鱷魚泰國餐廳 (Closed)

蒜茸炒椰菜苗，香茅燒鰂魚，青木瓜沙律，焗蒜茸包，粉絲青口煲、，泰式蝦多士,魚蛋湯河粉!椰汁芒果糯米飯,在綱上訂位、全單85折!大部分都好味,粉絲青口煲好味,泰式蝦多士夠翠口椰汁芒果糯米飯買相有特色,焗蒜茸包有蒜茸味好食,香芧燒鰂魚,燒得合到好處,蒜茸炒椰菜苗好味.青木瓜沙律,我們走左辣所以一般,魚蛋湯河粉,D味道都可以,服務都態度好!下次可以再朋友試其它食物

今日中午同幾個frds 係九龍城買嘢，順便想解決午餐問題。見到有間泰國餐廳，名字都好霸氣，叫做鱷魚泰國餐廳，於是就諗住去試下。由於行咗一陣，都幾口渴， 於是每人叫咗一個椰青解渴。個椰青好甘甜好fresh，即時舒服曬。仲可以吃埋椰肉，唔錯。之後我哋叫咗個“小鳥等愛”。個菜名好可愛，賣相都好趣致，其實是炸蝦球， 有d唔捨得吃LOL。之後我哋叫咗兩個經典嘅泰國菜：生菜包同馬拉盞抄通菜。好味。最後我哋叫做兩個主菜， 牛仔骨同椰青焗飯。牛仔骨好香好滑，又唔怕韌。椰青飯好大份，好香口，吃到好飽。最後講下餐廳環境，十分明亮乾淨，裝飾別緻，營造出好舒服嘅就餐環境。真係值得推薦嘅泰國餐廳，下次一定再同朋友一起來吃飯。俾LIKE！

朋友約食飯，話試間新嘅鱷魚泰國餐廳。一聽個名都覺得特別，唔通餐廳裹面養咗條鱷魚? 去到先知原來係門口印咗大大隻鱷魚，可愛得黎又有特色。餐廳舒適乾淨，裝潢充滿泰國味道。特別係牆上貼滿菜色相片，方便點菜，十分有心。一枱三人點咗四個菜。泰式串燒、肉碎生菜包、泰式牛仔骨、椰青焗飯。泰式串燒: 串燒包含豬、牛、雞。上枱就聞到香味，三款中個人最鍾意牛肉，牛肉肉質嫩滑，牛味濃。肉碎生菜包: 肉碎選咗豬肉，微辣，加上新鮮生菜，口感岩岩好，唔會有油膩感。泰式牛仔骨: 牛仔骨燒得好香口，點埋個醬汁仲好食。椰青焗飯: 唔想又食菠蘿飯，所以試下菠蘿換椰青。味道都幾清新，不妨一試。價格適宜，對比同區泰菜要平，適合幾個朋友相聚食飯、傾計!

朋友介紹九龍城有間泰國餐廳幾唔錯，但係唔記得叫咩名，好似有個鱷魚logo。上openrice一search就搵到有間叫做鱷魚泰國餐廳。於是今日就同一個frd去試下。尼間餐廳唔錯太難搵，喺富豪東方酒店巴士站行十幾分鐘就到，去到就可以搵到好明顯嘅鱷魚logo。入邊環境唔錯，俾人感覺好乾淨好舒服。仲有一幅好復古嘅鱷魚掛畫，唔怪得叫做鱷魚泰國餐廳。因為只有我同frd兩個人，搵位唔難。我哋點咗3個餸。第一個餸係前菜泰國串燒。燒的啱啱好，好嫩好香。之後我哋點咗椰青焗飯。分量真係好足，而且好香椰汁味，入面d椰肉好滑。 最後我哋點咗椰青做飯後甜品。好清新。雖然餸唔多，但係都幾飽，價錢都唔貴，最緊要係味道唔錯，值得來試下。推薦。

作為愛食泰菜嘅我，九龍城當然係我成日搵食嘅地方啦! 呢日比小弟搵到間比較新嘅泰菜餐廳，當然二話不說拉埋好友一齊試下，睇下有冇驚喜!餐廳睇落幾舒服，有梳發位。呢日可能去得比較早，餐廳唔係好多人，唔駛等。坐底先叫個椰青潤喉。椰青大大個，重量十足。飲落清甜，夠新鮮!小食叫了個小鳥等愛，造型可愛，炸蝦內滿滿的蝦膠包住鮮蝦一隻，用料十足。肉碎生菜包(牛)，辣度適中，新鮮生菜包上熱辣嘅牛肉碎，一啖擺落口，冇得頂。馬拉盞炒通菜，辣度比生菜包更勁，不過十分惹味，唔怕辣嘅朋友可以一試。最後仲叫咗個椰青焗飯，飯吸收晒椰青嘅味，加上配料，口感味道一流，又飽肚。食物有水準，價錢又唔貴，值得下次再黎!

星期六日同朋友出發去九龍城揾野食，見朋友話呢間餐廳好似好唔錯甘，一於就拭下啦。餐廳嘅外觀同內裡裝修，餐廳唔算大，但本人覺得拒地內裡嘅格局佈置都還算精緻，成功糅合到式嘅style.味道方面:首先，呢個泰式牛仔骨 我自己覺得呢個牛仔骨有點兒肥膩，不過配合埋鋪頭秘製的燒汁黎食的確係幾好味，尤其適合中意食濃味菜的朋友。泰式椰青焗飯 相對於其他鋪頭的椰青焗飯，我覺得餐廳既 配料好足，食落去口感好細膩，有椰香得黎 仲有D適中嘅甜味，好值得推薦。泰式肉碎生菜包（牛肉）一道好常見的泰菜，但係我自己覺得呢道菜 師傅係辣味的控制方面唔會太重手，所以就算唔係幾食得辣既人（例如本人）都可以食到。 馬拉盞炒通菜，成晚最野味的一道菜（雖然好辣）中意食辣的人伶黎送飯應該會非常好味 呢間泰菜係唔錯嘅

放工後與友人相約九龍城，決定一食朋友最近經常提前的鱷魚泰國餐廳餐廳很容易認，記住這個明顯的鱷魚嘜頭就是啦 泰式肉碎生菜包，可分別選擇牛肉及豬肉，而我們這次試的是豬肉。個人覺得這個肉碎包相對而言沒有一般泰菜肉碎那麼辣，味道比較適中，不能吃太辣的朋友我相信也能應付到。 泰式寸燒， 泰系的常菜，我們分別要了牛肉及雞肉。本人覺得這道菜味道比較偏鹹，但配合店鋪的秘製燒烤醬吃起來還算別有風味。小鳥等愛 好有詩意的名字。而這道菜實際上是以薯蓉捏成小鳥的頭部，再配合炸蝦為軀幹的泰式風味炸蝦。本人覺得這道菜味道適中，是挺不錯的，而炸蝦內亦釀有各種配料，也不算太油膩 。 泰國椰青。本人覺得相對於街外的椰青 餐廳出售的 比較清甜，而椰肉方面也很細嫩，口感很清新不像有的店鋪把椰青冰得味道都變了。 總括而言，餐廳值得推薦。

九龍城美食真係多，原本想同朋友去吃打邊爐，但朋友話不想吃打邊爐，咁當然就係另一選擇泰國菜啦，平時食過個啲又已經試過，就係左想右想之際見到佢個名，鱷魚泰國菜！唔通有鱷魚肉吃，喜歡搵新口感新菜式嘅我就提議試吓啦！餐牌內食物選擇多，但總不離自己最愛嘅食物，當然沒有鱷魚肉吃！先點了個樣樣有啲嘅泰式小食拼盤$138,等了一陣就上枱 ，碟上有彈牙煙韌嘅蝦餅，香脆嘅春卷，燒得香滑嘅燒雞卷，同軟熟香滑魚餅！另必吃嘅泰式炒金邊粉$68，金邊粉炒得較乾身，足料，有彈牙爽口蝦，有香碎嘅花生粒，金邊粉入口彈牙好有口感！另點了個清新開胃嘅柚子沙律$78，柚子鮮甜多汁，加埋脆口果仁，正！不得不提裡面重放了好香嘅椰絲，增加口感之餘，重入口好香，係其他食同樣嘅泰式餐廳好少有加埋椰絲！當然要叫埋杯飲品先至係最佳配搭！番石榴沙冰$33，番石榴味道濃郁，而且個沙冰入口時感覺到好細滑！

九龍城食泰菜相信係人都知，之不過最為人熟悉的相信也只是某幾間，但大型已有名氣的質素雖然有保證但菜式不會有太大驚喜，所以還是想到一些新開小店一試。新店優惠每枱可選一款免費食品，有青檸烏頭、飛天通菜、泰式炸蝦餅、酸辣鳳爪及粉絲肉碎湯椰青沙冰 知道要吃咖哩，所以早已選定了飲品，椰青也可以製成沙冰？相當有心思呢！將椰青水打成冰沙後，再將回椰青內，入口冰涼清爽，解辣解喝同樣一流！青檸烏頭魚免費贈送的五款菜式中，當然要選明爐青檸烏頭！烏頭雖然不算太大，但味道跟一般的有所分別，常吃到的明爐魚一般用的是酸酸辣辣的碎肉湯，而這裡所用的是青檸汁，酸度輕一點，而且多了一份清新感，感覺不錯小鳥等愛小鳥等愛，若是單聽名字應該絕對不會估到究竟是甚麼，原來是一窩有著小鳥外表的炸蝦餅，頭部是薯蓉所製，沒甚麼味道。而圓圓胖胖的小鳥身就是彈牙蝦膠，與別不同之處是蝦膠内還藏有一隻鮮蝦，除了外型吸引外，味道亦相當不錯生菜包生菜包的辣度絕對是令人意外，起初還以為肉碎上的三條小辣椒只是作為裝飾，而且還有配上生菜，辣度應該相對減弱。所以將肉碎加到生菜上再包好，就直接大啖的吃下去！怎料在咬嚼不久後，辣味開始慢慢滲出，即使快快喝了幾口

哈哈九龍城咁多泰國野食，都唔知幾時先食得晒。今次兩個人又冇book位，唔想排隊就決定試下依間啦。雖然得兩個人食，但我地都嗌左好多野食食泰國野當然唔少得椰青啦，朋友仲嗌左個椰青沙冰，好清甜生蝦，當然唔少得啦！青木瓜沙津，好開胃，仲有幾隻大蝦好爽口食泰國野可以唔食咖哩呀，嗌咗個青口咖喱，咖喱偏甜，怕食辣嘅人就岩啦，啲青口好大隻，仲要份量都唔少，咖喱同蒜蓉包真係絕配蝦餅炸到好香口，點埋d醬，酸酸甜甜燒蠔大隻，但可能配料太多，覆蓋左鮮味大大份，好夠味

食泰菜時，當然要去九龍城食啦！今次揀左一間叫鱷魚泰國餐廳，地方簡約同時加入泰國嘅特式。兩個人黎到一於叫個二人餐，唔駛煩諗咩不知幾好！二人餐有冬蔭海鮮湯、炸蝦餅魚餅、脆肉炒芥蘭、青咖哩雞同牛油薄餅！五樣野雖然好豐富，但我地都追加左生蝦刺身同勁鐘意嘅椰青。先講生蝦，蝦肉口感爽口又唔會一陣雪味，加上兩款唔同醬汁，好快已經食哂成碟。蝦餅魚餅唔似一般食過嘅咁實，反而稔身少少我仲鐘意，口感同味道都好好！冬蔭海鮮湯勁多海鮮，入面仲有青口，所以個湯好重海鮮味，又唔會勁重味精味，清少少嘅冬蔭公湯反而令我飲多兩碗。而青咖哩雞有蔬菜同滑身雞肉，味道剛剛好，唔會過份重椰奶味，配埋牛油薄餅食，索哂啲汁，簡直想encore薄餅繼續點咖哩汁食。最尾嘅脆肉炒芥蘭，身邊個個人都大讚，勁有獲氣，而脆肉唔會過咸。個二人餐都係$238，而生蝦就$98、椰青$36。兩個咁食都幾抵。

九龍城出名泰國菜，泰國出名鱷魚！黎九龍城仲唔係食鱷魚??!門口已經有隻好QQ既鱷魚~食泰國又點可以冇椰青?!!椰汁味道清甜，椰子汁都幾多，仲可以將椰肉一齊刮出黎食，感覺好真質。仲有生蝦，必食! 一D都唔腥，而且點汁後都唔會好辣！食完好開胃！可以食多d其他野哈哈哈仲有必點既通菜！泰式炸蝦餅 - 好香口好彈牙黃咖哩海鮮 - 唔太辣，份量好好好多! 椰味不會太重，岩岩好！蠔 - 唔係好辣，都幾新鮮，冇腥味仲叫左個蒜蓉包黎點咖哩食！蒜蓉包好脆，好香口，應該係即叫即整！

今晚又經過九龍城，好耐冇食過泰國菜，揀咗乜姐隔離嘅呢間，因為行過望到裝修比較新同埋沙發位比較舒服Menu 清晰簡單，我仲好鍾意貼住啲相有樣板你睇仲有就係牆上面鱷魚嘅牆壁圖畫。同行的那位公子，一坐低就叫咗碟生蝦刺身 $98。大大隻新鮮爽甜，最刺激嘅就係個泰式酸辣汁，真係食到心跳加速天氣本來好涼，但我食咗粒噴火辣椒，所以即刻叫個椰青 $33。解渴救火先泰式小食拼盤 $138，係我去到每一間 Thai 餐廳都一定會叫嘅望落去好豐富，就連香葉包雞都大件過人。當然我最鍾意嘅仍然係炸蝦餅啦！爽滑彈牙，香噴噴的鮮蝦味柚子沙律 $78，好多柚子清新又開胃的要令到公子們吃得飽，碳水化合物是必須的咖喱軟殼蟹脆包盅 $168我最快手食咗脆包盅個蓋～haha！用嚟點咖喱汁食真係冇得頂，又香又滑的咖喱汁又唔辣，椰香味夠濃郁最正就係份量足料軟殼蟹，一啖咬落去，每一口都係柔軟的蟹肉，而外面炸到脆卜卜，口感一流每人平均都唔使＄300，下次可以再來試其他口味

前晩又去咗九龍城食泰國菜，今次去咗間開咗幾個月舖試下菜式如何，因附近有名氣泰國菜D朋友都食過晒，所以今次就選呢間看看質素如何，門口簡潔光猛，坐位寛闊。咁就看看餐牌同款式，差不多大致上菜式一樣係小小不同，先點咗嘢飲要咗椰青，入口清甜，仲有果肉食，之後開始點主菜同其他小食先來生蝦刺生食先生蝦都幾大隻食落彈牙點埋醬汁仲開胃，再來泰式小食拼盤份量唔錯有蝦餅内裏啖啖肉，魚餅咬落夠香滑&春卷炸得鬆化&香茅雞肉嘢味香辣，之後係泰式炒金邊粉金邊粉炒得啱啱好食落較乾身口感再來係冬陰公湯我地叫咗細煲同小辣入口特別香唔算太辣，湯料十足整體來說價錢合理'味道合格有水準

難得平日得閒，喺九龍城搵搵有咩抵食午餐先…最終都係搵咗間泰國菜嘅叫咗碟豬手飯及冬蔭功湯金邊粉，發覺原來依家好多泰菜館嘅豬手飯都係唔好食……啲肉輆澀澀，好彩哩間嘅味道尚可接受；而冬蔭功粉叫咗小辣，不過食落都頗辣，但味道唔錯，而且都幾大碗由於午餐包飲品及無加一收費，所以覺得好抵食另加$20，可選擇1）飛天通菜+椰汁芒果大菜糕 / 2）炸蝦餅+椰汁芒果大菜糕。我地就試晒兩款，飛天通菜唔覺得飛天，而且通菜好輆；炸蝦餅份量似乎較少，蝦餅較腍身，但蝦味都夠濃；甜品嘅芒果味就唔突出。若下次有機會再惠顧，可選擇唔加$20