會所1號 水中天

Open Now

Now Closed

沙田最大就係呢間酒樓，裝修好靚而且好闊落鍾意食煙燻鴨，仲有啲包夾住食，感覺好似食緊片皮鴨，都幾過癮食完要記得攞單claim停車場錢。不過因為餐廳位置好近海旁，所以好似特別凍，要着多件衫

呢日去彭福公園玩朋友隻柴柴之前，同另外兩個friend去咗沙田水中天食嘢醫肚，嚟呢到比想像中方便，巴士停正大門口，行幾步就到~水中天有好大個Reception，有D似酒店，好高級既感覺~ Reception職員安排我地去1樓(呢到有3層)，搭Lift/行樓梯都得呢到環境好好，喺正城門河隔離，遠眺馬場，好開揚~ 講返食物先，水中天茶市食物選擇唔算少，都多種類，我Order咗白玉百花脯、黃金煎蝦餅、筍尖蝦餃皇、蠔皇鮮竹卷、黑椒金錢肚、黃金煎蝦餅、梅頭叉燒腸粉、蠔皇叉燒包、荷香珍珠雞、燒焗椰皇燉蛋白。白玉百花脯其實點既時候，唔知係咩，覺得個名改得幾靚就試下。我同兩個朋友一致覺得好好食，亦好特別：蝦爽、蝦子彈牙、下面既蘿蔔清甜，完全冇筋。黃金煎蝦餅蝦爽，煎得香口，唔太油。梅頭叉燒腸粉叉燒唔差，肉味香濃，伴隨陣陣豬油甘香；腸粉皮滑唔厚。筍尖蝦餃皇蝦爽、皮薄，蒸既時間岩岩好。蠔皇鮮竹卷腐竹包得D料好實，但蠔味唔係好出。黑椒金錢肚金錢肚洗得乾淨，整得爽，食到惹味既黑椒味。蠔皇叉燒包、荷香珍珠雞都正正常常，可以Order下。甜品時間，叫左個燒焗椰皇燉蛋白，好濃椰香，質地滑嫩，酒樓好少有。

噚日(16-9-2019 Mon)為老闆慶生食飯,秘書CS book咗5圍,餐單係揀咗今年年頭食團年飯嗰個(食評: https://www.openrice.com/zh/hongkong/review/第一次嚟-e3293951),有:1. 燒味拼盤依然有牛(月展),海蜇,油雞同叉燒.海蜇爽口帶微辣;叉燒同上次一樣,肥瘦適中,口感軟又唔乾,蜜味又夠,好食.:chopsticks: 油雞味道正常唔太鹹又滑;今次我食細細舊嘅牛(月展),味道都冇乜問題.2. 黑魚籽鮑魚盞同上次一樣,賣皰唔錯,個盞係圓柱形嘅酥皮,味道好淡亦唔油膩,內裡係吞拿魚;今次鮑魚冇上次咁腍;大大碟黑醋沙律菜依舊好味.4. 竹笙海皇翅 今次味道同稠杰度啱啱好,重有好多竹笙添,唔錯. 3. 頭抽大虎蝦都係同上次一樣,大大隻蝦,不過今次冇剪個頭,而味道又啱啱好唔太鹹..5. 生劏龍躉二食(生炆頭腩,神草古法蒸球)生炆頭腩一樣入味同夠腍.神草古法蒸球魚肉滑. 7. 蟲草花雜菌泡菜苗今次菜苗嫩啲,上湯味道都啱啱好. 6. 秘製貴妃雞唔太鹹又嫩滑,唔錯.8. 瑤柱蛋白炒飯炒得乾身,同樣鹹淡適中,重食到啲脆脆咁.9.-10.  精

我今晚上也去了这简餐厅，之前入左会但这趟忘记带会员卡，於是跟服务员查詢没带卡但有卡的照片及你二維碼，能否仍然可以享用会员優惠，服务员找来个黑衣男领班，很没礼貌的回应说认卡不认人，没有带实体卡没優惠，不然可能立刻再开多张卡……然後黑脸地转身离去！当日被游說入會時，我曾經问过当值员工是否每次都需要带会员卡，当时的回复是只要上網登記，是无需每次出示会员卡，如今得到这样的回答{认卡不认人……)，確实令人氣憤！我会把这經歷告知各位親朋戚友，千万別被游說入會，銀两事小，受骗及受气就不值！今时今日这样的服务态度，我只能祝这餐厅生意興隆，不会在这經濟衰退下倒闭！

鮮蝦腸粉，皮有點厚，但是🦐爽口蟹子燒賣和細細粒賣相麻麻地豉汁蒸鳳爪醬汁美味滷水掌翼，不錯。醬汁豉油鹹叉燒鱔，咬下去好堅固，冇上次咁好食玫瑰臘腸卷，臘腸好多肥豬肉，不過原來只有這點心最平$13元鮮蝦腐皮卷，腐皮卷簿，加夠香炸白玉百花脯，好失望原來是蘿蔔加一件細件的蝦肉和蟹子整體都算OK

沙田區食肆於周日基本上爆滿，一家六人更加難找位。想找中餐吃要找大間的店，想起這家，這是換了老板後第一次幫襯，見到裝修比之前更靚。由於入會有優惠，便叫老公入會，反正會費可扣作花費。因為唔知掟，都係聽阿姐介紹，結果冇中伏！照阿姐推介點了個酸菜魚，這個可當湯，入面落咗胡椒，有點兒辣，但酸辣拼起的味道不錯，除咗有魚吃，湯入面有菜同埋上海年糕！一家人各吃所需，結果清咗碟！！其他的食物也很好味道！做了會員有折，整餐八百幾鈫落樓！以中式晚餐來算也是合理。

最近同家人聚會食咗一個超抵食菜單。特別愛蟹之人真係唔好錯過，因為呢個套餐主角就是皇帝蟹。今次隨咗食物水準出色之外，場地裝修亦同樣舒適。呢個套餐就是ClubONE推出的新菜單，皇帝蟹佛跳牆盛宴非常化划算，每人不用$300就可以食到9道菜。而且12人送西班牙啤酒2支及飲品12罐，6人送西班牙啤酒1支及飲品6罐。清蒸原隻活皇帝蟹一開始主角出場，皇帝蟹體積相當巨大，整隻蟹差不多有我成隻手臂咁長。味道方面相當出色，蟹肉嫩滑多汁，本身已經非常鮮甜味美，清蒸方法果然最為適合，蘸上蟹醋亦可，會更為惹味。至於蟹膏，真係超級鮮甜，而且仲有啖啖蟹膏濃郁味道，唔錯。吃過皇帝蟹後已經非常滿足，之後就飲了獲獎的西班牙啤酒，啤酒味道清淡之餘，帶清清的花香和麥味，女士也會喜歡。之後亦有乳豬、脆皮燒雞、龍躉球、龍躉骨腩等等，有魚、有雞、有肉，作不同宴會場合亦十分合適。而金蒜蒸龍躉骨腩，亦是我其中一個鍾意嘅菜式，惹味得來啖啖肉，味道相當出色。西蘭花炒龍躉球接著就到西蘭花炒龍躉球，相當有獲氣，魚肉入口好嫩，挺香口的。夏日鮑魚佛跳牆另一重點是夏日鮑魚佛跳牆，因為佢係佛跳牆的加強版，名貴食材之外，再加上粟米、蘿蔔、茅根，令到佛

今日我同隻鹿山長水遠行去沙田第一城飲早茶，食物見圖。值得一提的是：(1) 點心只限午巿(1230後)供應：等點心，等左45分鐘至1小時(2) JOIN MEMBER後消費滿HKD1180，有得平，再消費仲平。我問隻鹿JOIN唔JOIN MEMBER，佢話唔JOIN。

這間酒樓以前是沙田敦煌畫舫，而家已經轉咗club one 水中天， 外表保留著畫舫一慣作風，內裏就重新裝修過 ，今次一早book咗位飲茶 ，去到入樓下的廂房， 地方環境都寬敞舒適， 佢哋嘅點心同套餐，質素都唔錯。 所以决定登記做member之後就有平日七折假日八折優惠。

踏入4月，ClubONE會藉推出新的超值優惠，主打"老香江味道"平時幫襯開水中天，唔覺有咩特別，但今次個優惠實在太抵，所以唔介紹唔得😂😂我同友人今次試左兩款老香江味道的菜式。1. 即燒原隻片皮鴨(一食)落完order，等一陣之後，侍應推左架餐車黎，我地兩個不禁嘩一聲，完全無諗過甘大隻😂😂😂而且仲超好service，侍應係你面前慢慢片皮，完全睇到係原隻片皮鴨片左半隻都無，已經夠晒我地兩個包配料食😋配料醬汁供應源源不絕，而且青瓜絲同埋大蔥都頗新鮮。明顯見到隻燒鴨係剛燒成嘅，因為佢嘅皮仲係好脆。最後，當然我哋兩個一定食唔曬啦，所以我地加$30打包😂😂2. 籠仔八寶蒸飯(例):這個籠仔八寶蒸飯需時45分鐘，如果想食的話，一坐低就要即刻叫啦，如果唔係有排等。蒸飯一出真係香氣撲鼻😋😋配料:炸菜，咸魚仔，南瓜， 臘腸，五花腩，粟米，香菇，蔥同白飯。又再一次覺得自己以優惠價享受高級服務😂侍應即場用特製醬汁將八寶飯撈埋一齊。比起平時食開的炒飯，這味菜更覺健康，無甘熱氣同油膩，而且充滿荷葉的香味，因為食到底的時候，發現原來籠底係舖滿荷葉，真係幾有心思。最後，冇諗過例都咁大盤，所以我哋兩個食唔曬之餘，仲打包

Pass by this place all the time and it’s my first time here. Today I came with grandpa and the ramp allowed elderly to walk with comfort. The place is clean, has lots of parking space. We called to book for a table and wished we sat by the window to see the river as my grandpa doesn’t go out a lot. My grandpa was definitely happy with the quality of their food!

沙田石門會所1號·水中天由即日起至4月30號，逢星期一至五Club One 會員專享「老香江味道」優惠！由石門港鐵一出從遠處已經可以清楚望到會所1號嘅閃燈招牌，行過黎大概8-10分鐘左右就到達。平日晚飯散座會安排在1/F大廳，大廳裝潢色調以綠白田園爲主色，就連掛上的水晶燈都是綠色。由於早前申請左會員卡，此月的老香江味道會員專享優惠，有我最愛的片皮鴨！原隻即燒片皮鴨$128（折實價）即場即片即食！大大隻絕無欺場～鴨皮薄脆，油分豐富！+$98仲可二食（涼瓜炆鴨架/鴨鬆生菜包）配搭京蔥、青瓜絲包在一起食，超級滿足。而且我更愛沾一點點砂糖食，減輕膩感。古法石榴球 $88/4 一個個福袋仔，脹卜卜！呢道真是功夫菜，包住上湯煨煮嘅菇、西芹、雞肉，啖啖配料！不錯蜜燒雞翼 $58像大排檔會食到的蜜糖黑椒雞翼！皮脆爆汁，熱辣辣整餐飯$293，真抵到難以置信！

今日同屋企人訂左呢到食飯，因為join 左佢既member,去呢到飲茶，食晚飯都有8折！晚飯時段叫左半隻乳豬，叉燒蟮，金銀蛋莧菜，豆腐，龍躉，菠蘿咕嚕肉！每一樣茶都好精緻，份量相對黎講其實算少，不過當試第一味送既時候，就對佢另眼相看！乳豬皮薄餡靚，叉燒蟮有濃郁嘅叉燒味，莧菜送飯一流，豆腐有咬口，彈牙！龍躉更加唔使講超級新鮮，好有鮮味！食完之後簡直覺得係物超所值！平時同屋企人都好鍾意食中菜！但係呢一間餐廳好少全家都會讚好好味！呢度啲服務員態度非常好！招呼非常周到！擺酒嘅好地方，因為裝修都好靚！

前幾日有個識咗10幾年嘅朋友喺呢度擺結婚酒，其實呢度已經轉名好多次，以前第一次喺呢度食嘅時候個名叫做敦煌華仿，咁講返現在先當晚喜宴食嘅嘢其實我真係覺得一般，但係夥計嘅工作態度，我覺得可以嘅，講環境都係高分嘅，呢度方便在有得泊車，可以講係擺喜酒嘅好地方，但高級程度就不是太高分，總括來講不過不失，大眾擺喜酒嘅地方，若要大體一點，我諗與方面要另外加入一啲貴價魚，因為當晚條蒸魚本人覺得比較失禮，不是個人意見，係全為枱都覺得條魚好有問題，所以呢一方面應該要有大改進，不過大家都可以試吓嘅

今日(1-2-2019 Fri)老闆請食團年飯,book o左o係呢間食,有:1. 燒味拼盤有牛(月展),海蜇,油雞同叉燒,份量唔多,除o左第一樣我冇食到外,其他都有食.海蜇仍然幾凍,但調味唔錯;叉燒肥瘦都適中,口感鬆軟又唔乾,蜜味又夠,好食;油雞味道都正常.2. 黑魚籽鮑魚盞賣皰唔錯,個盞係圓柱形o既酥皮,味道好淡亦唔油膩;鮑魚係好腍,冇乜咬口,反而大大碟黑醋沙律菜好好味.3. 頭抽大虎蝦大大隻蝦,拉油拉得o岩o岩好,味道唔太鹹.4. 竹笙海皇翅味道較淡,但稠杰度o岩o岩好.5. 生劏龍躉二食(生炆頭腩,神草古法蒸球)生炆頭腩幾入味;神草古法蒸球魚肉彈牙,OK.7. 蟲草花雜菌泡菜苗菜苗大咗啲,唔夠嫩.6. 秘製貴妃雞肥瘦適中又夠味.8. 臘味糯米飯顏色好靚,應該唔錯,舀o黎食吓先,味道o岩o岩好又有啲煙韌,唔錯.9.-10.  精美甜品同意式泡芙酥精美甜品係桂花糕,好清淡,淡到幾乎食唔到桂花味,不過口感正常.意式泡芙酥,皮薄,填滿雪硬o左o既朱古力雪糕,可惜o既係朱古力唔濃,同埋覺得係由cheap朱古力做.呢兩個甜品都唔甜.味道係3.2分