炭魚 (Closed)

成日搭巴士經過北角，都會見到炭魚個好鮮色嘅大招牌，好吸引咁。上openrice睇下，發現原來除咗魚，都仲有好多特別野食。咁叫得炭魚，梗係最出名食魚啦！可惜我男朋友大人5食魚，好彩呢到有個叫自選乾鍋，可以自己選味道同配料。另外叫咗一個芥末木耳木耳好爽脆，不會硬身不夠軟，帶有淡淡嘅芥末味，5會太嗆喉。涼伴帶點酸，作為前菜很開胃喔。自選乾鍋有好多種口味，香辣，麻辣，孜然等。我地叫咗中麻辣。配料要咗大蝦，木薯粉同金針茹。香鍋本身有花生，蓮藕片同薯仔做基本配料。花生爆香且脆，薯仔就好似食緊炸過嘅粗薯條，好特別。因我地都係愛辣之人，中辣其實都幾辣，但辣中帶麻，麻中帶香，辣得好過癮！每種配料應該略略過咗一次油再落鍋一齊煮。大蝦好驚喜，簿簿嘅一層炸槳蓋在表層。蝦好新鮮，蝦頭有膏且帶鮮味，蝦身爽口彈牙，肉不會痴實蝦殻，容易分離，啖啖肉大大隻！木薯粉亦是驚喜之作，一條條的薯粉炒得乾身入味，充滿住香辣嘅花椒八角香味。而且好有口感，條條分明。因為辣嘅關係，叫咗一支蘆薈椰汁同可樂解渴。椰汁有啖啖蘆薈肉，而且好清甜。第一次食呢類川菜乾鍋，原來十分不錯呢！係凍嘅日子最開心都係同中意嘅人食一餐飯就係最暖入心嘅方法

我一向好鍾意食魚，知道北角剛開了新的店舖主打食魚的四川菜館，梗係來試試啦!今日適逢天然非常凍，呢間店舖主打的烤魚係用炭爐加熱，更加適合今日的天氣食。一行兩人叫了一條桂花魚，約2磅重，再自行選配烤魚醬汁，醬汁有多款選擇，好在有辣有唔辣，我地揀左湖南鮮椒味，條魚好新鮮，魚肉鮮嫩香滑，胡椒好醒胃惹味，唔會太辣，亦不會搶了魚的鮮味，選了兩款配料金針菇及豆腐泡一樣搶鏡! 炭爐暖笠笠，一路食的感覺真係好溫暖。兩個人食一條魚其實都夠，不過我地再加左個小食- 手拍青瓜，陳醋味好香，再加入及蒜蓉調味，正呀!最後2個人再飲左1扎冰極酸梅湯，非常醒胃!

今日兩個女仔想食烤魚，就去試間餐廳。入到餐廳，我唔想食多骨的魚；待應就好好介紹餐廳有邊兩隻少骨(桂花魚同清江魚)。我地就叫左桂花魚另外再外金姑同豆卜做配菜。而我們選擇的味道湖南鮮椒味。點完個烤魚唔洗5分鐘就上菜，待應有溫韾提示要３分鐘之後先可以食。佢仲要用炭爐上，好有心製作的烤魚。佢用左好虎皮椒同糊椒粒放上魚面;遠聞都有一陣糊椒味。上菜邊邊位都好乾淨：佢把條炸到金黃色,條魚好多肉而且不太乾身(仲要好有鮮魚味。)魚同索到哂個糊椒粒味，令到條魚有少少spicy;如果唔係好食得spicy 的人可以點個味。本人極力推介叫豆卜做配菜，因為豆卜易吸味；你先可以食到你想選擇的味道是怎樣。個汁唔太咸，本人怕太spicy ,故此我無食虎皮椒粒。然後我地好口痕叫左芥末木耳，外表好普通，青青地色應該芥末汁；聞就唔係好大陣芥末味；食落去就有一陣好淡芥末味，木耳好爽口。本人推介菜式：烤桂花魚(配湖南鮮椒味)

今日天寒地凍，來到北角覓食，遠遠見到"炭魚概念店"。一股暖粒粒嘅感覺劉入心扉！好。。就你啦雖然餐廳係以炭+魚作為主題，但係由於另一半唔食魚嘅關係！今次我哋揀咗半隻雞雞煲配中辣湯底！再自選萵筍，肥牛，木薯粉作為我哋嘅暖肚晚餐。 我哋嘅雞煲話咁快就送上。。原來剛才自選嘅所有配料已經係晒入面。大大個長方形嘅獨特無煙炭爐已經擺咗係我地面前。。滾起來！就食得 平時大多數以我認知嘅雞煲，係先食雞，加湯，再打邊爐！ 今次第一次試呢一種"一鑊熟"嘅食法！真係好得意！我覺得啱晒我呢種懶人。 雞肉好嫩滑！萵筍亦唔係度度都可以食得到。。爽口！配上雞煲嘅湯底，香味十足，辣味配上種種香料超級惹味！最後在食埋吸收晒成個湯底精華嘅木薯粉！呢個配搭簡直無得頂！之後我地都忍唔住再叫多一份木薯粉！因為真係太好食了！ 值得提嘅係泰式蘆薈椰汁，呢一種罐裝泰式飲品喺出面似乎好少見。與其話佢係椰汁，倒不如話係椰青水。。入口清甜，每一啖都飲到蘆薈粒粒！配埋麻辣雞煲簡直一絕。 呢一種懶人打邊爐方法，真係好啱我！同另一半一路傾計， 一路慢慢食。食飽飽之後， 我哋仲叫左青島同蘋果酒，繼續

烤魚之前都食過好幾間, 但都只係幫襯荃灣區的小店.朋友話佢未食過烤魚, 好想試下. 知道屋企附近開左間新店叫炭魚,姑且去試下吧.我地係星期日晚6:30pm左右去到, 可能時間常早的原因, 未見有人排隊或等位.店內環境不算大, 但是全為卡位, 坐得比較適服而晚上大概8pm左右就開始滿座烤魚只有3款選擇, 全都是淡水魚.桂花魚比較貴, 但味道當然是最好. 而詢問過老闆意見及介紹, 我地選左中間價錢的清江魚 HK$268/條(約3磅).而伴魚輔菜都唔算貴, 每款只係HK$15.除左烤魚, 仲有其他選擇. 而且有雞煲食架!!未上烤魚前, 先上左單點的小食, 手拍青瓜 HK$38.00青瓜咬口爽脆, 但比較淡味, 醃得唔夠入味.涼拌皮蛋 HK$38.00最愛就是涼拌皮蛋, 加上辣油、辣椒、花生同 芝麻, 入口微辣. 不錯.烤魚終於出場啦,我地Order招牌香辣味清江魚 HK$268/條(約3磅)同時間點左輔菜有寬粉、萵荀、土豆、凍豆腐 (每款HK$15)上魚時, 已經將4款輔菜放爐內(魚底下)大概等3-5分鐘, 等完全滾熱先開始進食清江魚已預先整條輕輕用油炸, 所以就算滾得耐都唔怕魚肉會散.呢款

平時少可經過港島區， 今日經過北角港運城見客 見完食野 見到有間專食烤魚既地方 應該係新開 聞到陣陣香味於是就入去試下， 食店環境同一般食川菜食店一樣 木枱櫈為主亦有卡位， 叫左枝青島後就睇下menu, 有各種唔同既川菜， 雞煲， 魚煲， 水煮 辣子菜式 麻辣乾鍋。 唸住點魚窩 但好似食tea時間未有 於是點左個雞煲。 等左5 分鐘 雞煲做好上枱，雞煲上枱時香味四溢， 以一個有手抽既長方形爐 十分美觀 , 下面係用炭燒熱個爐 用既炭不像旺角室外 甘多炭甘大煙大火， 所以就算喺室内 加上通風系統唔錯， 所以完全冇重油煙既感覺， 下面既炭火熱住上面既雞煲，炭爐又可以平均熱住上面既雞肉。爐既深度比較淺， 湯汁水位大慨得兩cm, 上面鋪滿好多香料同雞。 甘樣食法都係第一次 有驚喜雞肉夠滑 又入味 就算點半隻都好多料， 香料有蒜頭 花椒麻子8 角等 食落十分惹味， 由於點左大辣 所以有好多青椒紅椒 等等 . 配料有 雞脾菇同草菇 , 而宜整體醬汁夠濃 值得推介！希望下次可以試下佢個魚煲 !

呢排天氣又凍返少少，我呢個邊爐怪即刻約埋兩個閨蜜去打邊邊。我個frd提議去炭魚食雞煲，話上次經過聞到好香麻辣味，咁就即管試下啦！我遲到左少少，去到既時候佢地已經order 左一個麻辣雞煲（小辣），再點左d配料呀咁！我就叫左一罐泰國椰子水，飲落去甜甜地，有少少椰子碎，都唔錯，解渴一流。等左15分鐘，個雞煲仲未到，我就口痕痕點多個涼伴皮蛋黎試下，d皮蛋好正，同個涼伴汁好夾，好有四川風味，係略嫌唔夠辣啫（不過我個frd話已經好夠辣喇喎！咍哈 ) !轉個頭，個雞煲就黎到喇！原來之前點果d配料已經係煮埋落個雞煲度，個雞煲係用炭爐heat住架！急不及待夾件雞食，d雞切到細細舊，好方便食，唔會過老，又好入味，正！我最鐘意就係佐料果d洋蔥呀，芫茜呀，紅綠椒呀，又淋又入哂味！佢地仲點左肥牛萵荀金菇薯粉，萵荀好甜，薯粉煙un彈牙，其他就正正常常 新鮮。之後後加左個娃娃菜落去索埋d辣湯！超滿足！勁飽！食完我地坐喺度吹水吹左好耐，講到口乾乾，我提議叫甜品食，佢個menu度只得一樣甜品，叫四川粉皮，就試下啦！個賣相唔錯，一食落去，好大陣桂花既香味，d粉皮好滑，好似啫喱咁，甜甜地，岩岩可以中和到麻辣味！唔錯唔錯

今日同2位家姐行街，經過一間叫炭魚既餐廳，因為我想食辣野，所以就入去喇~可能時間仲早所以無乜人~但係我地點完野都等一段時間先黎……我地覺得好奇怪，咩事雞煲要等……我地點雞煲同幾樣配料，係我越等越肚餓既時候，雞煲到~嘩~不得了，一見到流哂口水~原來要等，係因為佢係將配料同雞一齊煮完，之後成煲上，配料入哂味，唔錯！原來仲要係用炭爐，另一番風味，抵我等你~我點最鍾意食既年糕同午餐肉~哈。索哂雞煲味，又辣，正，滿足~雞都好滑同入味，的確唔錯~係冬天食雞煲果然一大樂事~哈哈哈哈。食飽正餐之後，竟然見到有甜品，叫四川冰粉，咁為食既我地，當然要試試啦~就好似冰糖啫喱咁，甜甜地有點彈牙，好搞笑咁有提子乾，又幾夾幾得意~食完火辣辣就食返D冰甜甜地，舒服哂~膽粗粗試新野，有驚喜之餘，可以返兜~哈哈。

老公之前經過北角做野 提過有間餐廳叫炭魚 話用炭爐食雞煲或者魚鍋。今日我去北角買咖啡豆 唔執輸 即刻約咖啡友試試如何用炭爐打邊爐。餐廳大部分係卡位 坐得舒適。燈火通明 乾淨企理 已經給我不錯的感覺。友人是雞精 二話不說 我都未睇清楚有咩揀 就話要小辣雞煲。哈哈 我都好鐘意既。配料選擇都不少 肥牛丸類唔少得 仲有大蝦雞中翼薯粉年糕等等 最特別係有田雞 但實在過唔到自己心理關口呀baby。若果有田雞愛好者 記得去試 還有香辣田雞鍋可以揀。已經有成半隻雞 所以肉類只揀左肥牛 其他就有金菇 鮮腐竹 芋絲 萵荀。其實我第一次食炭爐雞煲 原來廚師會將所有我們點的配料都煮好 連同雞煲一齊上 嘩 連自己烚都唔洗 真是好適合我呢種懶人。而且重點是 所有配料都充滿雞煲的香辣味。特別金菇腐竹 索曬d汁 好鬼惹味。肥牛雖然連同雞煲預先煮好 但唔會好老 有牛味 當然為免愈烚愈鞋 我們三扒兩撥食鬼曬雞煲裡面的雞切到細細舊 好易咬 真窩心。雞肉一點都唔鞋口 入曬味 而且份量都好足 兩個人半隻夠曬。另外 仲點了小食-手拍青瓜。青瓜爽脆 食得出好新鮮 落足蒜蓉再加了白醋 可以解一解辣 更開胃。順帶一提 除了火鍋必備汽水

港島區居住的我同朋友又想食雞煲，但係又唔想去銅鑼灣迫人又排隊。朋友說她家樓下開左一開雞煲店，最後我們決定去試一下。店內人數不太多，以家庭為主。我們2人點了半隻雞煲BBQ辣，還加了肥牛及墨汁丸。以長方形去盛載雞煲第一次見，而加了的肥牛及墨汁丸已經撈入同平時格外不同。雞煲微辣，但愈食愈辣。而且配料都比較多，紅椒及青椒超級惹味。墨汁丸剪開了快熟而且口感特別。全個雞煲內含大大隻的菇呵...菇吸入了雞煲的醬汁，超級入味。利用炭爐不需要用gas比較特別，以及沒有用電掣亦可慳電。我們還點了泰式椰子水，以為自己沖製點知是罐裝。但此罐裝未見過都幾特別，不太甜而且有粒粒椰子味不錯。新張期內，凡分享相到facebook到炭魚page仲可以減$5。不同優惠都是吸引街坊光顧，值得鼓勵一下。

屋企附近開左間新既餐廳，就喺榮式燒雞扒隔離，個名都幾得意--叫炭魚，近近地試下好唔好食先。咁啱影到店員同小朋友玩既溫馨場面😂 入面座位都幾闊落，冇乜油煙味 Menu有三款魚可以揀，有桂花魚，清江魚同埋鯇魚，我揀左桂花魚$338 另外再叫左碟川式口水雞$58 做前菜 口水雞好多香料同花生，食落去雞肉嫩滑，對我呢d唔係好食得辣既人黎講辣度啱啱好，少少麻，好惹味，如果雞少d骨會比較好。 熱辣辣既烤桂花魚到喇! 好大盤呀~下面係一個碳爐一直燒住，仲有招牌名我揀左招牌香辣味，上面好多辣椒，好有睇頭，唔食得辣既話可以揀唔辣都得嫁。 條魚好多肉，冇乜骨，層皮炸到脆脆，食落有咬口，魚完全冇鯹味，好香，好鮮嫩，個汁甜甜地，少少辣，D辣椒煮煮下會開始辣，所以會越食越辣，個辣度都係啱啱好，食到尾都係滾下滾下咁樣 價錢都唔算平，如果條魚大條d會抵食d

話說放工收夜無飯食...就約咗朋友出嚟做飯腳。繼打完超好味嘅邊爐之後今晚就去咗食雞煲。雞煲（半隻雞，小辣）：首先上到枱個雞煲真係好大盤，而入面嘅材料都非常豐富。一開始當然試下個雞先啦，辣汁入哂落雞肉入面非常好味，雞肉亦都唔會好老。而佢入面嘅材料都非常好食，你亦可以加唔同材料如：肥牛、丸類、酸辣粉等等，而我特別鐘意佢嘅蒜子很甜，真係食到無停手。魚湯牛腩麵：其實我未食過牛腩麵用魚湯整的，但食落去果陣唔會覺得怪，反而會覺得佢清得嚟食到牛腩嘅牛味，而且爽勁十足，下次可以試埋佢其他款先。

新一年又係時候食番餐好既，朋友提以食烤魚，既然佢住北角，一於睇下果頭有冇烤魚，就試下炭魚！ 餐牌以烤魚為主，除此之外，又有好似口水雞呢d四川菜，亦又有雞煲，田雞煲，同埋火鍋既配料等等。 口水雞，唔似一般口水雞既麻辣味，味道獨特，唔會太辣，如果雞可以冇骨更好食。 桂花魚，選左招牌香辣味，但朋友唔係好食得辣，所以都問問店員可否再小d辣，所以唔太食得辣既朋友記得落單時提一提。烤魚嚟到大大個炭爐，魚同樣大大條。雖然成盤都見到紅紅既辣椒，但食落又唔係真係好辣，朋友都話辣既程度可以接受。而且桂花魚啖啖肉，只有大骨，冇細骨，幾易入口。食完烤魚，新一年又一個新開始，祝大家新年快樂！

​最近又去北角睇戲，留意到附近有間新的川菜餐廳。沙發座位舒服，而且間隔夠高身，private度都幾高。餐廳有前菜，麻辣香鍋，一品鍋，烤魚，粉麵類等。Lunch Set比單點仲抵～川式口水雞 $58佐料主要有花生碎、蔥花、紅醬油和辣醬。雞肉質地好嫩滑，口味油香微辣，好醒胃，完美的組合！朋友第一次食川菜，食到好滋味。秘制肥腸麵 $40豬大腸份量多，爽口入味。麵碗比擔擔麵還要大，絕對抵食。特色擔擔麵 $38嗜辣又怕麻辣湯太辣，選了濃厚魚湯。麵條細滑，碎花生加肉碎，更突出魚湯的鮮甜，另又蘸了口水雞的微辣醬，可以滿足嗜辣的口癮。奉送菜蜜，甜度剛剛好。朋友點了泰國椰​​子水+$6嚐到有椰肉粒粒，可解辣，超推薦！甜品-四川冰粉 $28冰凍Jelly晶瑩剔透，每一啖都滑溜溜，曬上黑芝麻，桂花乾和提子乾，口感更豐富。每一口都有清新的感覺，可以將剛才的辣都沖淡了。

炭火烤魚 好耐無食烤魚了, 今日行過見到呢間係炭火烤, 就入去試吓! 兩個人叫左一份桂花魚,揀左香辣味, 我地揀左3個配菜, 萵荀, 凍豆腐, 年糕。 魚放下時, 已聞香味, 滾熱辣, 正! 食落個汁唔太辣, 開頭魚比較淡, 可能係未入味, 而魚身亦滑, 繼續食落去, 啲汁漫漫滲入魚肉,辣味適中, 唔錯! 後來加左幾樣野當打邊爐, 田雞, 萵荀, 田雞好味, 都幾抵食, 應該都有兩隻以上! 總結呢間水準都唔錯, 可以介紹吓朋友黎食