新潮樓 (Closed)

凍烏頭 $168$168條烏頭都幾大條😍食落啖啖肉，而且肉質實淨，好食！👍鹵水鵝片併墨魚 $188份量好多😍平時打冷最鍾意食鹵水拼盤！鵝片夠入味，墨魚夠彈牙，絕對係食唔停口🤤鹹菜豬肚湯 $128份量多又足料，豬肚爽口彈牙，同出面的豬肚唔同，更好食！香煎蠔仔酪 $108必點！超級特別！一般都係叫蠔仔餅，依道菜叫蠔仔酪咁特別，原來係將蠔餅炸到金黃色，完全無出面麵粉過多既問題，啖啖脆卜卜，好似食薯片咁，仲要食到最尾都仍然脆口，而且d蠔仔大大粒，真係特別得黎好好食！必點！碧綠川椒蝦球 $148炸脆左既海帶配上彈牙蝦球🤤真係唔識形容，好食到停唔到🤤🤤🤤薑汁方魚炒芥蘭 $88方魚好特別，唔似鹹魚咁濃味，但係又有嗰種煙燻既魚味，好食！而且薑汁好濃，配埋芥蘭既爽脆清甜，唔錯！

睇完戲黎食潮洲菜，環境幾濶落。滷水鵝片 $ 168滷水汁清香唔咸，食完冇口乾鵝片皮下脂超軟滑，好有滷水香原汁原味，肉質幾軟腍，落少少白醋增添風味伴碟滷水浸花生，入哂滷水味！滷水鵝腸 $ 168食潮州菜都會叫鵝腸滷過既鵝腸特別濃郁腸脂唔多，咬落煙韌爽口伴碟既咸酸菜，味道甜甜地好開胃豉油皇煎大蝦呢個真係必點推介蝦身大隻好肉，爆香煎封左，蝦殼金香脆夠油光，蝦肉仲好實淨入晒味竹笙北菇燉菜膽(位) $ 48金華火腿肉燉起湯頭清徹夠火喉竹笙柔滑，仲有原隻菇菌菜膽味道清甜，入湯既精華飲埋沙茶牛肉芥蘭 $ 128花生沙嗲調和醬香，肉片炒熟更加惹味醬汁個texture濃厚出色本地牛唔會太薄切肉質軟腍，入口Juicy魚湯四寶河(位) 沿海既潮州，粉麵自然多海產類配搭香口炸魚皮，即食超脆其餘三寶係魚餃，饀料夠鮮仲有白魚蛋配牛丸魚湯面放少少香芹吊味，河粉掛湯又滑溜福果芋泥第一次試，口感粉粉綿綿，芋泥香軟唔甜，糖漬白果好好味😋

九龍灣 國際展貿中心 有間主打潮菜嘅中式酒樓 *新潮樓* 地方好大好闊落，食物質素都非常唔錯，而且啲部長、員工個個都好有禮貌，仲不時幫我地換碟、沖茶，服務態度一流，值得一讚👍🏻🥢潮式滷水三併，有墨魚🦑、鵝腸、仲有主角鵝片，三併黎講都好大碟。小時候，學校門前總會有賣滷水食物的小販，每次都會幫襯一串染得橙紅的墨魚，用竹籤拮起，抹上少許汁醬，確實令人回味無窮，今晚確實食倒呢份兒時回憶😆，墨魚入口軟軟地又帶點靱度，滿滿墨魚鮮香；鵝腸，好乾淨，一啲都唔會肥溜，入口非常爽脆；滷水鵝片入口鬆軟林滑，一啲渣都冇，連埋帶些小脂肪嘅鵝皮一齊食，油香滿滿，總括黎講個滷水汁非常好，令食材更能發揮最佳味道👍🏻。另外鋪係碟底嘅花生🥜都係呢碟三併嘅精華，花生🥜入口軟軟林林，咸咸香香，真係一粒接一粒咁食唔停👍🏻。🥢時菜金銀蛋，菜心非常時令，青青綠綠，菜莖非常爽脆，我最鍾意係入邊嘅炸蒜，好粉糯，炸過後冇晒刺激嘅辛辣味，反而非常甜美。🥢瑤柱蛋白炒飯，面頭最高點鋪上炸過嘅瑤柱絲，越哨越香，炒飯炒得粒粒分明，仲一啲油膩感都冇，炒得非常乾身。🥢芋泥，呢個甜品工序都好多，我地只要安坐慢慢耐心等候就有得食，真係一件好幸福嘅事😉，唔

係Emax睇完戲諗住食埋飯先返屋企，可能因為過咗辦公時間同疫情關係，food court好多餐廳無開，除咗快餐之外，見到有間中菜館轉左做潮州菜，一於去試吓先！｛蝦子肉碎炆魚肚 $128｝原個砂鍋上好足料，魚肚厚身，煮到好軟腍，加上粒粒蝦子好鮮美！｛碧綠川椒雞 $108｝聽個名以為係川式會好辣，但原來係鹹香味為主嘅一道菜，嫩滑雞肉旁邊係炸到香脆透薄嘅珍珠菜，風味獨特！｛魚蛋紹菜煲 $108｝魚蛋好彈牙又鮮甜，奶白湯底非常鮮美，值得一讚佢嘅紹菜熬煮到好軟身入味。｛蠔仔肉碎粥 $108｝一大鍋肉碎粥加上超多蠔仔，豐富又足料，五至六個人share都夠，蠔仔粒粒飽滿，粥底鮮甜，淡淡麻油香加冬菜甜，我都忍唔到食咗兩碗！｛反沙芋頭 $68｝炸香的芋頭條外面裹上薄薄嘅糖衣，芋頭好粉，甜甜嘅砂糖外衣好上癮，再返啖鐵觀音，完美嘅潮州菜飯後甜品！呢間新餐廳價錢貼地，服務又周到，如果再經過附近一定再嚟幫襯！Ü

九展係美食沙漠，但新開嘅潮州餐廳簡直係一個救星啊🤩餐廳環境寬敞，好適合一大堆人一齊去食👨‍👩‍👧‍👦滷水鵝腸食落爽口有口感。黃金大蝦炒得金黃香脆、味道可口。而食潮州菜當然唔少得蠔仔酪，蠔仔酪蛋香🥚十足，蠔味鮮甜， 蔥香四溢，伴以魚露將蠔嘅鮮味提吊出嚟🤤至於魚湯四寶河，炸魚皮入口香脆, 魚蛋、牛丸入口彈牙，魚皮餃鮮甜爽口，值得一試。另外，我哋叫咗碟金銀蛋菜心，蛋香濃郁，味道鮮甜。餐廳除咗打冷仲有唔少點心選擇，適合鐘意食潮菜同點心嘅朋友😋꧁☬小編食左咩☬꧂✅ 滷水鵝腸✅黃金大蝦🦐✅香煎蠔仔酪✅魚湯四寶河✅金銀蛋浸菜心(◔◡◔) ♥ 人均傷害💰： $200♥******************************📍@新潮樓九龍灣展貿中心3樓 👣******************************

適逢去九展睇show又未到時間，於是入咗嚟呢間潮州菜食飯😚我哋兩個人本身冇諗住嗌咁多嘢食，但係食下食下就越嚟越開胃，唔覺意都嗌咗唔少嘢食🤣竹笙北菇燉菜膽個湯幾足料，湯底又夠清甜，幾啱食嘢之前飲清一清個口😚滷水鵝片拼滷水墨魚滷水方面我哋兩個人食唔到太多嘢但又想試多啲於是加多$20嚟要鵝片同墨魚🦑 個滷水汁好好味，而鵝片同墨魚都有水準，大家可以一試！香煎蠔仔酪勁鍾意食呢個蠔仔酪，香脆可口又足料，但係記住嗌咗嘅話要趁熱食啊！雖然凍咗都OK，但係炸嘢熱食當然好味好多🤤金銀蛋浸時蔬（西蘭花）招牌吊燒雞（半隻）唔係講笑！呢個吊燒雞係我哋兩個人一致認為係成餐飯嘅highlight!!! 個雞燒到皮脆肉嫩，下次嚟食一定會再叫！福果芋泥個芋泥應該係即叫即整嘅，所以等耐少少先有。不過又真係值得一等嘅🤤 食落唔會太甜，口感又綿滑，加埋上面啲糖漬白果一齊食嘅口感好特別，為餐飯畫上完美嘅句號🥰另外不得不讚，呢度啲Staff全部都好友善，好有禮貌，令到成餐飯都食得好開心😚

新。潮州菜今晚去九展睇戲後附近覓食，上OpenRice 先知有呢間潮州酒家，平時食西餐多，今次就試下中式潮州菜。上到三樓都搵左一陣，餐廳位置較隱蔽，入到酒家，地方很寬躺，menu 菜式選擇多。先嚟一個潮式椒醬肉，滿滿嘅榨菜很開胃潮州菜點少得滷水鵝，鵝片肉有質感👍🏻新潮XO醬海鮮炒飯，炒飯夠乾身，粒粒分明👍🏻👍🏻👍🏻最出色係潮汕梅膏骨，外脆內軟，肉汁滿滿，配上炸紫蘇葉，味美已不膩。👍🏻👍🏻

老公生日月最後一餐飯梗係要食好啲，收工去到九龍灣展覽中心新開嘅新潮樓食晚飯。平日夜晚好少人，幾台客分得好開坐，坐得好舒服。 點咗個滷水鵝片、鵝腸同墨魚三拼，鵝腸爽口好食。老公自細鍾意食翡翠炒帶子，加上XO醬更加惹味。見到有少見菜色蝦子肉碎炆魚肚，魚肚好入味又唔咸。幾飽都食要炒飯嘅老公，對新潮XO醬海鮮炒飯評價係正面嘅，夠鑊氣。而最令我地有驚喜嘅竟然係啫啫蝦乾蝦醬通菜，有好多大大隻蝦乾，師傅手勢好，夠味又鮮香而唔會死咸。竹笙北菇燉菜膽，係好清嘅湯。福果芋泥有好滑嘅芋泥，又有少少芋粒加口感，蜜餞福果有咬口，係完美嘅結束。

近排天氣咁悶熱，諗吓不如食潮州菜，話哂打冷啲菜式唔會熱辣辣，大熱天時食都食得舒服啲，加上餐廳寬敞舒適，菜式夠正宗又好味，真係可以再來食多幾次。今次點左幾款潮州菜，有啲係第一次食，甚有驚喜。 普寧蘿蔔灌漿 : 灌漿係蘿蔔絲加蝦米，用腐皮包住，皮薄炸得脆，蘿蔔灌漿味道很好，每一口都食到一條條蘿蔔絲，很喜歡這款小食。自家製蝦蟹棗 : 蝦棗蟹棗味道都各有特色，兩款都很做得好好味，點上枯仔油，甜甜酸酸將蝦蟹棗鮮味提昇。凍烏頭 : 烏頭大條肉厚，肉質結實彈牙，鮮味十足，點上少許傳統普寧豆醬，啖啖肉好滿足。沙茶牛肉芥蘭 : 沙茶醬調得剛剛好，沙茶味道香濃，唔會太鹹，牛肉好滑好滑，芥蘭亦都爽脆，菜式簡單但食得出用心製作。反沙芋頭 : 呢款甜品極花功夫製作，芋頭炸後再用沙糖不斷翻炒直至反沙，食時外脆內粉軟，係好特別既道甜品。

好耐冇喺九展食晚飯，難得今日就到啲喺附近做嘢嘅朋友，一於一齊去一間新開嘅潮州酒樓食餐飯聚下！滷水鵝片配鵝腸（$188）食潮州菜當然要點滷水菜式，潮式滷水汁通常會用咗花椒、八角等等好多香料，食落好香但又唔會太鹹，鵝片係厚切，啖啖肉好滿足，鵝腸爽脆加酸菜，非常開胃！凍烏頭（$168）打冷必叫菜式之一，好適合夏天食，烏頭魚肉厚得大骨，就怕咬魚骨嘅朋友都食到停唔到，魚肉札實唔腥。普寧蘿蔔灌漿（$68）內餡係爽甜白蘿蔔絲，外面炸到好香，外脆內軟好多汁，蘸埋甜醬汁，好有驚喜！香煎蠔仔酪（$108）煎到外表金黃色，口感香脆有蛋香，蠔仔好大粒，好岩送酒！福果芋泥（$48）雖然已經食飽但點可以唔叫甜品，以前聽老人家講近中秋嘅芋頭係最好食，呢碗福果芋泥寓意吉利，香甜綿密芋泥加上軟糯福果，必點！難得搵到一間坐得舒服又性價比咁高嘅潮州餐廳，店員嘅服務都好貼心，推薦咗好多菜式比我哋，下次要再帶屋企人嚟先得！

已經很久沒有吃過潮州菜了，所以就去了位於九龍灣新開的新潮樓嚐嚐。餐廳地方很大，桌椅之間都很寬敞，空間感十足。裝修用色簡約優雅，屏風、枱布帶中式元素。餐牌食物選擇很多，菜式也很吸引～早午市有提供點心、腸粉。而除了一些常見的潮州菜式外，還有一些比較罕見的菜式，例如梅膏骨和黃酒雞。餐廳可以用QR code下單，也可以職員幫忙下單，即使不懂科技，年紀大一點的人都能照顧到。職員都非常細心，時刻留意到客人需要，服務殷勤。〰️潮州菜必吃的滷水♡滷水鵝片$168 拼 +$20鵝腸+$20$墨魚鵝片肥瘦恰好，鵝味香濃，鵝腸、墨魚也很出色，配上醬汁更加惹味。底部有大量韮菜，浸泡在滷水汁中，非常入味。♡客家黃酒雞(半隻)$138 🥢必點🥢上菜時已經有陣陣的酒香味，湯底用上黃酒、紅棗、木耳等，湯底好香，忍不住都喝了幾口！雞件肉質幼嫩，淡淡酒香，容易入口。♡潮汕梅膏骨$118 🥢必點🥢伴碟很精美✨️山炒骨、沙拉骨就吃得多，第一次嚐梅膏骨，本來都在想用梅會否酸味很重，但吃起來味道不會很酸，而且有梅的香味，再用上肥瘦各半的肉質，口感味道都非常好～♡黃金大蝦🦐$168蝦很大隻，肉質新鮮彈牙。連蝦殼炸的，炸得金黃酥脆，蝦頭

今日去九龍灣EMax 開會，會議完後覓食完才回家🙊在3樓新開左間潮州酒家「新潮樓」地方寛躺，而且2人套餐只是$178，有中式點心，滷水拼盤，炒河粉或粥等..不錯。於是乎今日lunch 就決定吃這間☺️ 點心有口感煙靭的鮑魚足料的燒賣和皮薄的蝦餃各2粒👍🏻滷水雜錦拼盤，有紅腸，墨魚，腩肉，鵝片和鵝亦，花生墊底，滷水汁夠香濃入味，而且份量不少！豉椒雞球炒河粉，河粉夠滑，雞肉鮮嫩，豉椒汁夠惹味！另外加咗一個蠔餅，蠔仔夠大隻份量足夠脆口惹味！

想帶長輩出去食飯，所以想搵一間中菜館，聽朋友講九龍灣國際展覽中心開咗間新嘅潮州菜館，今日於是過嚟試吓。九展停車相當化算，電子消費滿$200即可免費泊車兩小時，食個飯啱啱好兩個鐘夠晒。潮州菜點少得佢嘅滷水，鵝腸夠爽口，豆腐夠入味，鵝片肉質夠靚，不過如果有滷水拼盤就更加好，可以食多幾款唔同滷水。食得多肉，想食多啲海鮮，叫左豉油王煎大蝦，大蝦係新鮮，肉質好實在，而且有陣好似美極既香味，長輩食過都話好食。中菜點可以少得個湯，鹹菜豬肚湯，胡椒味夠濃，但又唔會辣，豬肚夠嫩。

九龍灣展貿中心一直都係行Outlet、睇戲、聽演唱會既好地點，今次睇演唱會之前發掘一間新開既潮州菜，一試之下愛上呢間潮州菜館！💗💗💗💗💗💗💗滷水鵝片、滷水墨魚潮州菜館必食滷水，而呢一間既滷水相當出色，滷得非常入味！鵝片嫩口細滑，一咬即斷，墨魚片都意外爽口彈牙，相當之爽！滷水下伴隨好多花生，小食一流！金銀蛋浸時蔬可以選擇蔬菜底，金銀蛋個人建議浸白菜仔，惹味爽口適合鹹蛋、皮蛋既配搭，而且份量非常之多，相當實惠！潮州炸蠔餅蠔肉份量非常多，而且炸得相當乾脆，食落非常有口感，而且配合特製蠔汁更加提昇一個層次！椒鹽鮮魷大人細路都愛既菜式，炸粉薄但又做到爽脆口感，鮮魷都易咬口！整體黎講食物水準比酒樓級仲要高，而且新裝修奢華舒服，最重要員工服務都非常到位，仲會幫你斟埋茶好體貼用心！

今日相約幾位朋友去九龍灣順便食飯，見到一間位於九展新開嘅潮州餐廳，啱晒我哋鍾意食中餐嘅朋友。餐廳用QR code下單非常方便，叫咗平時好鍾意食嘅滷水鵝腸同鵝片，味道相當唔錯，好入味，鵝腸幾抵食，下面舖滿左滷水豆腐，份量亦都非常多。另外，我地仲叫咗幾樣潮州特色菜，包括烏頭，沾個豆瓣醬食，好開胃。個人比較鍾意佢個竹笙北菇燉菜膽，個湯清清地，個竹笙質素相當唔錯，好適合鍾意食菜既朋友仔。要讚既係上菜速度好快，下次再嚟九龍灣會再幫襯。