CHIC Italian Cuisine and Oyster Bar (Closed)

買聖誕禮物前，朋友先帶我到''Chic by the Oysters House ''食週未早午餐。餐廳有專用升降機。一位嬌俏的胖胖小姑娘在門口迎接各位。餐廳有室外和空內用餐區。裝潢設計簡潔，高貴典雅。半露天區有自然光照入，更添幾分悠閑自在的味道，感覺舒服。Brunch 係六種小食加主菜和甜品。選擇不是很多。先上小食盤。蒜片炒蝦用橄欖油炒成，蝦肉爽脆。小蕃茄加酒煮成，入囗有淡淡酒香味。松露炸薯條有濃厚黑松露香味，不沾番茄醬也非常可口。炸薯球內𥚃軟綿香滑，帶著點點肉香。我的主菜忌廉雞肉扁意大利麵（pasta of the day)。醬汁豐富，麵條沾滿豐富忌廉汁，口感香滑，忌廉味濃郁。嚐了一口朋友點的肉眼扒，肉汁仔細保存，口感細嫩，牛肉味濃。最後以甜品作結束。

餐前香草包比較乾身, 但可以加D醋同埋橄欖油，令到佢變番軟屬之後再食完全唔同晒，濕軟香滑。沙律是紅椰菜加紅菜頭，菜本身鹹鹹地，沙律有薄荷味，秘制醬汁也別具風味。棒棒糖鵝肝醬立方配士多啤梨，仲有好多開心果碎，士多啤梨醬汁平衡了鵝肝的油膩，像在吃甜品雪糕。慢烤一口豬腩肉配上chimichurri sauce阿根庭香辣蒜醬，包含微辣醋酸，薑蓉同埋蔥碎的材料，伴剛好每口一塊的豬腩肉暖暖地有炭燒香味， 肉質軟淋淋仲有少少軟骨，幾惹味，全晚至愛。Green Cooler青蘋果加奇異果同桃混 jinger beer的鮮果汁，開胃醒神，吃燒扒常常喝紅白餐酒，這次由侍應介紹這款飲品都幾夾同D燒扒肉類一起吃，既清新又較少酒精。香辣墨汁意大利麵配墨魚及車厘茄，黑得發亮的墨汁麵，彈牙的墨魚，茄醬蒜汁等驅使我將它以九秒九爬進肚內。香煎法國黃雞肉質嫩滑，又冧又多汁，不像一般的雞肉口感，原來是經過低温慢煮的精心調制，令人非常享受的咀嚼質感和味道。

食西餐唔一定貴，都可以大眾化得黎又好食，今次就介紹返位於尖沙咀的一間西餐廳，除了食物一流，環境都好chill,設有空中花園，食野之餘又有野睇。在這裡普通食個午餐都只係百幾蚊，有高級餐廳待遇，物超所值！一坐下，職員端來餐牌，lunch set選擇唔算多，但勝在叫個餐加$58就有兩大隻靚生蠔。去得食西餐通常食扒就最能夠睇得出廚房質素，所以我點了個扒set。 Beef Tenderloin $148牛的裡脊肉係牛最有咬口的地方，因為其肌肉紋理成條狀，脂肪份佈又均勻。廚師把肉的四邊煎封，鎖住肉汁，切開裡面肉汁滿滿，粉紅的牛肉，紋理清晰，入口鬆化！熟度以medium well最適合港人，同時牛肉又不會煮太熟破壞其蛋白結構。同餐有餐湯跟，羅宋湯比較酸，蕃茄味都好濃郁！ 本身我好中意飲羅未湯，所以對羅未湯都好高要求，但這裡的湯無味精又鮮甜，正！加$58兩隻大生蠔生蠔中等size, 質感好creamy! 淡淡的海水味，質量不錯。食完正餐有甜品！咖啡味蛋糕比想像中好味，咖啡味突出。同餐點了凍檸水。

臨近聖誕又是一大班朋友聚首一堂的時候， 幾位知心好友相聚當然是要找高格調的西餐，試試新菜。今次找來位於尖沙咀金馬倫道的高級西餐。點了Oyster、湯及數個主菜，滿心期待!Oyster (Kim 子推介指數8/10)Oyster 選了Yellow Stone、Rollex及Scaller no. 2，非常不錯!Yellow Stone $159- 蠔比較隻厚肉，味道偏淡Rollex$159- 細細隻，帶海水味Scaller no. 2 $177 – 帶有強烈海水味松露大蔥鮮蠔湯$78 (Kim 子推介指數9/10)從未飲過如此鮮味的鮮蠔湯!淡淡的松露香氣，大葱和蠔肉打成的濃湯，不但矜貴有氣派，味道還相當鮮甜。清酒炒蜆 (Kim 子推介指數8/10)很香的SAKE 味道，每隻大蜆都充滿酒香。黑松露芝士厚切豬鞍$248 (Kim 子推介指數8/10)豬鞍經過慢煮令肉質嫩滑結實，再配合濃烈的芝士與及黑松露味，非常好吃。燉澳洲和牛臉頰$228 (Kim 子推介指數8/10)慢煮令牛肉非常軟身，咬下去質感似豬脷，瘦肉多的肉塊燉得軟爛，纖維一嚼即散，帶筋的肉塊富含膠質。甜品

周末最好瞓晏少少，然後走去食番個weekend brunch, 咁先至係人生享受。工作之餘都要放鬆下自己，美食更可將壓力減少。約了友人去尖沙咀一間新開嘅餐廳，正正周末有brunch, 有頭盤，主菜和甜品。頭盤指定六款。爽脆的蝦，伴以炸蒜片一流。用酒醃製過的番茄，不失清甜味。火腿鹹鹹香香好誘人。炸薯球又綿滑又香口。波菜煎蛋餅，煎得好滑溜, 加上菠菜的配搭，層次豐富。黑松露炸薯條，黑松露味道恰到好處。薯條炸得外脆內軟。主菜五款任擇其一。Rib Eye Steak是我的首選。要求的medium熟度過了少許但不失其肉質的軟腍，牛味濃郁。甜品是自家製的芝士蛋糕，芝味濃厚好綿滑，又不太甜膩。

第一次寫食評。今晚係我第4次黎呢度食飯，2次食晏2次食晚餐，估唔到今餐會甘唔開心，所以忍唔住出post。朋友生日我推薦黎呢度慶祝，都有concern畢竟價錢唔平，最後大家都想黎試試，甘就bk左4位，亦預訂左tiramisu寫生日字句。<第1個差> 安排未符合預期8點黎到，坐左近室外玻璃門位，bk左位但比個食風位我地？d staff無關門，由得度門長開（之前黎過，見佢地出入都會閘門），今晚甘岩又凍左，所以坐得唔舒服。<第2個差> 唔應該用有問題既設施我地張枱係由2張枱合拼，其中一張會搖搖擺擺，同個staff講左，佢話佢試過成個人訓上去都無事，唔會冧，就行開左..<第3個差> 食物質素下降白酒煮蜆，蠔湯我之前都飲過，亦都好期待再飲。但今次係好唔掂！！！一個字咸。由其係蠔湯，朋友話陣味好似蠔豉，加埋髮菜係髮菜蠔豉湯。仲要似飲緊氣泡，極度失望。<第4個差> 落錯單叫2個湯，其中1個黎錯。叫野飲，要重覆幾次講我地要咩飲。叫海膽天使面又黎錯蜆意大利粉...比錯湯時，已經叫佢地比我地check單又唔理會..飲完湯，有大半個鐘係無野上，

平曰返工食返好求其，最緊要近和吃得快，假日想慢慢享受一個早午餐。老婆帶我到尖沙咀吃飯，環境很好，好有約會的感覺。我們各自叫了lunch set。先上麵包配黑醋，麵包非常軟熟。可以選擇沙律或餐湯，兩樣都做得不錯，蔬菜很新鮮，菜湯也非常美味。我當然叫最愛的牛㧕，五成熟，真的剛剛身好，肉嫩多汁。伴菜賣相很得意。老婆揀了虎蝦意粉，蝦爽囗得很，加上蕃茄醬和蒜片，簡直十分有驚喜。甜品係Bailey芝士蛋糕，帶點甜酒味道，配上即磨咖啡簡直絕配。

難得終於到星期日，一定要同朋友出嚟見下面。我哋約咗喺尖沙咀食brunch！佢帶我去咗金馬倫道，之後上咗一幢大廈，去到一間叫Chic by Oyster House。呢度嘅weekend brunch 分別係TAPAS同Main所組成，TAPAS係可以無限叫，有共5款選擇，有菠菜、番茄、蝦仁、Parma Ham 同黑松露薯條。蝦仁好爽口，Parma Ham 又唔會太鹹，最正嘅係黑松露薯條，薯條又厚切，又多黑松露碎，所以我都encore 咗幾次！到main course，有5種唔同嘅選擇，有豬、牛排、羊排、是日意大利飯同是日意大利粉。我揀咗個燒牛排，牛排超級大塊，又唔韌，配埋牛排汁，啱哂！除咗食主菜，甜品都好重要，呢個朱古力蛋糕好驚喜，竟然高水準，可以令人一食再食！今次朋友真係冇介紹錯啊！

原先訂了戶外但去到環境一般，過黑又沒有heater，唯有轉坐室內。桌子因縲絲鬆掉每靠一下也搖晃，侍應檢查完沒交代一聲就行咗去，再問才答修整不到，一間高級餐廳竟有一張像搖搖板這樣不穏妥的桌子而不作更換！Order了生𧐢，半小時也沒來，隔離食客亦叫了幾次生𧐢也説沒有，之後再找侍應介紹也叫極唔應，看到他有點燥了。叫了whiskey問是否Scottish又話係，其實係美國，高級餐廳不應犯的低級錯誤。扒類還可以，但以這種價錢可以吃得好的還不少，整體頗令人失望。

本來book咗今天生日去吃,昨晚11點幾先打來話,明晚有人要包場,乜訂晒位都可以話包場就包場,都無諗過其他已經訂咗位客人,咁架服務不知所謂訂尖沙咀叫我去灣仔分店,訂得係九龍吃無端端叫我過海吃不理客人感受差差差

Chic by The Oyster House 主打生蠔，今次有機會試試生蠔之如，亦淺嚐各午市lunch set 。餐廳位處一幢商業大廈，入到大廈有部屬於餐廳專用的升降機。走出升降機，座位佈局分左右邊，裝修華麗高貴，帶歐式風格。午市人數不算多，而餐套選擇有五款，隨餐有甜品和飲品，加$18有餐湯沙律或$58有生蠔兩隻。先來前菜:，餐湯(蕃茄湯)味濃偏咸，沙律清新怡人，生蠔新鮮帶淡淡海水味。主菜點選了安格斯車打芝士漢堡配薯條、意式忌廉嫩雞扁意大利麵、加拿大頂級牛柳扒配法式蛋黃醬、香辣虎蝦忌廉長通粉。四個餐當中，嫩雞意粉和加拿大牛柳扒比較出色，嫩雞夠嫩滑，忌廉味濃，意粉煮得恰如其份; 加拿大牛柳扒選了medium ，廚師掌握火喉剛剛好，肉味香濃。漢堡比較普通因為不能要求生熟程度，漢堡扒比較熟，流失了部分肉汁; 虎蝦通粉則通粉比較乾身，虎蝦大小肉質尚可。現在餐廳正進行午市買四送一，若然要找一間食物和環境有水準的餐廳，Chic不失為一個好選擇。

呢間餐廳位於一個非常良好既位置 相信係佢既位置問題 租金問題佢想做到高級餐廳 但係相信未有甘快可以做到 佢係地下有架獨立𨋢上去間餐廳由入門口果下到到嗌野食 上菜什至叫佢地幫我地影相完全比我既感覺就係一間MK餐廳或者酒樓請既waiter 亦未到級數 上菜時間又慢 好似食緊法國餐甘因為我有朋友生日 切蛋糕果時 叫佢地幫戟地影相 佢完全影埋我地成張台未執台既碗碗碟碟 酒樓有d阿姐 都影得好過佢問佢地d紅酒白酒既問題 佢又答唔到最後靠番自己既認識去嗌但係佢係一支酒講緊500蚊坐位又似茶餐廳個三文魚他他 完全係一份煙三文魚切粒 🤷🏽‍♀️ 個自家製螺絲粉 好似未煮熟 好硬除左佢d圖靚同裝修+ 位置好之外 🤷🏽‍♀️ 整體感覺不良好

辛勞一星期終於可以放假，而家開始放假越嚟越唔想周圍走，只係想搵一間餐廳好地地食一餐坐喺度傾計談心。上星期朋友介紹咗一間幾華麗嘅西餐廳，一於是下！難得假日餐廳環境幽靜，喜出望外。星期六中午，原來係食set brunch，開頭仲擔心份量夠唔夠㗎 ，原來set brunch 比平日set lunch 更豐盛。假日追加生蠔一盤有六隻咁多，立場來一客! 來自南非，每一隻都有手掌咁大，非常肥美。食完生蠔等左一陣，六款小食拼盤終於上枱，每一款食物各有特色。小食拼盤任食嘅，有咩想加同侍應講就得啦! 六款小食中最鍾意小蕃茄，芝士薯蓉球亦有特色外脆內軟。蝦肉新鮮。主菜終於嚟啦，點左燒乳豬！乳豬皮脆化得驚天動地，非常讚！豬肉鮮嫩多汁美味。濃厚嘅朱古力，是非常有自家特色的Brownie。優美嘅環境讓我們都過咗一個愉快嘅下午，身心舒暢。

今日放工忙完想搵一間舒服嘅西餐廳食晏，過咗尖沙咀行左陣，就搵到呢間以食蠔為主題嘅西餐廳。佢哋有一部私家電梯上佢哋餐廳，入到裏面環境好高級，不過午餐都唔算太貴，同埋裏邊好多肥嘟嘟嘅人像畫好有特色，係高級嘅氣氛當中大一點輕鬆。我點左個煎三文魚配牛油檸檬汁嘅主菜，頭盤係凱撒沙律個套餐＄118加一。麵包焗過好鬆脆，裏面有啲蘿蔔乾，加埋橄欖油同醋 一齊食好好味。經典嘅凱撒沙律用豬肉代替炸嘅煙肉，幾特別。煎三文魚配過牛油檸檬汁，酸酸地幾開胃呀，三文魚煎到啱啱好唔會太熟，個賣相都好吸引。最後佢哋甜品改咗做咖啡酒芝士蛋糕，有淡淡的咖啡酒味，芝士味濃唔想蛋糕唔會好流。埋單都係＄130

星期六中午約了朋友到尖沙咀聊天，我們選擇了這間Chic By Oyster House. Chic By Oyster House 可能因為位於The Cameron 2樓，不是太多人知道。因為到了The Cameron要乘一部特別的升降機上二樓。因此午餐不是太多人，坐得很舒服，約朋友聊天真是一流。先說說內在環境，Chic By Oyster House 有室內及室外座位選擇。室內佈置十分華麗，座位分佈十分寬敞，而且很華麗。而它們亦提供vip room，好像消費滿＄8000就可以享用這個私隱度十分高的房間。而室外環境就佈置得像一些酒吧，與室內環境都有一定的對比。星期六Chic By Oyster House 提供 Weekend Brunch，有六款小吃可以任叫，另外當然有一個主菜及一客甜品，那麼多食物都只是 $298，很抵食。我們叫了薯條、蛋、蝦、Parma Ham、車厘茄。我本人比較喜歡薯條及Parma Ham主菜我們選擇了Roasted Rib Eye Steak 及 Roasted Lamb Leg。肉眼扒我要medium熟，肉眼扒份量不少，你看看圖就知道，吃上來很juicy.