砂煲兄弟 (東港城) (Closed)

世界在變但係都係要食嘢嘅🤪🤪今日放假帶媽咪食佢最鍾意嘅中菜啦，因為媽咪好鍾意食煲仔飯，前排有個親戚介紹我嚟呢間砂煲兄弟度食野，佢話啲煲仔飯好出色，所以一於帶媽咪去開心吓啦😘😘一入到去裝修都幾懷舊，好有feel🙋🏻‍♀️🙋🏻‍♀️而且樓底好闊落，坐得好舒服，因為帶媽咪嚟食飯最緊要坐得舒服🤝呢度真係有好多煲仔飯嘅選擇同埋好多小菜，得我同媽咪兩個人就決定嗌一個飯兩個小菜😋😋「西班牙臘腸排骨煲仔飯」「黑椒蘋果牛柳粒」「竹笙蝦乾浸魚肚」再嗌左杯凍既紅豆冰奶茶同埋熱陳年金桔檸蜜😘😘食物好快送到呀，煲仔飯連埋兩個餸時間啱啱好呀😋😋媽媽好鐘意嗰「西班牙臘腸排骨煲仔飯」呀，佢話啲西班牙臘腸同平時嗰啲臘腸好唔同，零舍夠味啲既，而且排骨大大嚿，配埋飯焦，佢好滿意呀😋😋「竹笙蝦乾浸魚肚」就係我最愛呀，魚肚係養顏架，多多都食到呀，竹笙同魚肚完全索晒啲蝦乾味道，一定要飲埋嗰湯底，係精華黎架😋😋「黑椒蘋果牛柳粒」啲牛肉又幾入味，牛肉同蘋果又幾夾喎，最緊要係好有鑊氣，好似大排檔既味道呀😜😜最後配埋杯紅豆冰奶茶，燒下暑，好正啊，下次會繼續飲紅豆冰奶茶取代紅豆冰先❤️❤️

海底椰子燉雞腳湯海底椰有去痰止咳功效，雞腳有豐富骨膠原，這是個清潤的燉湯，雞腳燉的好唸，海底椰的量也不少，湯味道清甜可口。牛油蒜蓉焗蜆用煲仔煮蜆以前都食過，但係牛油蒜蓉焗就真係未試過，煲仔焗已經好香，加上牛油同蒜蓉，香氣滿瀉，蜆新鮮而且多肉和飽滿，食落好多汁好正。慢煮火焰牛仔柳上台時視覺效果已經好驚艷，店員隨後在煲仔和底碟間點火，火焰包圍煲仔，煲仔內發出吱吱聲，慢煮牛仔柳上台時約3成熟，再經慢火細煮成5成熟左右，食落啱啱好，如果唔想太生的朋友可以等多陣，或將牛肉置於鍋底，好快就夠熟了。牛柳嫩滑夠肉味，鍋底有大量青紅椒和洋蔥，夾埋一齊食更加提升香味，用黎送飯相當唔錯。

朋友生日食飯慶祝，去這家餐廳主要因為他們的食物幾特別， 揉合了中西特色， 在中式食物中加日式西式元素。黑松露海膽蟹肉煲仔飯係煲仔飯嘅創意之作，本身黑松露同蟹肉已有獨特的味道，所以不用再加豉油，只要將黑松露同蟹肉混在飯一齊食已經好夠味道。煲仔飯蒸得很有飯香，飯粒煙韌，而海膽平時就刺身嘅食法，今次卻將海膽放在熱哄哄嘅飯上面是另一番口感，海膽暖暖哋又軟軟地幾特別，好味。海底椰雞腳燉湯海底椰清甜，燉湯潤喉。龍鳳檸樂一罐可樂自己斟，爽！嚟杯紅豆冰，椰汁香，一路飲 一路食，正。 一口脆豆腐出邊食嘅豆腐會比較咸，因為會落過多嘅淮鹽，不過呢度啲淮鹽剛剛好唔會過份鹹 ，不錯。芝士海蝦煲仔煎麵將麵煎成麵餅，驟眼看似係潮州炒麵嘅麵餅， 本身芝士係好邪惡， 混在煎面上一齊食，口感層次豐富，海蝦肉爽新鮮。邪惡金沙西多士食飽飽之後肚仔空間雖然有限，但見到餐牌上的這個食物相片，難以抵抗所以叫了一客來吃，好味之處除有不同嘅醬料炮製之外，打開西多士內還有花生醬，做法可見細緻。再加面頭嘅黑朱古力同白朱古力，整個甜品係唔錯嘅配搭。價錢幾實惠，朋友食過亦滿意，大家度過愉快的一晚。

嚐辣嘅我常常喺餐廳見到有麻辣或者水煮嘅餸菜都一定會叫嚟食，感受一下辣到上心口嘅感覺，刺激一番。今次喺砂煲兄弟餐廳見到有水煮魚，歡喜若狂。地獄水煮魚挑戰無極限，呢種辣度卻實令舌頭有種麻痺感，卻又食得痛快，其實單單見到呢個水煮魚 已經流曬口水，配料方面有芽菜豆卜，吸收曬麻辣嘅精華，攞嚟送飯一流。慢煮火焰牛仔柳餐牌話係限量供應，所以一見到就即刻落order， 服務員遞上已見到個煲熊熊火焰，還飄來陣陣餸菜嘅香氣，開頭以為 燃燒只係一瞬間，卻又出奇地 燃燒了一陣子，牛柳片放在面上，當火焰熄滅後，牛柳片大概六成熟左右，肉嫩有啃勁，而底部就放了洋蔥青椒等配料，夠惹味啱曬我，不錯。手拍青瓜青瓜夠爽口，食落去索索聲， 青瓜醃的幾好味。整杯咸檸七好爽。餐廳食物賣相吸引，尤其水煮魚辣到上心口啱曬我，一放搵朋友一齊挑戰下。

今日去朋友🤝家探訪👀， 探完之後佢話一齊喺樓下食嘢👅，帶咗我嚟呢間「砂煲兄弟👬」晚飯🍚，一入餐廳就見到大大隻招牌✨就似大排檔一樣🌈，感受到滿滿嘅懷舊風氣 🌟。朋友嚟呢間餐廳食過幾次💢，近嚟做一週年推廣埋單有八折💕。餐廳食物選擇頗多💨，而且睇埋食物相片確實幾吸引。💦芥末蜜糖一字骨雞翼🐔雞翼炸的香脆😋，有埋薯條更係至愛😍，芥末唔會嗆鼻加埋蜜糖味道剛好♥️。蟲草花赤肉燉湯🥣唔會太濃反而有淡淡嘅蟲草花燉湯清香。♨️透心涼奶茶紅豆冰🥤夏日炎炎☀️飲杯紅豆冰確實透心涼🔵，紅豆煮得幾綿🔴，不錯❗。脆皮豬手🐷大大份豬手份量十足💪，豬手夠大隻而且外皮炸得香口👅，喜出望外係有埋薯角👀，不似一般餐廳sell豬手就真係得豬手咁單調🗨️。而我個人就鍾意攞起嚿豬骨啃肉，夠痛快過癮❣️，爽！💦啫啫時菜煲🥬我欣賞嘅除咗係啲菜熱辣辣之外♨️，仲有佢哋放咗好多蝦乾令到個味道突出。😋餐廳佈置懷舊✅，但食嘢嘅做法又新潮🔃 ，整體質素唔錯🆒，下次再嚟搵朋友食過😋。

夏天經過商場，見到這間主打煲仔飯的餐廳大排長龍。就去試一試佢地嘅招牌煲仔飯同奶茶。熱奶茶好香好滑。煲仔飯加上甜醬油有一番風味。我地叫左臘鴨髀及鮑魚雞煲仔飯。臘鴨髀唔算太硬,配上其他臘味嘅油,令都個飯香香的。鮑魚雞煲仔飯,雞件好嫩。好好味

今日放假 周圍轉轉 看到這間～入去試試。發現砂煲都好貴。其他仲接受～～～貴還貴 份量少～～一個砂煲迷你的樣近100蚊 下午茶近2點半左右食左個飯 ～～～～ 紅豆冰 全耶汁味 無奶味

閉關咗6個月，好姊妹終於考完試。可以出嚟食飯。之前同事介紹過佢屋企附近嘅東港城有間叫“砂煲兄弟”食小菜煲仔飯的。食物質素及環境都唔錯。好有懷舊感, 咁就不防去踩場啦！去到餐廳，係60年代裝修，真係好有懷舊感覺。座坐亦寬大。睇餐牌叫嘢食川味黃鱔煲仔飯$82黃鱔有鮮味，都有5-6件，有少少辣椒, 蔥花配襯。夠晒香飯底亦有我最愛嘅飯蕉。菠蘿生炒排骨$80用煲仔上菜，保持餘溫，排骨亦唔會炸到乾，肉質軟淋，配上酸咪咪菠蘿夠醒胃竹笙杞子時蔬$78可以自己揀餐廳當天供應嘅菜, 我好就揀娃娃菜, 湯清甜，娃娃菜夠淋夠甜芥末蜜糖一字骨雞翼$42總共6條骨，即係3隻雞翼。雞翼面有少少黃芥辣。雞翼保留肉汁。但美中不足係薯條炸得過火有點硬，食咗2條就冇食到最後甜品邪惡金沙西多士$38超級抵食，一客有成7-8件，每件有麻雀咁大。中間有花生醬。炸完排成座山後再淋上鍊奶，朱古力細，黑白朱古力粒。我可能鐘意食甜品，所以唔覺甜。但好姊妹就覺得甜咗d。所以各人口味唔同。最好就親身試吓。

雖然平時既分享都好似咩菜式類型都有，有時都偏向食日本菜、西餐同中菜多，其實我真係都幾鍾意食中菜，好似咕嚕肉、牛柳粒、煲仔飯等等都係我喜歡的菜式。係將軍澳一帶其實都有不少特別既Fusion小菜館，仲記得讀書時係坑口個陣入左一間小菜店，點左個好好食既煲仔飯足已令我印象深刻。今日重臨坑口，有第二間小菜店又令我留低唔錯既印象了。砂煲菜式是港式的經典美食，煲仔菜由七十年代起陪伴港人經歷高山低谷，是香港最有人情味的食物之一。呢間【砂煲兄弟】位於東港城1樓，離地鐵站好近，同男朋友都覺得門面幾靚又舒服。在裝潢方面以香港最為蓬勃的70、80年代的大排檔為藍本，將餐廳打造成全新的港式復古風餐廳，亦有數張手繪卡通版香港風景圖畫，感覺活潑。每個位置都有好闊既距離好有空間感。店員話保留左舊Menu外仲有新元素加入，以最具本土特色的煲仔菜為菜式主題亦憑創意設計出多國Fusion煲仔菜，讓大家懷舊之餘，也可以嘗新。好似抹茶櫻花蝦鰻魚煲仔飯、馬拉風味的沙嗲火焰牛仔骨、脆皮豬手等等！撚手推介、地道小食、有煲氣小菜、有焦氣煲仔飯真係都幾多選擇。一場黎到一定要點有焦氣懷舊煲仔飯系列吧，「想做完美的煲仔飯，全靠米種及火候！🔹

話說屋企冇煮飯 咁唯有去附近商場搵野食 行行下望到有廣告話開左間叫砂煲兄弟既野 望落去都幾唔錯 原來係開係舊時中國銀行個位到 個位置幾好既 自成一個 裝飾都幾新淨 不過略嫌佈景冇乜立體感假左少少 冇所謂啦裝修冇得咁高要求 最緊要都係抵食醫到肚一拎起餐牌 野食既圖片同款式都算多 幾唔錯 起馬有幾多野都想試下 只係價錢上就真係偏貴叫完後就心存期待咁等野食到 哇 冇改錯名 基本上每一樣野都係用個煲後裝住既 個下內心有少少心花怒放雖則係個煲就細左啲，會稍為覺得唔係好夠食咁然而，感覺最差係到差唔多食完 發現啲野唔痴煲既 又冇飯焦 呢下令到我懷疑究竟係唔係平時正宗既煲仔菜 定還是係煮完放落個煲到 呢樣等大家都可以試過分析一下

見新開試下 見到以為幾吸引叫咗個黃鱔同鵝肝慢煮牛柳落單話15分鐘 黎個時差唔多25分鐘一黎到 打開 完全同相係兩回事個煲係膠 唔係砂煲啲牛有啲位好難咬落豉油好淡味 黃鱔都嘛嘛地真心好差 價錢又唔係話坻食點知質素真係好差 好在冇叫其他野食以後都唔會食

今日差不多六點經過將軍澳東港城時已覺肚餓，朋友話這間砂煲兄弟的煲仔飯和小菜不錯的，我們便決定在此吃晚餐。室內都幾闊落，一邊有落地玻璃窗，夠光猛，裝修簡潔舒服，因為我們早到可以坐到卡位，真是不錯。餐牌彩圖印得漂亮，非常吸引，而且更方便客人看圖選擇食物。我們選了椰香牛筋腩煲$88，牛腩和薯仔都炆得夠淋夠入味，而且咖哩汁香濃惹味，更帶有椰香味，這個非常好餸飯，果然是招牌菜，真好吃。馬拉盞通菜$68，炒得翠綠，馬拉盞醬令整個菜味道剛剛好，又不會太鹹，真的很夠鑊氣，非常好吃。蝦醬豚肉煲仔飯$62，豚肉肥瘦均勻，飯粒軟硬剛好，飯底焦黃香口，加埋豉油是最佳配搭，這個夠香口、開胃。海底椰燉雞腳$36，這個燉湯用足料，有海底椰、雞腳、魚肉瘦肉粒， 喝起上嚟感覺滋潤， 不錯！嘩!邪惡西多士$38，份量很多，外面炸得夠脆裏面軟綿，加上融化了的黑白朱古力漿，更令人垂涎欲滴，真的很邪惡啊，但又令到我們忍不著口全吃光了，哈哈!砂煲兄弟，這裡招呼不錯，餸菜上得快，食物味道好，夠鑊氣，一家人或三兩知已來吃東西，真是不錯的選擇。

東港城的沙煲兄弟，位置比較隔涉，喺無印果邊，門口對正扶手電梯左手邊!呢間開到依家已經有一段時間啦！每次經過門口都覺得好似吾多人等位l！入邊環境好好，座位又闊落！裝修別具心思，融入了舊香港的飲食文化，好有懷舊feel！擺設都是以懷舊方式，感覺好舒服!京式回鍋肉：發現同我平時食的回鍋肉點解吾同呢？因為一般都用五花腩的，但呢個係用豬頸肉的回鍋肉，食落都ok，辣辣地幾好送飯，但係覺得好一般，下次可以試試煲仔飯！

平時入大商場，好難估到會搵到一間具有懷舊特色裝潢嘅餐廳。位於東港城一樓嘅一個轉角位置，就有一間叫做「砂煲兄弟」既港式餐廳，企喺出面真係會俾佢入邊嘅設計吸引！環境入面有種七八十年代嘅風味，門口嘅左手邊係水吧部，右手邊係收銀枱，行到入面最盡就係廚房。就行入去睇吓有咩食啦，裏面原來都幾大，主要分咗兩邊嘅枱櫈，一邊係卡位為主，而另一邊有長枱同兩人/四人枱，如果大圍過嚟食都容納得到。我同友人就坐咗卡位，感覺舒適啲同空間大啲。靜落嚟就聽到有五六十年代嘅歌聲，係許冠傑嘅歌，原來呢度唔單止裝修係懷舊，仲配埋懷舊金曲。 一坐低就迫不及待睇吓餐牌有咩食，選擇有分幾類：煲仔飯，粉麵類，小菜同燉湯。 黎到砂煲兄弟，梗係要試吓佢最有特色嘅煲仔飯，另外點左港式餐必備嘅牛仔骨，仲有焗蜆，甜品就揀咗個西多士。馬來沙嗲火焰牛仔骨 $98 嗌完之後啲嘢食都好快到，首先上咗個牛仔骨，上菜嘅時候點上火燒左一陣，肉質唔會好韌，放入口啱啱好，味道都足夠，唔會太鹹。配上洋蔥同紅椒。 牛油蒜蓉焗蜆 $94之後上左焗蜆，值得稱讚嘅係啲蜆係啖啖肉，餐廳選擇嘅係比較優質嘅蜆，唔似一般茶餐廳既無乜口感，呢度嘅蜆咬落去好有口感，而且感覺好新鮮

👸🏼女朋友放假，特登接我收工，由於東港城有個扭蛋展，決定走入將軍澳，當然五少得就係搵野食啦砂煲兄弟，個名夠義氣，決定試下可能岩岩撞正食飯時間，餐廳好多人，起初有個侍應安排我坐係長枱中間打橫坐2個位，我梗係五制啦，明明見到有卡位都五俾我坐，我決定等位，寧願坐好d,都好過打橫坐，五知想點等左五夠2分鐘，有個疑似老闆既安排左2人枱俾我，仲係甘同我講五好意思，禮物加番分海南風味雞煲飯海南雞用煲仔飯形式，油飯好香，但無白飯甘易出飯焦，雞都好滑，保留著海南雞既味道*原來跟煲仔飯叫汽水半價*吾係酸菜魚佢同其他餐廳五同、佢用既魚係一舊舊甘上，五係一片片，有咬感；酸菜好正，份量十足邪惡金沙西多士最後叫左個甜品🍮超正，每塊西多士上面舖滿白朱古力同朱古力碎，加埋鍊奶，好正🥰肥幾磅都抵