珍姐海鮮火鍋飯店

Open Now

Now Closed

差唔多早一個月Book定先食到嘅火鍋真係超級期待！黎到已經見到枱枱都一大碟靚牛已經覺得好吸引(*≧ω≦)湯底我地揀左椰子雞湯超級甜同濃味！加埋啲牛食好夾～啲牛肉真係款款都咁好食，淋得黎又有肉味！菜都好新鮮好鮮甜～

知道佢一到Lunch hour 就會好瘋狂咁排長龍所以今日就專登早D D11:20就入去坐低呢個時間就冇乜人Lunch menu 如上如果12:00前離座 就可以free飲品我叫左拔道腩雞飯的確雞夠嫩 皮夠滑而個雞飯味正😋😋只係份量吾算大朋友叫左頭抽蔥油豬扒飯份量一樣吾算多只係蔥油同頭抽好好味最後杯奶茶就差D D茶味吾夠濃整體來講，係唔錯味係幾好環境又有特色價錢響中環區都算係咁la只係如果要排長龍我就覺得唔值

朋友推介珍姐，竟然唔係火鍋，而係午餐。原本打算星期六或日去，點知原來星期六只開晚市, 星期日唔開，所以碰了兩次釘。上星期趁假期，專誠去珍姐。以免排隊，所以十一點便到。成為當天第一個客人。一看餐牌，不得了，樣樣都想試，有海南雞飯、豬扒飯、粟米魚柳飯、珍姐咖哩羊排飯等。惟有問侍應妹妹。她一句，様様都好食噃。結果我一人點了三客，一次過滿足三個願望。極品封門柳豬油撈麵（$85）封門柳是灼熟，像火鍋牛肉般偏生，配埋香氣撲鼻的豬油撈麵，再跟一小碗重胡椒味的湯，很暖胃。頭抽葱油豬扒煎雙蛋飯 （$65）豬排有用香茅醃過，份量足，頭抽蔥油拌飯又香噴噴。粟米魚柳飯（$65）單看餸名以為普通嘢，第一眼已好震撼，魚柳好大件，粟米汁亦足夠。侍應經過，話普通嘢姐，我就答，你未吃過坊間啲普通嘢有幾難食。碟好特別，帶點懷舊感。十二點前結帳，奶茶免收$10。吃後馬上推介給朋友。

呢間可以話係極難book既火鍋每日上網撳都係排waitlist既真係一枱難求.而我朋友又唔知邊度黎既運一book就book到16位 同佢慶祝生日🫶🏻我地都勁開心😍😍😍😍😍.一入到去 大大個招牌真係好正 有feel👍🏻👍🏻👍🏻👍🏻👍🏻.火鍋店黎講佢係幾多選擇由佐酒小食 到火鍋湯底 牛既不同部位 各種肉類、海鮮 手打肉滑 蔬菜 到其他配料全部照顧晒你既需要.講到食牛 佢地店員都好樂意去介紹仲成盆拎晒出黎 逐樣講想食扇牯牛皇必須早一日預訂埋啊‼️想食扇牯牛皇必須早一日預訂埋啊‼️想食扇牯牛皇必須早一日預訂埋啊‼️好重要 要講3次到底係咩部位 老老實實真係唔記得晒因為未食野已經飲左幾杯喇🤣.清潤椰子竹絲雞湯湯一上已經有清清椰子味湯底顏色似係比較濃店員仲好熱情幫我地分湯 每人一碗飲落勁清甜!! 係粟米係煲果種甜味好濃既甜 有啲掩蓋左雞湯味值得讚既係佢一啲都又唔油 飲得好舒服.賣相就真係好好👍🏻睇到係新鮮血紅色既牛肉由左至右順序排列 較瘦到較肥店員話每塊只須淥5秒!為左唔好浪費咁靚既牛 我地個個都好聽話架而口感我係覺得一樣係左至右咁排🙈排左邊既2款比較嫩滑🤤🤤 真係好正 好有牛味.估佢唔到既係 連海鮮都

原本諗住訂到第2次寫埋再出post，點知since Dec 2021 無再訂到過🤣，上次好好彩平日嘅waiting list後補成功🥹，所以同朋友夾到時間點都試吓撳咗waiting list先🥹🥥椰子竹絲雞湯✍🏻當日最唔開心係無一早落湯底/reserve定個招牌豬骨蜆煲🥹🥹🥹所以無得食，唯有唔知等幾時嘅下次🥲，呢個湯飲落係清甜滋，仲有成隻烏雞好足料，有同椰子片、杞子、粟米等等一齊煲‼️必叫單品‼️🐂大四併 ✍🏻好濃嘅牛味😋，呢度必食就係每日唔同既特色本地手切牛，手切前會介紹每嚿牛係咩部位，好似食omakase咁‼️仲叫咗‼️🐑手抓烤羊排🫶🏻魚羊滑🐟陳皮魚蛋🍹伯爵檸(一揸）🐠即炸魚皮珍姐海鮮火鍋飯店 𝔹𝕚𝕘 𝕁𝕁 𝕊𝕖𝕒𝕗𝕠𝕠𝕕 ℍ𝕠𝕥𝕡𝕠𝕥 ℝ𝕖𝕤𝕥𝕒𝕦𝕣𝕒𝕟𝕥📍中環和安里9號地舖(中環🚇C3 出口行1分鐘就到)💫評分: 8.4/10💬成間舖大家多好hyper，大家都唔會驚尷尬，同朋友一齊食成餐都好hoisum，同會好自然係咁一齊高歌啲經典廣東歌🤣，當呢度係karaoke🤣，店員會同我地一齊飲💬鍾意店嘅手切牛不過價錢都唔平，其他嘢食正常發揮，覺得嚟呢度係食呢度嘅人情味，個感覺好似成間舖嘅人都係

我係附近返工，幫襯左幾次都覺得好好食，啲員工都好好，今日真係超失望。今日11:50 am 左右去到食飯，其實半滿，但職員叫我同同事併枱，咁照坐。同事坐低話好凍，轉頭對面兩個男士食完走左，我之前有坐過那個位，就問可唔可以坐對面，個女待應黑哂口面話咁要等，個下已經覺得咁無禮貌。食物到左，叫左雞飯同咖哩羊，飲品未到就提一句「麻煩仲有兩杯飲品」當時都未滿場，女待應又瞪住我叫我等等😐 個男待應轉頭放低杯野「依家好口渴啊？」個下呆左我都做服務行業，將心比心，句「依家好口渴」真係令我唔會再幫襯我只係想食個飯，平水相逢，大家都唔應該受大家氣我以後唔會再去

大隻仔今次覓食嘅店舖就係💥 珍姐海鮮火鍋飯店 💥 大隻仔今日終於安排到時間，光速去珍姐食lunch，大隻仔知道中環珍姐午市好多人幫襯，今日11:30已經到達餐廳，希望唔使咁急速，可以慢慢享受食物。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 拔道腩雞飯 $55珍姐lunch menu 有三大名菜：「拔道腩雞飯」係其中一樣，另外兩樣就係「極品封門柳豬油撈麵」同埋「珍姐咖喱羊排飯」。「拔道腩雞飯」雞肉解雪功夫做得唔太好，令雞肉會有輕微霉霉地嘅感覺，使雞肉唔夠滑，而且雞肉味道清淡。至於雞飯比較濕，但味道可以，附上既薑蔥豉油拌勻一齊食，將味道清淡，平平無奇既雞飯加左唔少分數。🔥 極品封門柳豬油撈麵 $85封門柳都算嫩滑，肉質唔太乾柴，豬油撈麵味道清淡，都係需要靠附上嘅豉油拌勻一齊食。🔥 凍鴛鴦 $10最出色反而唔係食物，係飲品，凍鴛鴦既咖啡、茶、奶、甜度比例都岩岩好，有大排檔嘅影子。茶水檔為珍姐加咗唔少分數。溫馨提示：餐廳style似澳牛，員工態度粗魯但不

足足等咗兩個月終於食到呢間預約困難店果然係名副其實，抵珍姐咁出名。一早預訂咗兩個湯底，伙記們會先比咗頭啖湯我地飲，真係好入味。就咁飲豬骨湯味道好濃厚，不過打邊爐的話，椰子雞湯就入味啲珍姐主打係牛肉，我地應該係先預訂咗老蘭嫩牛四併，牛脂分佈由瘦去到肥排列，不過無論係邊個位，咬口都好冧，一食就知係靚牛，好味到感動另外好出色嘅係薄切牛舌，我個人未試過打邊爐食牛舌，今次係第一次，好驚喜。放入口唔會太難咬，仲有啲彈牙，好好味海鮮拼盤都好似要預先預訂，全部食材都好新鮮，有樣你睇伙記話我哋放耐咗少少，又煮耐咗少少，不過我仲係覺得好好食食材新鮮果然唔同啲！成間餐廳嘅氛圍仲好熱鬧，老闆伙計得閒走黎同你乾杯傾吓偈一齊唱香港經典金曲，成晚都笑到停唔到 十分有人情味嘅一間火鍋店，已經成功預約下一次，好期待

平日一到lunch time就會排長龍，今次終於有機會試到！lunch set有7款選擇！我今次揀左珍姐咖喱羊排飯！咖喱汁好加味，羊排又大又厚肉，而且肉質好嫩滑，份量有足夠。唔怪得咁多人幫襯，下次一定會再嚟試第二個lunch set!

未試過呢度嘅雞飯，一個人下午來到了珍姐，雞飯當然係售罄，只有三寶同撈麵。蔥油嫩牛撈麵，都係signature，店員問我要大要細，可能工作太累，未回過神要左個大才知大係double 嫩牛。如果你係食肉獸，真係要食個大，啲牛真係好好好多，而且真係非常粉紅嘅嫩，同平時自己火鍋淥幾秒嘅程度差唔多。個撈麵都好食，當然比起我最愛嘅長發麵家有啲距離，但可以接受。價錢$128你話貴定平，我覺得久唔久一餐可以啦。本來聽朋友講係想睇吓可唔可以過嚟執雞睇吓有冇嚟緊幾日嘅火鍋枱，本來想搞包場，但朋友話齋好似太麻煩，求其book張枱幾個朋友食仲好。好難諗，都係自己靜靜地享受個蔥油嫩牛撈麵就算。

聽聞呢度不但夜晚打邊爐出名，食 lunch 都好正😛 今日放假平日即管出嚟試吓！一行入去個環境已經好懷舊 feel，播住90-00年代嘅音樂，staff 會一路執嘢一路唱歌🎤🥢珍姐咖喱羊排飯（$85）羊架好靚，唔羶，肉好淋，邊少少脆；咖喱汁係港式咖喱，甜甜地，唔辣，好香！必試😍🥢極品封門柳豬油撈麵（$85）封門柳薄切，牛味甚濃👏🏻 個撈麵豉油味好香，唔覺油膩，不錯☺️ 如果覺得牛肉太生，可以浸一浸附上嘅熱湯，點少少豉油食👍🏻

I've had lunch here a couple of times and the lines are always extensively long, but this time we were able to get the booking secured.Apparently it was extremely had to get a booking here and boy it did not disappoint.The soup base was a pork bone soup with clams, the clams were fresh and tasted great, albeit a bit salty from the soup base. The soup base was amazing, the collagen made my lips so sticky and I couldn't wait to put noodles into this. Might even surpass some ramen soup bases.First

朋友介紹，中環蘭桂坊，和安里有一間隱世餐廳，味道好，大食夾抵件，坐低，成間舖頭我有舊式餐廳冰室嘅情懷，播啲歌都好有回憶，加晒分，叫咗個咖喱羊扒飯，依舊邊係羊扒，完全係羊腩嘅扒版，每一啖脂肪同埋肉嘅分布都係非常之出色，好林一啲都唔靭，仲要份量唔少，有兩舊咁多，基本上覺得淨係食咗兩舊羊扒都已經夠數，飯底做得唔差，粒粒分明，我覺得我食咗珍姐呢個羊扒飯之後係冇辦法接受到其他餐廳嘅羊扒飯，見到佢lunch仲有其他四五款唔同嘅餐，要搵幾日試埋其他。

Just visited Big JJ’s last month for dinner and here I am back for lunch! Upon arrival, a queue of 10+ is already formed - reasonable given the affordable yet delicious lunch options: I ordered the “老蘭嫩牛蔥油撈麵 Prime Beef with Scallion Oil & Soy Noodles” - using hanging tender, the beef flavour was extraordinary, and of course goes well with a aromatic & little sweet noodles. We also tried “珍姐咖喱羊排飯 Lamb Rib Curry with Rice” - first of all, the size was intimidating, chunks of meat but really tender

標榜自己"一般"嘅人氣港式火鍋店, 由初搬到中環鋪位開始食到呢家預約困難店, 水準仍然咁"一般"預約嘅時候已經預訂扇牯牛皇同招牌豬骨蜆煲, 可惜當日全港未有扇牯牛, 欣賞佢哋堅持唔賣隔夜牛, 咁我哋就叫咗大份嘅"老蘭嫰牛四併", 有齊封門柳、牛頸脊、牛匙柄同牛胸簽, 店員一如以往會介紹唔同部分嘅特色同埋建議時間上湯底之前會有醬料可以自己mix & match, 不過湯底夠味其實唔洗都可以飲陣啤酒就上招牌豬骨蜆煲個煲堆到好滿, 店員會幫手夾起豬骨同建議先飲碗湯, 香濃豬骨湯加埋蜆好鮮甜海鮮拼盤 - 每日唔同, 視乎當日有咩新鮮海鮮, 多數會有蟶子、蚌仔、沙白, 今次我哋有大蝦, 仲大隻過蟶子鮮製三寶手打肉滑 - 一次過試哂三款, 菜脯蝦醬豬肉滑、墨魚滑、”魚羊”滑, 最吸引一定係”魚羊”滑, 羊肉較味濃但咬落有鯪魚肉口感, 幾特別不過又唔係鮮; 豬肉加埋菜脯蝦醬好有屋企蒸肉餅feel; 墨魚滑都鮮爽, 只係比較上2款淡味而失色最後每位都送上桂花蒟蒻, 開心甜蜜完結一餐