海景咖啡廊

Open Now

Now Closed

簡單幾句，食物質素普通，選擇好少，這個價錢，大把其他選擇，餐廳沒有海景的！之前一日打來話無生蠔，改食龍蝦，好一般質素， 有輕微伏Feeling ，只係訂左 package 包埋自助餐就算，應該沒有下次！ Bye 海景咖啡廊，

今次生日提早搵間好buffet 慶祝，要搵一間有靚景，又好食既確實唔係咁簡單。有時候食自助餐，食物質素當然重要，但亦有一部分係食埋「環境」。所以我就搵左唔少餐廳比較，最終訂左海景嘉福州際酒店既 Cafe on M。當我地預訂時，同左餐廳講低我地會慶祝生日。餐廳得悉後非常友善地為我們準備左一個祝福碟，會寫低「Happy birthday」，同時亦都會提供埋蠟燭。加上，餐廳亦都主動安排左一個 window seat ，可以令我地坐得舒服，又可以影到靚相。自助餐方面：💕 1. 海鮮海景嘉福海鮮選擇正常，我們當日都是不斷食麵包蟹和生蠔。麵包蟹非常多蟹膏，而且餐廳亦都不斷refill ，可以夾到比較靚的麵包蟹。出奇地生蠔並不是好多人排隊，生蠔亦都是正常水準。遺憾是沒有長腳蟹供應。💕 2. 即燒乳豬（限定）餐廳有個小玩意，就係每到特定時間就有限定食物。印象中，7:30 就係即燒乳豬，差不多時間就會有不少人在排隊，所以建議大家要先行一個圈，知道幾點有限定食物，做好計劃先。乳豬燒得非常爽口，要排隊都是值得的。💕 3. 焗龍蝦、芝士焗帆立貝（限定）每人都有一份焗龍蝦和芝士帆立貝，店員會在你入座後送上。兩

酒店殘舊又無保養，我們訂了窗邊位，但天花滴水，只用膠紙貼上，但仍不停滴，而且很明顯已很久也無維修，很多污漬，轉枱後發覺對上喇叭不停有很大電流聲，十幾分鐘才解決。食物更加差，凍海鲜只有5樣加生蠔，除凍蝦外其他都無味；沙律位所有菜都不太新鮮，似是來貨已多天；其他熱盆食物也不吸引也不好食，蒸魚不是原條，而是魚片；蠔仔煎奄列食材也是無味，全靠辣椒粉及魚露才有點味，而且勁多油、電磁爐加熱又不足，食落啖啖油；咖哩的味道比大快活或大家樂嘅快店但還差；甜點多似是來貨的蛋糕仔，生果切到好似小朋友的手勢，細至指頭、大至乒乓球咁，而且西瓜有嚴重雪味；生滾粥包括粥底及所有食材都無味，最好味是炸花生連cheap cheap放題的質素也不到，但信用咭結帳八折後仍要約$640/一位，完全不會有下次。

三十年前喺呢間酒店工作，留下不少美好回憶，剛好小兒子生日，又見食評近來有四個好評，八月兩個差評，今晚去過，覺得好評是有偏差的！可信程度低！ 留枱留晚上七點鐘，四點半打電話去問可否有慶祝生日的小牌及甜品，八點半上，待應說可以準備！ 七點去到，餐廳裝修舒服，折後五佰多，但繞場一周，真係無回本食物！一見已經麻麻地！凍盤：煙三文魚又黑又乾，味道麻麻，cold cold 腸，巴馬火腿，芝士、瓜片亂槽槽，見廚鬼用手「抓」一堆生果片放碟上伴巴馬火腿，見到都唔開胃！海鮮盤： 小龍蝦不吃無損失、螺、烚小蝦、麵包蟹，取了蝦、螺食，蝦又細又有腸砂，螺又個個有沙，千島汁不合水準！麵包蟹不似新鮮烚，似雪藏熟的，又乾又黑，點食？生𧐢：可以，但我無食壽司魚生：似散工的後生師傅，切得好慢，魚生鮮度可以！壽司有幾款不吸引熱盤：只有幾種，相當小，並不豐富！煎羊扒，太熟，塭胡椒都無，無味，煎龍蝦，急凍熟龍蝦，再煎，肉似橡膠，各位廚師請好好反省一下！炸雞ok ! 燒牛肉檔，廚師說竟然係「牛冧」牛臀肉，不是吧？cheap 西冷都冇條，燒汁直情冇味，經理說燒汁無味係正常！三煲咖喱，不是吧！我不是印度人！而且並不吸引！

這是我有生以來食過最差嘅自助晚餐，食物款式少、食物質素非常之差！從來未試過去食自助餐攞完一次食物就唔想攞第二轉 😩感覺是用五星級嘅價錢去食 $300不如的放題 🤬🤬🤬🤬以為佢係五星級酒店，點知食物質素連三星級都不如！發誓以後唔會幫襯！😡從來未試過去食自助餐食到咁唔開心 😭

第一次在這個餐廳吃午餐是Semi Buffet。先講環境，在M層，還是不錯，雖然沒有看到海景的位置，但給我們看到正門和整個酒店大堂。食物方面也很棒。主食也有幾個選擇：魚，牛，羊…..我選的羊架，味道不錯，但份量有點少，可以理解啦，因為還有任食的沙律，也有cold cut，smoked salmon，等等。甜品也有不少選擇，，蛋糕，豆腐花，雪糕🍦！雪糕是杯裝的，方便衛生！最後講一下服務啦，服務員不多顧客也不多，所以服務還是可以的，但怕人多時，就很難安排上了。還有可以用酒店會員卡積分，記得和服務員講😊

今日來到尖東intercontinental hotel食個lunch,呢度係食semi buffet ，前菜，沙律和甜品自助式，主菜就order,今次試左三文魚，配薯菜，但食落去有啲失望，原因舊三文魚好整得好老 overdone,食左兩啖唔食啦，我都係中意佢啲沙律，甜品，cake，haagen ice cream 多啲，講到雪糕，今次有啲特式口味，有salted caramel cappuccino, mango & cream,仲有其他，總結都可以

肥髀生日staycation第二日，去食酒店嘅自助早餐，都係去海景咖啡廊食，早餐分兩個時段，揀左遲粉少嘅0930（訓晏啲）去到唔使排隊，比左離食物區較遠嘅2人枱，有自成一角嘅感覺，食物選擇都幾多我最喜歡是雞蛋🥚煮法多，麵包款式都有好幾款，食左西式早晨全餐，乳酪及果醬都有幾種味道飲品有果汁及奶自斟，熱嘅可以搵店員，我飲熱齋咖啡，夠熱夠濃中式點心是大竹籠蒸的，試左蝦餃、燒賣、牛肉燒賣，味道正常，腸粉就較乾硬還試了即淥粉麵，生麵爽口，魚蛋正，湯底我加了辣油很香口，好味店員有禮斯文，收碟勤快正常酒店早餐肥髀食

肥髀生日，訂咗去酒店staycation，呢間同事住過，酒店新淨，包自助晚餐及早餐，本來晚餐是在瀚林廳（cheap啲嘅，因訂房時cafe on M已售馨）點知因肥髀生日，酒店免費upgrade左去cafe on M食（本來已唸住若難食就出尖東食飯）去到唔使排隊，比左對住生蠔區嘅四人枱我哋，由窗望出去，見到比半截行車天橋遮左少少嘅維港境海鮮有即開生蠔🦪（新鮮好味）、切半龍蝦🦞、麵包蟹🦀、小龍蝦、凍蝦🦐、翡翠螺🐚、青口，款式已算幾多，全部味道正常刺身有六款+壽司，刺身只食左三文魚+帶子，新鮮，壽司有火炙牛肉壽司，燒完油脂出晒，又有牛味，正！熟食食左羊架、牛扒，羊架不錯，牛肉正常，仲有海南雞飯😍，店員仲好好人，我喜歡雞胸，佢特登開一隻雞切比我，胸肉正常，油飯好味😋每個人會上一入鮑魚扣花膠，視覺上好豪華，花膠雖然大份，口感係爽口有咬勁嘅，跟我喜歡嘅焾口嘅不同，冬菇及鮑魚炆得入味！小棠菜無食甜品蛋榚類一般，喜歡嘅款式不多，幸好有名牌雪糕加分店員有禮斯文，收碟勤快，樂意幫手影相📸️！晚餐應有嘅都有，水準正常，對我嚟講已很滿意肥髀食

去海景嘉福洲際酒店staycation，包一餐早餐buffet，而lunch buffet就係我地自己book既～先講lunch buffet，好老實講，折左都要比$4xx食呢間都有啲唔抵，選擇唔多，好在龍蝦refill得好快！而且味道不錯😍 推薦必食既係龍蝦、蒸魚同任食既haagen dazs雪糕，就係咁多架啦😂 ummmmm…. 真係冇咩好食😂反而另一日包既早餐buffet有驚喜！同樣係海景咖啡廊食，啲野一樣refill好快😎 早餐好在有野飲可以飲，我飲橙汁都飲左幾杯🤣 推薦早餐食物分別係煎蛋、炸饅頭、pancake、火腿扒都好出色😍 不過早餐就食唔到太多野了🤣

最近喺海景嘉福洲際酒店試咗佢哋嘅tea set😍好耐無high tea啦💕呢個tea set以Moët & Chandon香檳做主題 總共有11款食物 6款甜5款醎 整體質素都唔錯 至少唔會好似平時high tea咁 會"漏"到食唔落🍴甜嗰part 我至鐘意👇🏻◾Moët & Chandon香檳啫喱伴金箔覆盆子慕絲酸甜度啱啱好 滲出淡淡香檳味好特別◽荔枝白朱古力醬撻開頭怕會好甜 不過食落去好清新 有驚喜而醎點最愛係👇🏻◾煙三文魚/三文魚籽香草酸忌廉小麥餅呢個配搭本身都無敵 果然夠fresh◽香煎鮮蝦配牛油果醬青瓜片蝦好新鮮 做唔到同牛油果醬係好夾架另外仲有以下呢啲👇🏻香烤意大利青瓜配香草芝士/燒蕃茄卷 黑魚籽魔鬼蛋 巴瑪火腿/軟芝士杏甫多士 Moët & Chandon香檳士多啤梨法式蛋糕 玫瑰纸杯蛋糕Moët & Chandon香檳馬卡龍原味英式鬆餅/香橙提子乾英式鬆餅配德文郡奶油/草莓果醬

7月中星期六晚去食咗海景嘉福 Cafe on M 自助餐，折後$602，有做staycation 後質數急插，款式少連3舊嘅放題都不如，1.所謂特製每人送一份兩隻焗元貝，咪以為係日本北海道隻，衰到用雪藏最細粒最cheap嗰啲，有雪味2.燒乳豬只出一次排長龍每人手指尾咁大得兩舊，排慢啲都無3.魚係蒸唔知乜嘅魚塊 ，無原條魚， 蒸條多寶魚都好過佢4. 煎龍蝦用下價貨，熟嘅番煎又细又乾無味到你唔想食，所以才煎熱唔敢放凍櫃5.生得一款细细隻，後尾出係唔凍嘅6.無長腳蟹，鲍魚鵝肝海膽唔洗諗，連煎大蝦煎牛排片皮鴨都欠奉7. 甜品全部得细细件放題種，原個蛋榚sorry無8. 飲品係自己手沖檸茶咖啡，咖啡機都冇，衰過放題，五星级酒店？其他食材cheap到爆， 所謂亞洲美食主題即係冇樣好食 。五星级酒店做到三星不如，幾年前食過唔係咁，行完一round你係想走嗰隻，真係3舊水放題好過佢，唔好中伏

同屋企人慶祝生日，今次又來食lunch buffet，呢間酒店嘅buffet，我大大話話都食過十多次，今次來到<Cafe on M>，覺得酒店buffet嘅菜式同之前對比，略為有所改動，但個人覺得更加啱我口味。三文魚刺身同白肉豚刺身都好新鮮，不過吞拿魚刺身入口個感覺有點粉，唔夠鮮甜。今次酒店供應嘅生蠔，size比以前大隻少少，多啲肉，質感好啲。海水味都有，但冇以前嗰啲咁鹹，我覺得味道反而更加好食，更加容易入口，亦有蠔嘅鮮甜味道。我哋食完一碟又一碟，好容易半打落肚。麵包蟹同其他冷盤海鮮都有好多選擇。中式蒸石斑魚，魚肉非常之嫩滑，我哋都食咗好多。今次最大回本菜應該是牛油煎焗龍蝦，酒店不斷refill，完全沒有冷場，煎出嚟嘅龍蝦，肉質都幾彈牙，而且每隻龍蝦都幾多肉，我覺得都幾好食。煎銀鱈魚肉質非常細滑，再來煎龍蝦配薯條。另外仲有自選即製庵列，還有烤雞槌，好啱小朋友食。泰式燒牛肉、沙律、蜆、翡翠螺同蝦等冷盤，味道都不錯。另外還有燒牛肉、烤乳豬、海南雞飯、點心、燉湯等等，熟食的各方面質素都唔錯，反而點心就一般般，冇乜驚喜。最令人失望的，今次竟然是甜品，因為甜品嘅選擇比以前少咗好多

這裡平日中午供應半自助餐，麵包餐湯沙律甜品是任食的，另外叫主菜，加一前$198，十分合理。窗邊位置有少許海景。我喝了意大利菜湯，材料豐富，是正常的配搭。我沒有吃沙律，目測也有幾項選擇，包括煙三文魚。主菜我選了西冷牛扒紅酒汁，medium well肉質比較結實，可能生一點會好，有薯蓉和蔬菜做配料伴碟，但餐牌上寫着是燒薯。其實我主要是吃甜品的，有芝麻豆腐花，有芝麻香味但不夠滑，還有幾款蛋糕我也吃了一點，感覺一般。H牌雪糕吃了兩杯，餐飲叫了breakfast tea。整體質素大致符合預期，有空的話可以再來。

1.生蠔質素太差，太腥。2.凍翡翠螺有沙。沒有雪埸蟹3.魚生：三文魚、帶子、墨魚。不夠鮮4.沙律：一般5.熱暈：冬瓜盅味精重龍蝦過熟燒牛肉一般籠子蒸石斑球，不錯海南鷄飯，一般乳豬，不錯吧甜品 美味Hagen Daze食物選擇少，質量與價錢不付