小島•澳門菜 (Closed)

在銅鑼灣吃完飯，看到隔離店舖櫥窗很多葡撻，即時心心眼想買！這裡除了傳統口味外，還有牛奶葡撻、牛奶薑汁葡撻等不同口味。不說不知～原來葡撻不是來自葡萄牙，是由一位居住在澳門的英國藥劑師所創。不知道這裏的葡撻，能不能達到澳門的水準！滿心歡喜的買了經典葡撻，結果....希望越大失望越大...葡撻賣相還可以，燒焦顏色明顯。可惜外皮不夠香脆，不夠鬆化。蛋漿不夠軟滑，沒有蛋香味！看來香港的葡撻跟澳門名店的，還是爭很遠！想吃好味的葡撻，真的要到澳門才能吃！

星期六的假期最適合睡到自然地起床，打開窗沙陽光已經很刺眼，打了一個呵欠，隨即肚子也打了一個咕嚕，要好好的吃一頓。在銅鑼灣走着走着，去到了時代廣場，看着琳琅滿目的招牌，我選了這家小島•澳門菜，想一想，我也很久沒有去澳門了，看着櫥窗的葡式蛋撻，我就知道今天只有你能滿足我。看着這個精緻的餐牌，一頁一頁的食物圖片，不但讓我垂涎欲滴，更讓我的飢餓感加重，我點了一個辣肉腸松露芝士豬扒包配沙律薯條，侍應推介的脆香乳豬野菌牛油焗飯，還有一個葡萄牙甜酒伴mõvenpick雲喱拿雪糕。侍應托住美食慢慢的走過來，我在猜什麼我會先送到嘴裏，原來是乳豬焗飯，外皮香脆，肉質鮮嫩的乳豬，加上重重的牛油味焗飯，香而不膩，份量不大讓肚餓的我大口大口的送往嘴裏去，焗飯中的野菌，讓口感加倍，菌味非常香濃，咬下去還有肉汁，真的有讓我置身澳門的感覺，令我感到重回那一間大三巴旁邊的葡國菜小餐館一樣。豬扒包，相信大家都吃過，但這個豬扒包的肉汁醬料，加上辣肉腸番茄和生菜，成為了一個極品佳餚，豬扒沒有乾身，對於飲食要求很高的我，首要的我是不喜歡食材太乾，加上新鮮的番茄和生菜，讓這個豬扒包沒有太油膩的感覺，酸酸甜甜的醬料帶一點開胃。最後

在繁華的鬧市突然想吃澳門菜不是沒有辦法走到銅鑼灣一個不起眼的角落就會看到這一家這一家餐廳菜式的選擇很多幸好那一天不用等很久可以坐下來慢慢選擇最後決定選一些比較特色的首先送到枱面的是鴨肝芝士牛肝菌焗鴨飯焗飯最緊要香未到要夠濃郁這一道菜都符合這兩個準則而且賣相很不錯未開始品嚐已經被它吸引了鴨肝味不算太濃鴨味亦不會太強烈喜歡清淡一些的朋友可以選擇另外點了葡式烤乳豬當然跟中式烤乳豬很不一樣它來得更香脆肉汁更加豐富配上特製醬料很開胃

看過電影後，憑當天指定戲院戲票可獲九折，見菜單也挺吸引，入入一試晩餐。主打澳門菜，當然一試乳豬飯，再加咖喱羊架配脆豬包，滿滿的期待。餐廳內入座約半數，卡位舒適，暢談聚會環境不錯。先來的，是脆香乳豬野菌牛肉焗飯，賣相不錯，但第一啖已發覺飯連暖的感覺也沒有，像煮了一段時間，一團團的，強差人意。羊架有咖喱汁拌，熱的，但羊味不辣，感覺不優秀。原本下載了apps,可以儲分換優惠券，但想想也不會再來，連分也不儲了😹😹

一個人在銅鑼灣找餐廳吃，想靜靜地坐久一點所以去了時代廣場吃飯～餐廳主色調是我喜歡的綠藍色，座位也很舒服。葡式香烤乳豬件伴薯菜 $198晚上不太想吃米飯，所以選擇了這款非常吸睛的烤乳豬。一個人吃的話乳豬份量其實很大，每一件都有很厚的一層肉和非常脆口的皮，其實它附上的醬汁很惹味，特別是辣醬很解膩，乳豬肉用了多款香料等等去調味，每一口都很有口感和肉味，加上很邊位脆脆又很香的薯角，和不同種類的蔬菜，真的很滿足～～跟餐的cappuccino比想像中更高質，就算是冷飲，咖啡的香濃依然保持得到，還有那層堅挺的泡沫層，喜歡喝咖啡的朋友真的不妨試試喔。

小島澳門菜跟一個好朋友吃生日飯，問她喜歡吃什麼，她說由我揀，我便選這間我曾經吃過覺得價錢合理而且好味的跟她一起吃。有一樣是吃過的就是海鮮蕃茄燴飯。另外的都是第一次吃，但感覺跟上一次一樣，就是又好味又抵食。首先要講一講海鮮燴飯，成個飯都好濃好濃，而海鮮好多，又加了一些香草味，整個感覺是有好多種口感和味道，如果能稍為小鹽一些，會更好。另外就是豬扒包，我們只是因為澳門餐廳所以叫豬扒包，但冇想過這個豬扒包會如此大份，真的好吃但是真的好飽。我們已沒有胃口再吃下其他了，就多點了一個雪糕蘋果脆，幾好味的，而且加了玉桂味，也是我喜歡的。

香港感覺好似比較少有地道的澳門菜食，所以當同事話搵到Times Square有一間食澳門菜的餐廳，而價錢又相宜的時候，我地就去左食lunch😋餐廳環境不錯，牆身以淺藍及白色作主調，而地磚及部分裝飾則以印有深藍色花紋圖案的白底瓷磚砌成，很有葡國特色。餐廳內部地方寬敞，所以有好多座位，lunch hour唔洗排隊就入得。辣腸松露芝士豬扒包（$72）配菜有薯角及沙律配菜好好食，薯角亦炸得岩岩好，好香脆。不過我覺得豬扒包的口感一般，因為有點太硬。雖然入面塊豬扒好厚，但肉汁不夠，即使豬扒上有醬汁，整個豬扒包都偏乾。另外，我食唔出有醬汁有松露的味道，所以這個餐真的是一般般。

小島.澳門菜-特色澳門菜門面以葡萄牙特色的花紋磚，地板也延伸磚紋的賣點，內裡的牆身以湖水藍配白色的邊框，濃濃葡國建築的味道。椰香葡國雞伴白飯熱騰騰的焗葡國雞，表面灑著大量椰絲滿滿的椰香，葡國雞醬汁濃郁，面且夠稠身，伴飯一流，還有葡國辣肉腸和綿綿的薯仔。滋補藥膳雞湯米藥材味道的湯底，卻沒有半點苦澀的味，相信滋補養身，加入冬蟲夏草、雲耳、杞子等藥材，雞件採用雞脾肉，嫩滑肉多。路環鹹魚炒椰菜苗炒得嫩綠色的椰菜苗，爽脆不老，加入鹹魚和配料炒香，底味十足。北海道3.6牛乳薑汁蛋白葡撻葡撻的焗法，不一樣的味道，蛋白加牛乳，一個字滑，薑汁的加入，又香又特別。

好多人weekend都會過大海住返晚，碰下運氣之餘，仲可以怒食葡國菜同澳門地道小食。不過今日就等我帶A姐去銅鑼灣時代廣場食通天小島•澳門菜，嚟一個澳門美食之旅！沙梨頭手打墨魚餅伴葡式辣醬沙梨頭位於澳門半島西北部，嗰度出名雞蛋蔥腸粉同新水上街市，仲有好多掃街小食，其中沙梨頭嘅華軒美食就係出名墨魚餅。呢到嘅手打墨魚餅同樣新鮮炸起，外層香脆，墨魚肉入口彈牙，手打真係唔同啲。配埋特色葡式辣醬，吊起墨魚嘅鮮味，加分！椰香葡國雞伴白飯好記得A姐去親澳門，都要去茶記食葡國雞飯，今日既然食澳門菜，就梗係要叫返個葡國雞飯啦！嗰葡國雞一嚟到，就聞到淡淡的椰香味，葡汁非常厚身濃郁，撈飯一流！雞肉肉質嫩滑，最正係嗰薯仔，吸晒葡汁！如果唔想食白飯，大家可以揀脆豬包，點汁都應該好好味！滋補藥膳雞湯米記得上次去澳門食過藥膳雞湯米線，食完渾身是勁，好養生！嗰湯米一嚟到，當日喺澳門嘅感覺返晒嚟！第一時間飲下個湯，好濃郁嘅藥材味，非常足料呀，米粉吸晒啲味，雞肉仲有醃過，脾位好嫩滑，仲有蟲草花、紅棗、圓肉等！焦糖葡撻話明係澳門美食之旅，一定要食埋葡撻！焦糖葡撻，外皮鬆軟香酥，有淡淡嘅牛油香，正！

對好多人黎講澳門就係賭錢，但係對我黎講澳門最吸引既地方係澳門式既葡國菜，佢地係將葡國菜改良，但係又不失風味。可惜香港要食到澳門葡國菜真係唔容易，呢間係少數，而且仲做得幾好添。我最鐘意既葡菜係乳豬飯，呢度亦處理得相當優秀，乳豬份量幾足，夠肥，呢樣野好緊要，因為乳豬飯既重點就係要d飯吸收左豬油既香味，呢度既乳豬飯完全做到呢樣野！d飯香到不得了！膽固醇？反式脂肪？咩都唔記得啦👅呢間餐廳另一樣野我好鐘意係盲鰽。通常去澳門都係食馬介休，但係今次就試下盲鰽。又真係幾好食，無馬介休既鹹香但係有魚既鮮味，加埋有海蜆，真係鮮上加鮮。最後既驚喜就係香蕉朱古力金寶配雪糕。價錢唔貴，但係用movenpick雪糕，同埋金寶好香脆，仲暖暖地，一d益味都無，誠意之作！

好耐冇黎timesquare 搵食😆記得有一次睇過呢間餐廳裝修好靚，咁岩今日同班friend 食lunch 就去試下啦！成間餐廳都好有澳門嘅感覺，連餐具都係藍白色馬介休球唔會太咸，岩岩炸起熱辣辣，外脆內軟好好食！Menu 見到焗青口個樣好吸引！青口唔算好大隻，配埋薯蓉食落都唔錯，個未算好特別朋友叫左牛仔骨，份量好大，都有6大舊咁多，我就淨係食左d薯角😂😂Lunch set 加錢仲可以食埋葡tart！呢到葡tart有4隻味咁多！

一路都想去澳門，因為好掛住d葡國菜。但係同老婆又抽唔到時間去，所以係香港搵間葡國野止一止咳先。叫左條盲鰽配海蜆，好食到停唔到。第一次係香港食，原來水準都好高，肉質嫩滑，又有魚油香。乳豬野菌牛油焗飯。d乳豬好好食，肥而不膩，但係重點係個飯底。佢本身加左野菌牛油，再吸埋d乳豬油，香到不得之了。同老婆要爭食先得！我地仲叫左個非洲雞食，亦都唔錯。不過乳豬飯真係今餐既MVP, 比澳門既葡國餐廳做得更好！去葡國餐廳無得唔食個葡撻。雖然價錢唔平，但係好好食，蛋唔會淋之之，酥皮亦好香脆，唔錯唔錯！

終於嚟到週末，#小秘書 約咗朋友仔去 Hong Kong Times Square 食tea☕️ 因為無時間嘅限制，大家都想優優閒閒坐抵，搵啲特式嘅小食🍽 望吓 #水牌，比我發現13樓有澳門餐廳 小島澳門菜 Cafe Terceira，諗起 #豬扒包 都口水流，一於試吓。餐廳牆身瓷磚都係以澳門特式藍白為主，油牆就改由深粉藍，感覺清新、無咁老土，而餐廳地方都幾寬敞，兩個人搵個 #卡位 坐，可以慢慢傾、慢慢食🥙#小島 唔單止有 #豬扒包 咁簡單，而廚師特製嘅 #烤乳豬脆包 原來先至係佢哋嘅 #拿手小食，配埋啲 #沙律菜 同 #薯條，真係好有睇頭🤩 #烤乳豬件 夾喺個 #脆包 裡面，#乳豬皮 咬落去 #卜卜脆，厚厚嘅 #乳豬肉，非常有質感👍🏻 比起平時食開嘅 #豬扒包 更值得一讚👍🏻👍🏻 之後我哋貪個菜名得意，再加咗個 #香草野菌元貝芝味三重奏，廚師喺每隻 #原貝 上面都加上 #大量芝士、#野菌，而每隻 #元貝 都加咗唔同嘅 #醬汁 嚟調味，包括有 #辣肉腸芝士醬、#葡式芝士醬、#霹靂辣沙律醬🤪 平時只會 #清蒸海鮮 嘅我，又學識一樣新煮法🤩 整體嚟講，#小島 嘅 #服務員 質素都好好，尤其

食西餐、日本野、邊爐食到悶既時候， 突然抽起條筋好想食澳門野， 甘就即刻SEARCH 啦， 點知原來甘近係TIMES SQUARE 食通天就有! 為左避免選擇困難症出現， 於是就叫左個二人SET! 葡式蟹肉薯蓉湯， 味道不過不失， 有絲絲既蟹肉係入面， 都FRESH~ 特色拼盤中最好味就係沙甸魚， 魚油味重， 肉質滑。 芝士馬介休球都好CRIPSY， 芝士夠熱拉到絲。 MAIN 就叫左至尊鵝肝焗鴨飯， 同乳豬意粉。 成個飯既香味好夠， 鵝肝、風乾辣肉腸、鴨肉三樣野夾埋簡直就係邪惡之最! 個味同想像中一樣係好有油香， 飯粒偏有嚼口， 食頭一碗個陣係好正既! 但無可否認， 食多碗個陣就好漏， 有D辛苦啦。 乳豬意粉相對上就LIGHT返D， 乳豬脆身而且唔算多肥膏， 抵讚。 意粉就充滿左蒜頭碎， 幾惹味~ 佢個炒雜菜都中規中舉， D菜脆身既。 不過講真就OVERALL都濃味， 食到最後都好濟~ 木糠布甸正正常常常， 係個SUPER FULL 既DINNER。

最近時代廣場有龍珠展，所以今日放工跟老公黎到時代廣場，先睇龍珠Figure，到差唔多8點先搵晚餐食。之前好少係時代廣場搵食，所以隨便就搵左間食葡國菜嘅餐廳。小島．澳門菜呢個名好特別，「小島」又同澳門好貼切。我地去到時，好彩餐廳仲有最後一張梳化位，所以我地可以好舒服咁食晚餐，即使唔係梳化位，其他坐位都好寬敞。餐牌好精美，大部份菜色都有圖片。椰香葡國雞伴脆豬包 $138如果唔想食脆豬包，客人可以揀白飯。因為我地唔係好肚餓，所以揀左脆豬包。名乎其實嘅脆豬包，真係好脆~~~葡汁有好香嘅椰香味，用黎送飯一定食到唔停口。可惜今次我地叫左脆豬包。下次一定要跟飯啊~~~不過，用脆豬包點葡汁都唔差，每一啖包都沾滿葡汁，仍然可以食到啖啖椰香味。只有2件脆豬包，少左D，唔夠點哂咁多葡汁。至於餸方面，除左雞，仲有蛋、薯仔、臘腸&少少橄欖，面層舖左少少椰絲。雞肉好大件，無骨，肉好嫰滑，薯仔亦好入味。橄欖馬介休炒椰菜 $72唔好睇個樣青BB，無乜色水，好似好單調，其實好惹味，雖然係用馬介休炒，但唔會過咸，菜亦好爽嫰。後記：*上菜速度快*份量方面，因為我地2個人唔算太餓，所以份量剛剛好*可能因為已過飯點，所以環境亦