珍姐海鮮火鍋飯店

Open Now

Now Closed

一直都聽過珍姐火鍋， 但原來lunch都好多人排隊！ 不過好彩turnover得快都冇等好耐。 🐄 極品封門柳豬油撈麵 HKD85 本身見到Menu超想食，佢用打邊爐既封門柳，明顯唔會係出街食乾炒牛河嗰啲”拿”到冇晒肉味嘅牛肉， 就算冇”拿”過都唔會鞋，好軟滑好粉嫩。 撈麵質地ok 但味道就算有豬油我都唔覺得香， 好似隻豉油同撈麵唔係好夾咁樣。 如果食呢個撈麵，我會寧願夜晚嚟打邊爐食牛肉算🤔🐓 拔道腩雞飯 HKD55 相比之下，我覺得呢個雞飯更有驚喜～雞肉唔肥， 滑身，仲要冇骨！ 油飯好香香茅味，唔覺唔覺可以食成碟。 性價比會比上面撈麵高😉餐廳裝修格局行地道茶餐廳路線， 服務態度普通，好似澳牛仲好🫣 快快手食完就好閃啦 ✨

早左一個月都係排waitlist…有位個陣都幾開心 即時過數 留左幾樣野食本身4個女仔都細食 我仲要high 左tea先去 但埋單都要2900 唔計枝酒都$2400即刻睇下叫左咩食大部分我覺得唔抵食既都係預先留左既特別係 海鮮拼盤因為佢嚟到嗰陣無同我地個人頭收費佢網站只係會show 個range 仲要朋友咁耐之前book 上菜前交待價錢都好合理？而且又無講明隻數/斤兩 蝦係咩蝦…所以上菜嗰陣我地幾個都有少少覺得做左水魚全部海鮮都勁細隻 份量都超少蟶子王差少少幼過筷子…人頭$180 哩度就無左$720…最離譜係咁平既蜆類都得幾粒…強烈建議唔好叫海鮮類牛係正常發揮相信本地高級邊爐店都有手切本地牛無特別出色 同埋哩個價佢混左牛頸脊同牛背同牛赤肉所以比出面淨牛頸脊價錢都貴一截仲有丸類 餃 菜 其他就比較普通 唔特別講湯底其實老火湯 覺得唔太夾牛之類 好似愈煲愈燥火咁但staff好人既 友善 氣氛係好既 所以如果你想睇staff表演飲酒同好似唱k咁聽舊歌 就試下如果好似我咁追求食物質素同性價比 就唔會再嚟香港大把高級邊爐店 食埋象拔蚌刺身人均都係700…最重要係班朋友都覺得一開始個海鮮拼盤有少

多謝 朋友給力終於有機會食到珍姐人均ᴴᴷᴰ600左右但價錢份量合理、味道同氣氛好🥰絕對係同朋友嚟醉生夢死(✗) 尋歡作樂(✓)嘅好地方餐廳成晚都播住耳熟能詳嘅廣東歌歌聲大但談天聲響更大，熱鬧一百分服務亦不錯，點餐時先有店員介紹唔同肉類𓂅 扇牯牛皇 (ᴴᴷᴰ 420) ✨需預訂嘅本地新鮮扇牯牛分別有四個不同部份，由瘦至肥排列，各個部位各有特色，牛味濃郁得嚟又唔會太肥🥩𓂅 招牌豬骨蜆湯 (ᴴᴷᴰ 288) ✨也是提前訂定的湯底十分出色，上鍋後店員會分發湯底比你試真啲，先再開始介紹五秒淥牛法；豬骨同蜆嘅鮮香同樣濃郁，加湯後仍然夠曬味👍🏻𓂅 涮羊肉片 (ᴴᴷᴰ 118) ✨𓂅 菜脯蝦醬豬肉滑 (ᴴᴷᴰ 98)𓂅 花雕醉雞翼 (ᴴᴷᴰ 88) ✨𓂅 即炸魚皮 (ᴴᴷᴰ 68)𓂅 珍姐冰茶 Earl Gray Martini (ᴴᴷᴰ 68) ✨𓂅 陳皮魚蛋 (ᴴᴷᴰ 58)𓂅 香酥腐竹 (ᴴᴷᴰ 68) ✨𓂅 韮菜豬肉餃 (ᴴᴷᴰ 68) ✨食完都會走嚟吹下水問下你意見臨散場仲有甜品送，店員們再嚟酒過幾巡！我已經好期待下一次嘅到訪了💛

第一次黎珍姐係晚上食火鍋，樣樣野都好滿意，料靚湯底靚服務好環境氣氛全部都100分👍🏻周圍同朋友介紹呢間值得試，自己亦打算會再幫襯。今日去食佢lunch,完全2回事，最主要係服務員態度可以用惡劣黎形容一坐低問有無雞飯 waiter答無跟住格一陣，對面2個女仔黎左2碟雞飯但明明同一時間坐低所以問是旦一個waiter 佢答：賣哂咪無囉我：我地同對面一齊落單Waiter: 又吾係我落單問我做乜落單果個行埋黎話：我邊有講過（凶惡既眼神+想打交咁）我話無魚，無話無雞喎失望！不會再來！

讚1 氣氛堅係熱鬧 90年代金曲加大量酒精 係有啲似去東寶既熱鬧感2 湯底既豬骨煲足料 牛肉堅係出色 肥香鬆甜 海鮮既蝦同花蛤都好新鮮 魚腐夠香口 作為一間火鍋店係好出色3 酒款選擇多彈1 餃子 丸之類都唔好食2 價錢堅係貴既

「人齊入座」的歇後語：唔該你班友仔未到齊唔好入來我餐廳齋坐唔食阻住我做生意，一陣等吓等吓食／坐幾個鐘我咪蝕晒？11點開門入去 鬼影都無隻都要人齊入座。奶茶又唔好飲 伙記又唔係好禮貌。想搵個位擺袋擺褸都唔會俾多你。我係業主就加一倍租趕走佢啦。

男友向來對於喺香港食嘢都沒太高要求，只要填得飽個肚基本上佢都冇投訴；能夠令佢留下深刻印象嘅餐廳真係少之又少個半月前佢同朋友去咗「珍姐海鮮火鍋飯店」打邊爐，食完同我分享呢度食材好高質，最重要的還是：有好氣氛！人均消費超過七百蚊佢都覺得有價值能夠令佢留下深刻印象的餐廳，我都決定要去潮聖一下，於是到第二日即刻上網睇訂座，約到個半月後佢哋的招牌豬骨蜆煲，海鮮拼盤同扇牯牛皇需要先預訂；網上訂座時如選擇8️⃣時前結帳，可享8️⃣折優惠，海鮮及扇牯牛除外今次平日6️⃣點鐘到訪，環境富懷舊本土特色，一直播放著90年代廣東歌，富親切感未開餐老闆已細心講解佢哋提供的牛肉類別==========🔹招牌豬骨蜆煲 $268以豬骨，豬手，蜆肉，粟米，唐芹及蘿蔔等淆製店員先裝一小碗湯讓我們品嚐湯底的豬肉及蜆味鮮味濃郁‼️再將豬手分到碗上，豬手鮮味十足，口感軟滑富骨膠原推介指數：9/10==========🔹海鮮拼盤 每位$150-250每晚供應海鮮有所不同，當晚收費為 $1️⃣8️⃣8️⃣有2️⃣隻蟶子，中蝦，象拔蚌及數隻沙白蜆所有海鮮均新鮮彈滑，中蝦肉質爽彈推介指數：8.5/10==========🔹扇牯牛皇 $420為國內和牛級數牛肉，已被

新一年第一份禮物，就係不幸地中咗大獎，足足一星期好乖咁困咗喺屋企無出街。.終於放監了，即刻要去食好西🥳 好開心出黎第一樣食嘅係珍姐，多謝為食媽咪誠邀左我好幾次loll .為食媽咪誠邀我哋當然有原因，因為佢成日都想食好多款，但又食唔得多嘢，所以成日都想多啲人一齊食。難得今次齊人所以就叫咗三款最出名嘅lunch 選擇，三款嘅賣相已經十份吸引。🔸極品封門柳豬油撈麵（$85份例牌）無得外賣系列之一。珍姐叫得老蘭嫩牛，牛肉嘅質素係冇得輸，同夜晚火鍋一樣咁好食😍撈麵嘅軟硬度岩岩好，配個份量同味道都調校得啱啱好嘅撈麵汁，好好食🥹 靚仔伙記哥哥會特別提醒豉油，唔好倒落個面度，係for點牛肉的，可想而知個撈麵汁佢哋一定有特別調校安排…我諗。撈麵一般都會跟一碗湯，呢到跟嘅係胡椒湯，雖然冇特別夾，但一樣好好飲。🔸拔道腩雞飯（$55）無得外賣系列之二。呢個雞飯真係平靚正，聽講已經加咗價，以前仲平，但中環來講性價比已經好高。雞胸肉嫩滑呢啲基本，個人覺得個雞飯汁先係精粹，網上話用泰國青檸魚露豆醬製成!? 我仲食到好香嘅香茅味…anyway就係好好味喇🤣以前雞飯都有得外賣，但而家為咗保障去排隊嘅人都有得食，就改咗冇

見啲網媒 Kol成日推介，想book夜晚火鍋book唔到，咁咪搵左日去試吓個午市。估唔到，係咁令我失望。。。首先排隊嗰陣門口已經好大浸油煙味，吹到頭髮外套全部一陣味，有d倒胃口，但都堅持排吓排隊（你都知香港人幾鍾意排隊㗎喇），坐低叫左個蔥油炸豬扒飯，唔知佢用咩油炸，嗰陣油溢味食到我同朋友個胃頂住咗成日，而家一諗起嗰陣油味就想反胃（認真的）。佢嘅所謂賣點就係員工態度差，音樂大聲！？完全feel唔到有咩風味，啲枱又笠，地下又污糟，唔會再想食。

係中環返工既我，呢日黎佐呢間叫珍姐海鮮火鍋飯店既餐廳食中午。友人話呢間餐廳原來明星都黎食，所以一於幫襯下!一入餐廳就聽到而家後生仔鐘意聽既歌，例如洪嘉豪，Ian等等既歌手。另外，所有侍應都係後生仔黎。午餐有7款食物選擇，我叫佐$65既頭抽蔥油豬排煎雙蛋飯。豬排份量都幾多，有成4大塊咁多!! 兩隻雞蛋同埋豉油一齊食，非常惹味。以中環呢啲高檔地段有65蚊一碟飯加一杯野飲，性價比都算幾高。美中不足既係熱奶茶既杯係破裂既，呢個令我有啲意外，真係有機會整傷嘴脣。希望餐廳見到呢篇食評可以改善下。

✍︎︎打邊爐為名嘅珍姐火鍋店中午1130-1500會主打碟頭飯當日1200到達，等咗5分鐘就入座，到用膳完畢1300已經大排長龍，仲聽到雞飯售罄了(￣^￣)ゞ🐔拔道腩雞飯🍚$55香濃雞油飯，飯粒粒粒皆明去骨雞肉嫩滑，雞皮爽彈配上辣醬，非常惹味🍳頭抽蔥油豬扒煎雙蛋飯🐷$55香茅豬扒份量頗多，稍微乾身小小🤏🏻煎蛋既係流心 亦係燶脆邊配上蔥油蛋汁甜豉油撈飯，又係無敵，令人胃口增倍🐃極品封門柳豬油撈麵🥩$85(例牌)出哂名嘅封門柳，以薄切唔係全熟形式上菜，牛味出眾肉質好嫩點上辣椒豉油，又再升華一級至於撈麵唔會好油••••••••••••••••••••••••••••••🔎珍姐海鮮火鍋飯店 中環和安里9號地舖••••••••••••••••••••••••••••••

⌇珍 姐 海 鮮 火 鍋 飯 店“ 🥩 ” 極品封門柳豬油撈麵 ( $ 8 5 )原本有啲驚晏晝食封門柳會太heavy 但呢度既新鮮手切牛禁出名 都係忍吾住想試下😋 封門柳帶點粉紅色 煮得啱啱好 唔會太un 牛味非常濃 點埋辣椒豉油有啲打邊爐嘅風味 撈麵質感煙靭 加埋豬油真係超級邪惡 非常惹味！“ 🍳” 頭抽蔥油豬扒煎雙蛋飯( $ 6 5 )碟頭飯既經典必叫就緊係豉油煎雙蛋飯 豬扒炸得香脆 加埋蔥油豉油同蛋汁 真係無得頂！中環呢間打邊爐既小店相信唔少人都聽聞過 就連book台都有waitlist😵 book吾倒夜晚打邊爐 佢地既午市都非常值得一試lunch time食飯都吸引唔少附近返工既人大排長龍 除咗佢地出名食材用料新鮮之外 氣氛亦非常之好 大杯酒大塊肉 約埋三五知己一齊尼打邊爐真係幾開心!🥳🥳珍姐海鮮火鍋飯店❤️‍🔥中環和安里9號地舖🍞#foodraah_central

喺香港有各式各樣唔同嘅打邊爐 - 日式, 韓式, fushion, 港式, 台式, 芝士火鍋, 放題, 單點, 各種形形式式, 應有盡有👍🏼🫕🥘 唯獨有一樣令我百吃不厭嘅就係港式珍姐嘅火熱情度有幾大? Lunch喺門口排長龍, Dinner要早至少一個月book一坐低就梗係叫左個煲先啦, 豬骨煲入面有當然豬骨🤣 重有豬手, 蜆等等... 湯底夠味! 飲完就打邊爐喇呀等等, 佢除左打邊爐出面之外~ 另外呢2款小食我都係大力推介嘅羊架入味, 外層酥脆, 肉質軟嫩入味🤤炸魚腐, 好香口, 一啖接一啖, 啤酒都係🍻🤣跟手就係招牌牛肉喇, 4款部位, 4款唔同嘅味道同口感, 唔錯當然除左牛之外重有其他火鍋料啦, 其中推介嘅陳皮魚彈, 串串八爪魚, 花鵰雞翼都係要試嘅!!餐廳成晚都係播緊80年代90年代嘅歌曲, 不禁令人回想香港最光輝嘅時間... 最唔好嘅係咩? 就係收得太早喇😂😵‍💫

呢間位於中環嘅人氣火鍋店 珍姐 Big JJ 相信唔少人聽過, 但未必食過, 原因係佢真係超難book, 一枱難求裝修風格係有舊式茶餐廳feel, 好本土, 好local, 店員好多嘢講, 氣氛超正珍姐打邊爐, 主打梗係牛肉, 叫咗兩碟牛都係高質新鮮好味貴野 “扇牯牛”記得要提早預定, 佢油脂分佈均勻, 咬入口好冧, 呢啲牛唔攞嚟打邊爐真係嘥咗鮮製三寶手打肉滑 一次過可以試三種滑 - ”魚羊”滑, 菜脯蝦醬豬肉滑, 墨魚滑, 全部都幾鮮美, 唔錯連酒水人均$800, 的確係唔平嘅, 呢個價當然有好多餐廳選擇, 不過你見到珍姐一直都係book爆就知好多人選擇佢呢度賣嘅係優質食物質素, 店舖入面食嘢超正嘅vibe, 同人情味 (仲有位置, 話曬都係中環)想同朋友gather (particularly 成堆麻甩佬) 渡過一定開心嘅幾個鐘, 唔一定要幫襯高級餐廳 大財團, 珍姐都可以係一個選擇🍽 餐廳: 珍姐海鮮火鍋飯店🏠 地址: 中環和安里9號地舖

中環超有氣氛地道靚牛邊爐🍲 珍姐海鮮火鍋飯店(中環)📍中環和安里9號地舖「人世邊個最初初，叫安歌太天真太傻，奇怪今晚叫安歌，叫得充滿熱血是你跟我」珍姐依個名號差不多等同於預約困難店，咁啱有朋友轉讓張枱，當然二話不說即刻應承，我係第一次去食，本著不期不待不受傷害嘅心態，餐廳裝修就係平時茶餐廳嘅格局，但細心一睇餐廳角落收藏住唔少靚酒，餐廳會一直播放唔同經典K歌，同朋友一邊一打邊爐一邊估歌仔，仲有客人會開心到大合唱，而老板侍應亦會拎出私人珍藏靚酒同食客暢飲一番，非常熱鬧。-氣氛:4.7/5⭐️ 當晚客人全場氣氛都非常高漲，全部一齊大合唱經典歌曲兼且同老板侍應暢飲一番，非常熱鬧，係好難得嘅體驗。-招牌豬骨蜆煲 $288 4.2/5⭐️朋友因為已經食過幾次，豬骨蜆煲需要提早預訂，侍應好熱心咁幫我地分咗每人一碗湯比我地品嚐咗，湯底濃而不膩，蜆嘅鮮甜已經融入哂湯底入面，非常唔錯。-扇牯牛皇 $420 4.3/5⭐️-老蘭嫩牛四拼(M) $328 $4.3/5⭐️-牛舌(M) $98 $4.1/5⭐️朋友亦提前扇牯牛皇，係每日凌晨香港屠宰，基乎係每枱都必點嘅。另外侍應亦會好熱心咁介紹今日有邊D靚牛以及屬於乜部位