯✨墨魚滑墨魚滑 冇乜墨魚鮮味 口感略腍 唔彈牙 一般✨黑百葉黑百葉份量少 切得好幼碎濕濕咁輕輕淥幾秒 都已經會韌 口感粗糙 一般呢個價錢咁嘅質素 唔能夠接受✨即炸魚皮魚皮熱辣辣炸起 口感鬆脆可惜超級油膩 食幾嚿就好膩 一般✨桂花菊花蒟蒻冰送嘅糖水 味道清香唔太甜 蒟蒻煙韌彈牙 幾好味總結：食物還好 有啲名過於實湯底出色 牛肉質素中上都算唔錯但其他配料認真麻麻 好一般環境有特色 但地方細 唔好坐服務妥 態度好 真係幾抵讚價錢少貴 以呢個價錢同質素唔成正比尤其係火鍋配料真係唔太值 呢個價錢出面仲有

book位book左兩個月既打邊爐俾左我地好強烈既期待感。呢度既氣氛營造到舊式經典香港冰室既感覺，員工既穿著都比較偏向冰室伙計。湯底係預先預訂既椰子竹絲雞，一上桌店員會建議我地先飲下嗰湯底，一入口就有十分清甜既味道，椰汁同雞熬出黎既味道好夾好夠味，應該熬左唔少時間。試完嗰湯底之後打邊爐就正式開始，啲配料就慢慢陸續呈上。我地之前訂位嗰陣都預訂左一份海鮮拼盤，有蜆、大蝦、蚌、蟶子。海鮮拼盤好新鮮，每樣材料都好靚煮完超容易脫殼，入口鮮味十足，而且吸收晒湯底既味道超好味！不過對應返價錢份量偏少。至於其他配料我地點左豬頸肉、門鱔魚丸等等，其中魚丸好彈牙好新鮮比較驚喜，其他配料就普普通通冇乜特別。總結黎講，呢度雖然氣氛唔錯仿效到十幾年前既感覺，雖然湯底的確有水準，不過可能預訂需要超過兩個月時間覺得唔值呢個等候時間，而且價錢偏高，所以令我覺得呢度最多做到不過不失。

✅成間餐廳個vibe好正 復古得嚟有種好正嘅佬味✅碟頭飯水準都係中上 其中有啲係好好食添✅上菜快手 ✴️平日lunch一定有人排隊 要等20分鐘都唔出奇✴️最出名嘅雞飯好快沽清 （不過試過1:30入座又突然有返雞飯）我只係食過兩次 但成日jam同事個啲 所以都試過唔少款😂 ⭕️拔道腩雞飯 ⭐️⭐️⭐️⭐️⭐️（不負眾望 好高水準 醬汁係靈魂 好惹味 雞又好嫰滑 飯有油同香料嘅香味而且粒粒分明）⭕️頭抽蔥油豬扒煎雙蛋飯 ⭐️⭐️⭐️⭐️（講真本身呢個組合冇得輸 好難唔好食 豬扒夠淋夠香口 蛋夠生）⭕️鮮茄免治牛肉煎蛋飯 ⭐️⭐️⭐️（ok的 但比較普通冇咩特別）⭕️珍姐咖喱羊扒飯 ⭐️⭐️（羊扒唔羶 亦都炸得好香脆 但係個醬最突出嘅味就係甜味 冇咩其他味道層次 加上羊扒都偏肥膩 配埋個汁其實唔係好開胃 好快覺得滯咗）

-$65 中環午市茶記碟頭飯送一杯飲品（冷熱同價）-食物：極品封門柳豬油撈麵($85），頭抽蔥油豬扒煎雙蛋飯(＄65）-重點推介：頭抽蔥油豬扒煎雙蛋飯 （豬排份量唔少，偏薄，但已經切好，所以方便食。兩隻太陽蛋，加埋豉油一齊食，都幾惹味。奶茶的茶味濃，冷熱同價，值得一讚👍🏻-環境：裝修走香港懷舊風，店內還會播地道的懷舊金曲-總結：以中環核心地段，用$65蚊可以食到一碟飯加一杯野飲，性價比都算可以接受。味道適合重口味人士。

這位在珍姐午市的年輕服務員的態度，簡直欺人太甚，侮辱客人。今天下午2:10pm 入到去，已有很多空座。太太和女兒 2時早到了，坐在6人一抬的位子。我禮貌地問一聲，我們3人可否轉到卡座。他說，「得，3人坐一起坐單邊囉。」扮明撩交嗌。我說：「嚇？！」他乘勝追擊說：「喂，茶餐廳喺咁㗎啦，你想點？！」我明白，茶餐廳是這樣；但他的氣焰與囂張態度，簡直是對我們客人的極度侮辱。我也明白在旺角茶記 一些大叔說話，也沒有在中環區這位年輕服務服務員的得戚態度。其實他是直接說，我不做你生意，他的眼神跟說話，是說：「走啦，XX。」我從來不寫負評，也明白很多食肆的運作，大家諒解。但這次真的不能忍受。我們好似乞兒咁求佢攞個卡位，仲要趕你出去一樣。這已經不再關於「今時今日服務態度的問題」，是侮辱客人，簡直過分。相信很多人在這裡的午市，也面對個這𥚃的服務，也一笑置之。然後這次真是欺人太甚。我只想發聲，希望各位也知道。

🐽👧🏻今日試咗同事成日推介既珍姐果然係名不虛傳🍴珍姐咖喱羊排飯 $85珍姐最出名嘅就係咖喱羊排飯佢唔係港式嗰隻咖喱而係偏印度香料派有少少辣羊係有炸過，肉質幾腍羊騷味十足 好正！要食！🍴頭抽蔥油豬扒煎雙蛋飯 $65典型茶記碟頭飯，豬扒炸過肉質做到鬆軟既感覺幾juicy 唔鞋！🍴拔道腩雞飯 $55豉油出色，唔會太鹹雞非常嫩滑！飯係雞油飯，推！📌📌📌📌📌📌📌📌📌除咗招牌咖喱羊排飯比較貴，其他嘅價錢都算係中規中矩，冷熱飲品一律加$10 ，喺中上環來講，對打工仔都算係lunch既好地方小編今日見到有好多人都叫蔥油撈麵等我下次都試吓先！珍姐夜晚就會變成火鍋店聽聞係極難book到位我會努力book下希望盡快食到🤤

作為一間火鍋店 靚唔靚湯底係基本疫情關係，我到而家都冇去過打邊爐你有機會試到佢嘅火鍋今日lunch time金眼行過蘭桂坊決心試一下午餐精選 佢哋叫做全日常餐做埋午市生意 目的都係搵多啲錢幫補一下鋪租 結果真係好多人鍾意門口排咗好大條龍 每一個人都等咗20幾分鐘食咗佢個招封門柳撈麵 份量同價錢我OK但係唔知點解 啲牛完全冇牛肉味要靠佢個辣椒豉油點嚟食有少少失望撈麵好食的標準因人而異，但一般來說，以下幾點是大家普遍認同的： 好的撈麵需要口感豐富、味道鮮美、配料搭配合理，並且溫度和油脂度適宜。

✍︎︎上篇介紹完珍姐午市今次就講下夜市打邊爐🍲(￣∇￣)每晚12點網上開放個半月後booking，遲小小都會full招牌豬骨蜆煲🍲$288店員會先裝一碗小湯俾我哋品嚐，湯底非常足料鮮甜扇牯牛皇🐮$420需要book枱時預訂每晚凌晨即日屠宰，沒有經過雪藏有四個唔同位置，每款都各有特色，店員教路淥3-5秒就食得雜菜拼盤🥬$78門鱔魚蛋 🍢$78非常彈牙！鮮製三寶手打肉滑 $148「魚+羊」滑//菜脯蝦醬豬肉滑//墨魚滑炸魚皮$68新鮮熱辣，好味到一舊接一舊生面🍜$48配上蔥油同鼓油，可以自己動手整返上個post嘅撈麵出嚟😍是日海鮮🦐手掌咁大隻最後會每位客人送上糖水一碗✨♥︎每個店員都好講得笑，餐廳環境氣氛都好有feel❤️••••••••••••••••••••••••••••••🔎珍姐海鮮火鍋飯店 中環和安里9號地舖••••••••••••••••••••••••••••••

A funky hotpot restaurant that serves cha chaan teng food during lunchtime🫰🏼food here is not phenomenal but affordable when it comes to having a filling lunch at Central🥢 recommend avoiding the peak hour n long queue after 12:30pm, easier to get a seat on rainy days🥹 you could gobble the whole plate of boneless chicken rice with their homemade signature sauce at one go! chicken skin was smooth, meat was tender🐣 fried porkchop topped with homemade soy n scallion sauce, panfried just right🤌🏼小店夜晚食火

今日有野做過左中環，本身諗住試下九頭鳥米線，不過原來公司附近都有，咁就試吓聞名已久既中環珍姐，地址都唔算難搵😂12點2左右去到，門口有十個人左右排緊隊，過左陣侍應哥哥問有冇一個人，即刻舉手入得因為一早已經諗好左食雞飯，所以求其望一望個餐牌就算，落單哥哥雖然好匆忙但態度都唔錯。見到坐附近既食客都係食雞飯多，等左3分鐘左右就有得食，55蚊黎講，份量好足，而且雞胸都好滑，加埋個汁食，非常滿足。野飲都係加10蚊就有，如果係附近返工，一定成日黎食完無耐已經聽到廚房叫暫停雞飯，下次再黎試下羊扒先

堪稱香港最難訂枱的火鍋店，得到幸運之神眷顧有一晚零時零分突然book到一張4人枱，我們都十分期待這一餐。招牌豬骨蜆煲🐷🐚用上大量豬骨，豬手，蜆肉，粟米🌽，唐芹🥬及蘿蔔🥕等烹製，一上枱見到濃厚的湯底已經流口水。店員會先裝一小碗湯讓我們品嚐，十分好飲，好飲到我哋每人都再逐了一碗！海鮮拼盤🐟🐚有蟶子，北寄貝，象拔蚌及數隻沙白蜆所有貝類都新鮮爽口扇牯牛皇🐮🥇根據店員介紹，這牛肉是由凌晨運到香港後即日屠宰，沒經過雪藏，是屬於溫體牛。店員會先示範如何將牛灼熟，扇牯牛肉味香濃，十分好味即炸魚皮🐟必食推介，魚皮熱辣辣，份量十足，超級香脆好味，一塊接一塊，停不到口另外我們還點了鱔片，牛丸，生菜，生麵等，餐廳氣氛一流，全晚播著耳熟能詳嘅經典金曲😊