Casa Fina Seafood & Oyster Bar (Closed)

契妹為珠寶展返港，最有佢心o既小肥契哥當然係第一時間約佢出黎慶生啦，仲專登揀咗間大家話要去試咗好耐o既「Casa Fina Seafood & Oyster Bar」，「蠔」賀生辰！步入餐店，直望先為透明度甚高之廚房及一排吧位。西餐廳柔和o既燈光極富情調，木造餐桌及梳化椅櫈以黑木屏風隔開，感覺輕鬆得黎頗有格調。近窗一列合併式散座，有少少景睇。XO仔於訂座時早已跟接線生道出當晚係為友人賀壽，餐店居然為二人佈置好迷你廂房，實在令人既意外又感動。人家咁有心喎，嘻嘻，細佬當然係好識做地應推介，開咗樽法國白酒黎送生蠔啦！其實除咗兩款推介白酒之外，兩頁皮套酒牌都有好多其他酒品供大家選擇。菜式項目則有三頁之多，點餸任務好自然係交俾壽星女負責。眼見生蠔其中有六種屬買一送一，契妹最終決定喺當中揀咗三款佢心儀o既款式。當晚為兩口子服務o既兩位妹妹仔年紀輕輕，但態度極之熱情友善，除咗不斷為水怪XO斟添冰水之外，上菜前必定換好潔淨o既餐具及濕紙巾，落力又講求衛生，不得不讚完再讚。餸菜話咁快就續一上場，由生蠔及珍寶牡丹蝦拼盤打響頭炮。呈上拼盤時，妹妹即為生蠔作出簡介，並道出師傅建議食用次序為檸檬位右方之愛爾蘭代

平時經開唔多留意，係咁啱朋友想食蠔就揀左呢間上樓嘅餐廳。上樓一望，環境較陰暗，微黃燈光配大玻璃窗，待應耐心介紹蠔嘅品種。我地就叫左美國同法國嘅蠔。整盤生蠔由味淡至味濃，食落口新鮮而且蠔開得很公整。

這晚是我的生日正日，幸有家人一起到高級餐廳用餐。Casa Fina是我光顧多年的生蠔專門店，是信心的保證👍🏼👍🏼這裡每晚6款生蠔買一送一，近日登記做會員更可享用全部買一送一！！記得近日去食既時候順便登記喇！抵好多架！今晚我們選了Majestic, Isabelle, White Pearl, Namibia。屋企人想試試車厘蜆，所以點了兩隻，嗯，承受不了腥味，下次不會點了。Namibia - 南非蠔。我最喜歡的超級creamy種類，仍然是我fav之一。Majestic - 全家一致投票最好的一款，鮮甜及適當海水味取得平衡，而且都厚身肉帶點creamy。Isabelle - 我個人挺喜歡，但更重海水味。White Pearl - 如喜歡強烈海水味就適合你了，因為它真的超超超超咸！今晚可以試齊兩款湯了！龍蝦湯都是偏較咸，兩款都十分濃烈。我最喜歡的前菜，調味適中。大蘑菇焗法國田螺！非常濃郁的忌廉sauce，是這間餐廳的招牌菜！必點！最後的主菜，煎得剛剛好，十分juicy!而且有濃郁牛的香味，肉汁都鎖住了😋😋😋👍🏼雖然今晚都略貴呢，但都值得😛😋

早排媽媽生日，好罕見地我都放到假，咁當然立即帶佢食大餐，問佢想食乜，佢第一時間就話想去Casa Fina！平常都回答無所謂的，但卻很有要求的佢竟然有想去的地方，想必呢個地方一定有佢的魔力！上到去的門口，左手邊係Lunch，會不斷換餐牌蠔呢道好特別，有一送一優惠！有分時段，有興趣一定要向職員查詢，當天係星期五所以有6款精選，但我地係會員所以不在此限！任選Lunch餐牌，我食完覺得真係超級抵食！睇返d相都流口水！基本一樣以檸檬作分間，由淡口味到重味，每一隻都好新鮮，睇相都可以見到每一隻都好肥美！口味同口感當然就依照返自己喜好去選就可！如果唔熟相信都可以請職員代選。牡丹蝦都一樣好新鮮，絕對唔會比蠔比下去，好食！當然講到抵食一定係蠔正d！選左一個是日餐湯，當天係洋蔥湯，洋蔥好甜，個湯好香的洋蔥味，咁岩我都幾鐘意洋蔥，岩曬我！蒜蓉包的蒜味香濃，不過口感唔係脆個款，如果脆的應該會仲正！蟹餅，呢個好特別，我未食過呢一道菜式，以第一次來說也不錯，好香的蟹味，外面少少脆，內裡係蟹肉，比較鬆軟，但因為第一食，實在無得比較。鴨肝，外脆內軟，好香，超級好食！係頭盤入面最推薦呢個！牛又係勁正不得了！5成熟，無根

生日同週年紀念同一日，就同老公食餐勁既我同老公平時都好鐘意食生蠔，今次就專登搵左哩間黎食。一入去成間鋪頭都好黑，真係小啲眼力都會仆親。不過啲服務真係好好，落一個樓梯級都成侍應黎提醒你。我地嗌左個生蠔拼盤，包有10隻蠔，2隻螺肉，2杯白酒。我地再另外加多2隻大蜆。當中10隻生蠔可以任揀.. 而我地就叫佢介紹..佢地就由淡到濃甘幫我地揀左個拼盤。 而5款蠔中，我同老公都好鐘意食愛爾蘭Irish premiums 同法國gillardeau 哩兩款。愛爾蘭Irish premium 就唔會太重海水味，就都有留下小許海水味，食落就小小咸帶有甘。 而法國gillardeau 本身就係蠔中既勞斯萊斯，都係我老公最愛，蠔身夠肥夠新鮮，after taste既感覺加多啖白酒真係好正。 所以我地就追加左兩款..之後有來Irish premium做緊買一送一，真係好抵食。食完蠔我地再叫左個招牌蠔湯，好creamy好濃味食主菜 我地叫左二人分量既海鮮拼盤。包括 兩隻帶子、兩分盧魚、兩支蟹肉、兩隻開返龍蝦同埋4個魷魚圈哩個拼盤中好多都好好味 但兩支蟹腳肉就真係好失望😞食落無口感 無乜味 .. 但龍蝦都有膏補返

Used to be a regular at Su Casa, another restaurant owned by the restaurant operator. I always thought this restaurant cooks pretty good food with generous portions, but they will never be able to increase their price points because they're not able to deliver a classy environment plus an attentive service. Nevertheless, commercially that is not necessarily a bad thing as long as its profitable. Casa Fina I thought was similar to my memories of Su Casa. Was doing some errands in Causewaybay so t

今天老公生日，硬係要吃好d！朋友介紹這間CASA FINA ,就試試⋯入到去，餐廳好暗，初時有點擔心🤔看看餐牌，款式不多，店員極力推薦生蠔，結果選了一打！好新鮮，店員教由淡味吃到濃味，12隻轉眼已吃完！主菜叫了原隻去骨春雞及 虎𧎚阿拉斯加蟹肉龍蝦長通粉！ 春雞味道一般，好乾，又貴$338， 有點不值！去了骨，吃起來都算方便！不過不會再吃。😔反而虎蝦阿拉斯加蟹肉龍蝦汁長通粉，有驚喜，虎蝦好好味又爽口，龍蝦汁又rich ，長通粉亦剛剛好！只需$208，不錯的選擇！最後叫多了個雪糕，賣相不錯，味道也算可以！整體來說，普通，未必會再來！

其實Casa Fina 已經幫襯過不下十次。。。。每一次嚟都唔會失望，因為食物質素真係好好！生蠔夠新鮮同鮮甜，仲有買一送一優惠，好抵食！呢度特別多法國蠔。。。如果係法國蠔迷一定會超鐘意。。。今次除左生蠔仲試埋燒春雞同辣肉腸意粉。。。燒春雞火喉好好，外脆內嫩，同埋醃得好入味。而今次我地都一致認同辣肉腸意粉係最好味，意粉煮得好彈牙。。完全係啱啱好。。。加上同勁惹味嘅辣肉腸一齊炒，令到個意粉好香口，食唔停口！

最近想食生蠔...朋友就介紹左呢間蠔吧俾我餐廳位於商業中心樓上，雖然係閒日，仍然全場滿座....餐廳燈光比較暗，氣氛好好...好適合情侶😬我地自己帶左枝白酒去，因為餐廳本身都有酒賣，所以收左$100開瓶費，合理！我地order左個Seafood Platter..有跟兩杯白酒，不過我地自己都有酒，最後餐廳職員幫我地轉左2隻翡翠螺海鮮拼盤質素極高😍😍😍法國膏蟹 - 蟹膏味道勁濃..男朋友話超好味Cherry Stone - 本人最愛，呢到GE Cherry Stone好鮮甜，比起平時出面買的更好味👍🏻Scampi - 肉質嫩滑鮮甜至於生蠔方面，本身Seafood Platter已經可以揀兩款蠔，另外散叫生蠔亦有6款係有買一送一，好抵食本人一向鐘情法國蠔...雖然而家唔岩時間...不過最後都係揀左法國蠔果然冇令我失望...雖然唔夠肥美...但係極為鮮甜👍🏻呢個價錢真係物超所值食完Seafood Platter之後就order左個海膽伴莎莎海膽鮮甜，而木瓜莎莎酸酸甜甜好開胃，好味👍🏻之後就叫左個招牌蠔湯蠔湯味道好濃，好creamy 只係唔夠熱...有點失望☹️主菜方面，我地叫左鴨肝野菌扁意粉同

老公生日飯... 但公司太忙，就在完全沒有準備下，決定快速隨便過海食餐飯~因為未結婚之前，同老公去過另外一間Casa字頭的餐廳感覺不錯，所以就咁行咗上去睇吓有無位！想不到門口貼了一張會員制的標貼！(不知道是否一般的西餐廳想改銷售路線都會這樣做，這樣會看起來高級些?)好彩雖然星期五，但因為我哋去到已經九點鐘... 有人差不多埋單走，侍應好有禮貌招呼，及後先放我哋入蠔Bar坐下來，等了不用10分鐘已經有人買單走！我哋今晚又可以舒舒服服坐沙發位，嘆下Oyster！Riesling係比較容易入口及配搭其他菜色嘅一款酒, New Zealand係較受歡迎的國家。但此品牌的酒，入口感覺驚喜度不太大，以$460一支以言，只可說中規中矩！跟住揀蠔... ⬇️一開始就叫了兩款oyster同cherry stone:1) Special  Marine: 肉質比較爽脆，帶甜。而且肉質夠厚身同Creamy，個人今晚最愛！ 2) Julie Mauger: 無咩特別！3) Cherry Stone: 味道一般較濃烈，只要是新鮮的，很難會唔好味! 4）Ostre Diams都帶少許甜，而5）Divine 嘅aft

第一次黎，等左有15-20分鐘，環境舒服，蠔真係好肥，好甜，夠分量，抵！除左蠔，可以叫主菜，味道好，精緻的，不過分量比較少，價錢都真係唔平，不算抵食！四個人，食左兩round 蠔，每晚有6款蠔買一送一，total 叫左24隻蠔，本身中二Spain 既，今晚愛上Africa rock，因為真係好鮮甜，仲好creamy ! 另外，Isabella 既蠔都好肥美，不過偏咸，重海水味，個人比較中二creamy d😋😋叫左支支甜酒添加左個蒜香蜆肉意粉，有95分，這個意粉有好濃烈既蒜香味，咸味好適中，加上個意粉一點都唔乾，仲有少少汁掛住，加上四隻蜆，好大隻，鮮甜，無沙，抵讚！係細份左少少！仲有個pork belly, 有5小件，味道都不錯，個腩肉脂肪比例上多左d，所以食到既肉就少左，里個pork belly 會有脆皮架，而且好薄，唔同外面既做法，會有一層厚厚燒肉皮咁，唔知係咪先焗左舊肉，起皮再直接用面層脂肪去炸才會有一層咁香脆又薄既皮呢？下次我諗我會先黎里度食蠔，happy hour 先，然後再去其他地方食正餐！咁樣可能會抵d

中午同同事嚟到casa group食晏，呀姐推介話呢度啲蠔好正，鮮味十足，某啲特選蠔中午仲有買一送一嘅優惠。我哋預先訂咗枱，嚟到就即刻有位座。呢度係樓上鋪，燈光昏暗，好啱lunch tim放鬆下傾下計的心情。我哋一行三人，叫左個set lunch，有齊湯丶前菜丶主菜丶甜品同餐品。另外，我地再叫左打半生蠔share。湯好有心思，有埋拉花，花紋好靚，見到紅菜頭湯嘅顏色都好吸引，未食，見到都開心！食落質感好creamy，本人就有啲食唔慣紅菜頭嘅味道，而味道對我黎講偏淡，但好適合平時食得清淡人仕。其實一般人飲都好好，個湯好健康👍🏼前菜我揀咗parma ham with melon，好啱香港人口味，個ham唔太鹹，仲有啲甘香，蜜瓜唔太甜，兩樣嘢都冇搶大家嘅味道，一啖蜜瓜同ham，好夾。另外試咗朋友叫嘅鵝肝配沙律，鵝肝肥美，沙律係黑醋做dressing，食落好清新，唔會好滯。生蠔喺度唔多講，主要都係侍應推介，每種叫左兩隻大家試吓。特別一提，我哋叫咗一人一隻南非生蠔(冇買一送一優惠)，係我食過最好味嘅生蠔！肉質肥美，有d海水味，感覺好fresh，少少creamy，aftertaste有回甘但又唔會太

今晚去完Gordon ramsay間餐廳食到一肚火之後，屋企人決定黎食間蠔吧食返夠本。由於我地本身都食左d野唔算太肚餓，所以主要都係食蠔為主，就叫左兩打蠔，有唔同國家既。一次過可以試晒咁多種蠔，我個人都係比較偏向於海水味無咁重既蠔，一係就要落好多好多檸檬汁同海鮮醬辟味先得，但依度既蠔都好新鮮係即開即食。服務都幾好，好主動收野同有禮貌，會同你講要由順時針咁順住食會好d。鐘情食蠔既人一定要黎依度試下！

第一次嚟食生日飯，環境格調唔錯，當日個別生蠔買一送一，由侍應話事點咗三款，新鮮！一份龍蝦湯夠兩個人份量，唔錯。另外點咗個墨汁蘑菇意大利飯，炸蟹餅，由於唔係特別肚飯份量都夠食。

朋友俾我嘅生日surprise, 一入到餐廳環境好黑好有氣氛，好快安排到座位俾我地。好舒服，不過訂左位都無俾到私人卡位我地，我地個位同隔離枱好近，好無私人空間嘅感覺。叫左一碟蠔，好多唔同國家嘅蠔，揀下揀下好易揀好一盤。之前好驚食蠔因爲自己有幾次都食到腸胃炎，不過呢間啲蠔好新鮮，好清新，佢會介紹先食邊款蠔先，順時針咁食。個黑松露湯好重味，鍾意食黑松露嘅朋友可以試試 海膽忌廉意粉，見到上面塊厚海膽，已經好想一啖食晒佢。分量有啲細，不過fine dining 就是這樣吧？朋友買左成個一磅蛋糕一早拎左上餐廳先，餐廳keep到最後仲成個喺碟上又有寫字喺碟！服務好好！