王家沙．花樣年華 (太古城中心)

Open Now

Now Closed

好日都唔食中菜嘅我突然間想食下中菜，經過見到裝修幾靚所以不如行入去試吓今次我哋嗌左：✨陳醋海蜇頭：口味偏酸，但海蜇頭彈牙，都幾好味的。✨招牌蟹粉小籠包：對呢個有少少失望，覺得個皮有少少厚，冇咩特別。✨紅油抄手：抄手入面足料，啖啖肉✨蟲草花螺頭燉雞湯：個人來講成餐飯最鍾意就係呢個！！！個湯好足料超濃味，冇味精，好清甜！！！✨蜜汁火方：我知道蜜汁係會甜，但我覺得呢個偏甜左少少😂 但其實火腿口感好好，同埋個包好好食！✨酸辣湯麵：酸辣湯出色，酸同埋辣好平衡。麵條都不會太淋，幾好。✨貴妃紅棗糕：佢有三件，但係唔記得影相食得太快出來嘅時候暖暖地，紅棗味濃但又唔太甜，口感好煙韌，好味！另外想提及下就係店員服務態度好好，十分主動，又會不斷幫我哋refill茶！！整體來講用餐體驗好滿意~~

位於太古城中心嘅花樣年華王家沙分店喺地鐵站行5至10分鐘就會到。歺廳空間都幾大下有一部分仲有櫻花做裝飾好靚我哋喺梳化位坐好後揀左以下幾款食蘇式鮮肉小籠包小籠包皮唔算話好薄厚薄適中但佢入面嘅湯汁夠熱油份同甜度剛剛好點埋醋係好食嘅椒鹽鮮魷外皮炸得剛好，乾得薄脆，咬落脆卜卜，魷魚新鮮入囗柔軟奶油津白味道較為清甜，菜煮得夠腍身，亦索哂啲鮮奶。鍋仔梅菜扣肉飯味道香濃，鍋仔將梅菜扣肉的香甜味逼哂入啲飯度，愈食愈滋味。招牌擔擔麵濃底濃郁偏杰身，每條麵條都掛滿左花生湯汁。高力豆沙高力豆沙中規中距，豆沙味不是一味死甜。

假日同朋友係太古城行完街～ 諗下食咩既時候發現左王家沙門口既小籠包～ 於是就排隊拎位啦，我地見到餐廳有2個大廳我地好好彩咁坐左係入面個個大廳到～ 個大廳好寛闊～ 我地3個大人一個小朋友（坐BB車）都擺得岩岩好～ 好岩一家大細去我地叫左一層冷冷jelly包住既紅色肉，其實幾好味架但感覺都會肥😅仲有蔥爆牛肉配薄餅，個薄餅係超級簿既北京烤鴨個種薄餅，薄餅很4片真心好小呀…比多2片黎夠6片個人認為標準一點…個蔥爆牛肉咸左小小，唔夠薄餅真係食唔到…個蔥就同d汁一齊好好味既我地仲叫左蟹粉小籠包同炸饅頭 配煉奶～蟹粉小籠包比普通小籠包貴20, 但無咩蟹粉味+佢個肉餡都唔係好好味，小失望同埋貴…$78 5粒同supermarket 買既差唔多😂不過不失味道炸饅頭叫得就唔會係因為價值係因為想食，但都唔失望既～ 炸得都叫外脆內軟～ 同普通酒樓一樣前菜$12蚊既係花生🥜😂都香脆既…

太古城住宅、商業區兼備，餐廳選擇固然多。想食上海菜，我見到呢度有花樣年華。王家沙，餐廳門口有師傅整上海點心，一於食個小籠包先！脆皮素鵝（$72）超級脆，超香口！招牌蟹粉小籠包（$78）熱辣辣燙口的小籠包，咬落有肉汁及蟹粉，當然多d蟹粉就更高興啦。原盅雲吞雞湯（$68）清清地，味道還好。正宗酸辣湯（$58）呢個味道好d，夠開胃。炸黑毛豬排擔擔麵（$128）份量非常大，豬排大大塊，麵又大大碗，啱晒大胃王。高力豆沙（$58）個人認為多d沙糖會更好。充滿粉色系的裝修：

到左食蟹季節梗係想食下蟹，喺太古城見完客順便食埋dinner 先返屋企 ，望一望王家沙嘅menu，果然有蟹嘅菜式，同同事立即入去食！餐廳喺太古城中心一樓，好似改了名做王家紗.花樣年華，中國風嘅裝潢，座位多又濶落，幾啱傾計。Menu主打上海菜，而鮮拆蟹粉菜式有豆苗、伴麵、豆腐、年糕…十幾種咁多！  🦀砂鍋蟹粉河蝦年糕🍲 $198 鮮拆大閘蟹蟹粉及蟹肉製成嘅河蝦加年糕，蟹粉丶蟹肉及蟹油比例均勻，啖啖都係又香又濃嘅蟹膏味，新鮮爽口嘅河蝦仁🍤配煙韌嘅年糕，用上砂鍋上菜能夠保持温度，相當好味！ 🥯金牌蟹粉生煎包 $78 蟹粉新鮮不帶腥味，厚厚嘅豬肉餡同蟹粉味道香濃，煎到金黃色嘅包底，加上軟綿綿嘅包身，吸收哂蟹粉精華，湯汁豐富！推介！🥚温泉蛋賽螃蟹🦀 $98: 呢個必點嘅賽螃蟹, 軟滑嘅蛋白加上蟹肉，口感豐富，入口滑溜！ 🥗前菜：皮蛋豆腐 $48 ：豆腐夠凍，皮蛋好味，配埋肉鬆一齊食冇得彈！ 🍮芝麻豆沙餅 $48: 相比傳統豆紗鍋餅冇咁油同偏乾身，芝麻焗到好脆，香口惹味！

必去的餐廳！！！上海菜一流👍👍估唔到味道比以前更好～～令我喜出望外🤫好幾年前食過一次，因為太耐都冇食過，今日好想試吓上海菜就入左去試下！估唔到裝修，環境，食物質素都變得更好了！廣東菜黎講，其實上海菜都比較多人鍾意食，而且口味都好岩香港人😋 今日叫嘅所有嘢食都好好味，前菜我地叫左個陳醋海蜇，醋味好濃郁，幾岩鍾意食醋嘅你最深刻係個炸黑毛豬扒擔擔麵, 豬扒好juicy, 口感好柔軟！另外紅油抄手亦都非常出色，小辣鮮香😋如果好鐘意飲湯既就唔好錯過呢個蟲草湯啦！好有媽媽煲湯既風味，好足料！😍而家轉季秋天，最好飲番湯水補下，蟲草可以增強抵抗力當然唔少得蔬菜啦！佢個乾煸四季豆鹹甜適中！炒得好入味🤟仲有唔少得叫上海菜既特色之一生煎包啦！味道不過不失，如果多少少湯汁就更好🥰最後當然唔少得要叫甜品 — 芝麻豆沙鍋餅啦！我大愛既食物！！！爽脆可口！佢哋杯自製豆漿都唔差㗎！！！！🙌🏻另外不得不提員工態度好好，好有禮貌！環境座位都好舒適，價錢適中🙇🏻‍♀️下次帶埋屋企人黎食先！👨‍👩‍👧‍👦

王家沙主打中式經典美食 餐廳最近裝修過新淨舒適座位都好充足空間感十足傳統既擔擔麵可以揀辣或者唔辣麵質非常彈牙而且好掛湯炸肉排用上西班牙黑毛豬肉味香濃突出 香脆可口絕對係值得一試蟹粉小籠包皮薄餡靚入口散發無比甘香比起傳統嘅小籠包更添特色松子魚亦都係上海經典美食酸酸甜甜非常開胃魚肉分量十足 大大條而且好新鮮上湯浸時蔬清新健康而且個湯都幾濃郁最後甜品選左酒釀丸子酒香濃郁 令人一試難忘丸子彈牙有嚼勁為晚餐畫上句號

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間中菜館，品嚐中國味道。王家沙．花樣年華位於太古城中心，從地鐵站出發不用三分鐘便到，地點方便就腳。疫情關係，餐廳也安排了屏風，而且枱與枱之間也有足夠距離，入座時也有量度體溫，令客人吃得安心。我們一行二人共點了幾道小菜，一起互相分享。原盅雲吞雞湯(⭐⭐⭐⭐⭐)真材實料的老火湯一喝便知龍與鳳，味道濃沃，雞件十分幼嫩。雲吞一共有兩至三件，皮薄餡靚，兩個人分享剛剛好。蘇式鮮肉小籠包(⭐⭐⭐⭐⭐)一場嚟到當然要試一試這裏最出名的小籠包。籠包外皮十分薄，一咬下去流出啖啖肉汁。餡料的調味也做得不錯，豬肉餡料吃起來有嚼口。蟹粉扒豆腐(⭐⭐⭐⭐⭐)現在是大閘蟹當造季節，特意叫了這個蟹粉扒豆腐。蟹膏香濃而且質感幼滑，還能吃到一絲絲的蟹肉。配上豆香味十足的豆腐，簡直是送飯的良品。魚湯蒜子時蔬(⭐⭐⭐⭐⭐)還叫了一份魚湯時蔬，中和一下油膩感。時蔬吸收了魚湯精華，吃起來十分入味，而且不會覺得油膩，適合注重健康的香港人。闊佬炒飯 (⭐⭐⭐⭐💢)最後還有個炒飯，有點澱粉質才飽肚。炒飯應該是用隔夜飯做的，十分乾身，而且每粒飯也均勻地

太古城有咩好食？我唸起王家沙，花樣年華齋係個名都夠哂氣派啦醉嘉美雞用酒瓶黎放住d雞幾有趣！唔好以為得面頭幾舊呀，入面仲有幾層雞份量都幾多 好怕d雞凍到飛起，呢度就適中 雞嫩又有雞味蟲草花螺頭燉雞湯清清甜甜，雞味慢慢滲出嚟加上足料！温泉蛋賽螃蟹賽螃蟹好難整得好食！滑滑溜再加上温泉蛋 真係冇得彈火腿蒜茸粉絲蒸娃娃菜黎到先知有個火係下面蒸住黎食，keep住熱蒜蓉粉絲本身已經好正，夾埋新鮮又大既娃娃菜 錦上添花招牌炒飯賽螃蟹一定要夾炒飯！所以嗌咗個招牌炒到粒分明 冇乜水份 再有菜粒，蝦，肉鬆 不錯總結，keep到個水準之餘 仲有驚喜！

今日去完朋友屋企，去了附近的商場吃晚飯。餐廳主打上海菜，裝修顏色都鮮艷，裝橫都頗具特色，食物選擇都幾多，店員服務都貼心。拼盤有五款，最愛是醉雞，皮滑肉實味香而肴肉頭尾晶凝通透，肉質紅潤鮮嫩。小籠包也皮算薄，肉汁豐富。招牌擔擔麵要了少辣，也是合我的口味，麵質夠爽，湯底夠熱，花生令味道十分香濃。韭黃炒鱔糊比例剛好，韭黃香口，而鱔糊爽口，不算太油膩，配白飯剛剛好。而鮮肉食餛飩則不過不失。原來想吃甜品，但太飽沒有吃。

這間王家沙，都開左好多年，但一次都無食過。今次食完，一定無下次！其他上海鋪一定好過佢。除咗裝修好少少之外，今次食三樣嘢都令人失望！呢個雲吞雞湯啲雲吞不好吃，入面係一舊啡色好似醃製左好耐嘅加工肉咁，湯同雞都正常。不過$68得咁細碗….呢個排骨粗炒有好多料，不過全部唔夠味，完全無鑊氣！又係失望之作！上海小籠包仲衰，一睇就知個皮厚，一食落，入面舊肉又係無乜味…上海鋪連小籠包都做得唔好，點得呀？全餐飯最好味係前菜嗰碟花生…希望廚師真係可以好好改進！

after halleween，we goes drink tea and taste 上海food！I went there during Halloween! Because we played all night, I just went to hk sytle yum tea and hk style dim sum directly in the morning. It happens that there is also a choice of dim dum!even we had order special food famous of Sheung Hoi小籠包👏🏻👏🏻👏🏻擔擔麵👍👍👍The place is very comfortable ga.👻but i think the spoon need clean more should be better😉

招牌蟹粉小籠包 128蟹粉味都好出眾，食完蟹嘅味道會留喺口腔好耐。皮有少少厚，但係咁樣先會包逼住晒所有嘅汁。鮮菜肉雲吞 62估佢唔到竟然用紫菜湯底，即刻令到成個菜式嘅顏色同味道都加咗分。炸饅頭 32以前小朋友成日食呢一個菜式，呢度炸到外皮啱啱好脆，唔會太乾，點多多煉奶係perfect上海話梅骨 118我喺未食就骨之前先食咗個梅，嘩，粒梅好食過出面買果啲陳年話梅！跟住再食個骨，酸酸甜甜又多軟骨！真係超級好食九黃炒鱔糊 128超多份量，魚肉彈牙，九黃超級新鮮，醬汁調味啱啱好，唔會太過咸太油膩。上海擔擔麵 78大概係我食過最好食嘅擔擔面。湯底有非常濃郁嘅花生香同埋豬肉碎！面嘅質地非常之彈牙，冇一啖都扯上好濃郁嘅花生湯。我本身好飽嘅都食哂！豆沙鍋餅唔太甜外皮香脆。紅豆蓉都非常之出色，下次會試埋佢其他嘅甜品。

一個下午茶，真不想花時間寫，但怕一眾食客中伏。$68滬式下午茶有上海粗炒、炒飯或年糕，還有兩件上海點心，小籠包、胡椒餅等，還有豆漿，雖然有點妙想天開，但店名花樣年華，又在太古城，應該唔會差，加上只是下午茶優惠是常態吧！坐低就知中伏，原來是黃加沙的，此店在我經驗一直是上海劣食店。下午茶要茶錢$12一位，加一，埋單$88,唔緊要，畢竟這裡是太古城嘛！最慘係保持一貫劣食質素。胡椒餅勉強入到口，粗炒是吃過最難吃的粗炒，只有色無味，只有那種低級麵粉的「糠」味。麵質好'汋 "'即是無上海粗麵的咬口。一整天好心情被破壞殆盡！

好耐都無食過上海野突然經過花樣年華發覺啲嘢又幾啱食一於入去睇睇招牌蟹粉小籠包 $78食上海一定要點小籠包食一籠有5隻 非常抵食 抵過酒樓幾十蚊先得1隻而且每隻都足料 勁多蟹粉 湯汁豐富四喜烤麩 $68非常入味 又有木耳 花生 素食之選醉嘉美雞 $108平時醉雞最怕唔入味但呢個做得非常好用左一個好深嘅盅黎醃 食落啖啖酒香雞用上嘉美雞 唔會好肥 有雞味 肉又滑真係必食之選鎮江肴肉 $78晶瑩通透 點醋凍食好清新 無油膩感陳醋海蜇頭 $88非常爽口彈牙 酸酸地 好開胃