Cow Bean (TKO Gateway) (Closed)

肉質好，非常美味！烹調達medium ，這是我最鍾意❤️。還有凍滴咖啡☕️一定要飲。這個我每次到Cow Bean 必定要飲。極力推薦！工作人員非常專業及有禮貌。值得一讚

今日去完行將軍澳海濱長廊，去到坑口TKO商場搵食，去到東翼見到Cow Bean，望到門口介紹好似唔錯，望到餐廳環境都ok，所以就排隊入去試吓。因為冇得訂位，要排隊入座的。因為時間尚早，6:00開晚市，已有十多人排隊。入到餐廳就睇餐牌。有特價精選紐西蘭及澳洲西冷扒（價錢可睇餐牌）。有澳洲M7和牛$198-200g, $298-300g。最後我地3個都叫澳洲M7和牛200g，再加$33（A-D）任選3款落單後好快就到。買相相當唔錯，有好多粟米粒，洋蔥，上而放上一大塊牛扒。燒汁是自己淋上的。因牛扒送上時只有3-4成，要待牛扒在鐵板上幾分鐘（視乎自己喜愛）才淋上燒汁。切開牛扒，感覺肉軟。但當牛扒放進嘴裡嘴饞時，真的非常失望，沒有牛味還有少少雪味。完全唔好食。我地三個都異口同聲地講（早知就叫平的試就算啦）唉…唔叫都叫咗，都要食啦！因為不要浪費呀～加$33，我選了意粉，溫泉蛋，凍果茶。我地唔會有下次啦～

朋友賭波贏錢請食lunch，一於去鋸扒由於防疫關係入去前要量體溫牛扒有分三個國家，分別澳洲、紐西蘭、美國。我呢個就係中價位的紐西蘭肉眼牛扒200g，都幾大塊，對我黎講好夠食！另外加$33 A-D 任選三款，我要餐湯、意粉同飲品。餐湯係粟米忌廉湯，同平時杰身的忌廉湯一樣，無咩特別；意粉一定要靠醬汁撈勻食，否則會乾爭爭；飲品叫凍果茶，但飲落似茉莉花茶🤔肉的熟度係自行控制，當加熱到自己想要的熟度時就可以淋醬汁！肉眼扒厚身大塊，肉質柔軟好易切，肉味香濃👍🏻 咁樣食法都幾過癮，又飽肚，值得一試！

之前食過呢間lunch既牛扒幾好食上次經過想試吓佢既下午茶，可惜我4點半到 佢哋下午茶時段已過（咁早過😅）所以今次早少少再去試下午茶時間真係好低食煙三文魚薄餅真係好簿😂但味道可以既炸蝦咖喱牛肉免治芝士飯睇得又好食😋

出街食個茶餐，估吾到呢間幾平又抵食，坐得好舒服。茶餐雖然選擇吾算好多，但都幾吸引！鐵板炒牛柳意粉🍝一上枱好香，鐵板滋滋聲！成間鋪瀰漫着牛肉味，份量雖然唔係好多，不過黑椒味好濃好好食。聞落又夠香食落又濃味，好正✌🏻三文魚pizzaPizza底用薄脆皮，脆口。pizza底醬汁係蕃茄醬，個面有小小蛋沙律醬。上面鋪左幾片三文魚，又有好多雜菜，食落好fresh！黑松露帶子奄列飯吾會好大份，蛋味濃不過煎得太老。飯拌勻左黑松露同帶子，好香，好食！茶餐仲跟餐飲，都好抵食，環境坐得好舒適，有好多卡位同梳化位。不過食完野會好大陣牛牛🐮味😅😅

新年快樂！大年初一既午餐，去左食牛扒！我叫左份澳洲西冷牛扒300g!+$33要中華沙律，白飯同飲品！牛扒好厚身，上菜既時候大概3成熟！要慢慢用鐵板熱力煎下先再自己淋汁！所以可以自己控制要幾成熟！而我就煎到5成熟，肉質好淋好好食，有少少肥膏同筋！配菜係洋蔥，粟米同炸蒜片！沙律菜係配黑醋汁，酸酸地好開胃！菜都好新鮮！環境寬敞又舒適，服務態度十分良好！不過堂食飲水係用紙杯，依點就真係唔係幾環保，可以改善！

今日同好耐冇見既同學黎到Cow Bean聚餐。星期六日有午市套餐揀，但我地有三個不約而同都揀左澳洲西冷牛扒200g$78加$33自選組合。另一個就要鐵板日式芝士咖哩炸雞意粉$89，飲凍檸茶。澳洲西冷牛扒有少少韌，200g比想像中大舊，有粟米做伴菜。自選組合揀左湯，意粉同熱檸茶。鐵板日式芝士咖哩炸雞意粉我冇食，但見到份量好多，好多芝士。總括而言，食物水準普普通通，如果諗唔到食咩都可以黎食，但要預左食完成身油煙味。

今天地鐵全日暫停服務，但很多人仍然要為自己的五臟廟服務～覓食！係時候食午餐了！　假期，卻没有地鐵，將軍之友被迫在同一時間在附近覓食，場面真墟冚！而這商場內，很多餐廳的門前都大排長龍。　　　幸好發現這牛扒店營業時間快到了！　職員表示稍等十多分鐘就可入座，自己就做今天第一位排隊的客人吧！　座位任選，這感覺真好！　澳洲西冷牛扒200G 　　　　聽覺：職員捧著牛扒過來之時，已經聽到＜滋滋滋＞的聲音。是牛扒在鐵板上加熱的聲音。　　　視覺：200G的牛扒，二支X力多的重量，真身面積小，但很厚身。有點擔心牛扒芯位是否容易變熟。　　　嗅覺：牛扒加熱時，當然有肉香。塗上附上的牛油和蒜片，再加熱，那蒜香和牛油香更明顯。　手感：由於牛扒厚身，牛肉纖維很實在，落刀之時，要多用力，鋸呀鋸！為達到一致的濶度跟厚度。原來芯位仍是粉紅色，唯有轉一下牛扒，在二邊再煎一下。　　　口感和味道：淋上杰撻撻的蒜蓉汁後，就可以享用牛扒了！　有牛肉的質感，但没有牛肉應有的牛味！而蒜蓉汁不似新鮮蒜蓉，没有那攻鼻的味道。　一碟牛扒盛惠76個大洋，當中除了肉價，還包含了燈油火蠟，人工鋪租。特別是那昂貴租金！加上今天所有餐廳都大排長龍，而

今晚時間尚早，見呢間据扒無咩人排隊，價錢又幾吸引，所以入去一試。我揀左$82紐西蘭西冷牛扒200g,配燒汁，再加$29就可以在A至D選三樣嘅優惠組合，我揀了廚師精選湯~忌廉粟米湯，野菜沙律係用玻璃杯裝上，再加罐韓國梨汁。落左柯打，大概等十多分鐘便整盤盛上，店員還很細心提示牛扒只有四五成熟，若想更熟可以再在鐵板燒耐少少，再加汁。整體上感覺不錯，西冷牛扒夠淋兼有肉汁，份量足夠服務態度也很好我被安排坐靠近門口玻璃窗，通風也一流，沒有太大煙霧。店內除了扒外也有鐵板炒飯炒意粉可供選擇。

男人基本上都係食肉獸黎，今日同家中兩個男人去咗近近地tko gateway嘅cow bean鋸扒。呢間店為哥哥私心推介，因為佢食過一次就念念不忘啦。我地一入度去見到嘅就係煙霧彌漫，一個個鐵板餐出餐時都發出火熱嘅滋滋聲，直到食客淋上配汁時鐵板就即刻霧煙，可想而知究竟有幾熱。我地晚餐時段去都等咗大約20分鐘就入坐，侍應送上menu同一揸水，水就需要自己倒的。Menu上可以揀嘅唔多，除咗唔同國家同部位嘅牛外，仲有其他定食。我同哥哥分別揀咗澳洲肉眼扒，一個200g,一個就300g。我地亦加咗set，一個飲湯配飯，我就食薯條同另外加錢轉煙三文魚沙律。跟set亦可以自選一款飲品。呢個300g澳洲肉眼牛扒呢個係200g澳洲肉眼牛扒其實兩者分別唔大，但300g好明顯厚好多。侍應一送上食物黎 會建議我地切好牛扒先放到鐵板煎，因為牛肉送上時可能得一兩成熟，之後就由自己決定想要煎幾成熟。肉眼牛扒下面都係洋蔥用粟米，佢隔開咗牛扒同鐵板，以免牛扒會煎得太熟。牛肉入口時牛香十足，肉味香濃。同埋對於我一個女仔食200g份量已經好飽，配上香脆嘅薯條，真係好滿足。牛扒上面仲有一小片炸蒜，即刻提升咗牛肉嘅味道，兩者配搭好

晏就想平平地食塊扒同鐵板炒飯，呢度係一個唔錯嘅選擇，而且性價比不錯👍🏻Drink Me Bottle都好可愛🥰1️⃣鐵板泡菜骰子牛肉炒飯 $89份量同Pepper Lunch不相伯仲，兩個女仔可以share一個鐵板泡菜骰子牛肉炒飯😏牛肉🐮鮮嫩多汁，經過一輪在鐵板上面嘅烤燒之後，外層多咗一層專屬嘅焦香薄脆🤤，為視覺丶味覺同嗅覺帶來不少嘅衝擊。泡菜嘅酸味令其胃口大增，洋蔥則清爽多汁，而且少了油膩嘅感覺。🙆🏻‍♀️美味指數:7.89/102️⃣紐西蘭肉眼牛扒 200g $99 肉眼牛扒肉質腍滑，肉汁均匀地鎖住係肉眼牛扒內。唯一嘅缺點係食落去有少少筋。🙆🏻‍♀️美味指數:7.65/103️⃣飯+湯+凍滴咖啡☕️ (Combo Set + $29)凍滴咖啡☕️杯嘅造型好似愛麗絲夢遊仙境裡嘅Drink Me Bottle，喝完我冇變大或者縮小㗎，牛奶同咖啡☕️比例適中，唯一係加咗少少糖漿令咖啡有d甜🤧🙆🏻‍♀️美味指數:7/10💡整體來講，性價不錯，而且環境舒適。Cow Bean地址🐾:將軍澳常寧路2號TKO Gateway東翼1樓140-141號舖

見佢平時假日夜晚要排隊，今日係星期四而又唔洗排隊，咁就試下（但當我地食完大約7:00果陣，已經有4-5人排隊）。 我地兩人點了鐵板餐，我係澳洲既肉眼扒。上到台係4-5成熟，店員都好好會講解點樣可以熟啲等，而台上亦有教學，味道對比價錢係超值（$89肉眼）算淋、不老、有小許肉汁，但唔太有牛味；但份量黎講男仔可能只係岩岩好。 我既澳洲肉眼餐$89+$26（可選湯/飯或意粉或薯條/沙律/飲品，是但3樣），超值！ 但如果要要求好高既鐵板，呢間就唔岩啦；如果想平平地，但又好味既，呢間就可以一試！

澳洲 300g 肉眼扒 ($119)肉味濃油脂分佈平均(+29) 有意粉+凍飲(紙杯)+湯(只有水, 無料既湯, 都係紙碗)(再+29) 有2隻小鮑魚，味道質感都唔錯一個餐 (119+29+29)再加一 = $ 200左右呢個質素呢個價錢，性價比認真麻麻地，大家樂有時都差不多質素,但價錢起碼平6成.應該都無下次- 衛生情況麻麻地，有幾隻小黑蟲飛黎飛去- 室內環境好大油煙, 好似睇緊烈火雄心咁- 多人幫襯，夜晚8點45分左右，出面都仲排緊隊- 服務態度ok，不過主動性不足(可能因為顧客太多，人手不足)

突然口痕想食牛排，就走左去試Cow Bean。見佢款式都多多同唔駛排隊就立即沖入去有來自三個產地的牛牛分200g同300g，由於本人細食說諗住200g啦，點知只係晚上8點就買哂，無奈只可以叫300g,加多$29變套餐～等多無耐牛排就到，一塊大大舊的澳洲牛排係我面前，店員提醒切好控制好自己想要的生熟程度先好落汁但切完手已攰，鐵板已冷，對女仔黎講真的有點吃力><味道一般般只係正常的牛排餐，沒有特別～然後愈食愈臭，抽煙系統一般，食完變左流動吸油煙機：（如無意外就唔會再去啦！

之前行過見到有間扒，西冷肉眼睇落去好平啦，但係太夜無得食，於是期待左好耐。終於有次可以同女女試下，滿心期待咁排隊入去啦，叫左兩客300g肉眼扒餐，一個美國一個澳洲，兩位埋單$440。結果簡直失望透頂，塊扒韌又多筋，d薯條又窿又硬，唯一特點就係有支裝韓國Cider飲，其他全部都不知所謂，本身縱諗住話平，點知埋單人頭200幾，真係越食越激氣。鋪頭入面縱要無抽煙機，學人賣鐵板扒，7點入去岩岩晚市還好，去到8點已經成間鋪頭都係油煙，真係留多陣都比d煙燻死。