臺北棧 (世貿中心)

Open Now

Now Closed

𝑪𝒉𝒆𝒄𝒌-𝒊𝒏 𝑻𝒂𝒊𝒑𝒆𝒊系一間新派台式餐廳，去到呢家已經有3間分店，今次就試咗銅鑼灣分店，環境充滿少女心💖食物比想像中高質好多❣️✿ 三色鹽酥雞（柚子/ 松露/ 水牛城）$128鹽酥雞都食得有特色過人，有柚子、松露、水牛城醬，柚子清新，甜味恰好，沾上鹽酥雞有解膩作用💛松露食材高級，向來可以搭配好多食物，同鹽酥雞又幾match🖤水牛城醬辣辣哋夠惹味🔥每件鹽酥雞亦做到外脆內軟。✿ 海鮮炒王子麵蛋餅 $128模仿日式大阪燒，表面有大量海苔粉💚裡面餡料非常豐富，有蝦肉🦐蟹柳同埋大量王子麵。蛋餅口感軟稔，蝦肉爽口彈牙，王子麵擠滿蛋餅😂感覺好新奇，食完勁飽肚🤰🏻✿ 招牌魯肉飯 $68魯肉飯有櫻花蝦、松露等新派款式，我地都系揀番招牌。溏心蛋蛋香味濃郁口感滑溜🥚魯肉飯魯肉啖啖肉🐷加上白米選用台灣最知名米種之一，比起一般米飯Q彈🍚✿ 招牌牛肉麵 $108牛肉麵喺呢度亦有分好多種，有擔擔/ 黑蒜等味道供大家選擇，我地就揀咗招牌。牛脂肪製成「牛脂油」，將牛脂油送入牛骨湯裡瞬間融化，增添牛脂香氣。牛肉部分尚算軟稔，手工刀削麵充滿嚼勁，湯底牛肉味亦香濃撲鼻。✿ 芋泥牛乳 $55芋泥成為大家都好中意嘅食材，芋

眨吓眼又話過咗年啦😎⋯⋯新年最大嘅願望大家就係身體健康，萬事勝意🥰⋯⋯每天都係食拜年嘅菜式，當然係中菜⋯⋯非常懷念台式料理⋯⋯而家餐廳通常都好迫夾🙈⋯⋯這間餐廳環境非常舒適，樓底超高🥰座位非常寬闊，而且非常整潔🥰仲有我最愛嘅甜品添！價錢仲非常實惠！蒜香三色台腸肉質肥瘦均勻！烤過嘅香腸用蒜片炒香！超級惹味！蒜片炸得非常香脆！口感Q 彈！黃金鹽水雞芭樂撈粉皮呢個菜式非常清新！加埋佢特製嘅黃金醬汁！😋新年撈起撈起！🎉🎉鹽水雞，非常鮮嫩！海蜇非常新鮮，又爽脆！原來加埋番石榴係咁夾嘅甜甜酸酸！大白菜非常惹味！又爽脆又酸甜！特級菌花菇魯肉飯滷肉肉質鹹香鬆軟！入口即溶！味道超香濃！飯粒晶凝通透！非常有咬口！特級花菇非常入味！加埋木耳，非常清新！芋泥三Q拿破崙拿破崙超級香濃鬆脆！充滿牛油香氣！頂層鋪滿鹹蛋碎！正👍🥰加埋芋泥和麻糬⋯⋯口感相當豐富！這款甜品超正！伯爵茶凍芋圓呢款甜品係台式嘅signature！份量超大⋯⋯芋圓～珍珠超煙靭⋯⋯伯爵茶凍好香伯爵茶味！加埋仙草和綠豆！呢個甜品不可不點！

銅鑼灣分店 @CheckinTaipei🍛 肉燥飯，正常發揮，食唔到肉心製作嘅感覺，本人意見，可見可唔叫，不過打卡黎計，半隻溏心蛋的確係亮點，橙色嘅蛋黃位置係整得好靚呀。🧈 芝士松露蛋餅，佢出現左一個好大嘅問題，蛋餅皮完全冇煎香過，只係得松露汁嘅香味，芝士味都唔濃烈， 只係出現咗拉絲嘅狀態， 整體上欠缺層次，唔算係傳統蛋餅嘅味道。🥗 海蜇芭樂撈起， 有清新嘅味道，最喜歡吃芭樂，紅蘿蔔，漬蔬菜（似津白），反而粉皮，海蜇，雞肉普通普通，如果冇汁漿配合，呢兩項材料係完全冇味， 雖然如此，整體上仍然有refreshing嘅感覺。🥛Oreo牛奶麻薯，好軟好正嘅soft soft 麻薯， 唔鍾意食硬野嘅我的確好鍾意， 配合oreo其實有啲過甜，兩個人share 一份會太多太飽，如果三四個人分享會更佳，減低飽濟感。 有一樣嘢要大大讚賞，就係oreo好脆，唔會一早整好再潮埋。🧋：正常發揮，冇特別。P.S: 環境設計好靚，打卡一流，但勝價比一般。如果追求食物質素嘅客人要諗下先。推介指數: 3.7/5人均消費： $250

不經不覺又到新年了！陪老婆辦年貨呢個環節係不能少！老婆情中銅鑼灣⋯⋯乜嘢都買齊！方便啲！買咗好多嘢！個肚咕咕咁響係時候搵食！揀選咗台式料理！呢間餐廳又有地道台式料理，又有甜品供應！老婆最鍾意！餐廳樓底特別高！好舒適嘅感覺⋯⋯我哋被安排喺包廂裏面坐！夠晒privacy 😎超正⋯⋯話梅地瓜薯條地瓜薯條炸得金黃酥脆！外層包裹着話梅粉！酸甜鹹酥集於一身⋯⋯美味！肉鬆皮蛋蛋餅蛋餅口感相當軟嫩⋯⋯加上皮蛋和肉鬆！這個超級組合好美味😋⋯⋯頂層鋪滿酸甜醬和蛋黃醬在灑上芝麻相當滋味！滷肉飯我哋食咗兩款唔同嘅滷肉飯！🤣我哋係非常鍾意食滷肉飯嘅！🤣櫻花蝦麻辣滷肉飯肥瘦適中嘅滷肉飯，加上美味嘅櫻花蝦！已經超鮮味！再加埋我最愛嘅麻辣好食到唔停得！松露滷肉飯老婆最愛黑松露！原來加咗黑松露嘅滷肉飯都好好味！豬皮Q彈帶有膠質嘅口感！飯粒晶凝通透，仲好大碗添🤭⋯⋯奶奶麻糬（芝麻）鮮奶嘅麻糬，口感特別香滑⋯⋯充滿濃濃嘅奶香味！加上一啲都唔孤寒大量嘅芝麻碎碎！每一口都好幸福！伯爵茶凍芋丸材料相當豐富！超大碗！伯爵茶芋丸QQ彈彈⋯⋯加埋黑珍珠，仲有佢秘製嘅綠豆！超好味！

Check-in Taipei 自己食過唔少次但實在太鍾意 所以自己隔一排都會黎食銅鑼灣世貿店design真係好靚每次都要黎食佢地嘅牛肉麵三色鹽酥雞鹽酥雞附有充滿特色嘅3色醬黑松露。柚子。水牛除左鹽酥雞原味外仲有其他層次味道鹽酥雞炸得酥脆唔會油膩內裹雞肉仲充滿肉汁3款口味我最鍾意係水牛味道酸酸辣辣好惹味肉鬆皮蛋蛋餅蛋餅餡料份量超豐富蛋餅皮好Q韌得黎又充滿蛋香加上經典肉鬆皮蛋配搭味道甜甜鹹鹹 皮蛋帶點溏心酸辣牛肉麵牛肉麵配上大大塊牛展。百頁豆腐。酸菜牛肉麵湯底帶點酸香但又唔會過嗆係酸酸嘅湯底中又帶點微辣感牛肉味好香濃 飲完都唔會渴刀削麵好煙韌彈牙又掛湯 質感仲好滑奶奶麻糬 奶奶麻糬好QQ質感好滑嫩又充滿軟糯感黑芝麻沾滿係麻糬上黑芝麻好香濃 麻糬又充滿奶香台南冬瓜茶冬瓜茶解渴得黎又甘甜

🌟幾個月冇去台灣，又掛住台灣菜，今次去左呢間位於銅鑼灣世貿中心嘅台灣菜-臺北棧 Check in Taipei ，環境好寬闊舒適，裝修典雅，具格調，仲望到海景，好啱打卡呢🤗🧀松露玉米起司蛋餅 $98蛋餅外皮酥脆，內裏充滿粟米同芝士，面頭再加上松露醬，口感好豐富🥰🐮招牌牛肉麵$108濃郁嘅牛肉湯底搭配軟嫩的牛肉，可以自己適量加秘製牛脂，令湯底更惹味，麵質亦好彈牙，整體都不錯呀！🧡松露魯肉飯 $78滷肉飯嘅魯肉肥瘦均勻，滷得好入味，加上松露的香氣，同配上溏心蛋，好吸引呀！💛芋泥三Q拿破崙 $108呢個拿破崙口味好特別，係有芋泥蓉，麻薯同蛋黄碎，拿破崙好酥脆，面頭有滿滿嘅鹹蛋黃碎，而中間就夾住香濃嘅芋泥蓉，同煙煙韌韌嘅麻薯，好滿足呢！💜芋泥牛乳 $55順滑嘅芋泥搭配濃郁嘅牛乳，口感豐富，正呀！

Check-in Taipei 殺到來銅鑼灣世貿中心，其裝修華麗，店內更有超高天花佈置，甚有心思。鹹蛋黃芋泥球芋泥球香炸至金黃色，外層酥脆，內裡鬆軟綿密，再有鹹蛋黃的鹹香和芋泥的甜味，口感豐富，啖啖滋味。麻醬涼拌秋葵口感清脆爽口的秋葵加上麻醬涼拌，香濃帶咸香，令人越食越清新又開胃。招牌牛肉麵配牛脂油嫩滑厚身的牛肉和彈牙的麵條，入口鮮嫩多汁，碰上其濃郁的牛脂油調味相得益彰，香氣撲鼻，味道濃郁，一食令人愛上。肉鬆皮蛋魯肉飯濃郁肥美的魯肉，再有鬆脆肉鬆，與滑嫩的皮蛋完美結合，多層次的享受，再搭配白飯，更讓人胃口大開，食多碗飯都沒有問題。芋泥三Q拿破崙用上香甜軟綿的芋泥，夾上外層酥脆的手拿破崙，層層疊疊，口感鮮美軟滑，濃郁香甜，為這頓飯畫上完美的句號。

《臺北棧 - 銅鑼灣》記得前一段時間，突然之間好興食台式鮮奶麻糬，我個人本身都係一個煙韌控，對於一啲煙煙韌韌韌韌可以拉絲嘅食物特別難抗拒，今次就特登嚟咗呢一間好多人打卡嘅台灣餐廳，真係專程去試佢嘅鮮奶麻糬架😉其實咸食食落都好唔錯咼💁🏻‍♀️明太子甜不辣 $78甜不辣其實就即係由魚漿製成既魚片，口感彈牙煙煙韌韌的👍🏻係我喜歡既質感，上面淋左不少明太子沙律醬調味，隱約食到少少既辣味，濃味控應該會幾鍾意的💁🏻‍♀️髒髒鹹蛋黃芋泥蛋餅 $88我本來以為呢個蛋餅係當咸食咁食，但食落其實口味偏甜少少，個芋泥味道幾出，奶香十足，但我個人覺得有點蓋過左鹹蛋黃既香氣，不過成個小食打卡又真係幾靚既，當甜品食都幾唔錯💁🏻‍♀️魯肉伴台灣A菜 $88哈哈，A菜其實係咪即係油麥菜呀？個口感好似呢🤣食落爽口無渣，伴埋魯肉汁食十分香濃，味道不錯👍🏻💁🏻‍♀️招牌魯肉飯 $68魯肉飯都係我每次食台灣菜必食嘅item之一，飯粒我好著重架，佢用左珍珠米製作，米香味重同埋彈牙，可以掛上香濃既魯肉汁，入面混和左菇菌同埋一啲香料，油香十足而且食到粒粒分明既魯肉，好好食😋💁🏻‍♀️Oreo奶奶麻糬 $98食飽飽主食，當然就要食甜品啦🫰🏻今

銅鑼灣世貿中心翻新後，原來進主了不少新餐廳，而且餐廳的裝潢也非常別致，好適合打卡🤭而且價錢不算太貴，最重要的是質素高👍🏻今次就黎試試台灣菜，滿足一下我對台灣的思鄉病先🤭🤣餐廳服務員十分有禮，每次上菜都好細心介紹菜式，讚👍🏻美食推介：💛招牌牛肉麵（配牛脂油）：牛肉麵麵底可選手工刀削麵或台灣寬粉絲，我們就選了粉絲，粉絲質地煙靭，配上濃濃的牛肉湯底非常掛汁，牛𦟌肉質軟軟的不會太硬，最欣賞是蟲草花，因為蟲草花是炸脆了，口感有層次之如也非常特別，勁愛🥰💛招牌魯肉飯：傳統的魯肉飯味道，魯肉粒粒分明，配上半隻溏心蛋，每吃一口都非常夾🤭好好食呀！💛髒髒鹹蛋黃芋泥蛋餅：滿滿的鹹蛋黃碎加上紫薯粉鋪滿整條蛋餅，蛋餅餡料非常豐富，滿滿芋泥，鹹鹹甜甜，也非常好吃😋💛OREO奶奶麻糬：第一次食麻糬是可以自己撈，熱辣辣的麻糬配以非常多的OREO碎碎，撈在一起好好食，軟淋淋的，甜甜的牛奶味，好得意的感覺🥰💛手打香水檸檬烏龍茶 ：濃濃的烏龍茶配上香水檸檬，每喝一口都清新又解膩。💛荔枝烏龍茶：荔枝味香濃，不太甜非常好飲👍🏻

銅鑼灣維港海景台式料理這裡以時尚復古的設計，及主打創新菜式！ 我品嚐了幾道招牌菜，留下了深刻印象。蒜香三色台腸有墨魚、黑椒和原味三款台腸切片。外層煎得香脆，每一口中都散發出肉脂的香濃味道，口感爽彈帶微甜櫻花蝦烏醋茄子胡麻涼拌苦瓜兩道田園小菜各有其特色。茄子軟腍且帶有掛汁，醬汁酸甜開胃，上面佈滿香脆的櫻花蝦仔。苦瓜則保持了其爽脆的口感，甜中帶有一絲苦味海鮮炒王子麵蛋餅它有點像大阪燒的口感。醬汁豐盛，帶有微甜和鹹味，搭配著軟硬適中的麵底。裡面加入了豐富的爽彈鮮蝦，蛋餅的煙韌口感讓這道菜顯得格外特別。招牌滷肉飯腩肉連帶脂肪，濃郁而鮮甜。 使用全台最受歡迎的台梗九號米，飯粒晶凝且圓潤飽滿，再加上滿滿的滷水汁，讓這道滷肉飯成為令人垂涎的美食。芋泥3Q拿破崙賣相吸引，層次分明，千層酥皮鬆脆帶有牛油香氣，手作的芋泥帶有芋頭粒，幼滑有口感。中間還有軟糯的年糕和香口的肉鬆

▫️原來check-in taipei開到黎銅鑼灣🥳 仲多左好多新菜式👀餐廳以粉色同木色做主調，環境好靚又舒服💕 窗邊仲望到維港景色😌✨ 🫔 明太子麻糬蛋餅 $98▫️傳統蛋餅食得多，估唔到明太子配櫻花蝦做蛋餅都咁好食😚 蛋皮煙韌，夾住香糯麻糬，作為煙韌控嘅我好開心😝🍰 芋泥三Q拿破崙 $108▫️第一眼已經好吸引😍 拿破崙酥皮非常酥脆，頂層撒上鹹蛋黃，夾住芋泥、麻糬同肉鬆，層次豐富，鹹甜交集好香口😋🍠 脆皮地瓜條 $68▫️台灣夜市最愛嘅美食之一😍 地瓜條炸得香脆，比較實淨飽肚，配上話梅酸甜醬味道好夾🫶🏻🐔 黃金鹽水雞芭樂撈粉皮 $128▫️好豐盛嘅撈粉皮🥳 鹽水雞一啲都唔鞋，芭樂好清甜，仲有海蜇、娃娃菜同蘿蔔🥕 口感豐富又健康🥰☁️ 酸辣雲耳蓮藕 $48▫️麻油味比較重，蓮藕同雲耳都好爽脆，唔會太辣幾開胃🤗

又到銅鑼灣行完街後，在附近找了間食台灣菜的店舖。招牌牛肉麵，湯底是濃郁的牛肉湯，麵是手功刀削麵，煙煙韌韌，很彈口，有口感，牛肉鬆化，上面洒上虫草花，好好味。松露玉米起司蛋餅，餅皮一層層包著煎鴨蛋，芝士及玉米粒，蛋味香，餅上加上松露醬，好味。台灣夜市小食~麻婆臭豆腐，蜂巢豆腐吸入了醬汁再加肉碎一齊食，味道不錯，跟香港的臭豆腐食法不同，好特別。著名淡水名物~奶奶麻糬，用日本鮮牛乳加木薯粉做成，口感香滑，軟綿綿，入口即融，再加黑芝麻粉，很香。鳳梨苦瓜汁，苦瓜的苦味與香甜的鳳梨味，非常夾，好飲。玫瑰荔枝梳打，清香的荔枝味及玫瑰花香，少少甜，很好。

早一排發現世貿中心現在多了很多新餐廳，所以這天來了試一試4樓這間Check in Taipei. 餐廳裝修很好看，而且部分位置可以看到海景，是請客也可以帶人來的那種比較精緻的台灣菜。點了一個招牌牛肉麵，麵可以選刀削麵或者是寬粉絲，我們選了前者還加了半隻糖心蛋，上菜時旁邊還附了一塊牛脂油。不算很大一碗，牛肉是牛展肉，有四大塊，橙色的應該是炸過的蟲草花，吃起來脆脆的，好像是第一次看到牛肉麵有這樣脆脆的在上頭，有點驚喜！湯有輕微的藥膳味，但整體是甜甜的還有丁點兒的辣味，很好入口。小菜點了一個肉鬆皮蛋蛋餅，醬汁是日式章魚小丸子那種沙拉醬和燒汁，有點fusion的感覺，配起來很好吃！而且小孩子也一定很喜歡，會令我想下次試一下其他味道的蛋餅。另外還點了一個鹹蛋黃芋泥球，外表很好看非常吸睛，泥球的底部是跟最上面那黃色的醬就是個鹹蛋黃醬，中央也有一點蛋黃，配上加了糖調味的芋泥吃起來有點像吃奶黃的感覺。甜品貪心地點了兩個，一個是淡水名物奶奶麻薯，選了配黑芝麻底的，上菜時服務生還問我們有沒有吃過，然後示範了怎麼吃。麻糬是涼涼的，牛奶味很足，口感不錯，軟得來有一點煙韌，跟平日中式糯米成分比較高的麻糬很煙韌的

去完台灣返嚟 又想再食台灣菜🤣首選又係我嘅其中一間愛店Check in Taipei🥢同朋友去咗銅鑼灣世貿分店 好鍾意呢度嘅裝修帶有復古感覺ꕥ 招牌牛肉麵 湯底濃郁而唔會好醎 牛肉有4大片 煮得好軟稔稔🐂配料仲有三片豆腐 麵條係手工刀削麵 口感十分煙靭 最鐘意呢啲有咬口嘅麵 🍜 另外加咗蟲草花真係生色十少 口感帶點微脆又夠香🥢ꕥ 招牌魯肉飯望落細細碗 食落都好夠份量🍚豬肉切成大小不一嘅粒狀 肥瘦均勻 口感豐富 醬汁嘅調味亦都啱啱好😋每碗都配埋半隻流心蛋ꕥ 明太子甜不辣有驚喜嘅甜不辣🤤炸至金黃色 熱辣辣送上 嚟到已經聞到明太子濃郁嘅香味 外面香脆 入面煙靭軟糯 味道同口感都層次豐富✨ꕥ Oreo奶奶麻糬麻糬應該算係呢度嘅其中一款名物 有幾款口味 鍾意食甜嘢嘅我就揀咗呢款Oreo🍪麻糬係我食過最軟稔稔嘅一次 好特別🤩每次夾一口份量再沾滿oreo碎就食得

📍臺北棧 (世貿中心) (銅鑼灣)📍銅鑼灣告士打道280號世貿中心4樓7號舖🟡招牌牛肉麵配牛脂油$108加半隻糖心蛋+$8🟡招牌魯肉飯$68🟡明太子甜不辣$78🟡三色鹽酥雞（水牛城、柚子、松露）$128🟡 芝麻奶奶麻糬$88世貿開返之後有好多好西食！成日唔知點解咁清靜，其實真係可以去食吓好嘢！今日想食台灣野去咗Check in Taipei ，食物質素絕對超越期望！招牌牛肉麵搭配牛脂油，湯頭濃郁，肉質超厚！！！勁好食！鮮嫩多汁，搭配豐富的牛脂油，正！一定要加8元半隻糖心蛋！除咗牛肉麵，招牌魯肉飯也是一道不容錯過，這碗魯肉飯好大碗！份量好足！真心未見過台灣嘢嘅滷肉飯可以咁豐盛！每一啖都充滿滿足感。明太子甜不辣好食到爆炸！口感好多層次，朋友話係佢食過最好食嘅甜不辣！另外小食仲叫咗三種口味的鹽酥雞，包括水牛城、柚子和松露，每個口味都有獨特的風味，鹽酥外皮酥脆，肉質鮮嫩多汁，好食！最後絕對唔可以錯過芝麻奶奶麻糬。奶香濃郁的麻糬，搭配芝麻粉，甜而不膩，絕對係一個完美的甜點選擇！正！！！