竺扶大班燒味

Open Now

Now Closed

裝修好光猛嘅燒味舖想試好耐🤩🤩脆腩🌟🌟🌟睇相都知高質🤩五層肉分明，皮炸到好脆，脂肪層唔厚但加到入口即化嘅口感🤩肉唔嚡唔乾，仲有肉汁嘅口入面爆發😋叉燒都好食，尤其燶邊位😋半肥瘦啱啱好👍不過調味有啲寡，同埋再腍少少更好🙈（定因為我無幾耐前食左太好食嘅叉燒？🧐）都係覺得燒腩最正加左$10轉鵝油撈瀨粉，唔係好覺鵝油味🙈淨係食到豉油🙈不過瀨粉幾滑唯一想挑剔係食物唔夠熱🙈菜係凍嘅，燒味就微暖

叫咗個金牌銷魂叉燒王，上湯瀨粉，外賣。已經講明要半肥瘦，返到屋企打開真係失望到喊出黎啲叉燒又乾又硬，冇汁，叫佢另加蔥油，又比漏啲瀨粉分湯上都漲曬，真係嬲到食唔落要上黎比返個劣評條氣先順啲！！！以後不了。

竺扶燒味出名好食，呢晚想快食晚餐，叉燒又冇咁肥，就嚟嘆返碗黯然銷魂飯啲卡位係比較細嘅，但商業區預咗啦，要坐得闊落就唔止呢個價錢，講返食物，菜心有幾條，唔係求其搭一條半條俾客，兩隻太陽蛋煎得好好，底好夠脆，叉燒本身已經係半肥瘦，嗌燶邊真係會嘆到外脆內軟嘅口感，飯乾身粒粒分明，要埋多汁甜甜地真係幾多都食得落，整體份量係大嘅，多叉燒多飯飲咗杯凍檸茶走甜，檸檬幾靚，茶底夠濃，唔錯食完想快啲有下次，同埋會樣樣都想食！

自從此店開業至今本人一直光顧買燒鵝，覺得比棋哥和元朗天鴻更好吃。可惜最近兩次光顧買燒鵝令人極為失望！我在冬至和年三十晚買燒鵝，皮燒太燶近黑色，肉質十分硬和堅韌！連隻燒鵝髀都唔好食！簡直離譜！燒鵝係招牌菜，希望可以有所改善，變返開業初期水平！

今日早上媽咪帶咗我嚟食呢間早餐新開咗咁耐都未食過店內環境整潔，米啡色為主調再加上幾個特色燈牌，簡單而有格調睇睇餐牌先，招牌除咗沙嗲牛仲有豬潤麵早餐都幾少見，一於試下呢個打氣早餐先～香嫩炒滑蛋食落蛋味濃厚，似加咗牛奶炒非常嫩滑厚多士外脆內軟，牛油夠香，另加咗少量砂糖增加層次勁夠薑豬潤麵嚟到已經有多條薑條係面，夠哂薑好啱冬天食豬潤食落爽韌嚼勁沙嗲牛肉公仔麵沙嗲汁香濃惹味，牛肉食落爽滑彈牙呢度杯奶茶都唔錯，茶底夠濃，奶同茶比例剛好整體食物味道唔錯，相對抵食～

呢間堂食我幫襯過好多次，堂食質素無問題，叉燒好稔，有下午茶餐及早餐，價錢亦算公道，但買外賣就被店家借D依斬左舊好多燶左皮的叉燒，咁大範圍燶左斬果個無可能唔知，我一路食要一路自己咬返D燶皮出來，而且D燶皮甩左出來之後整左落白飯度，令到部分白飯唔食得，店家咁樣做生意真係唔要得。當然總會有人話我自己無睇清楚燶唔燶係有責任，但我無諗過一間堂食無問題的餐廳外賣時會搵客人笨，都係果句，斬果個一定知，店家點都有責任。

下午茶叫個燒鵝燒肉飯外賣，加杯凍檸茶就一共53元，打開飯盒一睇，嘩！！！系幾精緻既，不過份量太少太少了，一個正常成年人一定一定食吾飽，個感覺就好似食緊小童餐咁！至於味道方面，一般正常街市燒味質素。53蚊買個兒童餐，吾值得！

周末都懶得煮就落街食兩個小菜先😚呢個HELLO TAIPO大燈箱應該唔陌生🙊因為我都唔係第一次介紹佢😘我中意呢道比其他餐廳光猛d✨感覺乾淨舒服啲🥰🦆豉油皇鵝腸 💲88呢碟轉轉鵝腸份量好多～簡單用豉油調味就好香。鵝腸味道唔會太腥。真係好好送飯🍚🐥啫啫滑雞煲 💲88煲入面有好多雞件同豬潤。豬潤爽口。雞件煎得外皮變得好香脆。醬汁好香好惹味，都係好好送飯！📍竺扶大班燒味大埔安泰路1號大埔廣場商場地下61+62號舖

之前聽朋友介紹，呢間燒味舖頭嗰啲燒腩仔幾好食，今日就決定嚟試吓！！！！一嚟到嘅時候，已經好多人等緊外賣，其實堂食都好多人等緊😂😂😂本身食燒味呢啲舖頭，都冇諗過要等位，但係見到咁多人食，心諗佢應該都真係質素唔錯😋我哋就叫咗一個燒味雙拼飯，燒腩仔配叉燒同埋一個鳳凰雞飯🤩🤩🤩個燒味雙拼飯，燒腩仔都真係幾出色嘅，一嚟塊皮好脆，二嚟啲肉質唔會好硬，好似擺咗好耐咁👍🏻👍🏻👍🏻👍🏻但係啲叉燒就比較普通，不過不失咁。另外就嗌咗一個鳳凰雞飯，其實即係雞腿飯😂😂😂咁啲雞腿都尚算可以，但唔係話特別出色。

🏆 🐷【 竺扶大班燒味 】🐷 🏆⋄ —————⧫♟⧫————— ⋄「竺扶大班燒味」老闆阮弼壕十多歲入行，2012年獲頒法國藍帶美食會會員勳章🏅精通多款中菜，但對港式燒味情有獨鍾❣️叉燒採用波蘭黑毛豬脢頭肉，先用大火燒製，再用慢火烤，過程中會上兩次麥芽糖及蜜糖，肉味濃郁帶蜜香，吃起來特別鬆軟🤤🤤⋄┄ ┄ ┄ ┄ ❖ ┄ ┄ ┄ ┄ ⋄🔥黯然銷魂鴛鴦飯🐖（$68）- 半肥瘦叉燒＋冰燒鳳凰雞＋煎雙蛋🥚- 大將燒肉汁+鳳凰辣汁🌶$68真係好抵食，大大碗，勁豐富。而且燒味好高質，完全係誠意之作。🐷金牌蜜汁叉燒湯意粉🍯（$54）- 配 黑松露炒滑蛋 + 厚多士🥪- 凍檸檬茶🍹（+$3）黑松露炒蛋夠香滑，多士都好鬆脆，唔錯。⋄┄ ┄ ┄ ┄ ❖ ┄ ┄ ┄ ┄ ⋄📍地址：大埔鄉事會街47號地下⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfo

熱焫焫無出街周圍走🥵連晚餐都唔想煮，就係屋企附近食好啲☺️成日去「竺扶大班燒味」食早餐，都無試過佢地嘅燒味～呢道裝修比起其他燒味店較新式，地方算闊落又光猛。場內多數係卡位，坐得舒適啲。店內有幾個圓形大吊燈、牆上燈牌、店外圓形HELLO TAIPO大燈箱，睇得出設計上有落心思。🥢 原隻古丼燒鵝脾飯 💲120鵝脾啖啖肉好正🤤食到陣陣煙燻味道。外皮燒得非常香脆，肉質滑嫩。沾點梅子醬，味道清甜酸爽，解膩。鵝脾油脂滲入白飯中，好滋味。🥢 叉燒、燒腩仔飯 (加煎蛋) 💲60半肥瘦叉燒口感超軟腍！叉燒有少少焦香，好惹味。燒腩仔脂肪同瘦肉比例適中，咬落口感鬆軟，外皮脆卜卜。叉燒汁加蛋液拌飯真係一流。📍竺扶大班燒味大埔安泰路1號大埔廣場商場地下61+62號舖

前幾日打波🏀前搵嘢食朋友話食過呢間嘅燒鵝好食見佢新開光猛企理一於入去一試😎黯然銷魂鴛鴦飯🥩🍗🍳🍳🍚（半肥瘦叉燒+冰燒鳳凰雞+煎雙蛋）因為兩樣都想試，明知鴛鴦拼既價錢貴咗但係份量唔會多咗，一定冇咁抵食，不過個人貪心就冇計啦😂太陽蛋🍳加豉油加飯🍚就一定冇得輸㗎啦🤤不過叉燒就真係失望😫望落靚仔但食入口乾同柴🥲應該就唔係半肥瘦叉燒，係瘦叉，不過唔係難食嘅雞就應該係燒雞髀肉，滑既，配埋個鳳凰辣汁幾惹味幾好食😋貴啲嘅燒味飯，味道唔差環境都幾乾淨企理👍有時想食燒味都可以揀呢度👌

全港首創黯然銷魂鴛鴦飯？🤤睇返食神突然間好想食😍發現呢間餐廳拎咗好多獎，佢總店喺港島區，我今次就是試佢大埔墟既分店1.黯然銷魂鴛鴦飯（$68）呢間店既招牌之一😋包括半肥瘦叉燒，冰燒鳳凰雞同埋煎雙蛋。佢個蛋本身係太陽蛋，但係我自己唔係太鍾意太陽蛋就轉左熟蛋，如果鍾意蛋漿拌飯嘅人可以揀返太陽蛋🤩個叉燒咬落好林，Size都好大塊 口感十足🥳個雞都滑，好重蜜糖味但比起個鳳凰雞我鍾意食叉燒多啲💥評分：8/102.啫啫通菜煲 ($68)估唔到個通菜好有鑊氣，好似馬拉盞通菜咁，有肉碎蝦米香味，又唔會太鹹😋食到舔舔脷💥評分：8.5/103.秘製豬扒公仔麵常餐($54)呢個餐性價比真係好高😍😍豬扒公仔麵仲配埋黑松露炒蛋同埋厚多士😎個豬扒好厚，炸得好入味，要盡快食晒佢先會係最脆好食😋而炒蛋加埋落炒蛋度都好好食🤩💥評分：7.5/10💥總評分：7.5/10👍🏻所有食物都大份，叫咗佢份量可以夠三至四個人食，呢間餐廳嘅性價比都幾高🤤以呢個價錢食到咁嘅質素都算係唔話得，可以一試👍🏻

初初開張嗰陣高質，叉燒正，最近愈做愈差，唔知係成本問題定點，叉燒色澤、口感都唔合格，硬到好似橡膠咁，完全食唔到要吐番出嚟，價錢唔算平，附近有其他更好選擇，失望，冇下次

今次介紹呢間餐廳係位於大埔廣場的「大班燒味」，好鍾意佢地嘅燈光夠曬光，影啲相都零舍靚。今次叫咗佢地嘅招牌叉燒飯同埋口水雞套餐，跟餐仲有老火湯同埋飲品。唔似一般茶餐廳，呢間嘅老火湯真係幾足料，而且唔係死鹹嘅味精湯，飲完唔會好頸渴，小編非常欣賞。叉燒飯嚟講，小編最怕乾柴叉燒同埋硬掘掘嘅飯。而佢地嘅叉燒肥瘦適中，油脂分佈平均，一定係大家最鍾意嘅叉燒。飯方面就比較普通，不過無硬到一舊舊就俾佢過啦！口水雞呢就好睇個人口味嘅，佢都整得夠麻夠辣同惹味，不過我本身鍾意重口味，覺得唔夠鹹。但係雞肉就超嫩，就算係雞胸都唔乾唔痴牙。等小編下次再試下其他嘢食。😋